Savour Cafe

營業中

休息中

我不時都會來這一間餐廳，雖然位置相對遠離大街，但就是這種靜，讓它成為一個吃飯聊天的好地方🥰這間西餐廳有一邊有卡位和落地窗，如果想坐這些卡位，最好預先訂位。餐廳也貼心的在桌上放上一支花🌷，晚上又會點上蠟燭🕯️，很有情調哦！這間西餐廳的食物質素很不錯，不論是牛扒、羊架、或是我這天吃的豬扒，味道都很好😋。這裏沒有薯菜的選項，只可以選薯條或者淨菜。薯條的份量很多，淨菜也是一個非常健康的選擇👍🏻價錢合理。餐飲方面，可以選擇飲凍朱古力，這是我的至愛😍

去開元朗的話，可以一試元朗呢間隱世西餐廳。地點不算太難找到，但人流唔算多，平日與朋友晚餐，可不限時慢慢傾，慢慢享用。而且，餐廳環境不俗，座位舒服，感覺似高級西餐廳，平民價錢。首先，蒜蓉包配餐湯，蒜蓉包同個湯好味; 今次我自己點左份豬柳扒Set，豬扒Juicy，味道夠，配上海量薯條，份量夠晒大，我一個人都食唔晒成個餐😂見到朋友點既菜式都精緻，見到每一款菜式都有廚師用心製作，色香味俱全，性價比高值得推介。味道：⭐️⭐️⭐️⭐️環境：⭐️⭐️⭐️⭐️服務：⭐️⭐️⭐️⭐️⭐️

一入去餐廳覺得好grand 餐桌擺設好整齊 首先會送上麵包 而且燈光較暗 營造出高級感 令人感覺舒適Mushroom soup 🥣 (10/10)今日鼻塞都飲到濃濃嘅mushroom 味 物超所值Dinner set🍽️ 牛扒餐 (10/10)一黎到係超大份牛扒 肉汁鮮嫩多汁 再配上餐廳🍴特有嘅醬料 令層次更上一層樓 不得不提忌廉薯蓉 香滑鬆軟 濃濃嘅忌廉香 完全係入口即溶 配菜份量亦好多 烤得啱啱好 成碟菜再加上少許香草🌿 提升味道！

本來想同媽咪去另一間餐廳食但點知果間6點先開誤打誤撞黎左呢間食！入到黎 覺得冷氣小小凍 叫侍應幫手熄一熄佢地都好隨和幫手野食價格係中上價錢叫左兩個set menu一個雞胸 一個係豬豬果個真係好juicy 😋😋😋食得出好有心機煮個雞胸煮得唔鞋 好食！個汁我記得係蜜糖梅子竟然好夾 好惹味😋朱古力雖然無拉花 但都飲得出好有心機整 好香好好味 Pizza就麻麻地d雜菜🤣因為係唔太鍾意既菜類 係紅椒 茄子 蕃茄等 但個餅底就真係好食餐廳情調都好好 音樂好多都係老歌既英文歌好似去左外國咁轉晚市既時候仲會點蠟燭！ 我會再黎食！！！第一次覺得有心機到想比好評 讚

有一天，無意經過發現這間隱世餐廳，環境舒適清幽，而且色香味俱全。餐牌上每款菜式都適合香港人大眾口味，價錢亦十分合理。🌟蘑菇忌廉湯+餐包老牌西餐廳的經典前菜配搭，讓人回憶起童年。小編就是喜歡簡單單純味道的甜餐包，口感軟綿綿，而且方便手撕食用。蘑菇忌廉湯亦香滑濃郁，每口都感受到粒粒蘑菇肉，口感十足。🌟烤牛肉配三色椒香草牛肉汁意粉牛肉細嫩，再加入香菇、三色椒，令味道口感更加豐富，更加清新。意粉軟硬度剛好，再吸收了牛肉濃汁的精華，整體十分惹味，讓人一試難忘。味道：8/10環境：7.5/10性價比：7.5/10回頭度：7/10

位於元朗達輝徑有間西餐廳叫Savour Cafe, 就咁從外邊睇落去都幾好情調㗎，又可以坐出面或者入面，平安夜同屋企人去食聖誕大餐，佢嘅價錢唔會太貴，但係味道好好，蘑菇忌廉餐湯，打磨出嚟，好creamery, 配上佢即刻焗出嚟嘅蒜蓉包，好夾，另外一定要試佢嘅小食啤酒炸洋蔥圈，唔飲酒嘅朋友都冇問題，啤酒味好輕，依個小食喺元朗我印象中好少，好香口惹味，西冷牛扒，我叫6成，好正啊，好有牛味，外面烤得好香，入面仲好Juice，其實佢全晚最令人驚喜係素食意粉，黑松露味撲鼻而來，個大啡菇多汁，就算唔係食開齋都鍾意，聖誕節過咗仲有除夕新年，大家可以嚟試下

