22
5
1
港鐵元朗站 A 出口, 步行約7分鐘 繼續閱讀
電話號碼
3488 6788
付款方式
現金
座位數目
30
其他資料
Wi-Fi
酒精飲品
自帶酒水
泊車 詳細介紹
外賣服務
加一服務費
食評 (28)
等級2 2015-10-02
1004 瀏覽
喜歡元朗許多角落都總會有新驚喜作為一個路痴 從元朗站下車走了一個多小時才找到這餐廳 應該是正在的事?!走到肚子好餓 剛好可以大快朵頤 點了一個all day breakfast  兩個甜點 一杯水果茶麵包非常脆卜卜 滑蛋有濃郁奶味但味道偏淡香腸份量十足 有半個蕃茄和茄汁焗豆的配合 使all day breakfast 不會太油膩兩個女生吃剛剛好 肚子有空位繼續吃甜點它的名堂:霹靂糖果世界就是看他造型漂亮所以就點了 味道也令人覺得沒有失望除了玻璃杯外 其他東西統統可以吃掉覺得蛋白碗很可愛 脆口但非常甜碗內的檸檬雪芭非常好味 由於整個糖果世界都十分甜檸檬雪芭的微酸和清新感簡直救了我一命 杯裡的草莓慕絲裡藏著一顆顆爆炸糖 點餐時不知道 吃進口裡爆炸糖開始"霹靂啪啦"地爆炸 好好玩草莓慕絲的味道也很佳 沒有藥水味道 清甜好入口竹炭窩夫 點點粉紅和糖霜配搭得相當漂亮口感不錯 雖然沒有非常分別的外脆內軟 但不會太有飽腹感雪糕雖沒什麼特別之處 味道也濃郁夠甜 不是稀溜溜的偷工減料雪糕生怕雪糕溶化得太快 不到一會兒便把整盤給清了水果茶不會太甜 有香甜的蜜桃味而且沒有因為泡著蘋果而有果酸味道除了蘋果和火龍果粒 還有一粒話梅 點點咸味配搭得不錯吃得好開心好滿足的一晚上唯獨桌腳不太平穩 一直搖來搖去 要用紙巾塞著兩邊腳才定下來安心用餐 繼續閱讀
(以上食評乃用戶個人意見 , 並不代表OpenRice之觀點。)
等級3 2015-08-16
827 瀏覽
Book mark咗呢間店都有一段時間,但係都未有機會去幫襯,直到天雨路滑既星期六晚上我就提議黎呢間碰運氣。好明顯我係被佢既特色甜品吸引,但又想食返啲鹹既野先食甜,而呢度都有埋晚餐可點,所以唔洗諗,就係度晚餐連甜品!  因為要叫甜品兩款,所以晚餐主菜都唔想太heavy, 就一個Chicken Sausage Penne (堅辣) & 一份Egg Benedict跟Salad  !呢度整既Egg Benedict算是出色,個包烘底前搽咗蒜蓉牛油,好香好脆個芝士汁sauce鹹淡適中,麻醬沙律菜算新鮮,唔錯!而辣汁長通粉都係有正常水準,長通粉既口感適中,個辣汁係堅辣,好似倒咗半支Tobasco落去煮咁!甜品係叫咗份Charcoal窩夫配彩虹雪糕(好似咁名?!)同爆炸地球!窩夫唔錯,夠厚同香,不個球彩虹雪糕就好怪味吹波膠味咁。爆炸地球其實係Dark Choco Coating 包住舊充滿爆炸糖既Strawberry雪糕,一上枱就要趁熱淋汁,溶開個Choco Coating幾有趣! 繼續閱讀
(以上食評乃用戶個人意見 , 並不代表OpenRice之觀點。)
等級3 2015-07-29
874 瀏覽
元朗甜品越開越多,呢度同又新街比又無咁多人,如果唔想同人逼,真係寧願行多幾條街過嚟呢邊食呀!食完DINNER散步去呢度食甜品都幾正!小店細細,長方形格局,MENU仲有多款甜品同小食揀,想食飽少少,仲可以揀all day breakfast、意粉架!我見都幾多人食爆炸星球,就跟風食吓啦。先食左Deluxe Full Breakfast 做LUNCH先,$108夠2個人SHARE ,仲有呀,14:00-20:00會贈送一杯指定果汁添)蛋炒得好嫩滑呀!拍得住華星呀!D炒磨菇同埋豬肉腸都好大份量,樣樣都幾正,仲有我好中意的薯餅好滿足,唯一食唔哂係煙肉,因為樣樣野都好入味!水果茶!原價$40、半價$20夠2-3人份量,水果茶甜度適中幾解渴!