Restoran SAYA

營業中

休息中

Came during lunch on a weekend, but sadly no lunch sets provided... so came back again on a weekday. Overall, a well lit restaurant with friendly staff and great decor. Food was also yummy! lunch sets came with a refreshing sweet fruit tea

人生都未試過泰北菜，今次就去初嘗呢間book mark左一段時間嘅餐廳。好可惜可能因為疫症關係餐廳冇咗set lunch menu，變相價格定位就偏高。叫左個伊善炭火燒牛肉 $168額外加多咗個竹筒糯米飯$38牛肉食得出質素係靚嘅，冇乜跟，生熟程度燒得啱啱好，但係份量偏小，每一舊牛都係一口size，而且我自己覺得炭燒嘅味道唔重，反而好重海鹽味。 但係配搭埋餐廳嘅chimuchuri醬汁非常好食，上網睇一睇原來係阿根廷青醬，酸酸香香，令人更開胃。 而竹筒糯米飯就一個普通嘅糯米飯，並唔係放落竹筒在正嘅糯米飯，沙嗲雞串 $108呢個份量比想像中多有六條雞串，好香沙嗲醬味，雞肉亦都多汁，唔會乾爭爭，同我喺曼谷路邊食嘅雞串味道不相伯仲，不過今次就可以一間環境好啲乾淨啲嘅地方品嚐泰式美食。 另外去配搭嘅沙律醬汁亦都都非常清新開胃，佢加咗辣椒同埋洋蔥，比起之前燒牛肉好食好多，嗰碟野嘅沙律反而係冇醬汁嘅。最後埋單仲要+1，overall覺得餐廳有啲over priced。 嘢食質素唔差但係如果有lunch Menu更抵食而且仲要有嘢飲添。

疫情期間，好耐都無出過去食飯，之前經過開利奧坊，已經見過呢間裝潢別緻的餐廳🤩bookmark 左但等到尋日先試到。我地大約下午1點鐘入到去，唔洗等，直接就有位👍🏻首先一入去，已經有好幾個打卡位, 佢以綠色為主調, 配搭其他木色的元素營造出泰國渡假風, 坐係到已經有種自己唔係香港的錯覺😍我地2個女仔總共叫左1個主食，2個小食和牛炒寬河粉$138 🐂炭燒豬頸肉$128 🐖辣肉碎生菜包豬肉 $98 🥗(可能由於當日係星期日的關係， 所以沒有Lunch set 提供)野食未上之前，店員已經送上一籃炸蝦片俾我地食住等🍤我地食左幾塊的時候， 野食就已經到齊炭燒豬頸肉 > 份量多而肉質彈牙， 加上個汁令到個豬頸肉更惹味😍辣肉碎生菜包豬肉 > 佢的肉碎混合了豬耳和其他香料， 食落更有口感👍🏻和牛炒寬河粉 > 寬河粉呢樣係香港好少見， 但同和牛一齊炒令佢索左和牛的香味最後由於係朋友的生日🎂， 所以我準備左個蛋糕打算一齊食， 諗住睇下可唔可以係度食埋， 需唔需要收取切餅費?點知對方好爽快地回覆唔洗之餘， 仲俾埋蠟燭俾我地，每位店員仲特登過黎同我地講Happy Birthday,🥳餐

