Sake Hub

營業中

休息中

為食花太郎 Fafafoodblog 呢間sake hub係中環擺花街 甘多飲酒既地方既一間小店 環境有幽暗既燈光 加上唔同酒既布置 高櫈加梳花 好啱幾個朋友吹水野食有唔同既日本炸物小食 加上特色sake 飲左佢🍴House sake 90ml 龍神 隱之吟釀 hh 78 蚊🥂好清新既sake中庸之道 甜酸辣適中 好啱食串燒🍴常作 x3 108 蚊🍸由啖至濃 慢慢品嘗 🍴一口炸蝦三文治68 蚊🦐炸得好香脆既三文治 入面炸蝦大隻 配埋出面三文治多重口感🍴蟹肉忌廉餅 88 蚊🦀外層香脆 一咬落去 d蟹肉忌廉咇哂出黎 正#sake #日本菜 #清酒 #蟹肉 #忌廉 #三文治 #蝦肉Score 平均分< 7.8/10>Taste 味道：👍🏻👍🏻👍🏻👍🏻Present 外觀：👍🏻👍🏻👍🏻Decor&Hygiene 環境衞生：👍🏻👍🏻👍🏻👍🏻Value for $ 性價比：👍🏻👍🏻👍🏻👍🏻Service 服務：👍🏻👍🏻👍🏻👍🏻~~~~~~~~~~~~~#sakehub中環擺花街18 至20 號嘉寶商業大廈 高層地下 9 號鋪~~~~~~~~~#fafafoodblog #為食花太郎

鍾意飲sake 嘅朋友仔有福了，平時我真係少飲，估唔到sake嘅玩法都千變萬化，如果係sake控嘅話就一定要睇落去啦😝環境：8/10麻雀雖小，五臟俱全，有得買酒(走)，有得試飲，仲有個Area俾大家坐低邊飲邊傾偈👍🏿食物：7.5/10沙嗲雞肉串，日式照燒雞肉串，冬蔭雞肉串 $33/pc雖然店家唔係方打食物，但串燒水準都相當唔錯，肉質嫩滑，而不同味道嘅雞串都帶出都自己嘅特色，個人就最鍾意日式照燒味，相當惹味👍🏿酥炸魷魚軟骨 $88魷魚軟骨炸得乾身，相當有口感，個人覺得炸物係飲酒嘅必備小食🫰Testing set : 大嶺三粒米限定 $108有三杯味道同淡至濃嘅比大家順序飲，味道帶有蘋果🍎清香，呢個組合係比新手入門，就算唔太認識清酒嘅朋友都會鐘意❤️House Sake ：楯野川 無我 $78店家會為清酒分類，分甜、中、辛不同方向，依一杯係中間，味道相對比較清爽帶餘韻，酒勁不是太強，個人覺得幾適合男仔飲🤩💰性價比：8/10 人均$200左右，可能我細食，呢個份量我都覺得飽飽地，重點係點解真心想推廣清酒文化，佢哋會好耐心解答大家有關清酒嘅問題，今次真係又學到嘢😝

原來中環有一間以清酒為主題嘅酒吧，今日趁星期五早放去左Sake Hub。不過餐廳有啲難搵原因係openrice地址寫嘉寶商業大廈高層地下，原來要係大廈行樓梯上一層😂Sake hub唔算太大，非常適合二人朋友聚會，摸吓酒杯傾吓偈。餐廳定期都有tasting set，Tasting set包咗三杯50ml既清酒，清酒杯會配合返清酒外型嘅顏色，我自己最鍾意綠色榮光清酒，餘韻帶有一陣芝士香味，口感creamy。至於另外兩款清酒甜度偏dry。老闆話佢每星期都會換一次tasting set上面既酒。我哋仲叫多一杯by glass testing set，係榮光富士MAGMA，味道有少少辛口。餐廳食物唔多，主要係佐酒小食，但味道幾高質。我哋叫咗雞肉串同一口炸蝦三文治。雞肉串有五款口味，我揀咗日式照燒、冬陰功味同土匪味，肉質嫩滑，每款味道嘅雞翼令清酒嘅味道有微妙嘅變化，非常有趣。三文治炸得非常香脆，入面嘅蟹肉肉質好彈牙，size一啖食晒啱啱好🥰總括而言，成個體驗好愉快，職員會好詳細講解每一支清酒背後嘅故事，同埋職員親身飲落嘅感覺。另外老闆好健談，會不斷同你分享關於清酒嘅知識🤩

