Pom's Diner (已結業)

上星期去佐敦拎報告，就順便到附近食晚餐，因為小妹愛好食西餐，所以今次去左呢間西餐廳睇睇，見餐牌OK，就決定試下。大約6：00pm左右，餐廳內已經有四、五枱客人，但我同另一半想行陣先食，所以預留了7：00pm 兩位，坐闊落的卡位。我地行陣之後再返餐廳時，已經坐滿了2/3的客人。叫了芝士火腿焗加拿大豬肉眼扒配白飯 及 香辣茄汁大蝦扁意大利粉，另每個套餐加$5每人叫了一杯橙汁及蘋果汁。芝士火腿焗加拿大豬肉眼扒配白飯(套餐價$88)：剛上菜時熱辣辣，芝士火腿和豬肉眼扒融為一體，睇落OK，但略嫌豬肉眼扒的味道較淡及較靭，比較一般。香辣茄汁大蝦扁意大利粉(套餐價$78)：香辣茄汁微微辣，好惹味; 扁意大利粉的軟硬程度適中，不錯。而套餐中的餐湯、蒜蓉包及飲品不過不失。總括黎講：餐廳環境唔錯，燈光柔和；卡位闊落，可以舒舒服服咁傾計；套餐包餐湯、蒜蓉包、主菜及飲品，而且再免加一，晚餐每人唔使$100。不過，下次有機會都想試下佢地的漢堡餐^^

好多人搞錯另外一間餐廳做呢一間相信因為個名一樣 雖然兩間應該係有關係的我都搞錯左 因為前兩日先試完同名的另一間不過裝修風格不一樣 這間不是工業風的店舖裝修頗精緻 似歐陸風情 環境比較舒服 有二人卡座可以坐 都算係幾舒服紅日午餐的話有湯有即磨咖啡漢堡包餐的話就只有飲品叫咗一個b2 經典漢堡包$78又係一次有曬沙津薯條沙律菜都夠多 菜唔係話分新鮮 醋汁係醒胃的薯條夠熱 唔夠脆 炸未夠時間 包唔熱 其實只要烘一烘個包再上 就會好食好多肉juicy 不過唔夠香 只係輕輕煎過 冇燒過汁多菜多有蕃茄 都係凍嘅配料如果配料又凍又熱咁 其實都好影響成個包嘅感覺 overall 味道其實都okay 的不一個餐廳主打係漢堡包 應該可以做得更加好另外叫了燒春雞配飯 $78 雞無咩味 有一半比較鞋 另一半juicy點 係一整隻雞 所以好夠食的 白飯無什麼特別的 如果要轉意粉的話要加$10即磨咖啡唔使加錢 上枱好香 飲落都可以加$3 有凍咖啡 比熱咖啡差價格來說相對高一點

日日在餐厅吃饭，第一次写食品，真的是超级难吃，千万别吃，鸡没鸡味道，意粉没有意粉，完全一切都是水煮，拿上来了，其他什么味道都没有，大家记住，如果想吃没有味道的东西，就点这个啦，叫了两个餐，一个是时间最长的，反而最早来，一个通粉结果吃完了，才来，分明是服务员忘记落单了，真的对这个餐厅物语到极点了，问了第一次，另一个餐，她说好的，当时表情，就是忘记下单，因为旁边的顾客都已经在我们之后来，都吃完走了，我们的另一个餐还没有来，真的是很生气

努力工作左成大半個星期，終於捱到星期四，梗係要慰勞下自己，同最愛既屋企人食番餐好野啦！今次想帶屋企人食西餐，係openrice搵到呢間係屋企附近既西餐廳，評價甚高，一於book位去試下啦👍🏻餐廳裝潢有特色，有種莫名既高尚感！牆上裝飾亦十分特別，加上暗暗既燈光，成個氣氛都會令人感覺到好relax好舒服，如果同情人黎，一定更覺浪漫！今次我地試左兩個套餐忌廉汁龍蝦意大利飯-上檯既賣相精緻，味道更無得彈，龍蝦鮮甜，肉質夠彈牙，每粒意大利飯亦被忌廉汁包圍住，口感相當豐富！另一個套餐牛油大蜆意粉-呢個意粉既牛油味香濃，蜆肉亦鮮甜無沙，意粉更彈牙煙韌！套餐仲包埋一份蒜蓉包同西蘭花忌廉湯蒜蓉包-烘到趣卜卜，蒜味夠，配住個忌廉湯食，真係一絕👍另外pizza，沙律同水牛城雞翼-全部食物都性比價高！總括黎講，呢間餐廳服務都一流，會不斷幫你斟水斟酒，又會黎問下我地對食物既評價，服務好，質素高，環境優雅，下次會再黎！

Lunch time 叫左一個長通粉同埋龍脷柳，難食到爆炸！陰工，浪費左人生一個寶貴嘅lunch 係d九流餐廳度，建議唔信嘅朋友即管去實驗下，心中只有無限嘅f字開頭4個字母嘅英文單字.

