影片
同朋友行完山來到又一城，陪朋友買D香薰材料，聽講話又一城呢間舖有多D選擇，咁就順路來到，而我就捨命陪君子啫。行完香薰舖頭，就要醫吓肚仔先，去food court時途經saloon de cafe，被『CBD』吸引到而停低腳步，多口同counter位靚仔哥哥傾多2句，就留低了。下晝4點至7點半係happy hour 時間，我哋點咗2個小食和2杯酒飲，當抖吓。『芝士肉醬玉米片配牛油果醬』，份量比想像中多，牛油果醬係自家製，好新鮮，好足料，亦有牛油果粒粒，呢份小食.加咗CBD，食時没有特别的感覺，但是日返屋企後早瞓咗，是否因為CBD呢？因CBD有幫助睡眠，放鬆之效果吖，就當係囉。另一小食係『酒盗芝士配酸法包』，酸法包分成細細件烤過好脆口，擺D芝士和日式漬魚仔喺法包上，多重口感太過瘾。Gin tonic正常好飲，另一啤酒係Pale Ale，除咗有啤酒味還有生果味，都好好飲吖。
繼續閱讀
相信很多人想起大麻，都怕怕，以為必然對身體有害等。今日我就去左飲大麻，你無睇錯，無錯我就係飲大麻，而且可以名正言順，合法地飲。哈，哈，哈。。。。😁😁😁😁😁CBD是大麻二酚，最近歐美都相當流行，聽說有消炎，緩解痛症，平衡情緒，壓力等。大家有興趣可以上網睇下CBD資料。我並無深究，抱著試下嘅心情，嚟幫襯吓。我叫Latte☕，服務員問我需唔需要免費幫我加左些CBD，我話緊係好啦！其實，飲落完全同普通Latte一樣，無咩特別味道，亦無興奮等怪反應，但心理上就覺得好似個人無咁眼瞓，精神左少少咁多，可能都係心理作用罷了。另外，我叫左個牛肉包。反而，個飽味道就真係唔錯啦！要俾個Like 佢👍👍👍還有，要提一下，呢間Cafe喺正Saloon門口出面的一角，位置都幾特別嫁。呢度仲有售賣CBD咖啡豆同CBD油等產品。今次，總算見識過CBD.😆😆😆😆
繼續閱讀
疫情稍為緩和...and when we could meet in groups of 4 or less for a BFF lunches. 選址在festival walk 新開的Saloon de Cafe.是一間附設在高級髮型屋隔鄰的西式小食店。一間非一般的Cafe.麻雀雖小，五臟俱全。Omakase おまかせ食得多，但提供Wine & TAPAS おまかせ 嘅地方就比較少見。主理店舖的Mr.Eric Kwok 為極具名氣的高級品酒師暨新城飲食得喜主持人。我們一行三人，除試咗多款tapas外，主要係想試各大食評推介的招牌菜，特級意大利西西里魚露意粉。😋👍Apart from the Italian fish sauce (Anchovy Extrat )，sliced garlic combined with just the right amount of basil,parsley,red bell pepper and olive oil.Helps to complete the dish.I would say it is a Pasta Dish for Every Savory Craving.
繼續閱讀
朋友選的餐廳，一定只能夠用安心出行才可以進食，店員和老闆堅持不能寫紙仔，一定要裝Apps，如果介意的客人，請勿進入。舖頭是另一間髮廊租出的一個小角落位置，所以只有兩三張枱，如果介意坐低會問到電髮水味道，那要考慮清楚才坐下，否則問問老闆心情可唔可以有外賣。其實唔可以算係OpenRice說的正宗意大利菜，廚師發板的小食都好廣泛，有雞翼、拉麵、麻辣雞絲、豆腐、魷魚等等，指定香檳紅酒白酒自己在兩小時內添飲。所以如果介意不是正宗的意大利菜，要三思。
繼續閱讀
又一城行街行到攰攰地，見到呢間野唔洗等位，於是就決定入去坐下飲杯野。呢間野幾有趣，事關佢一半係髮型屋一半係小型Wine Bar加餐廳。由於唔太肚餓，所以就只點了飲品，佢有隻礦泉水，見到個樽好靚，所以就叫咗一支有汽的來試下。好多時D Sparkling礦泉水有D咸味，不過呢隻無乜，幾好，飲完之後我仲問店員可唔可以拿走個樽，因為靚，所以想拿回家裝水飲。另外呢度都有好多紅酒同白酒，可以現場飲或者買走，下次開Party前又多一個地方選擇。一邊坐，一邊都有人來叫外賣，似乎是又一城其他舖頭返工的人，D意粉炒得好香，下次真係要試一試。臨走的時候才見到呢度原來有魚子醬食，魚子醬加酒，真係好High的High Tea。
繼續閱讀