2
2
0
食評 (4)
等級3 2019-12-31
413 瀏覽
每次外遊返港,都會利用信用卡優惠,在機場T2 Premium Plaza Lounge 食D嘢先返屋企。😊其實食嘢都係其次,最重要係儲Arrture分嘛!而家T2 closed, 信用卡公司貼心地為我呢D窮L補位,不過淨食only, 冇分儲㗎⋯⋯一落機出閘,過埋Custom向右望就見到Root98, 位置勁方便👍唔會揾唔到!沙律🥗杯入面冇任何醬汁,我唔知佢係唔記得比定本身係咁😒冇味道嘅!最正常係杯凍Mocha!各款三文治🥪都係即制,包面經過烤焗,外脆內軟,但都係同沙律杯一樣 ~ 冇味嘅!沙律杯蔬菜🥬新鮮翠綠,又好為客人健康著想,提供冇醬沙律🥗但係如果可以比我揀醬汁會好好多囉,唔係個個接受到就咁齋泊菜㗎嘛!❌牛肉飯係做得比較差嘅,又係冇味之餘,兜牛肉底部係比大量油浸住,小心⚠️免費嚟講,又唔使排長龍,係OK嘅。不過就唔好揀牛肉飯囉! 繼續閱讀
(以上食評乃用戶個人意見 , 並不代表OpenRice之觀點。)
等級4 2019-11-07
839 瀏覽
當日落機用信用卡換套餐,有5款套餐揀,而且可自選沙律及鮮果汁/咖啡,當然食材以當日而定。幸運地還有軟殼蟹漢堡,但沙律不可自選,果汁可選蘋果/橙汁。沙律吧都有數款選擇,但可能餐廳改左,張卡換的套餐不能自選,但普通客人當然任選,下次再試。我揀左軟殼蟹漢堡配冬陰蛋黃醬,標準雜菜沙律,查問後,可選4款沙律醬汁,飲品要蘋果汁。外賣包裝整齊,食物質素幾好,但服務一般。軟殼蟹係炸定,客人落單,會再拎出黎焗熱,但幸好都有脆皮感,食落唔會好油,邊位係脆身,蟹肉都飽滿,同埋幾大隻,但冬陰蛋黃醬太少,而且無咩冬陰公味,微辣又無咩特別。總之揀蟹餅漢堡。個包有烘熱,都外脆內軟,唔錯架。沙律無得揀,真係失望,但都無法,由餐廳決定。不過沙律菜都爽脆同乾淨,加左柚子醋汁,幾開胃清新,而且有紅菜頭,加返少少分。蘋果汁味道清甜,當然加左糖水,但蘋果味濃郁,真材實料,份量亦大杯。總捨食物質素幾好,只係環境同服務一般,加上有少少失望位扣分,所以算是OK 繼續閱讀
(以上食評乃用戶個人意見 , 並不代表OpenRice之觀點。)
等級1 2019-10-27
530 瀏覽
今日台灣早機回港,航班上只顧休息沒有食飛機餐,所以一下機便感到肚餓。一出抵港HALL B便見到從沒有試過的Root98 Grab 'n' Go,馬上過去看餐牌。由於差不多中午的關係,看到韓式牛肉拌炒飯便毫不猶豫落單。可惜的是堂食位置不多,而且它們也是主要做外賣自取生意,最後決定外賣有回家享受。雖然多人落單等候,但員工清單快,由落單到外賣到手都只要6分鐘。拌飯足料,有泡菜、菠菜、青瓜絲、胡蘿蔔絲和牛肉。由於牛肉多汁的關係,飯和拌菜十分容易拌均,十分入味,最後再飲一杯鮮榨橙汁。 繼續閱讀
(以上食評乃用戶個人意見 , 並不代表OpenRice之觀點。)
等級3 2019-06-28
1298 瀏覽
今日來接到港朋友,被店舖的三文治、果汁及沙律吸引,先買少少,接完機後可以試試。新鮮慢壓果汁Timeless $58 (354毫升) Timeless 果汁有蘋果、橙、黃薑及薑四種材料。味道很鮮,橙味香,有蘋果甜味。最突出是黃薑及薑的味道......辣味,確是醒神又有營。沙律 $68 (400克)從沙律廚櫃選擇兩款: 地中海甘藍藜麥沙律、蜜烤紅菜頭甘藍沙律......跟着選了千島汁伴在沙律旁......甘藍藜麥沙律有羽衣甘藍、黑橄欖、蕃茄及藜麥,食材新鮮好味!蜜烤紅菜頭甘藍沙律中的紅菜頭甜味恰到好處,口感軟硬適中。我愛將這兩款沙律一起吃,紅菜頭和橙帶來濕潤,令單調的藜麥變得豐富。千島汁的微酸與紅菜頭很配合,整體食材新鮮好味,美中不足是羽衣甘藍的份量實在太少!店員提醒沙律膠盒可以循環再用,服務細心!店舖近B區的抵港樓層,設有少量堂食座位。 繼續閱讀
(以上食評乃用戶個人意見 , 並不代表OpenRice之觀點。)