35
2
1
電話號碼
62666706
開飯介紹
色彩繽紛的寵物友善餐廳,並以「可持續生活方式」為經營理念。採用本地食材製作西式料理,有葷素口味供選擇,另提供多款健康飲品。 繼續閱讀
營業時間
今日營業
12:00 - 21:00
星期一至三
全日休息
星期四至日
12:00 - 21:00
*最後落單時間: 20:00
付款方式
Visa Master AlipayHK 支付寶 現金 八達通 Apple Pay
其他資料
網上訂座
賞訂座積分
當面支付
有關獎賞計劃
食評 (39)
等級4 2022-05-09
62 瀏覽
邊食野邊聽住人唱歌,絕對是一個自誤放鬆好地方,周末放假來走一趟可以讓身心靈得到舒暢的Rooots,坐著不止年青人,還有一家大小,帶著寵物都大有人在,難怪如此吸引人前來。******************************Rooots 位於工廠區內,翻新為南豐紗廠商場之内,雖然離地鐵站有一段距離,但絕對能吸引不少人前來逛逛。走進商場,經過不少的商店,都滿有年青人在,最後終於來到Rooots 店前,才發現並不是一間食店,就像是一間賣精品店的裝潢,隨便讓人入内參觀,甚至坐下享受美食,天還要遇上有人唱歌表演,更是讓人心花怒放地享受這個周末,就算路多遠,都值得前來。食物以意粉薄餅為主,還有些小食和甜品供應。此外,有1人和2人餐的選擇。套餐可以選沙律或是日餐湯、主食,甜品就由廚房不定安排款式,指定飲品一杯,或補錢享用餐牌内其他飲品,價錢都是百多至二百多收費,最重要沒有加一收費。入內先去點餐,都是自助形式,自己點餐,找坐位,取餐收餐。食具和水都自取,全部都用上環保餐具。點選餐食,再找坐位,劃分了一個區域是對著歌者,但必經除鞋入座。此外,還有不同形式枱櫈,讓人可以自由地入座。醬燒BBQ豬脾骨 HKD218一人餐,跟是日餐湯羅宋湯,加錢轉益力多紅茶,跟甜品一客,最後只付HKD238。羅宋湯以不少新鮮蔬菜煮成紅湯,所以酸得來都幾清新。醬燒BBQ滿有蒜蓉香味,吃上口非常惹味,豬脾肉嫩滑又夠入味,配上蕃薯條都不錯,還附上少許沙律菜,確實不錯。飲品益力多紅茶,很香伯爵茶的味道,最後便是益力多甜味,這味道和甜度都配合得剛剛好。是日甜品,是日甜品是雪糕球一個,插上Root 笑容朱古力牌,簡單又精美。朱古力味道非常香濃而不甜,朱古力控實會喜歡。 繼續閱讀
(以上食評乃用戶個人意見 , 並不代表OpenRice之觀點。)
等級4 2022-05-08
25 瀏覽
歷史悠久嘅南豐紗廠, 早已被活化成潮地, 內有場零售、文化、展覽、藝文空間及無數的概念食店, 今日我就嚟到呢度嘅特色概念餐廳......Rooot, 吸引我來的是他們在OR 的自我介紹:食店、商店的結合, 空間綠化, 色彩繽紛的佈置及牆壁, 特別吸引, 最重要係一啲都唔焗促, 空間感十足,  逢六日2點半開始仲有Live band唱歌。餐廳主要供應新鮮食材製作的食品, Pizza、意粉、小食、果汁、咖啡及甜品一應俱全, 價錢合理, 梳化位置坐得很舒服。小食拼盤 ( $148)雞翼x4本地豬肉梅菜丸 x 4炸蕃薯條 沙律菜紅菜頭火龍果黑加侖子汁 ($48)自家即制, 甜味來自果糖, 不添加任何人造糖, 難得係鮮榨紅菜頭完全冇草青味, 紅菜頭、火龍果、黑加侖子汁份量調配出色, 入口好清甜, 最重要是健康有益。