46
7
2
港鐵尖沙咀/尖東站 L5 出口, 步行約2分鐘 繼續閱讀
電話號碼
25118299
開飯介紹
餐廳以船作主題,提供多元化菜式,招牌菜有新鮮即開生蠔、鱘魚黑魚子煙三文魚他他和美國頂級肉眼扒配大頭蝦。另外,餐廳更於6點後變成酒吧,提供各類酒類。 繼續閱讀
營業時間
今日營業
12:00 - 22:00
星期一至六
12:00 - 22:00
星期日
11:30 - 22:00
付款方式
Visa Master 現金
其他資料
網上訂座
有關獎賞計劃
招牌菜
新鮮即開生蠔 烤海鮮拼盤 鱘魚黑魚子煙三文魚他他 美國頂級肉眼扒配大頭蝦 鮮蟹肉西西里扁意粉
食評 (60)
等級4 2020-12-19
354 瀏覽
今日係Happy Tuesday因為聽日放假🥳 我同女友嚟左Poseidon Restaurant & Bar,餐廳有室外同室內座位,室內嘅卡位空間感非常大,酒紅磚牆配上木系傢俬非常型格。一坐低之後餐廳送上爆谷小食,少少咸,卜卜趣。- 波士頓龍蝦海鮮燴飯🦞賣相非常壯觀,口感軟稔入味既燴飯上面擺滿各式各樣既海鮮,龍蝦已經佔左碟既一半,味道鮮甜濃郁,另外仲有蝦、青口、魷魚同蜆。- 酥皮焗蟹肉盒酥皮真係超脆,用叉篤一篤就碎晒🤣,酥皮上面堆滿豐富蟹肉,令人非常滿足。- 炸雞槌 🍗單骨雞槌食落非常方便,肉質幾嫩滑,調味亦恰到好處,有一陣香茅香味。- Summer Breeze 我地仲叫左兩杯餐廳signature cocktail,summer breeze。形態似沙冰加上味道甜甜,我好似平時咁兩三啖就飲曬,結果好快紅都面曬🤣- Naughty Dolphin 🐬 味道以乳酸為主,酒味唔太重,顏色亦相當迷人。整體來講,食物價錢唔貴,酥皮焗蟹肉盒最有驚喜,其餘兩款食物質素亦高。如果之後政府取消堂食限制,Poseidon restaurant & Bar會係我聖誕二人晚餐既不二之選。 繼續閱讀
(以上食評乃用戶個人意見 , 並不代表OpenRice之觀點。)
星期五晚Happy Friday🥳,我同朋友去咗尖沙咀嘅「Poseidon Restaurant & Bar」食飯,友人响OpenRice訂位有七折!我哋準時去到,餐廳確係留咗位比我哋。一坐低冇耐,店員就好有禮貌同詳細咁向我哋講解餐牌上嘅菜式,仲推介有咩係是日精選。我睇得出店員們嘅態度係好真誠🙏🏻,唔係扮出嚟,淨係呢一點已經值得加分。呢度係酒吧餐廳,所以飲品方面絕對唔馬虎,不過近期好攰,所以我哋就冇嗌到酒,而係要Mocktail。與此同時,食物質素亦令人滿意😋。烤海鮮拼盤($318),拼盤超大碟,賣相吸引😍。海鮮種類繁多,包括半隻波士頓龍蝦、香蕉蝦、魷魚、扇貝、三文魚、藍青口以及蜆。每一款海鮮都好新鮮,並唔係雪藏貨👍。藍青口同蜆嘅肉大大粒,唔係淨係得個殼。當中最有驚喜嘅係圖中未必見到嘅三文魚柳🐟,魚肉嫩滑,一啲都唔腥。除咗龍蝦得半隻未必夠分之外,其他海鮮份量好足,一定夠四個人食。海鮮以外亦都有其他配料,包括🌽粟米、香腸同烤蒜頭。醬汁係一早預設咗羅勒青醬(Pesto)同肯瓊醬(Cajun),初頭食係幾惹味,但到後期冇咁熱就覺得比較重口味同有啲辣。其實餐廳嘅海鮮夠新鮮,所以我認為調味輕手啲都OK👌。熱海鮮拼盤方面,比較為人熟悉係X先生,不過我覺得呢度係有過之而無不及,價錢平啲兼多嘢食啲。