211
17
7
港鐵炮台山站 A 出口, 步行約5分鐘 繼續閱讀
電話號碼
27157777
營業時間
今日營業
12:00 - 15:00
17:30 - 23:00
星期一至六
12:00 - 15:00
17:30 - 23:00
星期日
12:00 - 15:00
17:30 - 22:00
付款方式
Visa Master AE 現金 銀聯 支付寶
座位數目
66
其他資料
網上訂座
Wi-Fi
酒精飲品
自帶酒水 詳細介紹
泊車 詳細介紹
電話訂座
賞訂座積分
加一服務費
室外座位
當面支付
有關獎賞計劃
食評 (242)
等級6 2018-05-18
1175 瀏覽
講開幽默感,我有個中學同學,佢晌食字方面幾叻,而且,講爛Gap確幾有一手,確喺引發出唔少笑位。今晚,帶同親友嚟到Rojo見識見識西班牙菜,都喺為到一道「優物」:西班牙海鮮飯,喺食西班牙菜嘅好嘢,原來進化多一道墨魚汁版,認真喺「黑色優物」。而近年,西班牙菜餐廳越開越多,除多人認識咗西班牙菜之外,西班牙菜本身都頗有特色,尤其喺佢哋嘅西班牙小食(Tapas),可以講喺好多人認識西班牙菜嘅入門。餐廳店名黑底紅字,晌漆黑嘅木星街,店名顯得更突出,Rojo喺西班牙文,意思即喺紅色。而店內裝修雖然簡約,卻摩登有型,以黑白灰為主調,又帶點粗獷味。除入門口嘅用餐區,再入啲仲有一直排嘅用餐區,所以,地方都唔算細。餐牌以小型報告板形式夾住啲菜單,一份喺講飲,另一份喺講食。先講飲品餐牌,問餐牌之上,都會見到兩個價錢,就喺「歡樂時光」(HH)嘅優惠價及正價(NH),星期一至日,5:30pm-8:00pm,晌附近返工嘅朋友不妨嚟飲嘢短聚一下。講到飲品選擇,當然唔少,包括紅白酒、西班牙生果酒、烈酒、啤酒、雞尾酒、無酒精雞尾酒、汽水、果汁、啡茶……等等。另一組食物餐牌,第一版喺廚師推介,有西班牙小食,有新出嘅大盤;第二版喺達20款嘅西班牙小食及特色拼盤;最後一版就喺湯、主菜、甜品……等等。整體嚟講,無論飲定食,都不愁無選擇。店子以西班牙小食為主打,當然先嚟幾道小食邊食邊傾,跟住就上個西班牙炒飯,臨尾甜品作結,咁就完美喇。Gunner $46配西班牙小食,就算唔飲酒,都配番杯非酒精嘅雞尾酒啦。小弟揀咗杯由薑啤、苦酒及青檸汁組成嘅「槍手」,色澤金黃,味道清爽而帶少少薑味,襯濃味食物喺幾好配搭。AuAussi Punch $48友人呢杯Aussi Punch,成份有芒果、熱情果、薄荷及梳打,入口酸酸甜甜,但又有微徹薄荷清爽嘅感覺,亦好對其口味。Camomile Strawberry Martini $58另一位友人就真喺想試試雞尾酒,所以,揀咗一杯以氈酒溝入洋甘菊、士多啤梨及接骨木花所調嘅Camomile Strawberry Martini,成份認真特別,味道亦好有趣,先喺士多啤梨果多,慢慢又滲出輕度茶味,真得意。八爪魚他他(Octopus Tartare) $98以芹菜頭粒、牛油果蓉、 八爪魚薄切,一層疊一層砌成圓塔形,再伴以蕃茄莎莎及沙律菜,造型夠晒立體精緻。八爪魚醃得油潤,口感柔韌,夾埋牛油果蓉及爽口嘅芹粒,口感同味道都變得富層次。辣蕃茄醬燒薯仔(Patatas Bravas) $52食完冷盤嘅八瓜魚,再搵啲暖暖哋嘅辣蕃茄醬燒薯仔緩和吓。睇落好似好簡單嘅小菜,但味道真喺唔錯,辣蕃茄醬酸酸辣辣,辣度輕盈,入口幾醒神,而燒薯仔咬落仲帶點點爽脆感。蟹肉多士(Crab Paste Toast) $88多士之上嘅蟹肉醬做得頗鮮味,因為食落堅多蟹肉,食得出一絲絲,再加上洋蔥、香草調調味,感覺更好。不過,賣相唔得,百吉包斜切,但蟹肉醬只喺放中間一抹,又無乜伴碟,外觀好寡囉。個人建議,法包橫切成小圓片,再烘一烘,或索性用啲穀麥包,色澤對比更好。