與愛人從相識到開始，在這餐廳充滿著許多回憶，今天的紀念倒都在婚後才第一次來，擔心著寬別多時，質素會否仍在餐廳的浪漫氣氛依舊，即使經過多年也不會殘殘舊舊的紅湯依然夠香濃，辣度剛好，外出食飯我多數不會選紅湯，這裡是例外，白湯的濃稠感也剛好，保持水準主菜是羊T骨，嫩滑程度與羊架相約，羶味不多，意粉增加蒜味會更完美豬肉眼是今晚令我和愛人最驚喜的一道菜，肉質是帶爽滑而又淋，好難想像豬肉會一絲鞋嘅感覺都冇配上的白汁意大利飯質感也不錯朱古力水準也保持到，令人滿意的一餐想不到兩年沒來，質素還是領先元朗大多西餐廳，保持好的食物水準就如保持初心一樣不容易，希望與愛人的紀念日也可以繼續嚐到高質的一餐

餐廳名：Savour Cafe元朗隱世西餐廳，我由豐年路輕鐵站行過去，大約行10分鐘。果度環境優美，座位舒服，感覺似高級西餐廳，平民價錢，同朋友同事喺度食lunch，一邊傾偈，一邊享受美食，個湯好好飲，每一款菜式都有廚師用心製作，色香味俱全，絕對係打卡勝地。電話：24422111營業時間：1200-2300味道：4.6/5環境：4.5/5服務：4/5人均消費$100ps: 餐廳星期日放假#美食推介 #美食點評 #香港

有日去哩間餐廳下午茶，發現哩間餐廳服務很殷勤，食物質素很好，而且價錢唔貴，坐得舒服。之後，於是訂位食結婚週年飯，當晚環境氣氛浪漫，食物充足有餘，兩人慢慢品嚐，甚覺欣賞。心太軟做得很好味，朱古力濃、流心、唔太甜，好正。最後飲埋杯Mocha,朱古力濃，好正。

又係一年一度嘅生日聚餐🥳！2019年就社會運動...2020年就武漢肺炎...所以食呢餐飯足足等咗一年，真係好期待！好特別！好難忘！🤪平時嚟呢度多數都係食晚餐，貪佢可以開支靚酒🍾同朋友慢慢傾偈，慢慢嘆晚餐🥂！但係今次就特別啲食lunch，咁當然晚餐一定浪漫🌹好多啦！哈哈！今日lunch set跟忌廉蘑菇湯，好鍾意咁樣打爛嘅蘑菇，真材實料而且一粒粒好有口感！個豬鞍有少少焦，反而更香同埋肉質鮮嫩！羊架七成熟啱啱好，最後個石斑意粉，小朋友話啲汁超好味，最後成碟食晒！重頭戲當然係呢度嘅甜品啦！每次嚟都要食兩至三個甜品先肯走！今次好友預備左心太軟同埋木糠布甸，減緊肥嘅我都忍唔住全部秒殺！

savour 係元朗真係好多年！但一直都無食過一黎平時好少黎大坑渠依邊，二黎元朗西餐黎講savour 真係貴d今次先試下lunch 質素weekend 都有lunch set 唔錯～叫左一個意粉一個burger ~等左一陣先上餐包，好熱！！！真係即時翻熱到熱辣辣先上盤，加分位！！提子包焗到外脆內軟～帶有少少黑糖味餐湯又係勁熱上碟～ 依間上碟溫度真係好好！ 全部都熱辣辣，連埋之後既主食都係蕃茄味唔算出，又唔係羅宋湯既酸辣～ 所以味道淡左d, 但d 雜菜份量都幾多burger 係好大份！！塊肉係勁厚身事前已經問左餐廳肉入面有無洋蔥，係無既先放心叫漢堡口感好好，唔會太實，但又唔係太鬆散，而且筋肉均勻，增加咬口～包皮都烘過，好脆身，而且係佈滿勁多芝麻，所以食落好香芝麻味～～沙律都好大份～蕃茄仔，沙律菜都算新鮮，但未食到新鮮甜味～加埋黑醋先覺得岩岩好到意粉啦～～又係超大份！！如果兩個女仔可能食一個餐都飽啦！火腿同露荀都好多～～本身意粉唔太夠味，但配埋ham 同露荀就平衝番～其實意粉口感都唔錯，只係太乾，雖然佢寫乾炒但都係太乾淨淨左d, 食到一半有d 滯了最後點埋杯啡試下～咖啡味好香濃，但飲落又唔

