61
14
8
港鐵中環站 D2 出口, 步行約4分鐘 繼續閱讀
電話號碼
25226366
開飯介紹
Porterhouse揭開了色、香、味的新角度,將煥然一新的活力注入了富有格調的空間和季節性的菜單中。由行政總廚Angelo Vecchio主理,Porterhouse並不僅僅用招牌燒烤肉扒取悅大眾,他們還提供品種繁多的海鮮,生吃或煎烤隨意選擇 繼續閱讀
營業時間
今日營業
12:00 - 14:00
18:00 - 22:00
星期一至五
12:00 - 14:00
18:00 - 22:00
星期六至日
11:30 - 14:00
18:00 - 22:00
付款方式
現金
其他資料
網上訂座
自帶酒水
支持減塑 詳細介紹
電話訂座
賞訂座積分
有關獎賞計劃
食評 (97)
等級4 2018-11-09
9 瀏覽
老公一早就訂左呢度慶祝我地一齊左28個月,之後佢發現有個APPS訂台最高可以有50% OFF . 所以就改早左18:00食阿嫂都黎過,佢就講過話唔好抱太大期望,咁我當然打左個折門口接待既男職員就同呢間西餐有點格格不入.相信職位係高一級,不過反而普通上餐既職員服務仲比較好!點餐後就上左一個麵包籃,有硬包,脆餅,厚實蛋糕質地既包,正常麵包老公想食蠔,就嗌左2隻,羨慕死我,大肚既我得個望字.不過蠔偏瘦.蠔汁好特別,酸酸辣辣,我地用黎點包又幾好渦!澳洲MB3牛,等左差不多成個鐘先有得食.一上台係有D失望,係個擺碟令我失望,雖則話貴牛既話,唔需要太華麗既擺碟,但係一間收呢個價錢,又有咁好環境既餐廳下見到一碟咁樣擺碟既牛,難免有點失望!好似呢個牛真係幾好食!牛味重,7成都岩岩好! 我就要左黑蒜牛油同紅酒汁,基本上無點黎食,因為就咁食都已經好正伴碟要左3款SHARE, 芝士通粉,咸到食一啖要飲三啖水,根本無辨法食落去焗龍蝦,肉質幾彈牙,無雪味黑松露薯蓉,係重味既,不過睇張相都知有幾油!老公嗌左羊,我地以為佢上錯,因為我地都以為係羊架.不過呢個羊係差既,UN到切成分鐘都切唔到.如果正價黎食,我會覺得好激心半價既話一試無仿既.... 繼續閱讀
(以上食評乃用戶個人意見 , 並不代表OpenRice之觀點。)
等級4 2018-10-16
2247 瀏覽
對於草根階層既我,平時食吓放題、打個邊爐已經非常奢侈,更莫講話高級餐廳。由於公司飯局,令我哩條雜草有幸踏足SOHO區,品味一吓人生(其實都係食個便飯姐)。餐廳位處中環SOHO區既高層,環境、裝修都非常之舒適。有種坐低咗就唔想起身既感覺。唔好以為係頭盤前菜,錯哂!其實佢係個龍蝦湯,侍應現場即席倒湯。龍蝦味濃厚,口感細滑。初期龍蝦味會比較重,後期會飲到海鮮既鮮甜味。一個唔錯既開場。頭盤終於出現,睇得出廚師對菜色既心思。八爪魚肉煙韌有口感,感覺有少少似日式刺身。主角要出現啦,超巨型T骨?單睇相片好難形容佢既巨型情度,但絕對超越三人份量。表皮微脆,肉質保持鮮嫩。大大塊牛扒,最驚就係又鞋又無味!肉質嫩滑仲不突止,牛肉味依然豐富。伴碟小菜,芝士焗澱粉質。味道上似必勝X既海鮮寬條麵。非常香濃、非常creamy。伴碟小菜二號,炒野菌?醬汁方面非常香濃,但又無蓋過食材本身既味。作為伴碟既佢分數相當高。最後既甜品,心太軟+雪糕。完成咗好豐富既一餐。 繼續閱讀
(以上食評乃用戶個人意見 , 並不代表OpenRice之觀點。)
等級5 2018-10-14
1697 瀏覽