餐廳：Sake Hub地點：中環擺花街菜式：清酒餐牌：超多款清酒、雞尾酒，其他酒精，食物有燒物、小食、炸物龜泉 x3 $108 另加一呢個龜泉味道帶果香，仲可以一次試到三款口味，分別用唔同顏色清酒杯上，用個三格木架上枱，可以打卡。左起飲落帶微微蜜瓜香，中間帶微微香蕉味，都唔難入口，味道會比一般酒甜少少。寫樂 純米酒 $78 另加一寫樂純米酒用矮身香檳杯裝住，味道好香。沙嗲雞肉串 $31 另加一日式照燒雞肉串 $31 另加一冬蔭雞肉串 $33 另加一雞肉串都好多肉，連少少皮，醬汁豐富，日式照燒汁甜甜地，沙嗲惹味，冬蔭特別。吉列豬扒 $88 另加一一客有兩塊架，抵食，每塊都熱辣辣炸起，已經切開，方便使用。炸得皮脆肉嫩，都好多肉食，伴有沙律醬。入面地方雖然唔大，不過周圍都放滿清酒樽，氣氛都唔錯。

中環翻工嘅朋友帶路，來佐一間自己一定唔會搵到嘅寶藏sake bar。因為位置好難搵，兼吾係臨街嘅鋪頭，google map好似都吾係咁準，最尾係benefit鋪頭隔離先見到嘉寶商業大廈。入大廈之後要上一層樓梯先見到。雖然唔顯眼，但其實係中環來講位置都好方便。主要係來飲sake，呢度擺滿成間舖頭sake，我地兩個試佐menu上面頭兩款house sake，一款係酒未來 純米吟釀（甘），會甜甜地好入口。另一款係花風 交酒（中），呢款店家話係近來新派好受歡迎嘅一種，入口荔枝花香，回甘之後係淡淡提子味。呢款真係好特別！我地兩個女仔來，各點一杯sake，三串雞肉串燒、一款小食（蟹肉忌廉餅），平日放工來小酌一杯，微醺心情好。

✨星期五放工個刻鐘，真係覺得成個人散晒！約咗舊同學衝去中環擺花街呢間Sake Hub，想飲返兩杯鬆一鬆～ 舖頭係嘉寶商業大廈高層地下，門面唔算顯眼，但入到去好有feel，燈光暗暗地，坐得好舒服～ ✳️佢哋主打清酒，我哋三個人一於豪放啲，點咗3杯House Sake（90ml），每杯$98，順便叫埋個tasting set試吓三款唔同嘅，$138有3細杯，幾適合想試新口味嘅人～ 清酒入口順滑，酒精唔算好勁，女仔都啱飲～ ✳️食嘅方面都冇失手！日式烏冬配雞肉串$108，烏冬質地煙韌，雞肉串燒得好香，帶少少焦香好正～ 吉列豬扒$88份量大，外皮夠脆，肉質juicy，蘸埋醬汁食超邪惡！ ✳️三個人食到飽飲到夠，埋單都係幾百蚊，性價比幾高～ 呢度好適合同朋友傾計吹水，唔會太吵，又夠relax～ 放工想避開人潮靜靜哋飲返杯，呢度真係唔錯嘅選擇！ 💰人均：約$250 #中環酒吧 #清酒體驗 #星期五放工去處 #老友聚會 #香港食評

✳️放工同同事榮少去咗中環擺花街覓食，發現呢間隱世清酒吧「Sake Hub」！位於嘉寶商業大廈高層地下，門面低調但入到去超有feel～昏暗燈光+木系裝修，即刻relax晒✨ 🍶 酒控必試： ➊ HOUSE SAKE (90ml) $98/杯 叫咗3杯，清爽米香好易入口，榮少話有淡淡果香，啱晒我哋呢啲清酒新手！ ➋ TASTING SET $138/3杯 一次過試3款唔同風味，最驚喜係有支「幻舞」純米大吟釀，飲完成個人暖粒粒❤️ 🍢 佐酒小食： ➊ 日式烏冬（配雞肉串）$108 烏冬彈牙，雞肉串燒得啱啱好！醬汁甜甜哋，送酒一流～ ➋ 吉列豬扒 $88 外脆內嫩仲有肉汁！雖然份量細細，但配酒夠晒滿足 💡 小評： 環境：4/5（座位少建議預約） 性價比：3.5/5（中環地段算合理） 特色：清酒選擇多，店員好樂意介紹 #中環美食 #清酒控 #放工chill一chill #香港小店 #微醺時刻 （後記：榮少飲到面紅紅，話下次要試埋佢哋嘅季節限定酒單🍶）

