sensory ZERO (馬哥孛羅香港酒店)

喺尖沙咀 sensory ZERO 嘆咗個「大滿足早餐」，睇落好吸引，但食落去就真係一般。澳洲 M5+ 和牛放喺多士上面，配啲水果，睇落高級，但牛味唔夠濃，油香唔突出，成個配搭唔太夾，得個樣。反而乳酪配乾果麥片係成餐最好嘅部分，清新唔膩，有啲健康感，食完心情都好啲。煙肉煎得唔錯，唔會太油；薯餅外脆內鬆但味道淡；焗豆罐頭味重；炒蛋滑但冇蛋香，整體都係「正常發揮」。咖啡叫咗杯 latte，拉花靚，味道穩陣，唔算出色但都唔差。HK$238 唔算平，以味道嚟講唔太值。環境舒服，服務有禮，但食物冇驚喜，唔係伏，只係唔滿足。…查看更多

如果鍾意飲朱古力，呢到一定係唔錯嘅選擇！出名嘅「痴 _ 線」朱古力真係好澎湃，多到滿瀉，朱古力奶上面鋪滿咗白朱古力、regular 朱古力、同埋dark chocolate 碎，再加一片朱古力，完全滿足視覺及味覺效果。另外試咗個molten muffin（流心鬆餅蛋糕），楝咗blueberry cheesecake味，坦白講流心效果就唔覺得，但係個Muffin配合cheese cake嘅味道都好balance，係好味嘅。朋友就試咗「喵喵西多配雲呢拿雪糕」，個賣相都幾得意。另外仲叫咗個雞翼做小食，香脆可口。…查看更多

今日中午搵食，來到馬可孛羅酒店連卡佛旁的餐廳sensory ZERO，時間尚早不用排隊，掃QR code落單非常方便，餐單食物選擇不算多，但有質素，另+$10可以選擇餐湯及沙律，咖啡/可樂免費，可以加錢要特色餐飲。是日餐湯 忌廉蘑菇湯慢煮雞胸肉野菌羅勒醬扁意粉我係豆腐飯。唐揚炸雞配黑醋汁 炸豆腐慢煮雞胸肉沙律老婆都話好味，而且非常健康，價錢亦唔算太貴！如果行街太攰可以坐低飲咖啡及食小吃，是一個不錯的選擇，所以路過不要錯過！如果餐廳願意免收加一就會更佳。…查看更多

近年我覺得好飲嘅朱古力☕️Sensory Zero嘅「痴_線朱古力」一定上榜🌟痴_線朱古力朱古力味極濃郁😍佢嘅味道唔係純朱古力帶可可酸果一種，而係加咗牛奶好滑好rich果種～加上面頭鋪滿牛奶朱古力、黑朱古力和白朱古力三種朱古力碎，所以每一啖朱古力嘅濃度和甜度都有些微變化✨平時杯朱古力嘅賣相再澎湃啲，好似滿瀉咁🤣橙香美式咖啡🍊C先生平時都係飲latte多，今次係我慫恿下試其他口味，但佢覺得橙汁mix咖啡唔係佢杯茶🤣🤣貓貓法式多士🍞貓頭造型賣相得意😊軟熟夠蛋香，整體都不錯👍🏻#尖沙咀美食 #尖沙咀打卡 #尖沙咀餐廳#朱古力控 #熱朱古力 #chocolate #chocofever #frenchtoast …查看更多

Sensory Zero 午餐上月中去尖沙咀文化中心聽音樂，預好時間泊車後再去食飯，五點幾鐘餐廳仍然有午餐供應，一於齊齊叫午餐，可以慳返少少錢。南瓜湯清清南瓜味，較為粗糙唔夠creamy，味道及烹調簡單直接，冇乜花巧。慢煮鴨腿linguine Linguine軟硬度適中有口感，慢煮鴨腿味道濃郁，鴨皮無油膩嘅感覺，鴨腿絲肉質層次豐富，雖然係午餐嘅價錢但係份量足夠，汁液量適當味道較清淡，加埋洋蔥矮瓜蕃茄仔增添不少味道。和牛溫泉蛋飯牛肉味滿滿，肉質鮮嫩多汁好好食，和牛肉似用澳洲牛肉，醬汁另上可以任意隨便添加，配上溫泉蛋口味更加豐富無比，珍珠米晶瑩剔透粒粒分明，軟糯有口感。鰻魚滑蛋飯鰻魚飯擺砌精緻簡單，上枱已經香氣撲鼻，鰻魚肉味濃濃，燒汁滲入軟腍鰻魚肉口感十足，滑蛋軟滑好味，雞蛋與白飯夢幻相遇回味無窮。Americano咖啡咖啡濃郁味微酸，冇苦澀味道，屬於一杯有誠意嘅咖啡。Chocolate mocha 咖啡味道稍為淡薄，而朱古力CoCo味都未見突出，咖啡香氣味亦稍薄，CoCo香氣算係可以，屬於普通水準餐廳設計簡約，全開放式嘅擺設，中央有一張長長嘅豬肉枱，非常似我讀書嗰陣時開餐嘅大飯堂模樣。…查看更多