隨拼盤附送嘅烤牛油多士🍞亦都好香口,口感超脆,味帶蒜香,無得輸。點汁食或者就咁食各有特色,但同樣好食。西班牙黑毛豬火腿三併($188),話明三併即係有三款,包括🧀配巴馬芝士食嘅24個月、🍈配蜜瓜食嘅36個月以及🍉配西瓜食嘅48個月。老實講我對風乾火腿冇太多研究,憑個人感覺就認為36月最好食,因為鹹味同濕度比較平均。拼盤中間有啲沙律菜同埋呈黑色但貌似魚子嘅粒粒,⚠️記住記住唔好衝動一次過擺多粒「魚子」入口咬爆佢,因為佢係黑醋嚟㗎,超酸。蒜片蜆肉扁意粉($128),本身想嗌另一款但售罄,又見蜆肉意粉係是日推介就一於食下。🍝扁意粉煮得好好食,彈牙得來兼唔會乾身。蜆肉係用上大蜆,不過係同拼盤嗰啲一樣。至於味道方面就唔係好係我杯茶,因為蒜味比較重,唔易入口;但相反我朋友就津津樂道。Angel’s Deal ($98),餐牌上面得Mocktail嘅名,睇唔到佢係用乜整成。不過每一位店員都好專業,知道每杯分別有啲乜,亦能為我哋作出推介。店員話呢杯比較清新易入口,因為個底係用上橙汁🍹,而且店員仲會嚟到我哋面前點火🔥,打卡一流。基本上我對店員嘅介紹冇任何補充,因為事實上同佢形容的一樣。Amazon Forest ($78),店員話其實有酒精嘅Cocktail同冇酒精嘅Mocktaik製法類同,造型亦都冇乜分別。因此我就嗌咗呢杯用青瓜🥒製成嘅亞馬遜森林,齋睇個樣已經知青瓜味十足,佢的確係,甚至比想像中重味,可以用「青」嚟形容。不過我又幾鍾意,而且兩杯都唔會太甜🤤。環境方面,我哋坐室內,但據知亦有室外座位。室內燈光偏暗,氣氛幾好,而大部份餐枱都係大枱嚟。另外,我仲留意到餐廳已經掛滿聖誕佈置🎅🏻!總括嚟講,呢餐晚餐令人滿意💯,因為各方面都做得好好。不過如果冇七折,正價就貴咗啲喇。Poseidon絕對係一間出色嘅酒吧餐廳,係朋友消閑聚會食飯飲嘢嘅好去處。我希望疫症快啲過去,呢晚餐廳十點就收,有啲掃興😐。最後,上載埋餐廳嘅詳細餐牌以供參考。 繼續閱讀
(以上食評乃用戶個人意見 , 並不代表OpenRice之觀點。)
很久沒有到西餐廳吃海鮮了,今晚友人帶我來到這間位於尖沙咀的西餐廳,這間餐廳主要食海鮮的,吃得我們津津有味!餐廳燈光柔和,很浪漫的感覺!餐牌上有多款不同的菜式可以選擇,亦有不少酒類可以揀選!新鮮即開西班牙生蠔半打,我同友人真係有一段時間冇食過生蠔了,看見這裡的生蠔不是很貴,所以便點了半打試試。想不到雖然只有3隻生蠔,但擺盤也很美!個盤非常華麗,好像貝殼一樣!生蠔都好大隻,肉很肥美,質地較爽身,好有海水的味道!芝士墨西哥粟米片,這款粟米片本身帶有辣芝士味,上面再淋有能夠牛油果醬、蕃茄沙沙、芝士醬、酸忌廉、橄欖粒和墨西哥辣椒,粟米片脆卜卜,加上上面的醬汁酸酸辣辣,味道非常惹味,令人不禁一口接一口,用來送酒一流!鱘魚黑魚子煙三文魚他他,這款他他很開胃,醬汁酸酸的,而他他用上紅菜頭粒、鱘魚粒、煙三文魚粒和魚子製成,他他上面還放有金箔,感覺很高貴!happy dolphin,這杯飲品是沒有酒精的,味道帶有柚子的酸味,帶也有玫瑰的香味,很特別的口感! 繼續閱讀
(以上食評乃用戶個人意見 , 並不代表OpenRice之觀點。)
等級4 2020-12-05
405 瀏覽
