2
招聘中
應徵
$13,000-$14,000
月薪
365
34
6
港鐵油麻地站 A2 出口 繼續閱讀
電話號碼
27712781
營業時間
今日營業
12:00 - 01:00
星期一至四
12:00 - 01:00
星期五至六
12:00 - 02:00
星期日
12:00 - 01:00
付款方式
AlipayHK 支付寶 現金
座位數目
100
其他資料
網上訂座
Wi-Fi
深夜營業
電話訂座
賞訂座積分
加一服務費
電視播放
當面支付
有關獎賞計劃
食評 (437)
等級4 2019-06-28
3399 瀏覽
雖然我成日會嚟旺角食飯,但我真係比較少上去登打士廣場食,因為之前都中過伏,尤其是有啲cafe嘅嘢食,同小學生到會嘅食物冇乜分別,不過最近碌下openrice,見到呢間cafe多好評之餘又幾抵食,所以就上嚟試下喇。環境坐位我覺得比一般嘅cafe細些少,可能生意真係太好,連閑日嘅夜晚都可以全院滿座,仲要係訂哂枱嘅客人,真係唔可以睇小呢間鋪。睇睇主菜單,飯意粉等等價格合理,不過最搶眼嘅應該都係嗰兩個主菜,燒春雞同埋豬仔骨,價錢其實唔係貴好多,所以我哋就揀咗燒春雞試下,另外加多一個卡邦尼意粉,兩個主菜都升級咗有一個湯蒜蓉包同埋野飲。餐湯就係南瓜湯,南瓜味都出嘅,亦都相對杰身,蒜蓉包就有啲煙韌,都唔錯啦。卡邦尼意粉今次呢個意粉做得都唔錯嘅,因為個汁夠濃厚,較為杰身,所以啲意粉食落係非常creamy。同時間佢嘅材料都充足,火腿煙肉蘑菇等等都絕對唔吝嗇,食到最尾都有種配料比意粉多嘅感覺。香草烤春雞配薯菜上蝶嘅時候非常靚仔,燒春雞分量都大嘅,足有一隻燒春雞,雞髀部分都幾嫩滑嘅,燒春雞外皮有香草同蜜糖汁,食落甜甜地幾好味,配菜有沙律同埋三粒炸薯仔,睇返個人口味啦,對於炸薯仔我都覺得唔錯嘅。呢個燒春雞有驚喜,質素高於一般嘅樓上cafe。百香果紅茶,蘋果綠茶。跟餐附送嘅飲品,如果想飲其他特飲當然要再額外補錢,份量都大杯同埋音樂都清爽,唔錯嘅。我見到隔離枱叫豬仔骨嘅分量真係好大,如果有機會下次嚟到一定會叫豬仔骨! 繼續閱讀
(以上食評乃用戶個人意見 , 並不代表OpenRice之觀點。)
等級4 2019-06-23
5283 瀏覽
最近大家心情都好鬱悶,朋友之間最好都不要談政治,連慶祝生日飯都取消了,改為旺角輕鬆食飯傾計,西餐cafe 又有電視睇新聞。Rimi Cafe 位置登打士街,方便之餘又唔會受到封路影響。一入門口已經見到 board game, 佈置簡約舒服,食得精明就要透過OpenRice Book 位了,有95折!樓上Cafe來講Menu都算夠晒食物款式多。《珍珠奶茶》天氣熱辣辣,一坐低叫杯透心涼嘅消暑飲品,清新的茶味好解渴,珍珠好彈啊!《餐湯&蟹柳沙律》開胃之選,真係越食就想食。《雞翼拼盤配蜜糖芥末醬》雞翼控不能錯過,一大盤雞翼所上枱感覺好震撼呢!雞翼、雞鎚、炸薯條、雞翼調味恰到好處,皮脆肉嫩又多汁,最緊要就係熱辣辣咁食!戴上手套用手食份外滋味!《芝士焗香檳芥末汁牛肉飯》熱辣辣嘅焗飯,面層鋪滿濃郁的芝士,食起來有拉絲的感覺。香檳芥末汁夠惹味,牛肉軟滑。《椒鹽燒賣》蒸嘅燒賣就食得多啦!椒鹽就唔係周圍食到,坐喺度嘆住冷氣都有掃街嘅風味,真係唔錯!總括而言年青人的空間充滿活力,食物質素又高,下次喺旺角想搵個地方靜靜地傾吓計,呢度都係一個唔錯嘅選擇。 繼續閱讀
(以上食評乃用戶個人意見 , 並不代表OpenRice之觀點。)
等級4 2019-06-26
312 瀏覽