相約了朋友在星期日舉行飯局。週末的飯局,肯恩始終覺得在週六進行會較能盡興,畢竟翌日仍是不用上班的休息日,週六的飯局可不用計算時間打量需要歸家的時候。不過朋友們生活各有各忙,相識多年大家仍能間中抽空相約出來吃一頓飯,已屬難能可貴。飯局既已定在星期日舉行,肯恩也叫仮面調查一下民間星期日有甚麽飲食新奇事正值發生。四號用Rider radar搜尋中環一帶,發現Porterhouse剛在九月份開始,推出一份名為"Beef it up" 的新餐單。套餐無限量供應牛肉,但只在星期日至二的晚餐時段提供。以牛為主的套餐題材頗為新鮮,供應時間亦正好與肯恩舉行飯局的日子一拍即合,飯局地點就此定案。上次到訪食店是中午的時份,自然採光下在食店午膳份外覺得開揚很是舒適。晚上在褪減了的光線下,食店又是另一番景象。光線從酒櫃及酒吧透出,金光在天花三角裝鏡飾反射下帶點夢幻的感覺,既時尚又高格。星期日的晚上,食店也有八成以上的入座率,並且以一大班人的朋友聚會組合居多。人多談話環境自然難免較為嘈吵,幸好食店有較高的樓底,提高了空間感之餘亦減底了談話聲浪的滋擾度。全牛套餐是一份四道菜的晚餐($528),包含了餐湯、頭盤、主菜及甜品四道菜。餐湯及甜品是固定款式,頭盤有三款選擇。若果喜歡飲酒,還可以以七折的優惠點選七百元以上的葡萄酒。主菜由五款牛肉組成,分別選取了意大利Marango及澳洲黑安格斯種的牛肉。五款牛肉會在首輪時段同時上桌,讓客人一次過品嚐五種不同煮法及部位的牛肉。吃完五款牛肉之後,座上客再可根據個人選擇追加點選喜好的牛肉款式。餐前麵包有數款款式,麵包温熱伴牛油同吃不錯,不過當中的法包稍嫌偏硬,較適合伴湯品去吃。服務員也很大方,見我們吃了一半麵包已經主動問我們是否需要添加麵包。不過是夜我方肩付了吃牛的使命,麵包還是不宜多沾手。湯品為牛肉清湯。牛肉清湯侍應生先把預先放上牛舌粒、金針菇及青葱的碟子放在桌上,再把清湯倒注入碟子當中。湯品味道甘甜,帶有中日式牛肉湯的風格,口味本應不錯。不過要詬病的是上桌湯品熱度不是很夠,半涼的温度令湯品的味道亦頓時大打折扣,有點失色。頭盤有牛舌、牛肉他他及凱撒沙律的選擇。凱撒沙律味道雖然不錯,但相較其餘兩款頭盤菜式沙律較為大路,除非你是素食者或對牛肉興趣不大(既然選擇了全牛宴,似乎没有足夠理據去支持這個論點),否則沒有多大誘因去選取這道沙律菜式作頭盤。牛肉他他新鮮牛肉口毋須再在醬汁及配料上大幅炒作,生牛肉只混入了少許鴨蛋黃作輕微調味。蛋黃令牛肉添上滑溜口感,更能突出生牛肉的原始風味。配以香口阿枝竹脆片,令菜式口感及味道更添豐富。吞拿魚醬伴牛舌牛舌份量較少,削得彷如紙張一樣薄的數片牛舌拼合,平時吃慣厚切牛舌的人一會有吃得不夠喉的感覺。薄切牛舌又是另一番風味,口感輕軟細緻,像一層輕紗在舌尖輕輕掠過,跟平時吃牛舌的感覺很不一樣,值得一再細味。牛肉主菜還未到來,侍者先奉上用來為牛肉調味的鹽架。提供黑糊椒及四款不同口味的海鹽,是高級扒房的伺餐規格。雖然點選的是無限任吃的套餐,但伺餐規格依足規矩,沒有厚此薄彼。五人份量的牛肉一次上桌,賣相精良,單看擺盤已是落足心機。五款牛肉分別是來自意大利Marango牛的topside, rump, flank, brisket部位及澳洲黑安格斯牛的sirloin,每款牛肉每人首輪大概可以吃到兩件。餐牌中並沒有提及,原來全牛套餐本身還有side dishes跟餐,分到是薯蓉、薯條及沙律菜。跟餐的side dishes出奇地好吃。薯條質感厚實,香脆熱辣。薯蓉混入了牛奶,軟滑可口。肯恩懷疑厨房刻意要藉side dishes削弱食客的戰鬥力。除了海鹽,吃牛還可以伴上芥末。侍者手持六款不同口味的芥末給食客揀選,選擇讓人花多眼亂,有選擇困難症者不妨索性試匀六款芥末。Topside為牛大腿內側,由於該部位肌肉運動量較高,牛肉是五款中脂肪含量最底的一款,平時主要用作沙律伴菜,較少機會在主菜環節出現。Flank為牛側腹扒,肉紋分佈平均,外層帶微微焦香,感覺肉味更為濃郁,Rump是牛臀肉,中間部份肉質鮮嫩,但外邊部份筋位較多,嚼感稍遜。