疫情第四波,睇怕好快又禁晚間堂食啦,好朋友生日月,一於提早同佢慶祝下,知佢一向愛食海鮮,今晚一於比個驚喜佢,食一餐烤海鮮😬。Poseidon Restaurant & Bar 位於尖沙咀九龍公園附近,超方便。餐廳一入門口有高櫈bar枱,最岩三五知己聚腳吹水;行入些小就一係一排梳化卡座,超舒適,襯托埋柔和嘅燈光,真係非常relex ,令忙碌完一整天嘅我,頓時進入慢活狀態,同好朋友齊齊享受晚餐😋。落完order,店員先遞上一兜炮谷,小小咸,小小甜,小小脆,好頂引😋,慢慢將等食嘅胃口打開😆。🥢Trio Ham Platter 西班牙黑毛豬火腿三拼分風乾24個月、36個月、48個月,並配埋最合適嘅水果同芝士。24個月,味道較淡,粉嫩透薄,配巴拿馬芝士最合適36個月顏色較淺,呈粉紅色,味道鹹香適中,最適合配蜜瓜享用而48個月,風乾時間較長,顏色較深,帶瘀紅色,油花均勻,口腔內越趙越香,鹹香味最濃,最岩配西瓜🍉一齊享用😋⋯⋯🥢Grilled Lobster & Seafood Platter (2-4人)烤海鮮拼盤烤連牛油多士一拼上枱,好大堆頭,影相📸️攞like冇得輸😆。拼盤入邊有半隻波士頓龍蝦、扇貝、藍青口、魷魚圈、香蕉蝦、蜆、三文魚配菜仲有粟米、烤腸、西蘭花及椰菜花等等,真係非常豐富當中最鍾意係波士頓龍蝦,肉質結實,爽脆鮮甜,仲有扇貝大大粒肥美肉厚烤過嘅三文魚仍保持肉質鮮嫩juicy😋;拼盤內嘅海鮮汁醬亦不能放過,蘸點脆脆牛油多士食真係一流👍🏻。最後嘆埋杯 lime soda🍹同Pineapple juice清清口腔😋。總捨黎講,餐廳環境舒適,食物質素都非常好,以今餐咁豐富黎講,人均都只係三百蚊鬆啲,已經食到飽飽,真心值得推介👍🏻。 繼續閱讀
(以上食評乃用戶個人意見 , 並不代表OpenRice之觀點。)
等級4 2020-11-23
374 瀏覽
2020年11月16日 星期一今晚約咗好耐冇見嘅舊同事一齊食飯,於是揀選咗大家都方便既地方尖沙咀上到去睇見餐牌發現主要都係食海鮮,冷熱兼備,而且價錢唔算太貴,仲可以要烤海鮮拼盤添,想食乜嘢海鮮都可以自行選擇點完餐等咗大約10分鐘,食物就開始送到,首先嚟到嘅係芝士墨西哥粟米片,粟米片上面鋪滿左滿滿嘅芝士、橄欖同青椒,而且咬落去好脆,同芝士好配合之後有烤海鮮拼盤,有龍蝦、帶子、魷魚、鮮蝦等等,仲配上其他蔬菜,所以好豐富。另外醬汁方面都同海鮮好夾,能夠帶出海鮮嘅鮮味,加上檸檬汁,所以食完之後都唔會覺得好滯呢個係3款唔同嘅焗蠔,有用菠菜焗、配上煙肉焗同上面加上蟹肉焗,每一款都各有特色,個人最鍾意係煙肉焗蠔,因為煙肉焗完之後好香,鹹香味令到蠔完全冇腥味之後有西班牙海鮮飯,飯上面又係充滿好多唔同種類嘅海鮮,所以味道層次好豐富,而且夠晒鑊氣,都係上面嘅香草更加有畫龍點睛嘅效果添只要呢一個係焗蟹肉麵包,法包上面全部都係蟹肉,焗完出嚟之後更加香,每一啖都食到蟹肉既鮮味甜品方面我哋分別叫咗檸檬雪芭,賣相好精緻,而且雪芭入口即融,好似食緊檸檬綿綿冰咁至於另一款甜品係蘋果批,冇諗過賣相會咁特別,而且批皮薄而脆,上面仲有一片片蘋果,配埋雪糕一齊食,酸酸甜甜正好消化左之前食物既油膩感整體來講感覺唔錯,如果鍾意食海鮮嘅朋友可以一試 繼續閱讀
(以上食評乃用戶個人意見 , 並不代表OpenRice之觀點。)