雞翼 ~ 泰式甜酸醬雞翼, 酸酸甜甜, 香辣惹味, 冇人抗拒的小食。炸蕃薯 ~ 填肚之選, 連皮炸, 高纖又飽肚, 炸得乾身, 拈少許青瓜沙律醬食, 開胃減膩。本地豬肉梅菜丸 ~ 梅菜肉丸是餐廳自家製作, 好好食, 材料有梅菜、麵根、馬蹄粒、本地豬肉及紫菜, 梅菜做到爽脆口感, 本地豬肉鮮香肉濃, 外層炸得脆卜卜的, 肉丸內卻非常juicy, 喜愛佢哋只用少少鹽提鮮, 唔會落重調味料, 本身食材新鮮的話, 這些食材的配搭不加味精, 食本身味道更好食。小食拼盤配兩個醬, 咖哩醬及甜酸青瓜沙律醬, 咖哩醬好有港式咖哩魚蛋嘅風味, 咖哩味夠香夠濃, 辣度適中,  建議佢哋開拓港式咖哩風味小食 eg 咖哩魚蛋、咖哩豬皮、蘿蔔等, 一定受歡迎。呢個男仔唱得好好聽, 歌聲溫柔動聽, 感情運用也很不錯, 上網CHECK 八下, 原來佢叫彭家賢, 參加過全民造星, 水準隱定, 努力, 你一定會成功的。好HEA 又好吃的一間本土餐廳, 值得支持! 繼續閱讀
(以上食評乃用戶個人意見 , 並不代表OpenRice之觀點。)
等級4 2022-04-17
113 瀏覽
文青聖地南豐紗廠其中一間充滿特色的CAFÉ,店家是動物友善餐廳可以放心帶同寵物一同用餐,店內環境設計精美,有不同的主題,也有衣物等售賣。點餐及取餐均是自助形式,用的餐具也是全紙製,用餐完畢也有專門的回收區,非常環保,也能教導小朋友養成良好習慣。假日一人套餐黑糖焗豬肋骨半份 - $218即叫即焗關係需要等十數分鐘。豬肋骨的肉質又瘦又嫩,塗滿惹味的黑糖BBQ醬,特別有種甜滋感,半份切開都有五條;用上較健康的蕃薯條,連著皮特別濃味,有天然的甜;跟的沙律菜更有羽衣甘藍。時令沙律沙律菜同樣有羽衣甘藍、紅椒絲,不過多了紅蘿蔔絲和車厘茄,有少許醋調味。不吃沙律的話,可以選擇餐湯。Iced Mocha +$24顏色層次分明充滿美感,有咖啡的醇香,又有牛奶的柔滑,更有甜蜜的朱古力,鋪面還有一粒粒的朱古力粉。甜品保留收據再向店員取甜品,一客冰凍的朱古力雪糕球,以軟滑綿密的朱古力味作今餐的完美句號。 繼續閱讀
(以上食評乃用戶個人意見 , 並不代表OpenRice之觀點。)
🌁🌉🌌🎆🌇🌆🌆🌃🎇🌠🌅🌅🏞🗾🎑 🪞 ROOOT🪞 Forest Livelihood Carefree地址 :荃灣白田壩街41號南豐紗廠1樓119號舖 *・゜゚・*:.。..。.:*・'(*゚▽゚*)'・*:.。. .。.:*・゜゚・*呢間Cafe令我有點吃驚 😱面積好大 有好多特色小展覽 擺設咩叫生活態度 😂 Here is it R . O . O . O . T .綠化嘅地方好多 大大小小翠綠茂盛嘅植物周圍都係另外 佢地係動物友善CAFE歡迎帶埋pets pets尼2022年度 開心大發現‼️究竟ROOOT係乜嘢東東尼⁉️A. 🙊生活體驗館 ? 👀 ◉‿◉B. 🙈文化綠洲 ?🐥 (⁎⁍̴̛ᴗ⁍̴̛⁎)C. 🐣文青博物館 ?🐸 (*☻-☻*)D. 以上皆是💯💯😂❇️ANS : D❇️餐牌我就唔po 出嚟. Po裡面既環境 都Po唔哂 真係好令同男店員吹左幾句先知道佢哋喺大埔有塊田餐廳提供既食物就係你知嗰塊田種植既菜蔬Real HKers eat HK 🍱Food 雞肉青草醬意大利麵⬇️凍抹茶鮮奶⬇️朱古力心太軟配朱古力雪糕⬇️芒果熱情果撻⬇️ 繼續閱讀
