Seoul Noodles (電氣道)

營業中

休息中

QR Code自己落單，有套餐或單點選擇，套餐有碗麵或湯飯，泡菜，醃蘿蔔，餃子或紫菜包飯，麵條同李家一樣都係自家製，但係口感好食過李家旗下同類型麵館，亦都沒李家的麵咁滯,佢既蜆湯麵個湯底算清新，飲得出有些微蜆味，最緊要係d蜆無沙，泡菜冷麵微酸&辣辣地，甚開胃，豬肉餃同李家一樣都係用同一間工廠貨就不必比較啦，但係佢d餃&飲品散叫定價都幾貴下.......套餐黎講以$98蚊（未計加一)又唔算話貴，都食得過既

這家韓國料理店真係必試！每一道菜都好有水準，湯飯湯底濃郁，帶點胡椒香，入口暖胃又唔會太鹹，肉質嫩滑，配埋蔥花同辣椒粉，層次感十足。餃子皮薄餡靚，咬落去多汁又唔會膩，完全唔輸比正宗韓國味道。小菜方面，泡菜新鮮爽脆，微辣開胃，蘿蔔醃得入味，酸酸甜甜好解膩。紫菜卷用料足，食落去有芝麻香，口感豐富。每一款都食得出店主用心，環境又乾淨，服務態度好親切，令人食得開心又舒服。下次一定會再嚟支持，推介大家一齊嚟試！👍

炮台山新開張，lunchtime 去試吓，1:00門口排緊隊正常，1:15分入到去，三人叫了三個set, 1:25分兩個set到，兩位開始食，第三個set催了兩次，第二次先話漏左，但係枱面張單，明明有三個set, 等到1:45分終於到，因為lunch 2:00要返公司，所以轉外賣，員工完全沒有一句「sorry,唔好意思」之類的道歉，食物質素好差價錢貴，lunch set加埋一要118元，以後都唔會再去❌❌❌絕對不推薦

我去過好幾間分店，灣仔總店，銅鑼灣中環旺角等等，大部份都係韓國服務生所以無乜期待，但新開的炮台山分店多返幾個香港人，可以溝通得到，而且有微笑有禮貌 會問啱唔啱食呀 小心熱湯呀 講真依d快餐店唔趕你就就算偷笑，所以我覺得這間幾位香港人店員的服務態度值得一提 我嚟咗兩次炮台山分店 第一次食Chicken Noodles 第二次帶埋朋友食Beef Broth Noodles & Spicy Beef Noodles 韓國麵一樣咁煙靭彈牙，麵條份量好似比印象中少，但湯底味道keep到。

重點：1. 性價比低，$98一碗冇咩肉嘅麵，套餐比單點再貴$20，但係多得隻餃子🥲2. 有10%服務費，但水要自己斟，手機自己落單，唯一嘅服務係拎個餐俾你3. 環境嘈吵，位置迫夾4. 建議行多幾步去 Antidote 或者 盤浦見呢間餐廳成日排長龍，今日就約埋啲同事一齊去試試佢。排咗5-10分鐘有得入座，但尷尬嘅係，我哋要坐喺一張長枱嘅中間，所以每次我出入嘅時候，都要叫隔離個陌生人起身行出去，我先出到去。我就叫咗個排骨辣湯麵套餐，加一後$130，賣相正常，包一碗麵，少少泡菜，少少醃蘿蔔，同埋+$20轉套餐包嘅泡菜餃子。冇錯，轉套餐只係多咗隻餃子，仲要個送餐侍應都同我講套餐唔抵食，食落都特別肉痛。個排骨辣湯麵整體味道正常，有三舊排骨，上面冇咩肉，食得好麻煩，唔太建議。論食物質素、環境同服務，我覺得盤浦同Antidote都優勝。自己就私心盤浦，最鐘意食佢哋嘅炒魚餅前菜👍🏻

最近見到新開嘅韓式餐廳，又好似好多人幫襯，抱住好奇心入去試吓。食完之後，唔係好諗得明點解一直呢個價錢會吸引到咁多人。1. 辣牛肉湯麵套餐：前菜方面，泡菜都預咗係鹹，都唔錯。仲有碗凍嘅紫菜飯。主菜辣牛肉湯麵，牛肉係牛肉絲，冇一塊塊嘅，份量算足夠，但係面質方面似烏冬，辣度足夠但冇驚喜。至於豬肉餃子，味道係好嘅，但如果唔叫套餐平均$19一粒，性價比真係唔高。2. 辣墨魚仔拌麵：前菜同樣好味。墨魚仔細細粒，幾有咬口，但整體味道普通，辣度亦係一般，冇太大驚喜。泡菜餃子味道唔錯，但同樣唔係套餐價的話$19一粒，感覺唔太值得。每個套餐$108，另外加咗$15嘅汽水，再加一，埋單270幾蚊。以呢個價錢嚟講，食物質素唔算差，但亦冇特別突出嘅地方，性價比偏低，感覺唔值返個價錢，應該唔會再嚟。我冇事。