Restoran SAYA🏖疫情下要經營一間餐廳真係唔容易😢星期日嘅時候諗住去大角咀食個lunch 見到周圍都冇乜人真係好似死城咁🥺呢間餐廳環境同設計都好靚 好啱大家去打下卡📸|蟹肉炒飯|💰118| ✏️ 9/10 |個炒飯一上枱就見到好足料 佢隔離會連埋碟辣辣哋嘅魚露 大家可以試咗唔落魚露先 會食到佢好有鮮味👍🏻一落咗魚露個味會出啲 但就食唔返第一啖個鮮🤣| 辣肉碎生菜包(豬肉)|💰98| ✏️ 7/10 |個店員有提我地係辣嘅同幫我哋做咗少辣 呢個生菜包好特別 佢加埋豬耳係入面 令到食嘅時候口感好爽😛但呢個價錢份量就比較少 如果4個人share 就可能唔夠食|脆脆蝦片|💰免費| ✏️ 8/10 |一叫完野食冇耐就比咗碟蝦片我哋食住等 蝦片炸得好脆 唔算咸 食到停唔到😋|芒果熱情果沙冰|💰58| ✏️7.5 /10 |味道唔算好甜 如果多啲熱情果 好感會更加好 夏天飲會比較好☀️|香茅蜜糖薑茶|💰38| ✏️ 2/10 |味道好淡 已經叫咗少冰 但都冇乜味咁😶‍🌫️不得不讚服務態度超好👍🏻👍🏻👍🏻令到成餐飯都幾舒服❤️有機會會同朋友去食多次🥰回頭率🗿🗿🗿🗿🗿(5分滿分)📍大角咀福澤街18號利奧坊地下

好耐冇食泰國菜，見到大角咀新開左一間裝修好有異國風情嘅東南亞餐廳，食物種類幾豐富，主打即叫即燒嘅炭燒菜式，環境又chill，見唔洗等位即刻去試下😋伊善炭火燒牛肉🐂 $168牛肉選材講究，特意用左梅花肉中心部位，油脂分布格外均勻，牛味濃郁，肉質軟嫩，經過炭火燒烤處理，更具風味🤩沙爹雞串🐓 $108雞串份量都幾多，全部都係即叫即燒，熱辣辣好香口，配搭埋沙爹醬夠晒惹味🙈芒果糯米飯🥭 $68每次去泰國餐廳都必嗌嘅甜品，每片芒果都好甜，配搭埋煙煙韌韌嘅糯米飯同香濃嘅椰汁，簡直就係完美嘅配搭🤤椰青🥥 $48食左咁多燒物梗係要飲椰青降下火啦，大大好抵飲香茅木敦果茶 $38味道有啲似日本嘅玄米茶，唔係太甜，味道幾特別

—————📍大角咀#大角咀 出左名好多好野食🤩 又多小店😍🎉 今次同👶🏻👶🏻去左呢兩年新起嘅商場 #利奧坊 到搵野🤣 呢次揀左間泰國🇹🇭餐廳🍴食lunch @restoransaya #restoransaya 📌記住星期六日係得單點 冇set menu 㗎～——————❏ 青木瓜沙律 $78 沙律🥗味道清新 青木瓜好爽口 帶啲甜味 份量岩岩好兩個人夠食❏ 泰北咖喱金麵 $108之前係其他泰國🇹🇭餐廳🍴未試過呢個菜 咖喱金麵 所以就叫黎試下 冇諗過仲有幾件燒雞附送😍咖喱味濃 啲麵好掛汁 麵質有啲似依麵 燒雞好有泰式風味❏ 蟹肉炒飯 $118蟹肉炒飯粒粒分明 好有屋企媽媽炒飯嘅味道 蟹肉主要係擺曬係面頭 不過不失❏ 炭燒豬頸肉 $128豬頸肉份量麵算多 好爽口 咬落會爆汁爆油 好邪惡🤩🤭 配埋店家自製醬汁好夾❏ 手工炸蝦片 $20👶🏻👶🏻最鍾意食油炸野 所以見到一定會叫黎食 蝦片新鮮熱辣炸起 份量都幾多 抵食—————Restoran SAYA (大角咀)大角咀福澤街18號利奧坊地下G701號舖#winfat#winfat大角咀#winfat九龍