西班牙腸肉丸(Chorizo Pork Meat Ball) $68友人打趣咁講,呢道肉丸喺西班牙版嘅山竹牛肉,一客4球,搓得潭渾圓,伴以酸青瓜。食落,當然跟山竹牛肉喺兩碼子嘅嘢啦,但豬肉丸混入咗西班牙辣肉腸,唔喺以鬆化嚟形容,喺口感挺身咗,有重煙韌性,而味道鹹香微辣有個性。香煎鵝肝配無花果多士(Foie Gras & Figs Toast) $98最後呢款鵝肝多士,喺友人指定想試嘅心水菜,雖然只得兩伴,但件鵝肝大到遮蔽晒件多士,而且,煎得油香豐腴,質感外脆內嫩,伴以一小伴無花果肉及淋上黑醋,真喺無得點輸嘅配搭!西班牙墨汁海鮮飯(Seafood Paella with Squid Ink)$218除咗個龍蝦西班牙海鮮飯之外,所有西班炒飯都有正常及大份嘅份量供選擇,眼前呢份喺常份量,但都夠3-4人享用。點咗個加墨汁版本,睇相嘅效果喺無咁吸引,但再睇睇啲海鮮料,有大虎蝦、魷魚圈、青口及蜆,樣樣都鮮甜,食得出唔喺雪藏貨,依然喺好有「內涵」。而飯粒分明,煮得啱啱好,將啲酸忌廉撈勻埋,就更好食。木星街3號(No.3 Jupiter Street) $68店子位處木星街3號,其中一款甜點就叫「木星街3號」,究竟咩葫蘆賣咩葯,送到上枱就明白喺綠茶拿破崙。睇樣賣相幾唔錯,中層嘅綠茶吉士幼滑而綠茶味濃,帶微微甘苦,不過,酥皮薄,咬落唔夠層次,未到酥化,最敗筆喺面層放塊朱古力片,因為塊朱古力有番咁上下厚度,根本一篤只會壓到啲吉士唧晒出嚟,卻喺篤唔開,若先拎起塊朱古力,又被啲吉士黐實,整到好「拿搞」,完全喺錯配。單喺得件拿破崙,雪糕球都無個,賣$68喺偏貴。西班牙油炸鬼(Churros) $68嚟食西班牙菜,甜點唔叫一客「西班牙油炸鬼」好似若有所失咁。襯啲離莓,賣相幾精緻,不過,「油炸鬼」明顯過燶,入口有啲乾,而且,完全唔熱,微暖都講唔上,所以,就算好有玉桂香都補唔番。同埋,嗰「兩粒」雪糕未免寒酸咗啲囉!兩款甜品有啲失準,反而,印象深啲嘅喺「天鵝」餐具托,好別緻。埋單前,店員仲俾咗張單張我,話喺午市套餐四送一(限星期一至四),1:00pm前結帳離座有9折優惠,不過,我話小弟唔晌附近返工,所以,用唔着。佢話唔緊要,或者介紹吓朋友嚟,咁就順便睇睇午市有咩選擇,當喺介紹俾附近返工嘅朋友。午市有兩款套餐,一款喺一人份嘅嘅Set Lunch,定價視乎所揀嘅主菜,由$88-$138,但已包是日西班牙小食、餐湯及餐飲,更可額外加錢配甜品。另一款喺二人份嘅Executive Lunch,定價$268-$318,亮點喺以3款西班牙飯作主菜選擇,仲包是日西班牙小食、前菜輕烤吞拿魚火箭菜沙律、蟹肉海鮮濃湯、甜點西班牙油炸鬼及餐飲,喺一頓非常豐富嘅午餐。多款西班牙小食、西班牙海鮮飯都做得具水準兼有特色,然而,甜品一環則有較大嘅落差,需從速改進嘅地方。至於服務一環,基本嘢都到位,亦不時幫忙換碟、添水。呢餐過後,友人對西班牙菜亦加深咗認識,亦好欣賞西班牙小食。 繼續閱讀
等級4 2018-03-23
2147 瀏覽
適逢男友相識紀念日小編決定『越洋』到天后品嚐一間口碑不錯嘅隱世西班牙餐廳-ROJO餐廳位置十分就腳 距離地鐵站都只不過5分鐘路程而已人流唔想門面裝修十分型格 大大的霓虹招牌配上落地玻璃 別樹一格途人經過都不禁望進餐廳裡入到去環境寬倘 坐得舒適 適合情侶約會談心先來兩杯特飲 青瓜特飲與青蘋果特飲青蘋果特飲不過不失反而這杯青瓜特飲令人眼前一亮新鮮爽脆的青瓜與梳打水出奇地搭配 配上薄荷葉 十分清新 簡直涼透心我地聽老闆介紹精選咗兩道菜人氣!!! 燒海鮮串標 Seafood Grill $248串燒上全部都係我最愛嘅海鮮分別有大大隻嘅烤海蝦 燒三文魚 帶子 青口 菇 青椒等的配菜 而且共有兩串 份量十足!