爆炸星球,$58店員無幾耐就送嚟粉紅色嘅士多啤梨白朱古力汁,然後提示我地要淋上用朱古力造成的星球上,朱古力波就會啪啪聲地爆開,仲有幾塊飛埋落我地度,哈哈!真係幾好玩!朱古力漿同雪糕,呢個口味雪糕,唔,食落唔係h記唔係D記更加唔係維記,問返店員,原來係干少少見到嘅New Zealand Natural草莓雪糕,兩隻味道都好夾,味道唔會人工化!其他野仲有少少乳酪爆珠、桑莓乾、軟軟棉花糖同埋脆脆honey toast同爆炸驚喜口感有層次!值得食。想食熱野,所以就食"焗酥皮原個蘋果伴雪糕",一份$58,唔係太大份,但勝在即叫即焗,要等15分鐘先有得食!今次豆腐雪糕就係維記出品喇,不過食落又真係幾夾,清清地,唔會太膩,蘋果批外皮係好熱好香牛油味GE酥皮,一切開,裡面係原個蘋果,再切開,就係甜甜GE吉士醬~正!正係呢樣,我已經會為佢反嚟啦!店員介紹有抵食之CHOICE,就係"竹炭窩夫伴彩虹雪糕",$68,waffle有4件,件件都好厚,我就中意試新野,見到佢又綠又灰,仲有少少焦味;係豆腐雪糕,同埋細個最鐘意食GE吹波糖味雪糕,預左會好甜,所以無失望!WAFFLES質地唔脆,但似蛋糕咁,蛋香好夠味吓,好睇個人口味,我個人就覺得OKAY! 繼續閱讀
(以上食評乃用戶個人意見 , 並不代表OpenRice之觀點。)
等級2 2015-07-24
718 瀏覽
 與男朋友慕名而來的甜品店,到達時間晚上十點,餐廳內就只有一對情侣在聊天,所以一去到就有位入到去左睇又睇MENU,甜品的名同其他店所差無幾,但參考附圖就有好多都好特別,確實不得不讚老闆的創意。雖然食飽左,但都試左店內2個甜品,一個飲品既然慕名而來,當不得不試必食的爆炸星球。一來就係一個別緻的圖球︰外層以朱古力為包裝,內層配以士多啤梨爆糖雪糕,加埋個士多啤梨白朱古力去打開,真係不得不再一讚,創意!但食落其實就係士多啤梨雪糕加上朱古力,雖然並冇太大驚喜,但咁岩小妹就係鍾意佢地既配搭。最重要係老闆的心思,係食之餘仲滿足視覺同玩樂上的享受,$58絕對值得一試另一個食左綠茶心太軟,曾經係其他店食過,念念不忘,所以特登試下呢度的手勢綠茶味有少少過濃,淨食個心太軟會覺得有少少苦,加上佢個豆腐味雪糕就岩岩好,$52相對有D貴,但賣相都唔算差,同老闆絕對落足料最後試左佢個牛魔王飲品,柑桔santa vittoria配chocolate swril雪糕,我個人覺得OK,味道都幾夾,都係個句,賣相絕對氹到你歡心除左甜品,佢仲有其他野食,但小妹就未有機會試啦,放張圖俾大家參考 繼續閱讀
(以上食評乃用戶個人意見 , 並不代表OpenRice之觀點。)
等級2 2015-06-07
999 瀏覽
偶然間見到有人介紹Pure cafe&patisserie既爆炸星球,覺得好得意,尋日終於相約友人入元朗一嚐。元朗站B出口其實沿天橋行好快就到,但我地兜左超大個圈,好彩最後都成功到達。個鐘好靚! 係用投影機投影既鐘檸檬王($18): 店員話點兩款甜品可以用半價叫一杯飲品,於是我地揀左檸檬王,係檸檬水+青檸雪葩,因為感覺其他特飲配搭都有d奇怪,可能好好飲但唔太敢試 呢杯檸檬王我覺得非常酸,但朋友覺得好飲~可能我飲唔慣酸野XD 雪葩都係偏酸的~香蕉朱古力雪糕窩夫($68): 一共有四件窩夫,大大件好岩share食,有焦糖脆脆~ 味道不過不失。朱古力雪糕同豆奶(?)雪糕味道好好,前者非常濃滑,後者幾特別~爆炸星球($58): 終於到左爆炸星球! 淋落去個下感覺真係好得意 味道好豐富,有爆炸糖haha~ 朱古力好濃,士多啤梨醬有d酸,但配埋雪糕食好正 呢間店既雪糕都好抵讚! 勁好食咖啡店比我既感覺係d甜品都有用心設計過,而且細節位都會做到足,非常細心。價錢亦唔貴,下次有機會入元朗再尼試其他野先~ 繼續閱讀
(以上食評乃用戶個人意見 , 並不代表OpenRice之觀點。)