20
9
1
港鐵鰂魚涌站 C 出口, 步行約3分鐘 繼續閱讀
所有分店 (9)
電話號碼
36130028
營業時間
今日營業
11:30 - 22:00
星期一至日
11:30 - 22:00
公眾假期
11:30 - 22:00
公眾假期前夕
11:30 - 22:00
付款方式
Visa Master AlipayHK 支付寶 現金 AE
其他資料
網上訂座
酒精飲品
泊車
電話訂座
賞訂座積分
加一服務費
當面支付
以上資料只供參考, 請與餐廳確認詳情
食評 (34)
身邊有幾個特別喜歡吃Ruby Tuesday 的朋友,所以每個月我們都會指定動作去吃~最近去左鰂魚涌分店,格局和氣氛都和我們常去的銅鑼灣店有些分別,比較modern啲,光線充足,感覺很舒服,座位間的距離也充裕,適合附近返工的朋友來~~最近餐廳推出了全新午市套餐,這天我們去下一場前就來用餐,午市套餐可以選擇餐湯或沙律,我會建議餐湯,這裡的餐湯頗有特色,會附送一個蒜茸芝士鬆餅,很好吃!😆🔹Turkey Ham Wrap $68這個雞捲比想像中好吃,首先裡面用了減肥人士最愛的火雞肉,鹹香風味再提升,裡面有鮮甜多汁的蕃茄片,還是很多爽口蔬菜,最後夾上一堆芝士碎,一口咬住豐富的味道,還有很香馬鈴薯香的薯條,會讓你不停地吃,飽肚度非常高!🔹Chicken Broccoli Pasta $88長通粉完全浸在芝士中,味道非常濃郁,每一條都很有咬口,雞肉嫩滑夠鹹香,口感很厚實,我喜歡它還有大大粒西蘭花,其實單單吃雞肉和菜已經很飽,建議立刻吃,味道會更香濃喔。點套餐的時候可以加錢點小食,我們點了Fried Squid with Honey Mustard和Grilled Cheese Portobello Mushroom,魷魚炸到非常通透,很彈牙又有焦香,沾上甜甜的芥末醬可以減膩,很適合多人分享;至於大啡菇是推薦小食,非常多汁飽滿卻不會很膩,上面的芝士為菜式賦予鹹香,很滿足🥰配合50週年慶祝活動,餐廳逢星期二都有Every TUESDAY優惠,每枱淨消費$400或以上就可以獲得精美禮物或優惠券,整個8月都是推廣期~大家lunch記得和同事去吃😍 繼續閱讀
(以上食評乃用戶個人意見 , 並不代表OpenRice之觀點。)
等級4 2022-07-31
658 瀏覽
愈接近午餐時間,同事們就會愈緊張,因為終於捱到食Lunch,不過炎熱嘅天氣當然不能走得太遠,以免發生自然溶化危機,就決定近近地到Ruby Tuesday。午市套餐都多選擇,每星期仲會有唔同嘅午市套餐,只保留經典菜式,其他就會更改,帶來新鮮感,個個星期去都唔驚食到悶! ◽ Halibut Risotto $138松露香味撲鼻,引起食慾,而比目魚滑溜中又有魚味,配一口煙韌Risotto,味道濃郁,輕易而舉就可以食哂全份。 ◽ Chicken Broccoli Pasta $88面層有半溶的芝士,配搭雞肉與西蘭花,每一條長通粉都沾滿醬汁,簡單卻好味,吃完也不會太膩。 ▪ Lime Soda +$18炎炎夏日,飲返杯酸酸的Lime Soda,清爽又醒神。 ◽ Mini Chiki con carne dip $38味道濃郁的醬汁夾雜菠菜,放到脆片上同吃,是屬於香口的小食呢~ ◽ Soup of the dayCreamy又濃稠的口感,飲落更相當足料呢! ◽ Salad清新又健康,車厘茄仲好多汁。 最後店員仲提醒,由於今年是Ruby Tuesday 50週年,所以特別於7至8月期間的逄星期二舉辦「Every TUESDAY Offer」,每檯消費滿$400就可以拎到現金券或紀念品,真係又食又拎嘅最佳示範! 繼續閱讀