放工覓食 經過呢間見到餐牌幾平喎 即刻影俾老公😊 老公ok冇問題我就立即入去拎位當日係平日八九點 餐廳七成滿左右餐廳樓底好高 枱面好靚好有特色！叫左carbonara 個set餐湯同蒜容包好好味！(湯夠味但美中不足係唔夠熱)但蒜容包應該係即整 又脆又熱又香好正！carbonara set ($68)好多芝士同煙肉 份量都好大老公來到 叫左個蒜香蜆肉意粉($78)好大陣蔥味 同勁蒜🙊🙊🙊後記: 晚飯唔洗加一 以呢個價錢真係唔錯原來凍飲要+$3 建議大家下次可以+$5飲果汁😉😉老公話 下次來要食漢堡包餐😋😋

最近我同男友去完尖沙咀公眾泳池游水，到佐敦一帶食晚飯。見到一間新餐廳有漢堡包食，他便立即選擇在這間店內用膳。超級啤酒罐煙肉安格斯漢堡包～佢上抬時無將啤酒罐煙肉安格斯放放上漢堡包來，我放上去嘅時候有啲雞手鴨腳。因為漢堡包太高，一咬就肉汁濟出。食這個包不用講禮儀。第二道我就叫香辣汁茄汁大蝦意粉～真係有小小辣，不過佢個汁就太多，有啲偏甜嘅感覺。不過不失。見到入面嘅裝修好舒服，我不用等位就入到去。但入面的面積不是不大，不適合十人或以上聚餐。

這天突然想食西餐漢堡，於是前來佐敦附近的呢間歺廳，一睇個餐單就係漢堡套餐，套餐有湯有飲品有甜品價錢唔太貴！餐廳坐位很舒適，以歐陸式的裝潢佈置，令我置身歐洲風情，餐前的湯以栗米南瓜融，湯很濃濃的粟米香，熱烘烘的味很甜，我點選這款蟹肉沙律，很有田園色彩，有雞胸肉，有鮮蝦，有大大車厘茄，味道清新，配合清黑醋醬汁主菜龍蝦忌廉汁波士頓龍蝦意大利飯，份量十足的龍蝦，非常鮮甜，爽口的龍蝦，回味無窮頭號的漢堡，就必然之選，號稱特別，叫啤酒罐煙肉安格斯漢堡配薯角，這個漢堡很巨大，濃濃的煙肉配答上滑蛋的味道已經被蓋住了這個名之所以叫啤酒罐只不過係大大塊的漢堡夾著，煙肉包圍著漢堡包以名，沒有啤酒味道哈哈！薯角很脆口，點上德國的蕃茄醬格外香口呢！套餐的好就是加$20有一個芝士蛋糕，有呢款紐約芝士蛋糕好大件！餅底係芝士蛋糕最好味，香濃芝士甜品作結，滋味滿載！

三個朋友分別不同地區反工，搵左個中間點方便大家，其中有朋友曾經過見至餐牌幾吸引就決定黎呢間。價錢合理，份量足夠。揀左個蟹肉沙冿，份量夠三至四個人份量。菜新鮮配上黑醋。清新一下先。主菜方面揀左二個龍蝦忌廉汁波士頓龍蝦意大利飯，有成半隻龍蝦飯有濃濃龍蝦汁加芝士味，飯煮得煙硬加28蚊有包餐湯，包，飯品另外，一個主要俾超級啤酒罐煙肉安格斯漢堡Hk98包薯角，飲品，一百蚊內真係非常平。原來啤酒罐係塊漢堡係底，上面有燒烤醬肉醬再有一層厚厚芝士有二塊煙肉圍住，漢堡非常鬆遠，香口。漢堡包同菜都分開上，而且仲有薯條，黑醋沙津。一定二人份量。最後加餐20蚊要一份朱古力芝士蛋糕。Full住咁離開。

午餐水準可以！但上菜效率較慢！今天中午order咗漢堡包等了三十五鐘後問女店員，只有'等等'，直至約四十分鐘後才送上！😰無sorry! 無解釋！最好選擇無人時段會好D!