今日中午行過見到呢間新開既泰國餐廳，諗住入去試一試。坐底比左一張卡紙既menu我地，一邊係a la carte，一邊係lunch set。我地諗好曬叫咩野就㩒檯面個call制叫個waiter過黎，等左一陣間見冇人黎我又再㩒多次，個waiter終於過黎。黎到我地就開始叫野食，一指個lunch set item 佢就同我地講今日冇lunch set, 話menu上既時間係佢地個opening hours，我地就同佢講咁樣好容易比人誤會，跟住個waiter就話佢地出面都冇擺lunch set出黎，我地話我哋只不過係善意提醒下佢地，個waiter就話一係佢問下廚房整唔整到。咁我哋就全部野a la carte咁嗌。我朋友之後再去同個waiter理論，希望佢哋可以改善下安排，點知個waiter就話「IF YOU CAN’T FXXXING AFFORD IT, JUST LEAVE」！咁都對食客講得出，呢間餐廳既質素好極有限。

泰菜總有種無法抗拒的魔力✨ 想著想著味蕾就不由得鼓譟起來。這次我們來到位於大角咀的泰式餐廳「Restoran SAYA」，民族風交融度假感的環境非常愜意🤤 壁上的復古水晶燈、懷舊牛皮海報、圖騰掛畫、竹製裝飾等，處處充滿細節👀 尤其喜愛海藻綠的牆身和冷色調馬賽克桌面，好像來到海邊🌊的度假小屋。配合如此環境，我們點了較為輕閒的食物🍢🍡 主食方面有「伊善炭火燒雞」、「伊善炭火燒牛肉」，甜品「香蕉煎薄餅」，以及飲品「泰式青檸梳打水」和「黑糖木敦果茶」😋「伊善炭火燒雞」醃製得很是入味，外層燒得焦香，裡面卻不會乾，倒是酥軟細嫩，即便不沾醬料，已經非常好吃，再醮隨附的甜酸醬，更是滋味無窮！是絕對要嚐的菜品唷🥰 看到「伊善炭火燒牛肉」的褐色外圈與粉嫩肉質，已令人食指大動，它會附上一款特別的醬料，叫作Chimichurri Sauce，混合了香草🌿、蒜頭、醋和橄欖油，搭配炭燒牛肉，風味清新別具特色。來泰式餐廳應該叫芒果🥭糯米飯之類的吧，但當時看到有「香蕉煎薄餅」，就仍不住要任性地試試看，果然很讚！薄餅脆軟兼備，卷著片片香蕉和濃郁煉奶，相當邪惡卻幸福滿滿呀😈❤️

大角咀高質摩洛哥風泰式餐廳🇹🇭▫️呢間位於大角咀新開嘅泰國餐廳，主打泰國東北菜🇹🇭有好多招牌泰國菜，例如：泰北咖喱金麵、伊善炭火燒雞等。餐廳環境佈置亦好有摩洛哥風格🇲🇦好岩打卡用📸場內重播住啲好輕快嘅歌曲🎼▫️泰北咖喱金麵($108)咖哩金麵第一次食🤔咖喱汁幾入味，好似甜咖喱，帶有微辣，旁邊伴有脆炸絲，面頭好脆口，店員話其實原來都係炸脆左嘅金麵底🤣好似食緊薄脆咁！點咖喱汁一齊食都正😍金麵底撈咖喱汁好好味！好似咖哩撈麵咁！ 估唔到兩種食法都OK～旁邊伴有燒雞，質感軟滑。▫️伊善炭火燒牛肉with Chimichurri sauce($168)牛肉似半熟，顏色粉嫩，而Chimichurri sauce見到係有好多香料混合一齊而成，入口微酸唔辣，感覺好清涼、清新，第一次食呢隻醬，覺得好啱我口味🥰▫️🐮和牛炒寬河粉($138)上枱熱辣辣，好香鑊氣味！寬河粉撈埋碎蛋一齊炒，入口煙韌有彈性😍和牛份量適中，無咁熟會比較好～▫️🥭芒果糯米飯🍚($68)芒果味道香甜，味道一啲都唔酸，飯再淋少少會比較好～