食前先淋上檸檬汁更能帶出海鮮的鮮味先嚐一口烤海蝦 啖肉好鮮甜 蝦味十足香草三文魚都非常出色 口爽彈滑伴碟的乾番茄仔同薯仔都唔錯 整體味道無得彈 如果要我用一個字去形容依道菜 我會用: !鍾意食海鮮嘅朋友一定鐘意!必試!!! 西班牙烤乳豬 ROJO Suckling Pig🐖 $248小編本身都唔太好乳豬 不過見佢賣相咁正 一於試下佢!超好人嘅老闆仲幫我地切埋添 佢保證依隻BB豬一定令我從此愛上乳豬小編覺得乳豬好唔好食取決於佢夠唔夠熱 而眼前嘅係熱到出煙皮脆不在話下 咬落去聲肉質鮮美多汁 啖啖肉夠哂juicy 配埋辣醬同BBQ醬 真係冇得頂呀食完主菜就當然要嚟個甜品 - 西班牙油炸鬼 Churros $68新鮮炸起熱辣辣 表面灑上滿滿的糖蘸點一下朱古力醬 咬落去甜而不膩 濃烈嘅肉桂味。小編平時最鍾意甜嘢 所以依道菜食到停唔到手附送兩球曲奇雪糕 為整晚作一個甜蜜嘅結尾侍應服務細心 價錢合理又抵食 最緊要好食滿足的一晚 男朋友都表示無選錯餐廳總結10分滿分我會俾9.5分!! 繼續閱讀
(以上食評乃用戶個人意見 , 並不代表OpenRice之觀點。)
歡樂星期五 焦點食評
等級4 2018-03-04
3274 瀏覽
知道近排天后開咗好多食fusion 餐廳,而且仲要好好味。今次揀咗一間叫rojo ,地點亦都好方便喺地鐵站行出去5分鐘就到。咁晒我呢啲懶人。呢間餐廳食好多都係有西班牙特色, 而且餐廳亦都好多自製嘅cocktail,飲品,happy hour 當然冇問題啦。 又有得食又有得飲,啱晒朋友聚一聚。我哋叫咗唔同嘅西班牙特色食物丶 小食方面西班牙小食拼盤,呢個西班牙拼盤,有肉丸,沙甸魚,涷湯,吞拿魚法包,橄欖。呢度樣樣都好味,一路飲杯cocktail , 一路食小食最啱晒。我最喜愛凍湯同沙甸魚,因為唔係度度都可以食得到,非常滿足Jamon Serrano and melon, 呢度嘅火腿可能係因為餐廳選材都幾新鮮,鹹味適中,佢想甜甜又多汁嘅melon ,正西班牙菜當然唔少得食乳豬啦,呢度個乳豬價錢非常合理,份量都不少,脆卜卜既乳豬皮,配上嘅肉質鮮嫩,一啖一啖食落去,講真真係停唔到口。飲品當然要飲餐廳自家調製嘅咖啡cocktail, 雖然有expresso, 但係飲落去唔會好苦,而且帶少少杏汁嘅味道丶甘甘地,甜甜地。正呀👍🏻 繼續閱讀
(以上食評乃用戶個人意見 , 並不代表OpenRice之觀點。)
等級4 2018-02-11
1218 瀏覽
朋友住炮台山,約了一起吃午餐後行花市。原來炮台山很多橫巷也有不少美食。朋友帶我去一間介乎炮台山與天后地鐵站的西班牙餐廳,餐廳環境舒適,而食物性價比高,很賞心悅目的一餐。點了兩個brunch set,套餐有小食拼盤、餐湯、甜品及飲品。拼盤有4種小食,包括新鮮番茄包、原粒橄欖、蒜片蝦及風乾火腿配蜜瓜。味道及賣相均有驚喜。蒜蓉包脆口,配上軟軟的的番茄蓉;原粒橄欖不會很鹹;蒜片蝦很香口;最愛風乾火腿配蜜瓜,火腿的鹹香配蜜瓜的清甜,很夾。主菜有伏特加三文魚配檸檬牛油汁。三文魚點了芝麻才煎,有芝麻的香味,亦有三文魚的鮮味。配上薯仔、 菜豆、甘筍及意粉,很飽足。另一主菜燒羊架配薄荷乳酪汁,羊架八成熟,不太羶,蘸上汁更美味。配上薯仔、菜豆、甘筍及紅米飯,薯仔有少許辣味,而菜豆清清的,剛剛好。店員說轉了廚師,難怪賣相與OpenRice 見到的不同了,更好看了。飲品亦很驚喜,在店員的推薦下,點了一杯青瓜薄荷梳打及杏仁特濃咖啡。梳打有淡淡的薄荷香氣及清新的青瓜味,挺配的。而咖啡有一層泡沫,甜甜的,有酒香,不會很濃烈。餐廳播著舒服的背景音樂,而食物質素亦超乎預期的好,加上店員親切,服務良好,所以好喜歡,好享受。 繼續閱讀
(以上食評乃用戶個人意見 , 並不代表OpenRice之觀點。)