最近身邊有個朋友研究緊唔同嘅清酒，今日一於帶佢來呢度/Sake Tasting Set$108(3x50ml)/白色杯飲落有梨嘅清甜同順口感，係三杯入面最容易入口嘅🍐中間個杯聲稱係帶有香蕉嘅甜味，但我同朋友會覺得蜜瓜香(個base）會比較重🍌最後個杯有蜜瓜同唔太明顯嘅蘋果味，係三杯之中甜度最低，酒精感覺最重嘅🍶/House Sake$78/今期嘅house sake就係呢杯交酒花風，用左啤酒花釀製，有好香嘅荔枝果香，入口順滑，好岩女仔飲🍹/一口炸蝦三文治$68/呢個真心被驚艷到了😌個炸蝦充滿「肉感」，我一度以為自己食緊炸豬扒三文治🥪口感滿足💕/日式照燒鱈魚乾$88/飲酒真係唔少得鱈魚乾🐠真係燒得幾香，口感perfect，搣開仲有少少一絲絲~

有個friend好鍾意飲Sake,就推介咗依間嚟嘗試一下，真係好好飲喎！不過位置係有啲難搵嘅，但老細好熱情，嗌完酒之後即刻過嚟介紹清酒嘅味道同埋唔同嘅地方😂👍三個口味嘅Sake最鍾意係偏甜少少嘅嗰款，一入口係有少少蘋果香甜味，所以好特別😋除咗飲清酒仲嗌咗少少串燒同埋燒乳鴿一齊食，串燒同埋燒乳鴿都勁好食🥰揀咗三個唔同口味嘅串燒，每個串燒都好特別，最鍾意係香菇串燒～燒乳鴿等得耐咗少少，但係燒得超級好，皮好脆汁水好飽滿^ ^

放工後想小酌幾杯，揀咗喺中環嘅𝐒𝐚𝐤𝐞 𝐇𝐮𝐛 🍶 如題，一入去就被一格格嘅木櫃牆吸引，因為真係擺咗好多精緻嘅清酒～ 我哋想飲甘口一啲嘅清酒，揀咗👇🏼𝘁𝗮𝘀𝘁𝗶𝗻𝗴 𝘀𝗲𝘁 (50ml each) ➿常 龜泉x3 (NH: $138)店員推介由右至左開始飲起🍶第一杯，味道有淡淡梨香🍐第二杯，就有少少香蕉味嘅感覺🍌第三杯，就有好濃嘅果香，蘋果味特別突出🍎三杯全部都好易入口，清爽柔順，拼埋就好似一個水果嘅盛宴☺️🍎🍌🍐𝗵𝗼𝘂𝘀𝗲 𝘀𝗮𝗸𝗲➿ 東洋美人(NH: $98)相當易入口，酒感喺after taste慢慢滲出～ 相比下tasting set，呢杯sake走比較refreshing嘅路線🌿 好似飲緊一杯Cocktail咁～雞肉串幾多款口味，我哋叫咗三三串佐酒～➿沙嗲雞肉串 ($31) 醬料份量恰到好處，幾香花生味🥜➿照煩雞肉串 ($31)帶甜甜嘅味道，係最熟悉嘅味道！➿冬蔭雞肉串 ($31)冬蔭香料味突出，辣得惹味🌶️➿一口炸蝦三文治 ($68)以為係三文治夾住炸蝦餅🦐 原來係正方體咁樣六面都炸嘅三文治，新鮮炸，不錯吃😋

原來擺花街呢個位有一間隱世 sake bar，雖然地點有少少難搵，不過入到去見到有咁多 sake 即刻精神晒！座位唔多，中間位置有幾張高枱，好適合幾個朋友飲下酒 chill 下，加上燈光昏暗好有 feel~ 呢度夜晚八點前都會做清酒零售，而 tasting set 會兩個星期左右轉一次。😋 雞肉串 ~ 試咗三隻味：日式照燒、冬蔭、地獄麻辣，個人偏好冬蔭味，酸酸辣辣咁好惹味！😋 香辣雞手指 / 酥炸魷魚軟骨 ~ 外酥內軟，送酒一流！堂食開酒第二支有六折，而且老細會自己存放做下熟成酒，一試之下又真係好特別 😍😍 小妹偏好辛口同酒精感重嘅 sake，職員介紹嘅支支都好啱飲，今日試咗咁多款，感覺非常幸福 ❤職員好健談，會分享好多清酒心得，成個環境氣氛都好好，得閒又要過嚟 happy hour 下先！