兩年前我嘅生日，我班姊妹請我喺度食生日飯，過咗一個好開心嘅生日。兩年後輪到我請返其他朋友喺度食生日飯第二次嚟食，餐廳仲係 一樣咁靚，服務態度一樣咁好，侍應安排咗我哋兩個坐窗口邊嘅位，可以望到出面嘅景色，好舒服環境真係一流，好浪漫，燈光昏暗坐得舒適侍應幫我哋 落咗order之後，等咗一陣，蒜蓉包同埋餐湯就上枱了個湯望落去好靚， 飲落都有味覺嘅衝擊，因為食得出係將一啲菇菌類砌到好細粒，放落啲湯度一齊煮， 一邊飲啲湯一邊食到啲好細粒嘅蘑菇 趁熱辣辣飲曬佢就最好個蒜蓉包有兩片，好大一片食落都好香脆， 因為一淋咗就唔好食，唯一美中不足嘅係略嫌啲蒜蓉味唔夠濃食到一半，我將舊包浸咗落啲湯度一齊食咁樣仲好味過咗一陣，主菜終於上來了朋友個胃唔係幾舒服所以食清淡啲佢叫咗凱撒沙律，我就要食飯先飽肚所以叫咗個焗龍脷柳配藜麥飯。我試咗一啖朋友嘅沙律，味道好夠係一度味道比較偏重嘅沙律，啲菜亦好新鮮，蝦亦都好爽口好大粒不過朋友覺得沙律啲醋味太重，所以令到啲沙律食落有少少酸我自己就覺得味道適中，因人而異啦，如果鍾意食濃味嘢嘅人應該會接受到。至於我個焗龍利柳 就好好食，魚肉好夠淋，成一大塊真係好夠份量煮得亦啱啱好，唔會

這間餐廳的外觀不錯，室外位置看來挺有風情和舒適，又沒有車來車往，但天氣太炎熱，還是選擇進內。午餐的人不多，但送菜的時間都較慢。幸好一開始有餐包和洋蔥湯，稍微填一填空肚子。洋蔥湯不過不失，不是想像中的濃湯，感覺挺新鮮。另外叫了紐西蘭牛肉眼，要3成熟。等了很久，滿心期待，當牛扒一來，一看外表就知道熟得過份，還有一半是燒焦了。結果裡面是8成熟，表示非常失望牛扒的火候難控制但也不至於如此差⋯用這價錢吃如此貨色，超級不值！配的醬汁也是一般。

話說小妹同朋友仔行完山，朋友仔好堅持嚟到呢間店食我哋嘅lunch + tea + dinner，於是就嚟咗試啦，店嘅環境不錯，到達時都有不少客人點紅酒用餐，相當寫意，而餐方面。。。小妹對西餐確實係嘴刁嘅炸魚薯條新鮮，炸得不錯，豬柳仔亦煎得好好，調味得宜之餘，肉質並不死實，相當好味，而其他嘅就。。。risotto 生生的質感，其實不一定要生生的，始終不是小妹所喜好，而鵝肝煎得有啲燶，最令我震撼嘅，係道三文魚意粉，第一次食到三文魚‘純天然’味道，連基本嘅三文魚味都冇呀。。。加完鹽同黑胡椒，都食唔落呀。。。小妹覺得，雖然有一定客量，不過要吸納新嘅客人就要花一啲工夫了。。。

今天祖爺帶著我們一聚同事去Park Yoho 和 朗屏8號睇樓後, 就揸車帶我們一聚去食好嘢！這餐廳位於西菁行附近的某一角落! 聽祖爺講這餐廳在他的少年時代已經存在, 能經得起歲月, 儲有一班熟客, 應該有佢吸引之處!先講環境, 此店的環境有一點古典的氣氛, 至於價錢都算親民, 幾十至百餘元左右!而且服務也很好! (可能祖爺是熟客吧)店主推薦煎焗豬肉眼排配檸檬蜜糖(配薯條)! 咬了一口, 覺得果然出色!豬肉眼排外面是微微脆口, 內𥚃仍是諗身和嫩口, 而且肉眼排的肉汁配上檸檬和蜜糖的香味, 味道極佳!另外, 伴碟的薯條上枱時仍是熱熱和香脆的! 另外, 小弟亦品嚐了同事的意大利飯! 飯味香濃, 而飯身亦不會過淋! 可見廚師的功力!!其實同事order了一份紐西蘭牛肉眼配黑椒西汁, 雖然我沒有試過, 但同事也極為讚賞!!!整體而言, 以佢的質素, 價錢和服務, 自己覺得值得再來!!