447
22
13
| 餐廳: | ROYAL INN |
|---|---|
| 優惠: | 國泰會員憑「國泰 - 亞洲萬里通」應用程式內會員二維碼，賺高達HKD4 = 2里。受有關條款約束。 |
|
條款及細則:
|
|
|
|
影片
營業時間
今日營業
12:00 - 22:00
星期一至日
12:00 - 22:00
*最後下單時間 21:00
以上資料只供參考, 請與餐廳確認詳情
有關獎賞計劃
優惠
| 餐廳: | ROYAL INN |
|---|---|
| 優惠: | 國泰會員憑「國泰 - 亞洲萬里通」應用程式內會員二維碼，賺高達HKD4 = 2里。受有關條款約束。 |
|
條款及細則:
|
|
|
|
相關文章
今次嚟到銅鑼灣ROYAL INN，餐廳主打創新法國菜同埋西餐。餐廳裝潢以歐陸宮廷風格為主，精緻仿巴黎凱旋門嘅浮雕圓拱門，門口設置一座法式許願池比人打卡，另外仲有古典水晶吊燈、花卉佈置、天花鏡面、法式藤椅、黑白格仔地板等，好優雅。餐廳內設有落地玻璃，有日光照射，景觀開揚，舒適闊落。餐廳內更投影播放永恆女神柯德莉夏萍嘅電影，好經典。今次點咗ROYAL TEA SET，可以一邊享受Afternoon Tea，一邊望住維多利亞公園，感受法式休閒同埋氛圍。🫖ROYAL TEA SET MENU☕️ 甜點 Exquisite Sweet開心果焦糖燉蛋迷你鮮果撻柑橘瑪德蓮貝殼蛋糕七彩馬卡龍開心果焦糖燉蛋，口感細膩順滑，開心果味濃郁；迷你鮮果撻有酸甜清新嘅士多啤梨同埋藍莓，撻底口感酥脆；瑪德蓮貝殼蛋糕，蛋糕以貝殼形嘅外表，蛋糕香氣四溢，入口蓬鬆，帶有濃郁嘅奶油味道；七彩馬卡龍，外酥內軟，夾有香甜果醬，口感層次豐富。鹹點 Savoury Canapés巴馬火腿蜜瓜蕃茄肉丸英式小鬆餅鴨肝幕斯配無花果巴馬火腿蜜瓜，鹹香十足嘅Parma Ham，配上香甜爽脆嘅蜜瓜，帶出平衡口感；蕃茄肉丸英式小鬆餅，肉丸口感軟嫩，與蕃茄醬嘅酸甜融合，搭配口感鬆軟嘅小鬆餅，口感層次豐富；鴨肝慕絲配無花果，鴨肝味道鹹香，慕絲柔軟細膩，無花果味道酸甜，好開胃。海鮮小點心 Seafood canapés龍蝦牛油麵包煎蝦蛋沙律多士北海道刺身帶子薄片龍蝦牛油麵包，龍蝦肉口感鮮嫩，配上口感酥脆嘅牛油麵包，好滿足；煎蝦蛋沙律多士，香煎蝦仁口感彈牙，加上蛋沙律好醒胃，多士口感酥脆；北海道刺身帶子薄片，帶子刺身嫩滑鮮甜，配上味道鹹鮮嘅三文魚籽，口感豐富。MightyLeaf TeaTea選擇咗White Orchard 白桃果園，白桃口味清新，入口滑順，帶有白桃甘甜同埋茶嘅香醇嘅味道。
繼續閱讀
同friend嚟到銅鑼灣呢間人氣西餐廳，真係冇令我失望！一入門口，已經畀個超靚嘅噴水池吸引住，餐廳入邊仲有好多鮮花同幾個巨型毛毛公仔，影相打卡一流！今晚仲好彩有即場大提琴表演，氣氛即刻升級~🥢我哋叫咗個二人晚餐，食物質素同味道真係啱晒我哋嘅口味！首先上枱嘅係凱撒沙律，份量啱啱好。跟住係甘筍南瓜湯，入口好creamy，甘筍同南瓜嘅甜味都幾好~🥢主菜方面，主菜方面，卡邦尼意粉可以話係亮點！煙豬面頰肉比普通煙肉更有油香，煎到外層少少焦脆，同勁深色嘅蛋黃忌廉汁拌勻後，每條意粉都掛滿濃郁醬汁，帕瑪森芝士香氣濃郁~🥢牛扒就更加欣賞，干邑火焰嘅表演感十足，火光一閃，牛扒仲多咗陣酒香~ 肉煎到medium rare，牛肉質地好嫩，肉汁鎖得好靚，切開仲見到粉紅色嘅肉心，再配埋邊嘅薯蓉同蔬菜，真係完美~🧋飲品我哋叫咗熱檸茶同Long Black~ 啱晒飯後飲返杯提神
