Pom's Kitchen & Deli (已結業)

489
67
36
港鐵佐敦站 E 出口, 步行約2分鐘 繼續閱讀
開飯介紹
餐廳裝潢簡約時尚,採用工業風格。提供多款西式料理,當中以手搖秘制醬汁海鮮拼盤為招牌菜,每日限量供應,提供波士頓龍蝦、鮑魚、炭燒八爪魚等六款海鮮。 繼續閱讀
特色
包場派對
附加資料
特別營業時間: 年三十至初二休息,初三情人節啟市!
營業時間
*星期一至六 Last Order: 21:30 ; 星期日Last order:21:00
星期一至六
11:30 - 22:30
星期日
11:30 - 22:00
付款方式
現金
座位數目
100
其他資料
Wi-Fi
酒精飲品
切餅費
電話訂座
外賣服務
加一服務費
有關餐廳
在香港的鬧市中尋到美食綠州,是否難過登天?
在佐敦德興街的一處,有一處難能可貴、半開放式的飲食寫意空間,它的名字叫「Pom’s Kitchen & Deli」。曾於英國生活過的店主夫婦,心繫香港,憑著對美食的一份熱愛,開店不止為了醫肚,更想為大眾帶來新派的西餐體驗。
甫進店內放眼看,佈置極具英倫格調:偌大的空間,地面舖有藍白雕花地磚,高低不一的座椅、牆上水管連燈泡的裝置等,情調濃而富有詩意。餐廳劃有一個特別空間,拉開趟門,座位半開放,直望街景,猶如置身外國的優閒茶座中。

主打新派西餐的Pom ‘s Kitchen & Deli,餐牌上可尋見融會傳統與新穎的食材配搭。蕃茄芝士焗牛尾千層麵,以拆了肉的燴牛尾代替平常的免治牛肉,嚼勁十足。其他的滋味精選,有炭燒美國穀飼連骨肉眼扒(12安士)、龍蝦忌廉汁蟹肉龍蝦意大利飯、原隻炭燒波士頓龍蝦配松露薯條等,製作用心出色,試完都想再試。

清清地,有脆卜卜的脆餅/薄餅系列選擇,意大利巴馬火腿芝士手工脆餅及香草露筍野菌手工脆餅是當中名物,軟軟餡料滲進脆餅,雙重口感又不覺太膩。至於甜品,當然要提朱古力咖啡慕絲雪糕蛋糕($43),是為甜品控的必食之選。

除了精心製作美饌,飲品系列也值得一讚。遠道從英國搜羅特色茶品,著名旅客名物「Twinings」 茶品可在這兒品嘗得到;口味共分三款,分別有:英式紅莓果茶、英式伯爵茶和英式早餐茶。想呷一呷啤酒,店主特別推介數款英國手工啤酒,麥味香濃,可配襯不同口感的小吃,進深感受滿載英倫情懷的飲食風尚。

