119
13
6
港鐵荔枝角站 D1 出口, 步行約1分鐘 繼續閱讀
所有分店 (3)
電話號碼
21510483
營業時間
今日營業
07:00 - 22:00
星期一至日
07:00 - 22:00
付款方式
現金 八達通
座位數目
170
其他資料
Wi-Fi
酒精飲品
泊車
電話訂座
加一服務費
電視播放
食評 (152)
餐廳:Red Rice 米飯主題餐廳 (荔枝角)地址:荔枝角長沙灣道883號億利工業中心地下8號舖深水埗至荔枝角一帶出名多野食而且價錢相當宜人,最近開始係荔枝角果邊學車上堂,都忍唔住係附近尋覓好西,咁話哂食係人類非常重要嘅一環嘛XPRed Rice米飯主題餐廳原來已經開到第三間分店,而且開咗喺荔枝角D2 Place對面,非常近地鐵站而且都幾就腳,仲好多人幫襯添,呢間平民價嘅餐廳真係啱晒喺附近返工嘅打工仔挪威煙三文魚伴蟹棒雜菜沙律 $36煙燻三文魚入味,未放入口就已經飄黎啖啖嘅煙燻香,蟹柳亦都鮮而不散,一梳梳蟹柳肉撕開夠哂層次,用料亦都好足,三文魚都有成六塊美國重量級·爵士西冷 $78重量級西冷無骨無咩脂肪,成舊都係啖啖肉,仲有得按喜好揀幾成熟,迎合到每個人嘅需要,肉汁完美咁鎖緊係肉入面,仲配埋薯條同比較少見嘅紅黃椒,夠哂份量板燒雞扒蛋包飯 $52雞扒大大塊,配上燒汁好惹味,蛋嘅顏色好靚,仲有沙律伴碟,呢個價錢認真抵到爛土匪烤雞翼3隻 $18 大量嘅孜然粉加到雞翼上面味道濃郁,再加埋脆脆外皮,忍唔住想叫多一客估唔到Red Rice有虎紋黑糖珍珠奶茶飲,跟餐都只係9蚊,真係好平呀 繼續閱讀
(以上食評乃用戶個人意見 , 並不代表OpenRice之觀點。)
等級4 2019-06-17
1965 瀏覽
日式蛋包飯係我其中一樣鐘意食嘅嘢,朋友知道就帶我黎呢間red rice食好味蛋包飯,聽講拎過蛋包飯大獎架!!我揀咗呢個人氣No.1板煎雞扒蛋包飯,配照燒汁,加$20可以轉套餐,咁就有餐湯、牛角包同沙律!雞蛋好嫩滑,半熟蛋汁真係好正,茄汁飯底甜甜地,配埋照燒汁雞扒好夾,好幸福既味道!餐湯揀左白湯,有片片蘑菇幾好味~焗到牛角包個面脹卜卜,空氣感十足,唔錯!芝麻醬沙律不過不失開胃菜~朋友話想鋸下扒,望住menu揀咗一輪,就決定叫一份重量級特大爵士西冷牛扒~叫得重量級,當然大大份,7成熟啱啱好,外皮煎得剛好鎖住肉汁,粉嫩牛扒配黑椒汁好香濃,薯條又脆又大條~有埋紫菜碎好似shake shake薯條,哈哈~~另外小食仲叫左三隻蜜糖柚子烤雞翼,柚子醬甜甜的,幾滋味~仲有其他小食可以選擇~特飲款式都幾多,我就揀咗呢杯茉莉花玫瑰蜜伴愛玉 (右邊),跟餐只需加$6,唔會太甜,玫瑰味好清新,愛玉jelly Q彈正!叫咗咁多嘢食,二人埋單都唔使$200,晚市嚟講真係相當抵食! 繼續閱讀
(以上食評乃用戶個人意見 , 並不代表OpenRice之觀點。)
等級4 2019-06-07
1433 瀏覽