話說朋友介紹呢間cafe,又上網睇過有好多好評,一心滿有期望咁嚟試下點知結果好失望我哋一行7個人book左位,當晚好full,唔知係咪因為咁所以安排嘅位置都比較細,一個u型位置剛剛好坐得落7個大人,眼見每張檯都係咁上下,環境非常擠擁。我哋揀咗個7至8人套餐,$11xx,除番開每個人$165左右。套餐包括有8片蒜蓉多士,8個凍既餐湯,1款d菜有啲苦嘅caesar salad,4款小食(乾到好似牛肉乾咁嘅蒜片牛柳粒,炸得好香好脆嘅薯角,個人認為唔錯嘅雞軟骨,全晚最好食嘅芝士焗西蘭花),4款意粉或飯(忌廉雜菌燴飯,炒天使麵,吞拿魚焗長通粉,雞肉闊條麵)呢4個主菜不過不失,如果以cafe嘅質素嚟計係可接受。輪到好伏嘅超級無敵苦芝士拼盤,從來未食過咁難食嘅芝士係大家一致認同好難食,三文魚pizza有d腥,餅底好似餅乾。個BBQ豬肋骨,我地食淨好多。個set包左8杯飲品,$39以上嘅補差價,我哋7個人叫咗全場最貴嗰d特飲,大慨$55-59/杯,除咗特濃朱古力嗰杯有條頭髮喺裏面,個staff幫我換咗另一杯,其他嚟到嘅時候個樣都唔錯,不過所有飲品都好似溝咗好多水咁...一個字,伏淨返最後一杯多左出黎,我哋叫咗杯唔使加錢嘅蘋果紅茶,呢杯反而係最好飲嘅只怪我哋自己揀咗一堆特飲埋單每人承惠$192...完。 繼續閱讀
(以上食評乃用戶個人意見 , 並不代表OpenRice之觀點。)
等級4 2019-06-07
3364 瀏覽
坦白講我自己好少去Cafe,因為我成日覺得呢d地方如果唔係一班人,個氣氛硬係差咁d,但今次係旺角呢間樓上鋪比我感覺唔錯,就算情侶或者朋友單獨聚會都唔錯,呢到有分開左Sofa 同埋要除鞋既塌塌米區域,可以自己簡你想坐既地方,一大班人坐係到真係好chill咖!仲有海量級既board game、雜誌、Notebook 同埋免費 wifi 提供埋,想悶都難啦!👇📌 煙三文魚配忌廉雜菌天使麵 - $125👉要控制麵條質,第一件事最重要就係時間處理,唔可以太硬亦唔可以太腍,今次呢個無令我失望,忌廉相當creamy, 雜菌咬落幾爽, 麵質比我想像中軟滑,,幾樣夾埋層次都好豐富,份量亦都幾充足,洋蔥磨菇味炒得夠香,食得過!📌鮮蝦蒜辣炒天使麵 - $125👉哇!賣相已經好豐富,成碟都比d蝦cover哂,蝦肉食落新鮮仲要好爽口,蒜爆得好香脆唔在講磨菇炒得亦都好香有咬口,麵質一樣都係幾滑身,再加埋辣椒同迷迭香刺激個香味同辣度,帶少少辣但非常惹味,欖橄油同香蒜味因為炒既時侯帶出濃味,健康得黎又夠風味,值得推介!最後原來呢兩個主菜係可以額外加$19升級做套餐,包埋餐湯、蒜蓉包同埋紅/綠茶系列一杯,最後埋單都係每人$120左右,抵食! 繼續閱讀
(以上食評乃用戶個人意見 , 並不代表OpenRice之觀點。)
-朋友仔話要揀個地方輕輕鬆鬆, 邊食飯、邊做埋份report🖱️。 講到咁唔使講啦,就去樓上cafe啦!!好似屋企,咁冇咁拘束。鮮蝦🦐蒜辣🌶️炒天使麵($125)小妹本身就鍾意硬身嘅天使面,呢個開正我嗰範。香辣雞翼🐔[3隻]($37)總之叫6隻喇, 3隻雞翼兩個人分唔勻。椒鹽燒賣[細]($34)除咗蒸燒賣,椒鹽燒賣都係唔錯嘅選擇。炸薯角🥔[細]($35)加$38 轉餐就咁多樣嘢,梗係跟餐抵啦。餐湯 + 蒜蓉包 + 紅茶系列一杯 + 是日精選蛋糕磨菇🍄忌廉湯 + 蒜蓉包🥖將所有菇菇🍄飲哂落口。水蜜桃🍑紅茶🥤 (走冰)New York 🧀Cheese Cake [原價$38]芝士🧀味夠曬濃。朋友仔趕住做report,小妹就去揀邊本旅遊書⛩️✈️睇先。遊戲架全都係桌上遊戲🃏🎰🎮喎。去到尾聲玩埋啤牌🃏,輕鬆下先。=========Rimi Cafe地址:旺角登打士街43H號登打士廣場20樓全層 繼續閱讀
(以上食評乃用戶個人意見 , 並不代表OpenRice之觀點。)