Pom's Kitchen & Deli

268
38
23
港鐵佐敦站 E 出口, 步行約2分鐘 繼續閱讀
電話號碼
26400388
特色
包場派對
營業時間
今日營業
11:30 - 23:00
星期一至六
11:30 - 23:00
星期日
11:30 - 22:30
付款方式
現金
座位數目
100
其他資料
網上訂座
Wi-Fi
酒精飲品
自帶酒水
切餅費
VIP房
電話訂座
外賣服務
加一服務費
室外座位
有關餐廳
在香港的鬧市中尋到美食綠州,是否難過登天?
在佐敦德興街的一處,有一處難能可貴、半開放式的飲食寫意空間,它的名字叫「Pom’s Kitchen & Deli」。曾於英國生活過的店主夫婦,心繫香港,憑著對美食的一份熱愛,開店不止為了醫肚,更想為大眾帶來新派的西餐體驗。
甫進店內放眼看,佈置極具英倫格調:偌大的空間,地面舖有藍白雕花地磚,高低不一的座椅、牆上水管連燈泡的裝置等,情調濃而富有詩意。餐廳劃有一個特別空間,拉開趟門,座位半開放,直望街景,猶如置身外國的優閒茶座中。

主打新派西餐的Pom ‘s Kitchen & Deli,餐牌上可尋見融會傳統與新穎的食材配搭。蕃茄芝士焗牛尾千層麵,以拆了肉的燴牛尾代替平常的免治牛肉,嚼勁十足。其他的滋味精選,有炭燒美國穀飼連骨肉眼扒(12安士)、龍蝦忌廉汁蟹肉龍蝦意大利飯、原隻炭燒波士頓龍蝦配松露薯條等,製作用心出色,試完都想再試。

清清地,有脆卜卜的脆餅/薄餅系列選擇,意大利巴馬火腿芝士手工脆餅及香草露筍野菌手工脆餅是當中名物,軟軟餡料滲進脆餅,雙重口感又不覺太膩。至於甜品,當然要提朱古力咖啡慕絲雪糕蛋糕($43),是為甜品控的必食之選。

除了精心製作美饌,飲品系列也值得一讚。遠道從英國搜羅特色茶品,著名旅客名物「Twinings」 茶品可在這兒品嘗得到;口味共分三款,分別有:英式紅莓果茶、英式伯爵茶和英式早餐茶。想呷一呷啤酒,店主特別推介數款英國手工啤酒,麥味香濃,可配襯不同口感的小吃,進深感受滿載英倫情懷的飲食風尚。