(以上食評乃用戶個人意見 , 並不代表OpenRice之觀點。)
等級6 2022-02-22
1150 瀏覽
上文講過同舊同學行完山,去咗「愉景新城」嘅「Chef's Stage Kitchen」食晏,言談間,原來佢未去過「南豐紗廠 」,而且,佢話幾有興趣睇吓,既然就晌附近,帶佢行一轉,睇睇間紗廠變成點!閒逛完,搵個地方再打打躉,食個下午茶,傾吓偈,見呢一間「Rooot」幾得意,又有啲特色下午茶餐,就坐低試一試。我諗睇過其他人嘅食評都見,呢間餐廳嘅裝修好特別,周圍都掛上啲布條,色彩繽紛,充滿活力,而且,唔同角落,都放置咗好多植物,有大棵嘅,有小盆嘅,座地嘅又有,掛起嚟嘅又有,猶如小森林咁樣,再者,地方都幾寬敞,仲喺間寵物友善餐廳。而最入面,仲有一個區間,需除鞋先可以進入,地上放咗好多「咕臣」,仲有啲鼓同結他,原來,一到假日,就有Live Band,大家可以一邊食嘢,一邊聽吓音樂,相信都幾治癒。提一提,落完單後,俾個傳呼器你等攞嘢,而餐具 、調味料、飲用水及餐紙……等等,全自助,而呢度啲餐具、器皿都喺環保物料做(飲品膠杯除外)。食物方面,先介紹下午茶餐,價位分$58、$68、$78,包一杯花茶、咖啡或特飲,而選擇都頗有特色。由於無耐前先食完晏,所以,我哋就揀啲輕怡少少嘅嚟過吓口癮。另外,仲有一款甜品餐牌,好適合下午茶時段享用,不過,就唔喺套餐嚟,亦無加配優惠。由於舊同學未試話咩叫做牛角窩夫,所以,感覺喺唔平,亦點一客俾佢見識吓。此外,仲有幾張散點嘅餐牌,就影埋出嚟俾大家參考吓。小食拼盤半份 $78想「些牙」嘅,揀呢一款小食拼盤就最好不過,可以一次過試到多啲嘢,而拼盤就包括咗港式水牛雞翼、豚肉梅菜馬蹄波、炸地瓜。啲雞翼幾好食喎,炸得甘香,好有辣勁,好彩嗌咗杯凍飲解吓辣;肉丸就頗有特色,混和咗梅菜及馬蹄粒,又打得鬆化,集鹹鮮爽,可以沾上少少自家製咖喱汁伴食,更添風味;至於啲蕃薯條炸得香脆不膩,又夠晒粉甜,好食。凍西柚紅茶(跟餐) 午餐飲咗杯咖啡,所以,下午茶就揀杯西柚紅茶,個茶底都幾香,配西柚,都幾爽,唔使次次都檸茶嘛。雪糕牛角窩夫 $68 上過月曾食過一次牛角窩夫,亦知呢樣嘢晌香港都出現咗一段日子,先晌韓國大熱,再傳嚟香港,直接將牛角酥放入窩夫機製成窩夫。賣相就單薄少少,幸好,件窩夫都做得外層酥脆,食落多咗一份牛角包嘅牛油酥香,而雪糕球唔喺雲呢嗱,而喺荔枝口味,更加啱晒小弟。青檸接骨木花梳打 $48又喺好奇心驅使下,同學就揀咗杯接骨木花梳打,其實,接骨木花無乜味,但梳打配青檸,感覺就好清爽,但喺,佢話個青檸好難篤,浮嚟浮去,哈哈!溫馨提示一下,晌度食完嘢,就需要自行收搭餐具、托盤等等,去到回收站,亦要幫忙分類,為環保,多行一步絕無問題啦。好悠閒嘅一日,行吓山,食吓嘢,最搞笑舊同學話好似大鄉里出城,好多嘢今日都喺第一次去,第一次試! 繼續閱讀
(以上食評乃用戶個人意見 , 並不代表OpenRice之觀點。)