出色不止於此,另設午市及晚飯套餐,親民價錢可吃到不凡菜餚。大廚會定期更新菜單,注入新鮮元素,驚喜不斷,愛吃的你可以不斷嘗「鮮」。
食評 (657)
當你睇到我呢篇食評嘅時候,「Pom's Kitchen & Deli」好大機會已經結業🙈。當上星期我同朋友知道呢個消息後,大感愕然😟,於是即刻訂枱幫襯多次。我之前喺度食過午餐,覺得質素相當之唔錯,但睇餐牌就發現晚市消費較高。不過可能係最後一次,所以就無所謂啦😉。晚市套餐有十款選擇,價錢由$198至$328不等。餐廳人氣高企,晚上八點鐘全場滿座,好彩我哋上網訂咗枱先有位。店員們超級忙,但全晚仍能保持禮貌,態度專業,抵讚👍。炭燒美國安格斯肉眼牛扒(10安士)($318),牛魔王嘅我一定唔會錯過食牛扒嘅機會🥩。牛扒幾大塊,但較為薄身。我要咗七成熟,廚師將火候控制得好好,冇過熟或過生,牛扒肉嫩多汁,牛味亦算濃郁。同時,我仲好欣賞牛扒真係有份炭燒嘅香氣🔥。墊喺牛扒底嘅新薯亦煎得好香口,個人認為薯仔比起薯條或薯蓉更適合作為配菜🥔。牛油白酒煎焗挪威比目魚扒($308),🐟比目魚扒比想像中大件厚身,雖然有骨,但啲骨大大條,好易起。比目魚魚肉超級嫩滑,魚脂豐富,魚皮就好香。醬汁亦係菜式嘅精華,本身以為只係得牛油白酒,點知原來仲用上茄蓉🍅,令味道更有層次。魚扒嘅伴菜亦係採用新薯。話明係晚市套餐,當然唔止得主菜,首先係法式蒜蓉包🥖,脆脆的,幾惹味。是日餐湯係蘑菇忌廉湯🍄,味道一般,因為略嫌口味偏淡。精選甜品係紐約芝士蛋糕🍰,雖然只係細細件,但都食得出好好味,芝士味濃,蛋糕質感軟硬適中。因為好食,所以覺得有啲唔夠喉。飲品方面,我哋要咗🍋凍檸茶(+$3)同🍎蘋果汁(+$6)。題外話,店員好細心會留意我哋幾時食完主菜,再主動問我哋飲乜。總括嚟講,今餐晚餐係開心嘅😁,食物出品係幾OK。雖然餐廳環境有少少嘈,但氣氛熱鬧,令人放鬆。Pom’s係一間值得支持嘅西餐廳,佢亦好支持香港人💛,希望遲啲有緣再會👋! 繼續閱讀
(以上食評乃用戶個人意見 , 並不代表OpenRice之觀點。)
等級4 2021-03-18
180 瀏覽
餐廳佈置簡約型格, 燈光柔和, 座位舒適 , 帶給人一種好relax嘅感覺, 在這個環境 氣氛下與朋友享用晚餐, 讓人樂在其中。鵝肝牛肝菌扁意粉意(晚餐)$配甘筍湯、蒜蓉包$228甘筍湯香甜順滑,配上烤得香脆的蒜蓉包一起吃, 十分滋味。 煙煙韌韌的扁意粉上 面放上鵝肝, 鵝肝煎得火候剛好, 外層煎至微脆, 咬下去油香四溢, 有入口溶化的感覺, 每條片意粉都掛滿迷人 稠密的忌廉醬汁,及滑溜的雜菇, 滋味吸引, 啖啖都是幸福的滋味。茄蓉蟹肉龍蝦扁意粉$258扁意粉口感煙靭, 完全沐浴在誘人蕃茄蓉醬汁中, 酸甜有致 ,令人胃口大開, 每條意夾合埋蟹肉絲及爽彈的龍蝦肉 一起吃,口感豐富, 無比鮮味 瀰漫口腔, 啖啖都細膩吸引。蘋果汁(跟餐+$6) 、 熱柚子蜜(跟餐+$8)蘋果汁清新冰爽, 熱柚子蜜 十分潤喉, 還散發著陣陣柚子的甜香。芒果熱情果蛋糕$45芒果熱情果蛋糕,顏色和造型配搭漂亮吸睛, 絕對係相機食,入口傳來滿滿芒果熱情果的果香, 香甜滑溜 ,味蕾大享受, 令人窩心的甜品。 繼續閱讀
(以上食評乃用戶個人意見 , 並不代表OpenRice之觀點。)
📍 Pom's Kitchen & Deli 🎗📍 佐敦 • 德興街7號A-B號舖隱身在佐敦小街的《Pom's Kitchen & Deli》是一間由同路人所經營的西餐廳💛開業五年,他們快要迎接結業的一天🥺因為租約期滿,3月26日將會是他們營業的最後一天。趕快把握最後能享受他們服務的時光,去給他們一點支持吧💪{外賣自取可享8折優惠‼️}在OpenRice上訂座還有不少優惠呢❣️餐廳裝潢走工業風,牆上放上燈泡連水管;空間很大,有一個小小的半開放座位空間,連接德興街,感覺優閒🥰食物質素很不錯,滋味十足。這晚點了四道菜,特別喜歡{德國腸拼盤 配 兩款啤酒🍻}還有{忌廉蟹肉龍蝦扁意粉🍝}。