我們今晚到了荔枝角食晚餐,之前去過深水埗食過,原來轉了在這裡的工業大廈地下。環境幾寬鬆又光亮,設有大電視、圖畫及色彩的設計,更播放著輕鬆流行音樂,簡約乾淨;服務人員好多,有禮貌有效率!餐牌好多款式又色彩繽紛及新推介新菜色,好吸引好豐富!有日式、扒類、西式等等!正呀!1. 特濃沙嗲金菇肥牛湯烏冬拼越式長春卷(加錢轉套餐:包牛角麵包、羅宋湯、麻醬沙律、飲品)羅宋湯香辣味道剛好,酸酸辣辣好野味,菜好足又有牛肉口感!配上牛角麵包,鬆軟美味;麻醬沙律好爽脆、麻醬好香好野味!(特濃沙嗲金菇肥牛湯烏冬)特濃沙嗲金菇肥牛湯烏冬好大碗,沙嗲香但不會太咸或太辣,肥牛好多片好軟好香牛味、配上爽口金菇、健康木耳、爽口薄薄海帶及粒粒黃粟米,好足料美味!烏冬好多又彈牙,連湯一同食最正!(越式長春卷)外脆可口,內面好多料,有菜有肉,點上酸甜辣醬,更野味!2. 香草蜜糖雞脾拼吉列魚扒配意大利麵送熱飲雞脾好大隻,外脆口又甜美蜜糖香味、雞肉嫩滑啖啖肉、吉列魚扒好正、大大塊脆口吉列包著魚肉,好正喔!可自選醬汁及主食(飯/意粉/薯菜),今次點了意粉,是大份的,番茄醬炒的,軟硬剛好!3. 飲品男友點了開胃鹹檸七,好涼快又咸咸酸酸的,好過癮又好飲唔太甜! 繼續閱讀
(以上食評乃用戶個人意見 , 並不代表OpenRice之觀點。)
等級4 2019-05-20
1023 瀏覽
平時無咩係荔枝角食野,咁啱過來搵人,見到哩間餐廳睇上去都幾小清新,就入去試下。厚切鰻魚石鍋飯($78)哩個係menu既第一版,應該係招牌,就點左哩個來試,果然係好唔錯既。撥開表面既木魚絲,就見到有一大舊鰻魚,入面有泡菜、蔬菜絲,其實仲有一只半熟蛋,趁石鍋熱,阿妹好快將佢混好(無影到添)系韓式食法。本身阿妹對韓國菜一般,但哩個飯佢覺得好食,鰻魚係無得輸既,同埋咁多料撈埋一齊,味道好豐富。最後佢都食曬成個飯。功夫無骨海南雞($56)我就點左海南雞飯。海南雞係去左骨既,雞肉係幾滑,上蝶都擺得好靚。我最鐘意係點左邊既甜醬油。油飯既色水幾好,粒粒都分明既,好彩就唔怕太油,啱啱好幾香口,我最怕就係好膩既油飯。左邊既海帶湯係我都幾鐘意,因為我本身鐘意海帶,同埋有減輕油飯既油膩感應該。一尺美式千島沙律炸魚塊($45)本身無惗住點,阿妹話好想食炸魚,惗住share都ok。點知出來係有兩塊,好大份XD 好在佢面都炸得幾乾身,唔太覺膩。配埋千島醬就好夾。不過實在係太大份,最後捧住個肚走。熱谷咕、青蘋果綠茶伴愛玉店員哥哥問我知唔知谷咕係咩,我睇menu覺得好新奇就google左,係可可粉沖既。店員話係俾可可仲苦少少。我點左來試,覺得佢形容得好啱,可以試下,幾得意右邊果杯,中間果個白色既陰影就係好大舊既愛玉 整體來講,環境闊落好坐,乾淨企理。食物質素唔錯,咩款既菜式都有,美式炸野、韓式石鍋、扒餐、湯烏冬、鐵板等等,點都會搵到想要食既野。 繼續閱讀
(以上食評乃用戶個人意見 , 並不代表OpenRice之觀點。)
等級3 2019-10-12
10 瀏覽
沒來一排,個價錢好似鬼左,記得加埋個價冇咁貴的。。。早餐時間只到11:30,過後午餐時間好貴。。。現在荔枝角區的物價午餐都好。。。全日早餐來說,呢個價錢都仲係真心抵,有魚有牛角包有胡麻醬沙律有炒蛋有焗豆,仲有條雞肉腸,份量非常足。建議再加多6蚊啦,要埋個番茄通粉,其實是羅宋湯底,湯料好足,也有火腿,其通粉都是堆到滿滿的咖啡也香,但建議加埋奶茶,即鴛鴦,茶香啡香奶也滑,口感不錯,都是熱會比凍飲較好飲些。 繼續閱讀
(以上食評乃用戶個人意見 , 並不代表OpenRice之觀點。)