School Food (已結業)

我係schoolfood嘅最愛有3樣烏卒卒 水冷面 同紳士先生基本上每次都係呢幾個配搭香港真係冇乜第二間韓國野食可以整到咁好食😭😭希望唔好再執了我唔想去到韓國食schoolfood啊下次😭😭講番正提今次叫左啲唔同嘅野係牛肉蛋包飯牛肉略嫌少同鹹

今日和三位同事到太古城School food吃午餐，排左大概10分鐘就有位。午餐餐牌都好吸引，樣樣都好想試，最後叫了個芝海軍艦島（$75），主要係牛肉，午餐肉同炒飯。初頭一睇覺得份量有啲細，但食食吓都覺得幾飽。另外嗰餐仲有小食加飲品再加埋甜品（雪糕糯米糍）。

School Food (太古)太古太古城道18號太古城中心二期1樓136號舖-----曾經紅極一時School food 原本全港有成10間分店 依家已經得返太古同屯門先有lu~ 好耐無食 就黎懷念一下以前ge味道😋B仔最愛ge依然係呢款紳士先生（$65) 充滿濃濃蛋香ge外層 加埋煎得香脆ge午餐肉 開胃ge微辣蘿蔔條 同邪惡ge拉絲芝士🤤🤤真係heavy得黎又好正～希望淨低個兩間唔好咁快執住🙊-----👶🏻B仔整體評價：8.5/10個👍🏻👶🏻B仔抵食程度：7/10個👍🏻👶🏻B仔環境評分：7/10個👍🏻👶🏻B仔味道評分：8.5/個👍🏻(雖然好味 食多會膩😂）👶🏻B仔回頭機會：8.5/10個👍🏻-----

小編都幾鍾意食school food，覺得佢都算平靚正，可惜越執越少，宜家得返幾間分店 不過佢嘅食物質素係有啲飄忽，個menu好食同中伏機率都有4比1😂小編最鍾意食佢個紳士先生，係蛋卷黎，入面有芝士，泡菜同類似午餐肉咁嘅野。一舊一舊咁樣擺入口真係超級滿足呀！！ 重點係價錢唔貴，成日都想入去嗌一碟自己食哂😂其他卷唔錯嘅，不過就冇紳士先生咁出色。個冷麵幾好食，啲肉好多同埋入味，夾埋個麵平衡返個味道。不過個麵有啲太煙韌，要咬好多下先爛😂個薄餅就有少少中伏，個底勁薄，但面頭又咁多料，好難去食，同埋個底同啲料係分開咁整，變左食落有啲奇怪。個炒烏冬尚可接受，味道就一般，不過個烏冬本身幾彈牙，啲肉都幾好味嘅。個芝士排骨就得個樣😂 個肉偏淡，唔知點解同個芝士唔係好夾咁。

宜家school food執左好多間，有日係太古約左朋友行街見到呢度仲有school food,就二話不說去食。呢間school food都好多人等，我地都等左半個鐘先入到去。我地被安排坐係近溜冰場嘅座位，好凍。當日又咁啱溜冰場有活動，有d嘈。準備去呢間school food食野嘅朋友要注意啊。我地叫左一個韓式壽司同一個石鍋飯。兩者都好好食，韓式壽司都有好多料，口感豐富好食。石鍋飯正常，份量足夠。希望school food繼續做落去啦。

今日晏就同左老細去太古城食lunch，順便出去買公司嘢。去到有幾個人排隊，我地攞左張8號飛，大概30分鐘到就有位。Lunchset都幾多選擇，年糕意粉、飯、拉麵都有，我最後決定食炸雞bimbimbap。佢包埋一個前菜同飲品，今日嘅特飲係柑橘茶，淡淡柑橘香味，唔假。至於前菜，可以揀炸泡菜餃子或者蟹柳蛋捲，老細嘅炸餃子外型特別，類似小籠包咁，薄薄嘅炸皮包住泡菜豬肉餡。我嘅蟹柳蛋捲就係冷盤，有兩小塊，蛋皮食到應該有芝士，包住蟹柳，不過蛋捲就比較乾，炸餃子贏左。到主食，炸雞有四塊，拌菜嘅款色比我想像中多，包括青瓜、粟米、紫菜、椰菜、紫椰菜、仲有一隻類似菌類爽爽地啡色一條條。炸雞新鮮熱，甜辣醬味道濃，都頗辣，配埋飯就剛剛好。紫椰菜同有d拌菜係酸酸地，都幾開胃，平衡返成個飯。拌菜同飯嘅份量都超級多！懷疑有兩碗半咁多哈哈，我一個人都食唔晒，最後比左$1打包返屋企。其實個Lunchset仲包甜品架，但係好似店員同我地都唔記得左就埋單走左嚕，可能亦因為Lunchtime多人啦，不過見到其他檯好似係兩塊水果hehe

最初開店的School Food 🥘 我是捧場客，無論是沙律🥗或者是飯卷都做得認真又出色，是我的至愛😍但後來發覺越做越差，味道和最初完全兩回事，最後放棄幫襯😩今天忽然很想食辣炒年糕和紫菜飯卷，心大心細決定再幫襯多次。今次感覺水準回來了，火焰卡邦尼年糕都幾辣🥵嚐辣的朋友不要錯過🌶紅葉花卷內是蟹柳、蘿蔔漬物和紫蘇，爽口裡帶著清香，又有一點點鮮味，想必是蟹柳的原故😋總括而言，今次沒有失望，希望以後能保持水準啦😁

