18
20
1
港鐵元朗站 A 出口, 步行約7分鐘
繼續閱讀
電話號碼
26610268
營業時間
星期一至日
14:00 - 23:00
以上資料只供參考, 請與餐廳確認詳情
之前已經聽過元朗食街附近有Tiffany Blue雪糕，個日同朋友經過見佢有開，就決定試下。雪糕口味每日唔同，果日有三款選擇，包括海鹽藍雲呢拿、熱情果乳酪同扭紋（海鹽藍雲呢拿X熱情果乳酪）。我揀左店鋪嘅招牌口味海鹽藍雲呢拿雪糕，而朋友就揀左熱情果乳酪。珍寶筒同迷你筒只係相差五蚊，甜品控當然揀珍寶筒。攞到雪糕第一時間打卡，因為Tiffany Blue顏色的確好靚，而且出面好少有呢種顔色嘅雪糕。影完就即刻試下味道如何，雪糕唔算好甜，雲呢拿味亦唔係好重，反而係每啖都有海鹽味，一入口似普通雪糕，但慢慢d海鹽味會散發出黎，好特別。可能有人會覺得咸嘅雪糕好奇怪，但海鹽同雲呢拿雪糕出奇地夾，完全無違和感。此外，雪糕好幼滑亦值得一讚！至於朋友嘅熱情果乳酪味雪糕就比較普通，我比較鐘意創新嘅海鹽藍雲呢拿雪糕，味道令人非常難忘！$25可以食到咁高水準嘅雪糕，仲有印花儲，我有機會一定會再光顧！
繼續閱讀
世人都阻止唔到黑糖嘅發展了，繼黑糖珍奶後，呢間小店推出左黑糖珍珠雪糕，襯週末去元朗就試一試。好耐之前光顧過一次買飲料，之後經常推出啲造型吸睛嘅雪糕，都引唔起購買慾，反而因為黑糖，我來了，鋪頭都充斥住黑糖味。黑糖珍珠髒髒杯有兩款，分普通杯、升級杯，以特濃鮮奶雪糕為基底，前者加黑糖醬、黑糖珍珠；後者係額外有威化餅同蛋卷，定價$32/38。就咁睇餐牌照片，感覺上普通杯嘅份量細大半，C9心態，我就揀左大杯裝。黑糖珍珠髒髒 $38/升級杯雪糕到手幾有份量，有好奇心想試，但又得一個人食最好點細杯。賣相同圖片相符，幾有心製作黑糖掛杯，因為杯邊紋路係好完整一圈圈的，後面會睇得比較清楚，貫徹小店好多出品都為相機食先而設。先講欣賞嘅地方，威化同蛋卷係脆的，亦冇平價蛋卷味雪糕份量唧得多，滿滿一杯，面頭嘅便便形保持得到，但底層嘅雪糕基本上已融化。雖然話係特濃鮮奶味，實際上奶味唔係太重，反而只有一股死甜。最出事係質地，厚厚實實，每一啖都好膩，寧願做得輕盈啲更好黑糖珍珠偏細粒，部份煙韌，部份個芯係硬的，甜度偏高。餐牌：
繼續閱讀
食完碗麵，周圍行吓又搵到正嘢！美人魚雪糕！好多人買好多人排隊，仲好多人喺度影相！好似大明星嚟咗一樣！不過無可否認你部雪糕真係好靚，係我人生見過最靚嘅雪糕！其實他們這裏的雪糕都有三款選擇，美少女戰士同埋小王子！我就揀咗隻杯美人魚！其實真係有啲唔捨得食落去！甜到剛剛好，啱晒香港人口味！ 不過可能天氣太熱，影咗一輪相之後開始有點溶！美人魚餅貝殼餅全部都食得，味道也剛剛好！雪糕筒我就覺得唔夠脆，少了一份牛油的香味！
繼續閱讀
I heard about this a while ago. As a Sailor moon fanatic, of course I have to try it out!I went there on a Sunday, it was pretty empty so I didn’t need to queue which was good.I ordered the Moon Coronation in a cone, there were two flavours to choose or you can have both. I went for the blue vanilla sea salt (same as the poster).The decorative toppings were very cute! The artwork of the brooch was made by icing sugar and a piece of Oreo biscuit, cute but too sweet for me, and the wand was made with icing sugar and Perez stick. Thumbs up for the creativities but taste was basically like eating sugar. For the ice cream itself, very creamy, not too sweet, I can taste a hint of saltiness so it was not too overwhelming. Overall, 10 out of 10 for the creativities and the likeness of the designs. As for the taste, the toppings I barely ate them, too much sugar for one person, but the ice cream is delicious and colour is beautiful. I think $45 is a bit pricy for an ice cream, even with the special toppings. Worth to try once for the Moon Coronation, but might visit again only for the ice cream.-----------------------End of Review-----------------------If you find my reviews are useful, please subscribe to my channel and join me on my food journey
繼續閱讀
近呢幾年美士女戰士大熱回歸，不同的品牌推出同美少女Crossover商品，不停地吸精同吸金。呢估熱潮仲去到元朗又新街的一間小雪糕店。雪糕店有兩款主題雪糕，除左仿效美少女戰士的月之加冕外，更有美人魚之淚。個日有海鹽藍雲呢拿雪糕及熱情果乳酪可以選擇，如果兩種味道都想試的，仲可以揀扭紋tim~當落單及付款後，姐姐就會即刻係後面準備。為左影相效果，我揀左海鹽藍雲呢拿味。同一般雲尼拿味不同的地方係入口個下係鹹鹹地，鍾唔鍾意就好個人了。如果你未試過的，我覺得值得一試。雪糕質感方面都幾幼滑，而且無加太多的添加劑，所以溶化的速度都幾快，所以影完幾張相就好食了。食到窩夫筒，稱不上脆口，不過都幾鬆化。美少女變身器為OREO餅加糖膠、權杖係百力枝加糖膠、羽毛翼係糖膠。糖膠我就無咩興趣，所以淨係食D餅。雪糕店仲提供不同的解渴飲品，大家口渴時可以邊飲邊食雪糕。==============================鍾意我的分享的，我邀請你訂閲我的食評，我會繼續與大家繼續發掘有咩CP高的冰糧！(敬禮)
繼續閱讀