48
1
0
港鐵石門站 C 出口, 步行約2分鐘 繼續閱讀
電話號碼
28184188
營業時間
今日營業
07:00 - 22:45
星期一至日
07:00 - 22:45
公眾假期
07:00 - 22:45
公眾假期前夕
07:00 - 22:45
付款方式
Visa Master 現金 八達通 銀聯
其他資料
網上訂座
酒精飲品
切餅費
電話訂座
有關獎賞計劃
招牌菜
海鮮、火鍋、壽喜燒
食評 (51)
等級4 2020-11-20
358 瀏覽
最近沙田石門開咗間海鮮店💖作為海鮮迷嘅我梗係要即刻去試下啦😁一入到門口就覺得真係好海洋周圍都有船、水泡呀,連燈都係魚型最吸引緊係佢哋兩個主打嘅海鮮餐啦,一個係手抓海鮮餐,一個係火鍋海鮮餐,298蚊有咁多嘢食,我個人嚟講係覺得幾抵,最重要係質素都幾好講咗個手抓海鮮餐先,首先會有是日精選餐湯,我哋今日係龍蝦湯, 龍蝦湯非常濃郁、一啲都唔鹹、好香、好有龍蝦味,非常好飲之後就係嗰個大大盤海鮮啦入面真係有好多嘢,有龍蝦、鮑魚、肉蟹、 翡翠螺、魷魚、草蝦、青口啦揀咗新加坡黑胡椒做調味料胡椒,唔太鹹 少少辣 夠哂香,非常惹味仲有意粉打底 絕對唔使驚唔夠飽另外仲有個火鍋海鮮餐雖然就冇咗個龍蝦湯但係有安格斯肥牛睇落去有雪花,油脂分佈比例好,食落口就知係好野同埋黑豚豬梅肉都係好味既海鮮都係非常新鮮特別係龍蝦,龍蝦膏多肉實仲有鮑魚呢兩杯都係signature佐多角玉梅酒(左)梅香撲鼻,同係日本居酒屋飲ロック割り差不多梨園香梨果酒(右)好清新好refershing好貼心仲有一條大圍裙畀你唔會食到周身都係火鍋調味料都係呢啲啦,不過唔使調味料我都已經覺得走地鮮雞湯好好味最後仲有movenpick雪糕,正斗 繼續閱讀
(以上食評乃用戶個人意見 , 並不代表OpenRice之觀點。)
等級4 2020-11-05
1295 瀏覽
朋友新居入伙,上去踩吓場,然後就落去附近商場搵食。屋主請客,話要食好啲,就建議嚟呢間新開嘅「屎忽鬼」🤪餐廳內部寬敞,座位舒適,仲有啲萬聖節佈置做裝飾,都幾有心思!呢度嘅食物都幾多元化,有手抓海鮮餐,又有火鍋類,冇諗過同一間食肆內,可以同時間食到呢兩款食物,都幾新穎。食熱氣嘢加打邊爐,冇理由唔飲番杯,我哋就叫咗乳酪梳打飲品,分別有水蜜桃味同蘋果味,兩杯都飲落清新唔太甜。手抓海鮮餐會跟餐湯,是日餐湯係南瓜忌廉湯,超大碗,好香南瓜味。呢間餐廳其中一個主打當然係佢嘅手抓海鮮餐,仲有五款調味可供選擇,我哋今次就揀咗港式避風塘小辣。雖然係一人份量,但都超級豐富,包括有龍蝦半隻、肉蟹、鮑魚、扇貝、翡翠螺各一隻、仲有蝦、青口、沙白、魷魚作海鮮,再混入粟米、椰菜、洋蔥、三色椒、意粉,同埋兩大片蒜蓉包,真係好豐富!龍蝦肉脹卜卜,肉蟹超多肉仲好鮮味,每款海鮮同配料配合避風塘嘅炒炸蒜同辣椒香味,相當惹味!餐廳仲會提供手套同濕紙巾俾客人,所以可以直接用手攞住食,唔駛用刀叉咁拘謹,可以更開懷地大吃一餐!食過海鮮大餐之後,就食火鍋類,我哋想食多啲蔬菜,就揀咗壽喜燒。店員首先會替客人用兩顆牛膏起鑊,然後放入洋蔥同大蔥爆香。然後就加少量壽喜燒汁,先以半煎半淥嘅方法烹煮牛肉,呢個做法可以令到肥牛特別甘香可口。食過牛肉同白飯之後,再將其他蔬菜類放入鍋入面一併煮熟,然後再慢慢品嚐。最後以甜甜的Movenpick作結,呢餐真係肚滿腸肥喇😋 繼續閱讀
(以上食評乃用戶個人意見 , 並不代表OpenRice之觀點。)
等級4 2020-11-04
720 瀏覽
兩人到附近的石門區食午飯,揀了一間日式料理的食店。食店位於商場內,前身是一間火鍋店,以前也曾光顧,現在轉為日式料理,訂位時仍是沿用前身的電話號碼。現在的店名頗為滑稽,網上見有諧音而不甚文雅的中文譯名,未知是官方的名字還是網友戲言。適逢萬聖節,店內也稍作應節的佈置。我們要了兩個午市和食,分別是滑蛋吉列豬扒定食 ($68)及吉列海鮮丼 ($68),兩者都包括有一款小食、麵豉湯、飲品及甜品,幾十元就有齊整份套餐了。飲品就要了咖啡及熱檸蜜。滑蛋吉列豬扒定食份量不少,除了有多件吉列豬扒外,還有蛋、雜菌、蕃茄仔及酸蘿蔔。另外,隨餐附送的麵豉湯也味道十足,材料豐富,有豆皮絲、紫菜絲及菜等。小食是帶子裙邊,可說是物盡其用。甜品是蕨餅,裡面是用蕨做成的如蒟蒻的糕點,外面就鋪滿了綠茶粉,不太甜而味道好。吉列海鮮丼更加豐富,有蠔、蝦、帶子粒及魚塊,還有一些菜。雖然蠔身不算大,但味道是不錯的。炸蝦頗為長身,但味道就較為淡。炸帶子粒裡面就有些沙律醬。兩塊炸魚的味道亦較為淡。 繼續閱讀