繼續閱讀
呢間餐廳想去咗好耐，之前已經成日見人社交平台打卡食呢間。一入到去果然好有特色，氛圍好浪漫又溫馨。枱面放滿鮮花，仲有個超可愛嘅大公仔熊同你一齊食飯，氣氛真係好有feel！再加上柔和嘅燈光同輕輕嘅音樂，感覺好好，特別適合情侶約會。今次嗌咗佢哋嘅dinner set，有好多嘢食。前菜嘅凱撒沙律清新爽口，配上香脆嘅麵包粒同濃郁嘅沙律醬，開胃一流。主菜選擇咗8oz平鐵牛扒，店員會喺你面前即直表演火焰牛扒，打卡啱哂。5成熟燒得啱啱好，外層微焦帶炭香，內裏粉嫩多汁，入口即化，仲有陣陣牛油香，配上蒜頭同迷迭香，味道層次好豐富！甜品係法式薄餅，上面有肉桂同蘋果，酸酸甜甜，薄餅皮又軟又香，食完完全唔覺得膩。整體質素好高，份量都夠二人分享，最重要係打卡好靚。下次同另一半慶祝會再黎
繼續閱讀
咁多間分店之中，呢間分店裝修最靚，成個環境好fancy，好多花，窗外對住維園，一片綠油油，係女仔會鍾意嘅用餐環境，踏入門口見到個粉紅花噴泉都覺得好浮誇~ 🤭🤭 叫咗二人餐，$688 for 2~ 🔘凱撒沙律沙律菜新鮮爽脆，份量足~🔘是日餐湯-蘑菇湯蘑菇味幾出，鍾意佢個餐包嘅煙靭口感~🔘卡邦尼意粉意粉彈牙掛汁，醬汁濃厚creamy，加咗脆煙肉片增添鹹香味~ 🔘火焰平鐵牛扒記得準備好電話影相，淋上干邑再點火係一剎那之間嘅事，牛扒留有淡淡酒香，切開見到超粉嫩嘅牛肉，平鐵牛扒出名肉質柔軟，肉味香濃，另外伴碟嘅原隻烤蒜頭都好加分~🔘Latte🔘Avocado Smoothie
繼續閱讀
今次同朋友慶祝生日，專登揀咗間主打火焰牛扒嘅西餐廳，試吓佢哋嘅火焰阿根廷牛扒二人晚餐。成個體驗由頭盤到主菜都充滿驚喜，絕對係近期食過最滿足嘅一餐！🔥🥗凱撒沙律｜清新開胃 誠意十足一開場先上嘅係經典嘅凱撒沙律，一上枱就見到份量比一般餐廳慷慨。羅馬生菜新鮮爽脆，完全冇苦澀味，麵包粒香脆唔油膩，仲有大大片帕爾馬芝士刨成薄片鋪面。最驚喜係佢哋嘅凱撒醬調得恰到好處，平衡得好好，唔會太鹹或者太膩，仲灑咗少少煙肉碎增加鹹香，作為開胃菜絕對滿分！🔥🍲自家製南瓜湯｜綿滑香甜跟住上場嘅自家製南瓜湯真係令人眼前一亮！湯身打得極之綿滑，入口有濃郁南瓜天然甜味，仲帶少少薑嘅微辛，飲落好溫暖。面頭灑咗芝士碎同煙肉碎，芝士遇熱半融化，同煙肉嘅鹹香形成完美對比。🔥🍝意大利煙豬面頰肉卡邦尼意粉｜蛋香濃郁平時出街好少叫卡邦尼意粉，因為多數都係得個鹹字，但呢度嘅煙豬面頰肉卡邦尼真係重新定義咗我對呢道菜嘅認知！意粉煮得al dente，掛滿濃稠蛋黃醬汁，每一條都充滿住帕爾馬芝士同蛋香。豬面頰肉醃得入味，油脂分布均勻，入口即化，鹹香得嚟帶少少甜味。真係忍唔住食晒成碟。🔥🥩火焰阿根廷安格斯牛扒｜重頭戲火焰阿根廷安格斯牛扒終於登場！侍應會推住餐車過嚟即場表演火焰秀，淋上酒之後點火，成塊牛扒被藍色火焰包圍，成個畫面超級震撼，我哋叫咗medium rare，切開見到完美嘅粉紅色，肉汁豐富。安格斯牛肉嘅油花分布好靚，入口超級嫩滑，牛味濃郁得嚟帶少少炭香，簡單用海鹽同黑椒調味已經足夠。伴碟有烤蒜頭，烤蒜頭軟糯香甜，同牛肉出奇地夾。成個晚餐由頭盤到主菜都保持高水準，食材質素明顯比一般西餐廳高。服務亦值得一讚，侍應會細心解釋每道菜，換碟速度亦快！餐廳位置亦都非常方便喺銅鑼灣皇室堡喺正市區中心！食完仲可以喺附近飲杯嘢！
繼續閱讀