Brisket牛腩是五款牛肉中煮得最透熟的一款。牛腩全無筋位,以長時間炆煮,牛肉盡吸煮汁精華,軟腍入味。想不費力氣享受啖啖肉的滋味,牛腩是最佳的選擇。五款牛肉中唯一採用澳洲黑安格斯牛做出的西冷牛扒。Medium rare 的牛扒脂肪分佈平均,肉香豐富,吃得出上乘質素的牛肉味道, 亦是大家一致叫好的牛肉款式。連同Side dishes,吃完第一輪牛肉也差不多已經飽了八成。當然,既然是任點任吃,在席人士當然不會放過第二輪吃牛肉的機會。環顧首輪的五款牛肉,topside、rump 及flank 煮法類近,而且選用的都是脂肪比例較低的義大利牛,肉質在區分上只有瘦或比較瘦之間的輕微差距,肉味上的分別亦不是有很大幅度的變化,故首輪已經等同把類近的牛肉吃了三遍。所以若要追加牛肉,牛腩或西冷會是較正路的選擇。第二輪追加的西冷牛扒外層燒得更焦,成品味道比第一輪還要出色,無限點選亦沒有降低牛肉質素,食肉獸們絕對可以大快朵頤。晚餐最後以雪糕雪葩作結。青檸雪葩及朱古力雪糕各一球,伴上薄脆。甜品環節較為大路,沒有甚麽驚喜,味濃的朱古力雪糕與帶酸的靑檸雪葩配搭亦很突兀,效果不太理想。以牛入饌並一次過品嚐不同牛肉的部位,以往多數出現在日式或韓式的燒肉店或火鍋店。今次高級扒房推出的新套餐,從餐湯、頭盤到主菜都是以牛入饌的菜式,噱頭十足。牛肉雖然是無限追加,但牛肉質素都很出色,服務水準亦沒有因而下降。能一次過吃到數款不同做法及部位的牛肉,喜歡嚐牛的人仕值得一試。 繼續閱讀
(以上食評乃用戶個人意見 , 並不代表OpenRice之觀點。)
等級4 2018-09-20
3074 瀏覽
朋友為補祝我既生日, 相約我今晚放工到蘭貴坊, 話有味蕾上既驚喜比我。來到蘭貴坊一座高樓, 上到9/F, 係一間叫Porterhouse既西餐廳, 氣氛環境偏高級格調。放了大量既酒類飲品, 原來呢度除左飲酒, 仲會提供唔少美食比客人享用。侍應主要係外國人, 感覺上好似置身於外國餐廳一樣。朋友知我熱愛食牛, 於是點左全牛既dinner-set, 聽說只係上星期新推出呢~ 是一個半任食BUFFET, 選了意大利馬萊馬納安格斯混種牛同埋澳洲黑安格斯牛, 這些肉都是任食啊!先送上一小袋麵包同埋薄脆, 麵包質感不是軟熟, 而是實淨有咬口, 至於薄脆脆卜卜, 不過過鹹~重點還是放在Dinner上!餐湯: 有幾粒牛肉係碗中, 再倒入一小壺湯, 估計是不會令肉過份索左個湯, keep到肉味, 不是湯渣質素, 湯底清甜, 味道其實幾似羅漢果煲蘿蔔既中湯~自選項目, 我地二人揀左呢兩set share食:牛肉他他: 嫩紅新鮮, 撈入了鴨蛋黃汁, 有黏性, 但蛋味不太出, 點上沙律醬, 出奇地match。加上了蒜片, 入口非常香口! 牛舌 厚切牛舌食得多, 超級薄切都係第一次食, 沒有咬口感, 反而吃出不一樣既軟滑。雖然事後再看menu說醬汁為吞拿魚醬, 但其實唔太食得出~任食: FLANK 燒牛側腹扒: 沒有牛脂連帶, 肉質很乾, 完全冇肉汁TOPSIDE 烤牛臀肉:比較嫩滑, 有血水滲出, 牛味幾出BRISKET 燒烤牛胸腩肉: 肉質最林, 唔洗用力切都可以輕易切開, 醬汁甜甜地PICANHA RUMP 香炒牛臀肉: 帶有牛脂層, 肉味重, 肉質嫩而且札實SIRLOIN 燒西冷牛扒: 同樣肉味重, 有根連帶, 很有趙口 最討我地歡心竟然是配菜既薯蓉, 甜甜地, 打得很幼滑很粗既炸薯條, 薯味很重還有西蘭花, 軟硬掌握得剛剛好~最後就到甜品: 雲呢拿雪糕併芒果雪葩, 以鬆化既餅碎伴碟, 每啖都黏上餅碎, 甜甜地又有口感, 很滿足!套餐配有紅白酒選擇, 但唔飲酒既我地就轉左juice~餐廳環境滿有氣氛, 上檯速度很慢, 岩哂同朋友飲住酒, 慢慢嘆住等食! 繼續閱讀
