83
24
16
港鐵天后站 A2 出口, 步行約5分鐘
電話號碼
2503 3222
開飯介紹
靈感來自的法國薩伏伊別墅,餐廳充滿真正的熱情完美。餐廳位於天后心臟地帶,充滿了享受和放鬆的感覺,是一個和諧結合的溫泉和餐廳。 繼續閱讀
營業時間
星期一至五: 12:00-23:30 星期六及日: 11:30-23:30
付款方式
Visa Master AE 現金
座位數目
55
其他資料
Wi-Fi
酒精飲品
自帶酒水 詳細介紹
泊車 詳細介紹
電話訂座 詳細介紹
加一服務費
室外座位
招牌菜
北海道帶子薄片配黑松露天使冷麵 生蠔拼盤 香草焗意大利芝士羊架 香煎法國鵝肝配蘋果蓉果醋汁 頂級美國純天然安格斯肉眼扒
食評 (132)
新晉食家 2016-11-04
910 瀏覽
假日既中午同朋友黎到天后食午餐,原本想食既餐廳已經滿座,亂咁行見到SB吸引既粉藍色既外牆..食物價錢都吾貴時,就決定入去試下。小妹好中意牆上呢個logo...午市套餐包括蒜蓉包、餐湯、沙律、主菜同店內特製既凍橙茶,要其他飲品就要另外收錢啦。開頭小妹覺得幾驚訝..平時叫set meal 都系湯或沙律二選其一,呢度竟然包晒兩樣😱 真系第一次見🤔🤔小妹簡左個 燒韓式泡菜雞漢堡配薯條 ($78),朋友就簡左 慢煮三文魚柳($88)。另外跟餐可以加錢配小食,我地一人加左一樣,分別系 黑松露單骨雞翼 同 車打芝士焗大蘑菇。首先上左飲品,我地都簡左凍橙茶。味道其實比我感覺似檸茶多d...但都飲得出橙味既,不過略嫌吾系幾凍。跟住就系前菜啦..一個長碟裝晒三樣野,睇落份量吾算好多,但其實食晒三樣都飽飽地😂個忌廉湯比較稀,味道淡,吾夠濃郁。沙律反而有驚喜,因為個醬汁系好清新、酸酸甜甜既柚子醋,好開胃👍🏻👍🏻單骨雞翼炸得香脆,小妹認為一定要擠檸檬汁先食,如果吾系就會好乾同膩。大蘑菇...芝士拉絲好正呀😍個菇好鮮嫩多汁😋😋黎到主菜啦..個漢堡份量十足😱 好大個呀😱😱雞排好大塊好厚,肉質吾「鞋口」,配上酸酸地既泡菜同微辣既醬汁,都幾惹味。薯條好脆,裡面滿滿既薯蓉👍🏻朋友既三文魚..賣相就比較簡單,但比較特別既系佢用左炸魚皮做裝飾,都幾有藝術感。另外,紅椒同黃椒為呢道菜添左少少色彩。慢煮既三文魚冇咩調味..幾健康,而且仲可以品嘗到魚肉既原有既鮮味。總括來說,小妹都幾滿意呢餐飯。價錢適中,質素都吾算差,環境同裝修好有懷舊復古感。 繼續閱讀
(以上食評乃用戶個人意見 , 並不代表OpenRice之觀點。)
見習食家 2016-10-15
968 瀏覽
Groupon coupon, Great dinner and high quality, the place is good and silent w/ crowd of the district. Each dish is tasty especially the juicy of steak! This dinner was for my birthday dinner and it postponed until today. Excellent! 繼續閱讀
(以上食評乃用戶個人意見 , 並不代表OpenRice之觀點。)
新晉食家 2016-10-07
816 瀏覽
今日同同事食lunch, 黎到呢間環境不錯的西餐廳~幾舒服 幾relax好鍾意呢度既午餐會送埋湯同蒜蓉包!忌廉湯幾滑幾香~ 蒜蓉包沾進湯裡食,好味!食完都飽左一半~吹左幾次,最後等左接近20分鐘,我地既主菜先到我叫左泡菜雞漢堡飽跟薯條,雞係炸雞扒,味道有點似韓式炸雞,不過唔辣的。配合酸酸微辣的泡菜,味道特別,但不會難接受。份量好大!薯條卻唔熱,唔好食!同事的牛肉漢堡更是唔暖的,令人難以接受!希望餐廳能改善送餐速度和食物質素! 繼續閱讀
(以上食評乃用戶個人意見 , 並不代表OpenRice之觀點。)
入門食家 2016-09-18
564 瀏覽
買左個幾平的團購,有好多嘢食,不過,總括來說,如果是團購價錢就ok,。但如果用正價,就有好多其他餐廳選擇。首先係蠔,都幾新鮮,個盆仲好靚,會轉顏色。餐湯好似茶餐廳的白湯,無蘑菇的。反而蒜蓉包幾好食。 沙律菜都好新鮮。主菜一般般啦,團購預左主菜係甘上下。牛扒有根所以有啲難咬。叫5成熟的牛扒,煮到8成熟,都無咩所謂。配菜燒番茄反而幾好食,但用上 茶餐廳嘅波浪薯條,個感覺又怪怪地。意粉一般般啦,好大胡椒粉味,係白胡椒粉味,不是黑椒。最正都係個甜品,好好味好滑。總括,高級茶餐廳。坐得舒服,可以坐好耐。 繼續閱讀
(以上食評乃用戶個人意見 , 並不代表OpenRice之觀點。)
同事之前試過依間餐廳,話個漢堡味道唔錯且份量唔細,今日就即日打電話去book枱啦~ 去到餐廳時,佢地話冇我地book枱資料,但我明明都係早個幾鐘前先打過去,但好在佢話依家都有枱比我地,而且仲可以坐係房入面,冇咁嘈~ 坐低後,我選左陽光牛肉漢堡飽跟薯條餐,有蒜蓉包,餐湯,沙律及凍橙茶~ 蒜蓉包既顏色同平時有d唔同,呈橙色,蒜蓉味略為唔夠,但口感都算香脆~ 而餐湯係忌廉湯,味道都唔錯,入口都幾滑~ 沙律味道帶少少酸味,令人好開胃,而且還有一至兩粒生果係沙律入面,好鍾意~ 牛肉漢堡份量唔細,但牛肉質感有d硬,唔夠滑,令人有d失望,但個醬汁味道都唔錯,而薯條係我愛食既粗薯條,炸得好香脆且不會過火~ 凍橙茶味道ok,茶味都算濃,但唔算太特別~ 可能對餐廳既期望太高,主菜既牛肉令我有d失望,但其他食物既味道都唔錯~ 希望下次再黎可以食到同事所讚既質素~ 繼續閱讀
(以上食評乃用戶個人意見 , 並不代表OpenRice之觀點。)