87
25
12
港鐵銅鑼灣站 A 出口, 步行約4分鐘 繼續閱讀
電話號碼
28932128
開飯介紹
這家位於銅鑼灣的樓上小店頗受好評,店主Ron拜師學泡咖啡及製作蛋糕一年多,慕絲蛋糕餅底以Valrhona朱古力粉與消化餅製成,慕絲亦做得佳,是該店的人氣之選。 繼續閱讀
特色
飲o野傾計
營業時間
今日營業
13:30 - 23:30
星期一至二
12:30 - 22:30
星期三
全日休息
星期四
12:30 - 22:30
星期五
12:30 - 23:00
星期六
13:30 - 23:30
星期日
13:30 - 22:30
付款方式
現金 支付寶
其他資料
當面支付
食評 (129)
等級4 2018-08-10
295 瀏覽
網上見到呢間樓上咖啡店一直人氣高企,所以趁放假同朋友黎食個tea,順便輕輕鬆鬆傾吓計。小店地方唔算大,一入去即刻比牆上面幅畫吸引左目光,係一個花園的wall painting,令人有一種置身於大自然,好輕鬆舒服嘅感覺。本來我哋打算食tea set,但係見到menu上的相片覺得好一般般,賣相唔吸引,所以最終冇叫到tea set,而係選擇左窩夫。窩夫即叫即做,餐碟上舖滿好多迷你棉花糖、果仁碎粒、新鮮水果粒,忌廉同糖漿。而且仲有一個柚子雪芭,味道好fresh。雖然佢哋嘅食物質素普普通通,但係喺繁華的都市中都算係一個可以令人暫時忘卻煩惱的小花園。 繼續閱讀
(以上食評乃用戶個人意見 , 並不代表OpenRice之觀點。)
等級3 2018-05-20
452 瀏覽
由細到大都唔鐘意逼🤫所以咩都鐘意提早慶祝架今日就提早慶祝媽媽節🎂(雖然話孝順既日日都係母親節😋,但都想有個籍口帶屋企人岀去食個飯開心下啦)上OpenRice 搵到哩間小店因為每次同屋企人岀去食,拒地都鐘意有set,可以有湯、有餐飲甜品etc 👍🏻而Rondavy 就有相關既提供老闆係自己一手一腳打理餐廳好坦白講,食物質素係一般,但加分既地方係拒既服務同拒所有小裝飾餐具擺設都務求令顧客置身好舒服既環境入邊relax 享受飲食既過程。我會再去既,試埋拒地既tea set 同支持香港既小店🤞🏻 繼續閱讀
(以上食評乃用戶個人意見 , 並不代表OpenRice之觀點。)
等級3 2018-02-28
535 瀏覽
今日午餐試了這間樓上cafe, 這餐廳近時代廣場,地理方便,易揾,老闆亦好好人,好nice!環境優美,都算闊落,牆上有大型手繪花園油畫,很有心思!食物方面,今日試左三文魚水煮蛋,水煮蛋加入沙律醬味道尚可,特別鍾意薯條,佢用蕃薯炸成,甜甜地好好食!飲品方面,我選了椰子咖啡,好重椰香,拉花都好靚!甜品,有豆腐糕,香茅糕,咖喱曲奇,味道唔錯。呢餐$152, 價錢以午餐來計算較貴,但如果想歎個下午茶,可以試一試~ 繼續閱讀
(以上食評乃用戶個人意見 , 並不代表OpenRice之觀點。)
等級8 2018-02-22
1026 瀏覽
呢一篇諗咗好耐,究竟加唔加入「好友狂嚐曲」嘅系列,因為,嚴格嚟講,佢絕對唔喺曲奇,但個名稱又跟曲奇扯上關係,就喺嚟自「Rondavy's Artisan Kitchen」嘅Sconkie。粉藍色嘅包裝盒,仲要襯上喱士花帶,少女味十足,難以想像喺送俾小弟呢個麻甩佬作為生日禮物,實在太多謝友人餽贈。咁咩叫做Sconkie呢?其實,取自Scone+Cookie,但完全唔太曲奇嘅元素,至少成份上牛油排到最後,份量佔得非常之少,只可以睇為迷你版嘅士乾(Scone),或者做成曲奇呎吋嘅士乾。內裡共有6款Sconkie ,全獨立包裝,跟住,再慢慢逐款細嚐,跟大家分享。Earl Grey睇佢外觀,就知用料十足,未食都已經聞到伯爵茶嘅香氣。入口,跟食一般嘅士乾分別唔太,乾乾哋身,軟軟腍腍,但茶味真喺濃郁。Sesame輪到芝麻味,同樣喺芝麻味突出,咬到細碎嘅黑芝麻。其實,士乾嘅質感唔喺人人都識欣賞,佢哋棄曲奇,而做成士乾,都有少少冒險。Ginger睇樣就唔知哋點,要試吓先知龍與鳳。咬落,啲薑味確喺幾出,帶微微辛味。Garlic蒜味嘅嘢一向討人歡心,因為夠香濃惹味。呢粒士乾嘅蒜味,亦都夠晒強勁,未入口都聞到。Coffee相對以上嘅味道嚟講,咖啡味則比較大眾化,但同樣做得出色,咖啡味都頗香醇,配番杯咖啡,一流啦!Cocoa取而代之嘅,喺比朱古力更濃、更甘苦嘅可可口味。可可味挺濃郁,帶微微嘅苦味,感覺不俗。文初都有講,Sconkie理論上視為迷你版嘅士乾,所以,放咗晌「好友狂嚐曲」嘅系列之內,明顯有點抽水之嫌,名符其實嘅偽曲奇食評,哈哈。 繼續閱讀
(以上食評乃用戶個人意見 , 並不代表OpenRice之觀點。)
等級4 2017-08-06
1125 瀏覽
最近,在飯局中,女食友送上一份生日禮物給我!原來是購自 Rondavy's Artisan Kitchen 自家製出品的 Sconkie!多謝她那麼有我心,實在太客氣嘞!Sconkie Tiffany blue 顏色的包裝鐵盒,盛載 6 款獨立包裝的 Sconkie!Sconkie 是 Scone 及 Cookie 的混合體! 完全是迷你版的 Scone,約 2cm 厚的Cookie!相當有特色!入口很鬆化!不同口味食材帶出不同的質感及味道! Earl grey伯爵茶口味滲出清清茶香,一粒粒的茶葉,真材實料!Ginger富有薑的黃色,其辛味霸道!Garlic餅身鬆脆可口,夾雜炸蒜粒,香氣無比! 相對口感豐富!Coffee香濃咖啡味而鬆化!口味突出!討人歡喜!Cocoa深啡色的外表不太吸引!濃郁可可味,微甜帶苦!另一款口味就留給媽咪試試吧! 繼續閱讀
(以上食評乃用戶個人意見 , 並不代表OpenRice之觀點。)