德國腸拼盤小食 + 兩款啤酒 ($108)German sausage with fries + 2 glasses of beer德國腸、薯條、啤酒,非常濃厚的外國風情!一次可以試得到三款腸,滿足各人不同口味,可以沾甜芥末一同食用;另外粗薯條很香脆😋我們兩個人都點了{1664啤酒🍺},另外還有其他種類的啤酒可以選~•忌廉蟹肉龍蝦扁意粉 ($228)Linguine with lobster and crab meat in tomato cream sauce{半隻波士頓龍蝦🦞‼️}另外,蟹肉不是一絲絲的,而是一隻已拆的蟹鉗肉🦀!🤩賣相吸引,龍蝦肉爽口彈牙、蟹肉鮮甜美味;茄蓉忌廉汁跟意粉和海鮮配合得很好,一點點蕃茄的酸味,加上creamy的忌廉以及芝士🧀,開胃而且不太膩 (≧ω≦)•牛油白酒煎焗挪威比目魚扒 ($288)Pan-fried Norwegian halibut steak挪威比目魚扒是挪威最好的魚類其中之一🐟,肉身厚大,肉質結實、細嫩,味道鮮甜可口,魚皮還煎得很香脆。雖然帶骨,但是去骨非常容易!醬汁很配搭,還配上數顆香軟的小馬鈴薯🥔,好吃👍•伯爵茶香橙慕絲蛋糕 ($45)Earl grey tea & orange mousse cake半圓的蛋糕賣相十分漂亮,蛋糕小小的,切開卻看見層次分明的內涵(伯爵茶慕絲、香橙果凍、蛋糕)😌淡淡的茶香味搭配酸甜的香橙味,很清新的感覺!🍊-Menu: 繼續閱讀
(以上食評乃用戶個人意見 , 並不代表OpenRice之觀點。)
等級4 2021-03-09
768 瀏覽
我哋嗌咗D3.香煎鵝肝牛肝菌扁意粉($228)同埋D8.炭燒美國安格斯肉眼牛扒(10安士)($318)首先講咗佢哋套餐嘅蒜蓉包同埋餐湯先啦佢呢個忌廉湯飲落去幾Creamy不過我自己就覺得有少少淡之後嗰個蒜蓉包食落去真係幾脆💖💖係真係會好濃嘅蒜蓉香味之後就講吓我最期待嗰個肉眼牛扒(我本身係諗住嗌五成㗎咋,之後我朋友沖口而出嗌咗三成😱😱之後我就有少少驚)因為真心唔知三成嘅熟度會係點樣不過最後食落去都OK嘅,冇我想像中咁生同埋佢有超濃郁嘅牛味🥳🥳識落去超有口感,好有入口即溶嘅感覺啖啖肉嘅感覺真係超正之後就講吓嗰個鵝肝扁意粉其實我平時好少會食到鵝肝但係我覺得佢食落去有幾吸引喎🤔🤔嗰個口感食落去都幾特別,同埋好香之後嗰個意粉食落去真係勁Creamy,入味👍👍而且又唔會太乾,好啱啱好嘅跟住食牛扒嗰個Dinner Set係有配一份甜品嘅佢嘅甜品就係芝士蛋糕呢個芝士蛋糕真心比我想像中出色得多🧀🧀佢有好濃郁芝士味之餘又唔會太膩為呢個Dinner畫上一個完美嘅句號 繼續閱讀
(以上食評乃用戶個人意見 , 並不代表OpenRice之觀點。)
等級4 2021-03-03
960 瀏覽
見到好多人推介既西餐廳,呢日放工後黎睇下質素如何🤫入到去裝潢帶點工業風,環境都寬倘舒服,不過坐低一陣就已經全場爆滿,真係誇張得很,好彩有提前訂檯者🤤▪️ 炭燒美國安格斯肉眼牛扒(10安士)(7/10)💲318 (Special Dinner Set)呢個晚市套餐係包左是日餐湯、法式蒜蓉包、精選甜品、餐飲🤔個餐湯係西式既粟米蘿蔔湯,頗為濃味🥘法式蒜蓉包烘到暖笠笠脆身,入口有香口嘅蒜蓉味😍主菜既肉眼上枱都幾大塊同厚身,落單叫咗五成熟,可能炭燒嘅關係,食落覺得似七成熟左右,同埋中間咁岩有條筋位🙈勝在炭燒焦香味都幾強烈,肉味又無被遮蓋,唔需要點燒汁都夠味🍴伴碟嘅有薯仔粒、翠玉瓜、秋葵😛見人哋精選甜品通常係藍莓芝士蛋糕,但呢日轉左係藍莓千層蛋糕,甜甜嘅藍莓醬同埋忌廉層次分明,但餅皮可以再濕潤多一點🫐▪️ 香辣海鮮墨魚汁意大利粉(7/10)💲228 (Dinner Set)呢個晚市套餐就包左是日餐湯、法式蒜蓉包、餐飲😌海鮮就有大蝦、魷魚、三文魚碎,個墨魚汁味道突出,顏色夠曬黑,會食到成個咀都係黑麻麻,而意大利粉偏向硬身有彈性🍝整體配搭感覺不過不失,如果辣些少就更好🌶🔎 整體評分(7/10) 繼續閱讀
(以上食評乃用戶個人意見 , 並不代表OpenRice之觀點。)