影片
同爸爸揀左2份lunch sets，都幾多選擇，見係近地鐵站，行完街街見環境幾舒服就試下啦。菠菜野菌煙肉欖油意粉意粉QQ，煙肉油脂均匀渗透入意粉，野菌多汁，菠菜同野菌中和左煙肉嘅油膩感，變得成碟食落好清新。紅酒燒汁香煎西冷牛扒配薯菜揀左七成熟，我麻麻地，因為西冷有嚼勁，嫩啲會更好，不過紅酒燒汁酸酸甜甜，都幾開胃。薯條香脆，但份量多啲會更滿足。迷你提拉米蘇呢個超驚喜，好好味，入口即化，勁smooth～
繼續閱讀
為食🐑今日喺南豐中心行到攰，搵到呢間Cafe休息一下，環境清新舒服，走簡約風，坐喺窗邊仲可以望街景，感覺好放鬆，啱晒想靜靜地食飯嘅人。Lunch Set 包沙律同南瓜湯，選擇多，份量啱好，食得健康又滿足。L1 🦐鳳尾蝦白桃紅寶石羽衣甘藍雜沙律 配 凱撒乳酪汁 $100
呢個沙律好清新，紅石榴同羽衣甘藍有抗氧化作用，白桃同青瓜酸甜開胃，大蝦新鮮彈牙。凱撒乳酪汁唔會太濃，自己加醬好自由，間中食吓清腸胃真唔錯。🥩L6 香煎西冷牛扒 配薯條及餐菜．紅酒燒汁 $160
🥩西冷牛扒啖啖肉，邊位帶點肥膏好香，配粗薯條同翠玉瓜，薯條🍟點茄汁好滋味。紅酒燒汁味道濃郁但唔搶，襯牛扒好正。🍎香草蘋果花草茶
🫖用川寧Superblends放鬆安睡茶，洋甘菊同西番蓮味好舒緩，仲有淡淡蘋果香，飲完真係放鬆心情。附送小樽蜜糖，想甜少少自己調，幾貼心。✨呢個價錢喺荃灣食Lunch真係幾抵，地點近地鐵站，交通方便。想搵個地方同朋友輕鬆食飯，或者一個人chill吓，呢度係個唔錯嘅選擇！
繼續閱讀
好耐冇去過南豐中心，見到呢個位原來變左間Cafe，就入黎試下~因為本身呢個位置氛圍格外舒適，望住樓下人來人往嘅地鐵站，喺到享受好野食，真係勁Chill！好有後花園嘅感覺~🔹南瓜湯🔹 是日餐湯~真材實料嘅南瓜湯，好幼滑，新鮮嘅清甜~🔹前菜沙律🔹 新鮮蔬菜搭配芝麻醬~口感清脆，我最愛~🔹珍珠帶子海鮮野菌茄醬意粉🔹 珍珠帶子好多粒~配埋啲野菌口感好好~茄醬嘅酸甜好夾~有時好怕勁酸同勁甜嘅汁~🔹香煎美國穀飼Prime肉眼牛扒（8OZ）🔹 牛扒即質素唔錯~揀左五成熟，又真係煎得外焦內嫩~個薯蓉超好味，又好滑，食唔停~仲要配埋勁甜嘅燒菠蘿，好滿意！🔹凍Espresso Tonic🔹 黎cafe就係要飲杯coffee~叫左杯凍Espresso Tonic，咖啡濃郁味同氣泡一齊飲，爽呀！咖啡好香~
繼續閱讀
❣️Room Garden Cafe (荃灣)荃灣青山公路 - 荃灣段264-298號南豐中心2樓32C號舖☎️今日行完街，諗住近近地喺附近食少少嘢，點知就發現咗呢一間喺南豐中心入面嘅西餐廳～呢度嘅選擇都唔少㗎，有主食、扒類、小食同埋甜品添！而我就簡左西冷扒、薯條同蜜糖雞翼，仲有朱古力心太軟🤤香煎加拿大西冷扒8oz $167西冷扒五成熟，好容易就可以切開，而且肉質比較結實，所以食落都比較有口感～炸薯條配黑松露醬 $52熱辣辣嘅薯條配埋濃郁嘅黑松露醬，真係一個好嘅配搭🤤香脆雞翼$62蜜糖雞翼嘅誘惑真係抵擋唔住🤣雞翼煎得好香脆，咬落仲嫩滑多汁～朱古力心太軟$58好耐冇食心太軟，所以決定嗌個心太軟嚟食吓🥰外層嘅蛋糕好鬆軟，而裏面嘅流心朱古力好濃郁，好食😋#荃灣 #荃灣美食篇 #南豐中心 #荃灣美食 #荃灣西美食 #牛扒 #意粉 #朱古力心太軟 #雞翼 #香港 #香港美食
繼續閱讀
環境有半落地玻璃窗睇到出面，自然光引入餐廳係舒服。意粉都ok, 唔會淋patpat ，份量好足夠，燒烤菇菠菜野菌橄欖油意粉價錢$82。叫左個朱古力鮮奶特飲加$32，ok, 唔會好甜，加埋一共$125，午餐黎講少貴。
繼續閱讀