(以上食評乃用戶個人意見 , 並不代表OpenRice之觀點。)
好耐冇食過Ruby Tuesday,印象中佢一間比較貴嘅西餐廳,做會員個價錢會平勁多😂見佢中午又唔食套餐百零蚊都幾抵食就去試吓!中午有幾抵食,勝在足料份量又好多!男仔都飽到傻啊~🍴餐湯 (6/10)蒜蓉味嘅鬆餅,外脆內軟,有微微蒜蓉味,口感幾特別!鹹鹹地嘅薯仔湯,剩係得鹹味冇咩特別,有少少煙肉同香草碎。🍴四川辣雞 +$18 (7/10)非常之香脆,外脆內嫩,四川味都幾香濃,幾香辣但唔算好辣,不過一件係等於半隻雞翼,其實唔係好抵食😂🍴 炸鱿魚配蜜糖芥未醬 +$38 (7/10)都係炸好左,凍左少少扣分,魷魚比較淋,加埋蛋黃醬都幾香口,個醬比較偏甜少少!🍴香草大蝦意粉 $110 (7/10) 另收加一份量都幾多,大大碟!意粉係扁意粉,香草味好香濃,有少少忌廉味,蝦肉有四大隻,都好爽口。🍔露比經典漢堡 $118 (7.5/10) 另收加一份量勁多,個好大個,有蕃茄芝士炸洋蔥碎牛肉餅,用咗沙律醬,麵包用牛油煎香過,鬆軟但比較乾身啲,牛肉餅煎得唔乾身,有好輕微嘅牛肉味口感都唔會太實太鬆,加埋其他配料都好豐富,唔錯!薯條炸得比較乾身,同埋凍咗,但都有薯仔味嘅份量都好多!食完超級飽🤣🤣🍴凍檸茶 (5/10)茶味比較淡,冇乜檸味,但勝在大杯!推薦指數: 7/10中午有套餐嘅話就幾抵食嘅,因為份量真係超大,連嘢飲都勁大杯!食完係超級飽,同出面啲西餐廳差唔多,都係百零蚊有呢個質素都算唔錯嘅,起碼有性價比啊,足料大份食得飽! 繼續閱讀
(以上食評乃用戶個人意見 , 並不代表OpenRice之觀點。)
等級4 2022-08-17
204 瀏覽
話說都好耐冇食過Ruby Tuesday,之前都係跟住係會員既朋友入去食會有折😍最近見佢地推出左新既午市套餐,所以決定去試吓,水準都Keep倒味道唔錯😋_🐷Spanish Coren Chestnut-fed Pork選用西班牙Coren有機豬, 比一般以穀物餵飼的豬肉更清甜,肉質鮮嫩鬆軟😝配上醬汁食更惹味,旁邊仲有薯蓉,幾特別☺️ 🐟Halibut Risotto 鍾意食意大利飯既朋友仔要試吓,比目魚外皮焦脆入口嫩滑,松露味道濃郁,食落有新鮮感不易膩😌 🍗Sichuan Chicken 有2嚿同朋友Share當小食一流,外皮香脆肉質都好Juicy,如果可以再辣啲會更惹味🌶 ☑️另外餐廳仲進行緊50週年慶祝活動,7-8月期間逢星期二都有個Every TUESDAY Offer,每枱消費net spend $400 or above就可以拎到coupon/ souvenir,大家都快啲去試吓啦‼️ 繼續閱讀
(以上食評乃用戶個人意見 , 並不代表OpenRice之觀點。)
等級3 2022-08-08
210 瀏覽
從未食過呢一個品牌既連鎖餐飲店。第一次嚟到呢一間淨係覺得裝修比較豪華。因為係新裝修所以覺得感覺唔錯。之後我就食咗份烤雞risotto ,雞有兩塊,烤得比較老但係好淋。沾上白汁雞肉充滿軟熟既口感。risotto 當中帶有蘑菇,當中既奶油汁充斥口腔既每一個味蕾。細碎既米粒夾雜着又生又熟既口感令我回味無窮。旁邊嘅蔬菜伴碟略少,蔬菜口感尚算清爽令成碟食物都油而不膩。New Orleans seafood 同樣有risotto加蔬菜伴碟,呢兩樣就唔再多講。魚類有大量既調味料調味,蝦亦都沒有殼。成件事順理成章擺落口。跟住慢慢享受海鮮喺口中翻滾躍動嘅感覺。我仲加多左一杯提子味既無酒精飲品喺度飲。最後,成餐飯真係真係好貴,大家想去連鎖式快餐文化既話真係要試下啦。即使有85折,三個人都食咗自助餐嘅價錢。 繼續閱讀
(以上食評乃用戶個人意見 , 並不代表OpenRice之觀點。)