348
34
20
港鐵葵芳站 D 出口, 步行約2分鐘 繼續閱讀
電話號碼
55015100
營業時間
今日營業
11:30 - 20:00
星期一至日
11:30 - 20:00
*最後落單時間: 19:15
付款方式
現金 八達通 PayMe
座位數目
30
其他資料
泊車
外賣服務
室外座位
以上資料只供參考, 請與餐廳確認詳情
食評 (441)
等級4 2024-01-23
3054 瀏覽
今日嚟葵芳食Cafe😌,估唔到屋邨商場都有一間咁chill咖啡店,餐廳以簡約木系設計,設有多個打卡座位,空間闊落,令人好放鬆蝦多士🦐🥪蝦多士係避風塘口味少少辣,多士好脆口帶甜,蝦肉都幾爽口,好開胃食完一件又一件!香草牛油封門柳牛肉汁意粉🍝店員用火槍燒過香草牛油令佢溶化更好味,牛肉吸收哂香草牛油味道,封門柳肉質嫩滑重牛味!意粉用左牛肉汁令牛味更濃郁~好掛汁👍🏻炸薯條配黑松露蛋黃醬薯條係跟餐加$20份量都好大,炸得好香脆!黑松露蛋黃醬勁加分🍟🍟疏乎厘泡沫咖啡☕️疏乎厘泡沫好特別,好厚身又綿滑,攪拌後飲用令咖啡更香滑女神莫希托飲完會唔會變女神🤣 檸檬,青檸,薄荷葉,非常清新嘅配搭🍋🍹整體來講 屋邨有間咁chill既咖啡店真係好難得,距離港鐵站同大型商場都好近!食物質素都幾高,用料食材都好新鮮,而且價格親民!見到隔離枱食三文治都好吸引,大大份😍 下次要再嚟試!大家想試記得要訂位或者早啲黎啦😉ROSIE (葵芳)回顧率🌸:8/10食物質數🤤 :8/10環境⛲️:7/10服務👩🏻💼:7/10葵芳興芳路177號葵芳廣場地下18號舖 繼續閱讀
(以上食評乃用戶個人意見 , 並不代表OpenRice之觀點。)
等級2 2024-05-13
33 瀏覽
今次係二訪ROSIE,第一次係平日嘅lunch time時間,無人排隊,第二次係星期六嘅lunch time,門口有好多人排隊,但因為我得一個人,所以隨即入得。龍蝦濃湯蟹肉帶子麵 $198 🍝.意粉上面鋪滿,滿滿嘅蟹肉,將蟹肉撈入意粉配埋龍蝦濃湯,味道非常夾,唔會讓人失望嘅味道,但係將蟹肉撈起後,就好難再搵到蟹肉,因為已經同個汁融為一體,除非你全個汁都飲哂,如果唔係會浪費咗一啲蟹肉,食唔到。蝦多士 另加$20🍤.叫意粉,可以另外加$20要兩個蝦多士,蝦多士牛油味非常重,食一個已經好膩,而麵包亦烤得好脆,如果同朋友share一人一個就啱啱好。柚子胡椒汁青口大管粉 $138.大管粉完全唔掛汁,好重麵粉味,柚子胡椒汁亦比較淡,我唔推薦大家叫依個。菠蘿青檸紅茶 $48🍹.味道就係檸檬茶加左小小菠蘿汁嘅味道,雖然清新,但無咩特別。.整體來講,價錢係葵芳嚟講係偏貴,沒有服務可言,點餐都係自己掃QR code,賣單亦係自己行去櫃位俾錢,水都無一杯,但就另加服務費。但食物同環境係幾好👍🏼 繼續閱讀
(以上食評乃用戶個人意見 , 並不代表OpenRice之觀點。)
等級4 2024-05-08
0 瀏覽