#大角咀 @sayahkg👩‍💼去 #奧海城 開完會, 諗唔到食咩, Partner提議去大角咀搵食! 🚶‍♀️行行下去到利奧坊, 見到間裝潢好有東南亞 Feel 的餐廳, 綠色主調配以籐椅, 食泰國菜, 未到午飯時間人唔多, 唔駛等位! 好彩個餐牌有中文, 齋睇英文名完全估唔到係食乜! 🥩伊善炭火燒牛肉 配 牛油黑胡椒炒飯 Suea Rong Hai $128 ~ 牛肉可選熟度, Medium well 啱啱好!牛扒肉味香濃, 滿滿的肉汁, 唔靭唔嚡! 初時怕個飯會好辣, 點知又唔係! 於我, 再多啲黑胡椒更好! 🐔青咖喱米線 配 伊善炭火燒雞 Kaeng Khiao Wan Gai $98 ~ 問問店員, 何為依善燒雞! 依善燒雞源自老撾 & 依善地區, 餐廳選用天然飼料的泰國雞, 不含激素呢! 🤤燒雞外皮燒得香脆, 肉質軟滑多汁, 陣陣炭燒味, 絶不欺場! 青咖喱好香, 配以米線同食, 我覺得似素麵多過似日常食到的米線, 更合我口胃! 🦐泰式蝦膠炸皮蛋 Man Kung Khai Yiew Ma $38 ~ 好特別, 我第一次食! 蝦膠爽口,皮蛋甘香, 配以酸酸甜甜的沾醬, 讚! 

大角咀越開越多新餐廳 呢間新餐廳環境唔錯 店員講英文的 總有種置身異地嘅感覺🤣佢哋主打炭燒菜式 整體食物質素都算幾好.🎈Khao Soy 泰北咖喱金麵 ($108)份量誠意十足 底下舖住滿滿嘅麵條特別之處在於除左常見煮麵嘅做法旁邊仲有炸過嘅麵條 香脆可口~咖哩醬汁微辣 麵條索汁後一齊食超惹味😍主打嘅炭燒雞肉帶點焦香感炭烤痕跡不算明顯 但同樣滋味十足.🎈Suea Rong Hai 伊善炭火燒牛肉 ($168)一份炭燒肉扒 旁邊有一碟Chimichurri Sauce特地請教過店員 除香草外仲有蒜同醋味道酸酸哋 仲有橄欖油嘅香味😛食落同常見嘅泰式酸辣汁相近而炭燒製法都總有種特別嘅焦味可以選擇生熟程度 五成熟剛好裏面嫩粉紅色👍.🎈Mango & Passion Fruit Smoothie ($58)唔會出錯嘅配搭 最怕就係太甜🤣呢杯Smoothie有果香味 味道比較清甜唔中意太甜嘅朋友會喜歡的~.🎈Honey Lemongrass Ginger Tea ($38)冷熱同價🤣 不過總覺得薑茶要喝熱的淡淡嘅薑味 香茅味都算突出冬天飲一杯超溫暖😶‍🌫️.🎈Khao Niew Mango 芒果糯米飯

許久沒有到訪大同新村，今日再次光臨，放現大不如前，附近的店舖及食客變得國際化及年輕化。在叢叢食店中，選上這間新店。大約2:30pm到餐廳，店內都有五成滿，安排入座，午餐選擇不多，但大部分都啱我口味。點了烤牛肉配黑椒炒飯及咖喱黃麵配烤雞。飲品選了免費的！先上咖喱黃麵，用碟上，有點拌麵的食法。咖喱辣道恰到好處，黃麵也夠咬口，烤雞沾上焦汁, 惹味！烤牛肉烤至中間見粉紅色，嫩滑有少許肉汁，炒飯亦食出椒味。此店果然食出滋味！