(以上食評乃用戶個人意見 , 並不代表OpenRice之觀點。)
餐廳:Seafood ghost (沙田)地址:沙田石門安群街3號京瑞廣場一期地下G11號舖一直都想試手抓海鮮好耐,知道石門京瑞廣場一期地下開咗一間新嘅日式海鮮火鍋餐廳🇯🇵,其中主打手抓海鮮🦞,專登同教會嘅朋友一齊去食😋手抓海鮮源自美國南部港口嘅一種流行吃法🇺🇸,首先將海鮮煮熟,之後放哂入一個膠袋,倒入醬汁同調味料再搖勻佢🧂,最後打開直接用手拎住嚟食手抓海鮮餐 $298Seafood Ghost嘅手抓海鮮有五款口味俾你揀,包括新加坡黑胡椒、港式避風塘、泰式香辣🌶、日本南瓜🎃,同埋蒜蓉牛油🧈。朋友叫咗個避風塘小辣,而我食嘅就係黑胡椒味,黑胡椒香濃烈惹味,唔會辣到嗆喉。除咗有羅宋湯同蒜蓉包,食完仲有Mövenpick雪糕😍海鮮方面有龍蝦🦞、肉蟹🦀、草蝦🦐、青口、鮑魚、沙白、魷魚🦑同翡翠螺,仲有意粉同唔同嘅蔬菜🌽,呢個份量絕對係兩個人食都得🙈。不過啲蟹就比較難開,真係再比多啲力氣先得,好彩有膠手套提供,食得方便啲之餘亦更加滋味🤤另一個朋友就叫咗個壽喜燒套餐($238),一個set有8片牛肉🐮,仲有成大盤嘅蔬菜同玉子/飯,食完成個set,飽到佢連雪糕都食唔落😂飲品方面我就叫咗個打卡一流嘅Somersby Apple Cider Crush($48),而兩個朋友就叫咗個勁似cocktail嘅水蜜桃味乳酪梳打飲品🍹($32),一邊飲一邊食海鮮真係一流😎適逢萬聖節,餐廳仲佈置得好有萬聖節氣氛👻,門口一隻兩米高嘅Iron Man仲拎住南瓜燈籠🎃同糖果🍬,同入嚟嘅每一個你玩trick or treat添😆 繼續閱讀
(以上食評乃用戶個人意見 , 並不代表OpenRice之觀點。)
終於又等到出糧日啦🤣放工一於約埋同事出動去搵好野食😋。最近同事發現石門有間專門食海鮮嘅日式餐廳 - Sea Food Ghost 👻 首先個鋪頭名好攪笑,非常有卓頭🤣,餐廳位於石門站一出,京瑞廣場一期地下,沙中線開通左,係鑽石山搭過去都係17分鐘倒,非常方便快捷。餐廳門口擺放左一個1:1人咁大嘅機械人,好鬼搶眼,個個都同機械人影下相打下卡。餐廳地方好大,裝修簡潔,乾淨企理。睇睇餐牌:有手抓海鮮餐($298)火鍋海鮮餐($298)、同壽喜燒套餐($238)。先order一份壽喜燒套餐 - 先送上白飯🍚同粟米湯,套餐有一碟牛肉、一盤配料(蔬菜、豆腐、什菌、葛絲),一隻可生食日本雞蛋,一個壽喜燒鐵器,店員先將鐵器燒熱,再取一粒牛油(牛嘅脂肪)係熱鍋入邊燒熱,將牛油慢慢浸出,再放洋蔥,大蒜增加香氣,將牛肉慢慢放入鐵鍋內,翻兩翻即刻取出(類似鐵板燒做法)蘸入已發匀嘅蛋漿,牛肉質素非常好,入口即溶,非常香滑。食淨半碟牛咁上下,就放入湯底,滾起就放入其他配菜,再將淨餘牛肉放入鍋裏,就成平日食嘅壽喜燒賣相啦😆。我地再order一份手抓海鮮餐(醬料可配:新加坡黑胡椒、港式避風塘、泰式香辣、日本南瓜、蒜蓉牛油),四款配料中我地選左避風塘中辣。嘩,一個木製半月形嘅盤盛載住一大埋海鮮,面頭滿滿嘅炸蒜粒,翻開炸蒜,最突出一定係半隻開邊龍蝦🦞仲有一分為2嘅大蟹🦀、蝦、鮑魚、扇貝、翡翠螺、魷魚圈、大蝦、蜆等等..... 配料有好多炸蒜、三色椒、紫洋蔥、什菜同意粉,成個併盤真係份量十足。海鮮樣樣都好新鮮,最好食一定係龍蝦啦,啖啖肉;其次就係翡翠螺,夠晒大隻,肉質彈牙又有口感,非常鮮甜...Seafood Ghost 👻 日式海鮮餐廳,食物質素好,海鮮夠新鮮,份量又夠多,套餐仲包一杯飲品用movenpick雪糕😋,真係忍唔住要推薦比鍾意食海鮮嘅嘅朋友😋。 繼續閱讀
(以上食評乃用戶個人意見 , 並不代表OpenRice之觀點。)