一得閒就會特登走黎太古school food食下野呢間韓國菜餐廳係我唯一一間覺得好食嘅韓國餐廳食物品質好 隔離又有溜冰場可以欣賞人溜冰真係一個價錢 兩種享受先講下我的最愛水冷面真係黎親都會叫酸酸甜甜辣辣咁而佢嘅冰令佢味覺上冇咁辣面質就係好幼細 好入味好爽口彈牙嘅感覺衷心希望佢可以開多啲分店等我以後都有得食😢😢😢呢個係豬頸肉拌飯一上枱就勁香温泉蛋就得蛋黃係流心嘅撈埋之後感覺都幾膩 而且太甜 一餐韓國菜又點少得卷物呢烏卒卒同紳士先生都係我嘅心頭好紳士先生(餐肉蛋卷)口味就淡啲烏卒卒就多啲甜味同入面章魚嘅口感豐富啲而且手卷下面仲會有啲白色嘅醬我唔肯定係啲咩 但有啲似沙律醬

位置喺溜冰場隔離餐廳比較細 2人位快有位琴日一行6人 7點等位等咗半個鐘左右屋企人第一次食 佢哋都好滿意份量唔算大 價錢接受到烤牛肉芝士拉麵的拉麵麵太淋叻叻豬飯 夠熱辣雞翼芝士都好辣 但真係好好食炸嘢拼盤普通 粉漿太多韓式sushi芝士年糕總結係唔錯的 屋企人都讚 但由於份量真係比較小 大家七八成飽

Lunch去左太古既school food食，見到都多人排隊，應該不錯啦，點知中伏，唉。。。點了set餐，有一個小食、一個主食、一杯餐飲。小食太細份，兩粒蛋皮包蟹柳仔，加埋都無4cm長，無影相。主食點了蛋花飛魚子鐵鍋飯，等左15mins以上才來，都算啦，點知超細份，仲要無乜料，9成9係白飯+蛋為主，得好少好少好少好少蟹子同醬菜⋯⋯同埋一杯普通無乜味的柚子紅茶，加埋一收$77。呢個價錢真係有大把更好的選擇！我會blacklist呢間野，無下次😓

School food真係幾時都咁好食，成日同男朋友諗唔到食咩就會去左呢度食，佢既飯卷隻隻都好有水準，平時我都唔鐘意食飯，不過食佢既飯卷我又ok，岩岩放完工兩個諗唔到食咩又去左喇。唔知點解梗係覺得食飯卷又有味，但都會健康d，可能均衡飲食掛。今次叫左校園花卷，之前食開魷魚卷、午餐肉卷，見佢有新野就試下，佢入面既牛肉同芝士真係好好味，牛肉炒得好香，入口又唔乾，外面層蛋又夠滑，我覺得好似食蛋包飯咁。之後仲叫左個脆味樂園，話就話想健康點，不過見隔離枱個碟幾靚，所以都係叫左。好好食呀又炸得好香，估唔到呢間韓國野整呢啲都幾有水準。

個人本身唔係話好鐘意食韓國野，但聽朋友講school food係平民同好食，最重要係夠飽cp值夠高，所以就把心一橫去試試。餐廳唔算太大間，座位都唔算多，同朋友在黃金晚飯時間去食都要排隊等位。餐廳起溜冰場隔離，可以邊食邊睇人溜冰。

突然好想食紫菜包飯，印象中銅鑼灣時代廣場有一間，原來已經執左！同埋發覺呢間野絕大部分都辣，以前都唔覺有咁多辣嘢⋯⋯呢款係少有不辣的紫菜包飯，入面有牛榜，好似幾健康咁，食物味道都非常之好～不過塊紫菜就好難咬開，有點『un』，吃得有點吃力。呢個份量其實一人食兩碟都唔成問題。呢個撈麵睇落去色水好深，但竟然是冇味的！沒什麼香味或咸味，只能腦補味道⋯⋯口感是不錯的，麵有咬口，汁都夠多易入口，但為什麼會沒味道的？呢set炸物要$9x但因為食物種類不多，想食熱氣嘢就焗住要叫呢盤份量少又唔值嘅炸物拼盤⋯⋯食落係香口好味嘅，尤其是炸尤魚。不過真心唔應該呢個價⋯⋯熱紅棗茶好喝，不過份量有點少，兩口喝光～

是日K-Lunch with colleague at School Food.. 呢間野見就見過好多次.. 食都係第一次😆小食 + 主菜 + 餐飲 為之套餐小食：蟹柳芝士蛋卷..得2舊.. 一野就食左.. 平平無奇所以冇影到😂主菜：白之戀人 （雞肉 蘑菇 年糕 意粉）最特別係卡邦尼汁o既年糕.. crossover 效果唔錯呀.. 年糕有咬口.. 唔會太漏又夠飽肚芝海軍艦島 （牛肉 餐肉 炒飯）餐肉撈牛肉怪怪地咁，但圍住邊個d其實係係芝士.. 撈埋飯食一流.. 🙂凍蜜桃茶

很久沒有去School Food 開餐了，以前經常會去九龍灣德福分店的School Food，往往都要排長龍，今天行過太古城，不用等位，可以一個人好好享受一下韓式晚餐了。今天點了火焰卡邦尼年糕、烤牛肉芝士湯拉麵和韓國海特啤酒。一向很喜歡吃他們的火焰卡邦尼年糕，味道非常惹味可口，辣辣甜甜的味道相當吸引，如果不能吃辣的巴打們，就不要點這道菜了。至於烤牛肉芝士湯拉麵，牛肉很硬，很普通的拉麵，下次都是吃韓花卷。