簡約文青🌸ROSIE🌸,呢間打卡Cafe位於葵芳,初頭以為都係葵涌廣場嗰邊,原來佢係喺屋村樓下,由葵廣行過嚟大約兩個字左右,以輕食為主,裝修風格帶大地色系,樓層較高,牆身較為特別,佢哋嘅吊燈以草編織而成😍,出面嘅座位仲可以帶毛孩嚟打卡添🐶🥪秘製流心蛋治 $88 :呢一款係必食首選🤤🤤,賣相特別,份量真係唔惹少,足足好似手板咁大份,烤到外脆內軟👍🏻,吐司帶牛油香,另外用咗秘製嘅醬汁將蛋碎溝勻,面層再加流心蛋,超惹味😋,真係唔知有邊度入手好,可以叫店員一開二,咁樣食就方便好多😆,味道真係唔錯,食半份已經飽肚感😆🍝炙燒黑豚肉醬意粉 $108 :呢款肉醬意粉係用咗高級嘅黑豚肉製成,之前食開嘅都係牛肉肉碎,佢哋就改成豚肉,味道都唔錯👍🏻,再加以大量嘅香草,將芝士微微燒至焦香,超邪惡😈,口感豐富,意粉軟硬度適中,肉嘅比例都算多,份量都唔少👏🏻👏🏻🍟炸薯條配黑松露蛋黃醬 +$20 :我哋叫咗意粉嘅關係,所以只係加$20就可以配炸薯條,呢款薯條配有黑松露蛋黃醬同埋茄汁,薯條炸到香口,食起上嚟熱辣辣😍,口感唔錯,如果淨係加$20嘅話其實份量都OK🍹藍水母(冷) $68 :最後就係嘢飲方面,我哋梗係要嗌返杯打卡首選,藍水母🪼,賣相精緻,係🩵💙🤍藍色嘅漸變🩵💙🤍,底層會有咖啡,中層係奶,以面層就係蝶豆花,整體味道好新穎,大家唔會搶咗大家嘅味道,咖啡味香滑濃郁,配埋蝶豆花味飲落淡淡清香,推介推介🙌🏻🙌🏻🍹女神莫希托 $58 :其實呢杯就係冇酒精嘅Mojito,青檸薄荷梳打,清新的味道,飲落解渴消暑,味道又唔會過甜👍🏻,有一陣陣清香嘅薄荷味,加上有埋青檸加持,特別開胃😌 繼續閱讀
(以上食評乃用戶個人意見 , 並不代表OpenRice之觀點。)
話說今日好期待咁嗌咗一杯 Souffle cappuccino.個名即刻吸引到,我再望埋張相,原來係咖啡上面放咗一層 souffle!我最鍾意是有創意嘅飲品,所以即刻嗌咗。點知!飲落發現,原來係佢用啲泡沫做到好似souffle嘅形狀,冇 souffle 係度。極致失望,中伏。消費者委員會可能會有興趣知多啲 😎不過,啲嘢食都OK,嗌咗碟$138嘅柚子胡椒青口pasta ,份量唔算多,所以我比較大食嘅女朋友話唔夠飽😗結論: 性價俾一般,唔會再去。 繼續閱讀
(以上食評乃用戶個人意見 , 並不代表OpenRice之觀點。)
等級2 2024-04-28
103 瀏覽
打卡就OK😂質素就普通了二百幾蚊一個意粉還好了但是$88.1個普通炸薯條是翻炸的 超硬疏乎厘咖啡本身期望是真的的咖啡上面是疏乎厘 原來是奶泡,非常失望質素也談不上這個價錢限時75分鐘 食物上枱也較慢剛好食完嘢電話Apps落單,QR code顯示仲有15分鐘 打算叫甜品嘅時候發現已經block咗唔俾order甜品 詢問店員話只可以order飲品 比較無奈的是店員見我們在私下討論時 便過來話 因為佢哋製作甜品時間需要30分鐘 🤷🏿‍♀️ 繼續閱讀
(以上食評乃用戶個人意見 , 並不代表OpenRice之觀點。)