呢日又同兩個好鍾意食野嘅朋友聚餐，行開佐敦見到有間新餐廳好似唔錯，見到餐牌幾吸引，價錢又合理就入左去啦～洋蔥湯好香濃，好味到連平時唔特別鍾意食洋蔥嘅朋友都唔抗拒喎～蒜蓉包好香脆，加埋洋蔥湯好好食呀～墨汁意粉軟硬適中，d蝦都好鮮甜，大家都好滿意喔我地三個都好鍾意食羊，所以一定要叫羊架啦！呢個羊架唔會太羶，火候又剛剛好，連配菜嘅薯仔都好好味呢煙三文魚沙律嘅沙律菜好新鮮，咬落sork sork聲架hahaha薯條係我至愛，新鮮炸好配埋cream cheese雖然邪惡，但盡得我歡心啊最後食埋甜品，三個飽到飛起haha朱古力蛋糕朱古力味非常香濃，New York Cheese Cake香滑芝士味濃，讚啊～

一向鍾意食西餐既我，又去食新野啦，今晚同朋友去左佐敦呢間pom's dinner食野，竟有意外驚喜，環境都唔錯，兩個人坐係到慢慢食，傾下計，都幾舒服。見到有個Burger set藍芝士煙肉安格斯漢堡，好抵就叫黎試下，個set除左個Burger仲有薯角、沙律、野飲，勁滿足！個Burger黎到就覺得好大份抵食，仲要食材夠曬足料。咬落去啖啖肉又juicy ，加上芝士既香味，無得彈！仲有d口痕，除左叫個Burger set，仲叫多左個墨西哥辣肉薯角，份量比我預期多，而且唔會好辣，岩岩好，勁多汁，好好味。

星期四約咗朋友食飯 搵咗好耐究竟食咩好嘅時候，無意之中見到Pom's diner 佢仲要有online booking discount，同埋有好評添，咁梗喺要一試啦！原本喺book咗7pm，但大家都好肚餓，所以早咗去 6點半就已經入座，當時太早所以唔喺等位，但我地入場嘅時候，其實已經有一台喺到食緊...（ 其實我都覺我地早，但諗唔到佢地仲早）我地喺7點50分左右離座嘅，店鋪就已經開始好多人。最後我地有點到一個 香煎帶子黑松露忌廉野菌意大利飯，但冇影相。味道唔錯，但如果你食唔慣 硬嘅飯或者喺未熟透嘅飯 佢應該唔啱你價錢：$98，加餐飲 $28 包 餐湯+蒜蓉包+野飲呢間食店最好賣點就係 免加一服務費

今日同男朋友慶祝生日，簡左呢間餐廳。地點好容易就搵到。原本係open rice 訂左7:30，點知我地早到左半個中，好在店務員都比我地入。入到去，个裝修都👌🏻, 幾中意佢張枱既設計。呢個係焗薯仔，係網上訂枱先送既，幾好食，連皮食，入面有啲洋蔥，平時我吾中意食，但呢個反而好食。我地點左2個餐：1. 炭燒原隻龍蝦賣相好得，但係就咁嗅陣味，就有啲腥。擺入口，覺得啲龍蝦少少腥之餘，仲有啲韌，無乜龍蝦味...有啲失望。餐湯：忌廉湯，味道👌🏻、蒜蓉包：好脆，幾好食。2. BBQ 醬燒豬肋骨（半條）賣相都👌🏻、但略嫌有啲咸，肉質都淋，滑既，但略嫌多汁，整體都👌🏻。另外，我個人中意佢啲田園沙津。甜品：朱古力芝士蛋糕，都係normal , 唯一要講既係網上訂台以為免費寫生日字母係甜品度，點知話無左呢個service, 我唯有自己整個生日牌。

午市經常落來吃晏，感覺唔錯！今晚OT路過，見平時多人吃漢堡，大大份又惹味，就入去隨意落著個水牛城雞扒漢堡，估唔到真係好辣好正好入味，勁爽！配埋薯角同沙律，認真大份加埋特色手工啤，絕佳配搭！最後買單＄100蚊有找認真抵吃