影片
港鐵葵芳站 D 出口, 步行約2分鐘
繼續閱讀
電話號碼
55015100
營業時間
今日營業
12:00 - 21:00
星期一至日
12:00 - 21:00
*最後落單時間 20:15
以上資料只供參考, 請與餐廳確認詳情
今日收工唔知食咩好，見哩間都有人排隊，入面好岩打卡， 環境靚， 仲可以walk in 食，又見有pasta食，見好多人都叫，睇落好似平民得黎又高檔，今日叫左set for 2 $470 ，當然要叫招牌龍蝦濃湯蟹用帶子麵$198，一上台就見到有好多蟹肉同埋好濃的龍蝦湯味道，意粉淋上由波士頓龍蝦熬成的龍蝦湯濃湯，勁有鮮味，仲有一粒好大的帶子，再鋪滿豐富蟹肉。將蟹肉撈入creamy的龍蝦湯和意粉，濃郁有鮮味，非常juicy，可以將龍蝦湯全部飲哂! 另一個pasta 叫左香煎比目魚配蒜辣篇意粉，比目魚勁juicy，好香口，魚好滑，蝦多士5件多士好脆蝦就一粒粒，都幾好食! 飲品都整得好靚，青檸薄荷綠茶 &鮮奶綠茶都好fresh同靚!
繼續閱讀
今晚收工後就同友人二訪呢間響葵芳相當出名嘅cafe，無論任何時候都依然人頭滿滿，足以證明呢度質素有所保證！餐廳環境光猛闊落，感覺舒適休閒，絕對係嘆住食好嘢嘅好選擇！餐廳仲有吧枱位置，超級chill！二訪原因係因為餐廳嘅Pasta真係做得好出色，而且價錢親民，有別於一般連鎖店嘅意粉，意粉迷必到！▪️辣芝士醬明蝦扁意粉 $118就咁睇個名，好似冇咩特別？但一食落去就知道唔簡單！先講個意粉煮得軟硬適中，配埋芝士醬口感一流。更重要係，微辣嘅味道不但令成個意粉更加惹味，同時又唔會搶咗其他食材嘅味道，食落好Creamy，一啖又一啖之下好快就食晒！意粉仲有鮮蝦，蝦肉新鮮彈牙！▪️炸薯條配黑松露蛋黃醬 $20叫意粉加$20就可以加配！呢個薯條係我最鍾意嘅粗度 - 太粗唔夠香脆，太幼又會冇咗個口感！薯條炸得金黃香脆，更重要係配埋黑松露蛋黃醬，松露味香溢，蛋黃醬味道濃郁，實在係十分邪惡嘅選擇，但食得超滋味！▪️ 龍蝦濃湯蟹肉帶子麵 $198成個麵都相當豐富，面頭大量蟹肉碎，令大家可以啖啖蟹肉，帶子亦新鮮嫩口！龍蝦嘅濃湯味道濃郁之餘，最重要唔會太稀，可以掛響面條上，啖啖口感豐富，大推呢款意粉！▪️慢煮無激素雞胸 $20又係加$20就可以加配，雞胸肉質食落唔會太嚡，反而肉質帶點鮮嫩，更有咬口，健康之選！▪️朱古力鮮奶 $48朱古力味入口濃郁，甜味亦唔會太搶，加埋鮮奶令整體口感更加順滑，鐘意朱古力既朋友不容錯過。▪️凍菠蘿青檸紅茶 $48菠蘿及青檸嘅配搭好夾，飲落清新可口😋！
繼續閱讀
被蟹肉帶子意粉吸引而黎，呢間舖頭都有少少難搵，去到之後仲有好多人排緊隊今次叫咗🍝龍蝦濃湯蟹肉帶子麵🍟+$20 炸薯條配黑松露蛋黃醬🥚🥪秘製流心蛋治 ☕️梳乎厘泡沫咖啡個龍蝦濃湯蟹肉帶子麵整得出色！蟹肉份量足夠，帶子都幾好不過意粉嘅份量有啲少，如果可以再加多啲就更好🙊蛋治份量都好足夠，擺咗一陣都仲係脆卜卜👍🏻👍🏻
繼續閱讀
葵芳屋村度有一間Cafe好文青好打cardable😍入面裝修好舒服好簡潔平時收工收工都可以去到~佢哋d pasta 唔同出面啲連鎖餐廳可以用親民價錢去食到高質既野食意粉🍝一定要必叫👍🏻😋龍蝦濃湯蟹肉帶子麵 $238意粉勁多蟹肉😱龍蝦湯好濃食落去啖啖都係蟹肉，好正😋加$20 蒜香雞翼2隻雞翼好大隻，蒜蓉味都好夠🤩😋加$20 蝦多士2件蝦肉好多同埋唔同出邊啲蝦多士好香，同有蒜味😍同埋多士勁脆👍🏻😋雜莓沙冰 $68用好多雜莓帶出嚟勁重雜莓味
繼續閱讀
想係葵芳搵個靜靜地方，好好傾吓偈，享受下晚餐，唔係無架，不過要比啲心機搵下。交託比神隊友，佢立即搵到間高質CAFE。我地預左七點幾到，但收工遲左，都仲可以嘆下，真係唔錯。去到餐廳好似同屋苑茶餐廳好不一樣，環境好Chill好文青而且係簡約和放鬆色系，一入門口已經感覺到放鬆心情，身心舒暢。Menu 花多眼亂，揀定左Set for 2因為入面有我最想食既香草牛油封門牛肉汁意粉同埋肉醬意粉。店員哥哥首先送咗兩杯飲品過嚟超級靚，根本都唔捨得，所以先影相打卡啦。草莓特飲飲落去超濃郁嘅士多啤梨味啊，朋友嘅朱古力飲品呢就比較多牛奶味。到左香草牛油意粉嚟到啦，原來店員仲會喺我哋面前倒咗啲酒，之後點火。咁你就會見到香草牛油慢慢溶化落啲牛肉入邊。固體牛油變成液體慢慢滲到意粉入邊撈埋一齊食，好好味呀因為連埋香草的香氣逼出牛肉鮮嫩。今次竟然可以喺葵芳用好親民嘅價錢食到高檔嘅意大利意粉真係一個新發現。飲飽食醉亦都好滿足呀。
繼續閱讀