呢日同朋友搵食搵到黎大角咀，今次就試試呢間位於利奧坊既東南亞餐廳，店員都係以外國人為主～而餐廳仲有勁高樓底同落地大玻璃，慢慢係度食個lunch嘆下都真係夠哂chill~我地叫左伊善炭火燒牛肉 配 牛油黑胡椒炒飯同埋泰北咖喱金麵 配 炭火烤雞，前者落單個陣店員都提左要大約20分鐘，後者都好快到，落單大約十分鐘就到左！先講呢個泰北咖喱金麵 配 炭火烤雞，雞皮都係好脆，個麵沾滿咖哩汁，上面仲有好多脆脆，真係好好食！同埋雞既份量有好多，絕對對得住佢既價錢！伊善炭火燒牛肉 配 牛油黑胡椒炒飯，牛肉夠哂嫩滑，仲配有特製醬汁，食到我地lamlam利！真係超正！我地仲叫左椰青同熱情果沙冰，佢既飲品都係好高質，最後仲有個芒果糯米飯送，真係好好食！好驚喜！

幾次路過見到依間新開的泰菜餐廳都會停下腳步，落地大波璃可以望到餐廳裏面的環境。餐廳內裏裝修有濃烈東南亞色彩，以綠色為主，牆上貼滿懷舊和卡通海報，連餐桌椅、牆壁、地板都有具民族感的花紋紋理圖案。🍽️ 伊善炭火燒牛肉配牛油黑胡椒炒飯 (Suea Rong Hai)牛肉燒至5成熟左右，外層好香炭燒味，裏面肉質粉嫩多汁，跟味道清新的阿根廷酸辣汁(Chimichurri Sauce) 很配，飯粒非常軟綿，帶牛油香。🍽️ 泰北咖喱金麵配炭火燒雞 (Khao Soy Gai)雞肉用泰國香料醃製，再用炭燒，雞皮香脆，雞肉嫩滑，非常惹味。咖哩湯底重椰奶味，店員貼心地提醒我地會有點微辣，不過我就覺得不辣，麵條彈牙而且掛湯力強，面頭再放上炸得香脆的雞蛋麵，多重口感。🍽️ 芒果糯米飯新開張期間，二人惠顧會送一客芒果糯米飯。糯米飯帶微溫，口感煙靭，上面淋上椰汁和綠豆蒜，口感豐富。Lunch set包飲品，試了黑糖木敦果茶，木敦果可以幫助消化和排毒，味道有點似偏甜的五花茶。另一杯飲品加錢upgrade的芒果熱情果沙冰，酸酸甜甜幾解膩。

行開大角咀個邊，真係好多好嘢食，今次去試吓依間泰國菜，餐廳裝修好亞熱帶風味，座位都好舒服😌由於疫情期間，冇咗晚市，佢哋嘅lunch set會至到六點, 咁我哋就叫咗個燒牛肉配牛油黑胡椒炒飯&泰北咖喱金面配炭燒雞扒，另外仲叫咗小食- 泰式蝦膠炸皮蛋，甜品就係芒果糯米飯，飲品-芒果熱情果沙冰& 熱黑糖木墩果茶☕️燒牛肉配牛油黑胡椒炒飯，燒牛肉好有香味，而且牛肉好嫩滑，雖然我哋揀咗炒飯，但都有啲沙律做配菜，炒飯粒粒分明好有口感😊泰北咖喱金麵配炭燒雞扒，呢個係小編推介，香港好少地方有得食泰北咖喱金麵，有啲麵佢係炸左，撈埋啲湯面落去，有兩個層次口味，雞扒好有炭燒風味，咖喱都唔係好辣，所以食得少少辣嘅朋友都可以試吓😉泰式蝦膠炸皮蛋，蝦膠好彈牙，同皮蛋好match👍🏻至於芒果糯米飯份量都好適合兩個人share，芒果味都好香配上軟綿綿嘅糯米飯，so yummy😉芒果熱情果沙冰,有淡淡的芒果味唔會太甜，食辣野最好叫沙冰😂，另 熱黑糖木墩果茶☕️，聞落去好香，而且容易入口，最適合食飽飽去飲，幫助消化，減少腸胃脹氣😝