出色不止於此,另設午市及晚飯套餐,親民價錢可吃到不凡菜餚。大廚會定期更新菜單,注入新鮮元素,驚喜不斷,愛吃的你可以不斷嘗「鮮」。
有關獎賞計劃
食評 (362)
上個星期返工好忙呀, 都好耐冇試過一個人行街食飯睇戲了!所以上個星期六同日, 我都早早起左身,預備去揾間靚餐廳食個靚LUNCH開展開心既一天先! 本身想去尖沙咀諗住行一日街既, 先係佐敦食個飯再去血拼先係佐敦行左一陣, 見有間幾靚既西餐廳叫Pom's kitchen and deli格局好似小酒吧咁, 好有氣氛呀!而且店內裝潢都好有心思, 地方都幾大吖~就算一枝冷行入去, 店員都冇黑面我相反仲比左一個開心既笑容我令人覺得一整日都充滿朝氣!望吓個menu 先, 原來sat都有set lunch, 最驚喜係價位一啲都唔高就算點最貴既牛扒連加一都係一百蚊難怪出面排滿晒隊了~好吖, 今餐食得豐富啲, 點左 炭燒紐西蘭肉眼扒, 配香草bb薯及黑醋沙律set lunch 連餐湯~ 而今日餐湯係南瓜湯~ 南瓜湯相當足料,飲落去口感比較厚, 但又唔會杰到漿住咀吧, 有好香南瓜味, 個人覺得帶有少少薑味, 反而幾特別幾提味~ 主菜來了- 炭燒紐西蘭肉眼扒賣相唔錯喔~ 肉眼扒以lunch來說份量唔算細, 炭燒令到整塊肉飄出陣陣炭燒香味, 好惹味!7成熟令到肉質好嫩滑, 咬落去好juicy, 再加上酸酸甜甜既黑醋沙律同肥厚又脆既薯塊, 一個字- 正! 餐飲點左涷奶茶, 茶香奶滑, 唔會太甜, 令到剛踏入夏天既暑氣全消~~~埋單約hkd 104, 好抵食~~Pom's kitchen and deli佐敦德興街7號A-B號舖T: 26400388 繼續閱讀
(以上食評乃用戶個人意見 , 並不代表OpenRice之觀點。)
等級2 2018-10-07
475 瀏覽
今日媽咪生日,佢話想食西餐。最後出左佐敦搵野食,上網見正呢間餐廳,見d comment幾好,裝修都唔錯,所以揀左呢間食飯慶祝!6個人叫左成枱野食,包括1)黑松露野菌意大利飯 (3.5/5)味道唔錯,黑松露味好香,不過d飯硬左d2) 牛肝菌鵝肝意粉 (5/5)味道好好,全晚最正既主菜,必食3)意大利芝士pizza (3.5/5) 芝士味好濃,特別係blue cheese既味,未必個個接受4)醋蘋果沙律 (4/5)熱呼呼的沙律,幾特別,可以一試5)牛油白酒煮蜆 (4.5/5) 餐廳既主廚推薦,蜆好大隻,味道都唔錯,不過蜆有d沙6)龍蝦薯條 (3/5)個樣幾好,不過味道麻麻,龍蝦煮耐左,唔夠鮮味7)肉眼牛扒 (4.5/5)叫左7成熟,燒得好香,牛味亦都夠,值得一試8)Buffalo wings (2.5/5) 最差既選擇,味道同蕃茄雞翼無異總體而言,都算唔錯,上openrice預訂仲有折,可以一試。不過我未必encore. 繼續閱讀
(以上食評乃用戶個人意見 , 並不代表OpenRice之觀點。)
等級2 2018-09-26
806 瀏覽
一行6 人要吃午飯⋯⋯個個喜愛都不同,結果去了一個幾中庸的西餐廳Pom's 德興街先來的薯泥湯薯仔打得均勻滑潤肉粒很細有點意思三個人選擇全日早餐最名貴的只有煙三文魚兩個要淡咖哩雞肉沙拉雞方塊和薯仔粒差不多一樣大小一樣色澤都說雞肉夠多咖哩不辣奇怪不辣的咖哩-令人擔心我不知道淡咖哩這般溫和口味 如何?相信不會是我杯茶幸而我選貴貴地的煎焗鮮三文魚89 大元粉紅色三文魚算大塊頭肉質也比其他平價午餐好鮮嫩幼滑魚皮也煎得脆薄可口碗什菜沙拉一個勺草牛油汁咖啡即製因不另加錢這個咖啡應值一試粗粗幼幼不加一又一頓飯。 繼續閱讀
(以上食評乃用戶個人意見 , 並不代表OpenRice之觀點。)
等級3 2018-09-09
1183 瀏覽
Farewell晚飯同事last day,大家同佢farewell食晚飯,近近地揀左公司附近一間西餐廳。當晚大概6點半到達,餐廳唔算多人。這裏有十多款晚餐選擇,有餐湯、餐包、主菜、飲品及甜品,價錢實惠。今日是我最喜愛的煙肉薯仔忌廉湯,鍾意佢好似薯仔熔咁,仲有煙肉粒,配上暖笠笠的蒜泥餐包,正呀!烤德國腸拼盤有幾款肉腸,肉汁也很豐富,配啤酒岩晒。牛油白酒燴鮮大蜆蜆肉很肥味,白酒很香。個人很喜歡食巴馬火腿,這款巴馬火腿PIZZA薄薄的,很鬆脆,巴馬火腿像是新鮮放上去,整體配搭不錯,吃得很開心。 繼續閱讀
(以上食評乃用戶個人意見 , 並不代表OpenRice之觀點。)
等級3 2018-09-05
1156 瀏覽
之前係佐敦經常去食開的西餐廳POM’S Kitchen & Deli最近換咗啲新菜式,所以再同朋友去試試,我地比較鍾意食辣,所以叫咗個香辣煙三文魚蘑菇PIZZA,同埋香辣墨魚汁大蜆意粉,仲有水牛雞翼。香辣煙三文魚蘑菇PIZZA,個賣相好好,而PIZZA上鋪咗好多煙三文魚同埋蘑菇,仲有啲沙律菜,份量十足。而個香辣墨魚汁大蜆意粉,佢地雖然今次用咗墨魚汁去煮,但係就煮到啱啱好,啲意粉吸晒啲墨魚汁,唔會太過水,至於啲大蜆好大隻好新鮮。 繼續閱讀
(以上食評乃用戶個人意見 , 並不代表OpenRice之觀點。)