👣值得科勞指數:🏃🏼🏃🏼🏃🏼🏃🏼今日係中環收工 同事話去飲杯野帶左我去一間幾特別嘅清酒bar佢裝修幾有特色 個場好舒服 本身我哋對清酒唔係好熟悉所以老細介紹咗兩隻俾我哋第一隻🥃東洋美人第一啖飲落去 果香味幾濃郁 口感清爽入口甘甜 淡淡嘅果香味 有少少回甘嘅感覺整體嚟講表現都幾好第二隻 有些少特別 呢一隻係要三個系列第一杯🥃多賀治 純米雄町 （白色）甘爽清香的吟釀香氣, 還有微炭酸的刺激和雄町溫柔豐滿的味道第二杯🥃多賀治 純米雄町 （金色）乳酸同埋柑橘香味飲落去個口感有啲複雜但係整體表現發揮得好好第三杯🥃多賀治 純米雄町 （紅色）儘管口感豐富 但整體味道清淡 清澈 就算依杯濃度比較高 但係都好易入口飲清酒梗係要配串燒 炸物🍽️ 冬陰雞肉串 土匪雞肉串 地獄麻辣雞肉串呢三隻都係辣嘅串燒 再配搭上清酒嘅濃郁香味 真係上咗另一個層次 估唔到清酒同辣都可以咁夾🍽️ 酥炸魷魚軟骨新鮮炸出嚟 熱辣辣 非常好食炸物最棹忌粉太多 影響口感 但係呢度嘅魷魚軟骨 個粉啱啱好 令到好鬆脆配埋清酒 簡直係一個好好嘅配搭

中環擺花街隱世高質日式sake bar舖內佈滿Sake 好壯觀裝潢日式木系簡約風 彷如置身日本環境舒服清靜 令人不自覺放鬆平時對清酒唔太熟悉店員都主動介紹 我比較鐘意甜D店員就介紹左鍋島testing set好適合女仔飲 由淺到濃3款唔同味道既鍋島特別純米酒入口香醇 偏甜 飲落順滑 好舒服純米吟釀甜味最濃厚 帶點果香純米大吟釀酒體比較濃厚 更有層次龜泉甘甜之中帶點辛口 酒體較豐富估唔到清酒吧 小食都咁出色燒鳥串燒都有3款口味 沙嗲沙嗲好香花生味 雞肉嫩滑 照燒雞肉入味 帶少少甜 土匪比較香辣 配酒一流隱藏菜單-即炸乳鴿爆多肉汁 鴿皮香脆 味道啱啱好唔會太鹹 好出色邊食邊同朋友傾計 飲啖清酒先發現原來時間可以過得咁快

呢間舖頭個位置幾好，喺擺花街嗰個商業大廈嘅2樓。樓梯一轉上去第一間舖頭就係。旺中帶靜，非常適合傾計👍入到去職員（覺得應該係老細🤣）會推介唔同嘅清酒，同埋好詳細咁介紹清酒，同埋點解佢會入呢個貨👍我本身係零認識嘅，都好似上咗堂書咁🤣有分嗰啲精米步吖，制作方法吖，產地呀，原來對個酒嘅味道都好大影響。嗰度有串燒，同埋一啲小食。重點係有隻超大嘅熊啤啤，可以攬住嚟傾計🤣完全係隱世勁啱傾計既小店！！！

今晚收工happy Friday 相約好友到中環一間日本清酒bar, 位置在擺花街商廈內，比較隱蔽同私隱，亦見到好多熟客放工去飲酒gathering 酒吧提供許多小食，極之適合做伴酒小吃:串燒set (三串）照燒雞肉串、冬陰公雞肉串及土匪雞肉串串燒味道不錯，照燒雞串好入味，冬陰功好惹味、土匪味真係有點似米線專門店感覺。雞翼炸得香脆，老闆話有童年回憶😀, 食落有日式千島醬香甜味道Sake Tasting Test有三款清酒由淡至濃，好有層次感多賀治（三杯）香氣溫和，初初有溫和香氣之後，會發揮獨特的鹹味, 並在口中有回甘味第一杯有淡淡清香味，第二杯好creamy 啱女孩子口味，第三杯味道比較強烈百合純米吟釀味道好清爽，有果香清香與甘甜味餘韻綿長，果酸平衡到不錯，飲多杯都不易醉