(以上食評乃用戶個人意見 , 並不代表OpenRice之觀點。)
同成班大學同學好耐無見,於是我們就搵咗日放工後,去中環蘭桂坊嗰頭食飯傾吓計。呢間Porterhouse由中環地鐵站行5分鐘就到,非常方便⋯⋯呢間餐廳出名就係大大份的Porterhouse Steak牛扒,我們成班人就係睇中呢塊牛排,先約埋一大班朋友黎試。餐廳環境現代簡約,又不失典雅。成個環境好舒服,燈光唔會過份暗。我特別鍾意呢個酒櫃,同朋友食完飯坐係Bar枱傾下密計,都係唔錯的選擇。先黎每人一碗Lobster Bisque 即龍蝦濃湯。職員會先比左有「湯料」的湯碗大家,再係食客面前倒入濃郁幼滑的龍蝦湯。味道唔似其他餐廳,個湯的味道剛剛好,龍蝦味夠濃,但唔會過鹹。可能加入左龍蝦肉、粟米忌廉及粟米,個湯好Creamy之餘,仲有微微的鮮甜味,呢個絶對值得飲!我們叫左三份前菜Share⋯Roasted Spanish Octopus採用西班牙的八爪魚,烤得香口的八爪魚鬚,雖然利用烤的烹調方法,但肉質無因為咁而變得乾戓或韌,相反食落非常Moist,而且有烤的香味。加埋薯蓉、芹菜、橄欖醬一齊食,口感好豐富。Veal & Mushroom Carpaccio用了薄切的牛仔肉加上蘑菇片,細滑的牛仔肉唔會腥,加上非常濃味的蘑菇片,係雙重享受。另外,菜式上仲加了少量鵝肝慕絲、香芹蛋黃醬及巴拿馬芝士,所以每個角落都食到不同的風味。Heirloom Cherry Tomato & Burrate用了新鮮軟滑的水牛芝士,加埋車厘茄及蕃茄清湯去減少芝士的油膩感。另外一提係個兩塊薄toast,充滿勁香的牛油咸香味,配埋酸甜的蕃茄味,非常開胃。至於主菜方面,我們叫左一份餐廳好出名的紅屋牛扒!共重34oz的T-Bone Steak,一面係西冷,另一面係牛柳,一次過可以食曬兩款不同口感的牛排!5款的著名紅屋牛扒來自不同國家的靚牛,當中除了西班牙、愛爾蘭、美國及澳洲外,仲有我們今次揀的意大利西北高原皮埃蒙特草飼牛。由於高原生長的牛牛活動會多D,加上係草飼牛,牛肉的脂肪較少,肉味特別濃,所以肉質則較有口感。另外牛扒的厚度盡對會影響口感,餐廳規定紅屋牛扒一定要超過1.25吋先算合格,而呢份牛扒的厚度足夠,而且肉質嫩滑,係高質的菜式!此外,為了襯托優質的牛排,餐廳準備了來自不同國家的鹽及芥辣。當中我最有興趣係藍鹽,上網Check返,發現藍鹽唔係出產於海,而係鹽湖,而且形成的時間比海鹽更耐,所以會比較罕有。至於牛扒的配菜,大家可以自由地Mix & Match⋯ 除了有巴馬臣芝士烤蘆筍、煙肉椰菜仔、炒蘑菇、忌廉焗菠菜外,仲有比較飽肚的海鹽薯條及煙車打芝士通心粉。當中蘆筍芝士味唔算重,不過蘆筍大條又嫩口。椰菜仔比我係英國食過無咁苦,而且加埋煙肉的咸香幾好食。炒蘑菇的菇用了新鮮的蘑菇,菇味好濃郁。海鹽薯條用了粗薯條,薯味重,而且外表炸得金黃脆口。忌廉焗通粉的通粉對我黎講煮得軟感少少,不過濃濃的忌廉味補救到。另外,忌廉焗菠菜上的芝士脆脆加埋入味的波菜,口感好豐富。食得已經飽飽的大家意猶未盡,所以就叫左幾份甜品Share⋯⋯Dulcey Tart呢個焦糖朱古力達,加入花生、香蕉,甜品出奇地唔會過甜,而且焦糖唔痴牙。Macaron Cake似我係法國食過的巨形Macaron,味道唔會太甜,而且有帶酸的紅莓做返Balance,唔愛甜的大家都可以一試。最後就係我食到忍唔到口的After Eight⋯⋯暖暖的朱古力蛋糕包住濃郁可口的朱古力漿,加埋薄荷雪糕,簡直係一種享受。 繼續閱讀
(以上食評乃用戶個人意見 , 並不代表OpenRice之觀點。)