Pokka Café (樂富廣場)

營業中

休息中

POKKA CAFE食物一直用料烹調唔錯，所以都經常用膳，但今次Dinner煎豬扒煎得太熟，有點老和硬，比較乾身，味道口感不太好，炸蠔有少許腥味，熱檸茶唔夠熱，這次用膳比較失望🥲

喺我心目中Pokka Café係一間好貴，而又唔太抵食嘅西餐因為細細個佢已經要一個要$100-$200以上食個意粉，但我覺得冇乜特別，唔係街坊價但係啱啱經過見到佢門口有個大大嘅牌寫住大約hk$90幾蚊就可以食到牛扒，我本着食得飽嘅心態入去試一試，點知又幾出色喎

餐廳環境光明簡潔，夠闊落，卡位坐得舒服。枱與枱之間距離充足，傾計大聲啲都唔怕騷擾到人。用餐時間係星期日中午食晏時間，要排十分鐘左右先入到，都還算可以。- 紐西蘭自然草飼肉眼牛扒⁹⁹加配套餐⁺³⁹期間限定的紐西蘭肉眼牛扒配蒜蓉汁。牛扒夠厚身，牛味夠濃但肉質偏韌，感覺是鐵板過熱令牛扒過熟而影響口感。- 日式炸南瓜片南瓜炸得金黃香脆，新鮮香甜。- 日式醬油溫泉蛋醬油味夠香，溫泉蛋蛋味十足。- 熱咖啡咖啡醇香，奶泡綿滑。

假日想搵平靚正既牛扒餐，走訪幾間西餐廳，最後落腳點在pokka cafe。100元樓下就可以食到優質牛扒，性價比起附近的餐廳。而且每枱有支任你噴香薰消毒液，在依家出街食飯注重衛生來說，都是一個貼心服務。

尋晚同朋友一齊食晚飯 大家都係選擇左order 同一個晚餐 照燒雞扒 煙三文魚定食 前菜有粟米湯+牛油麵包 到主菜 我同朋友都不約而同 覺得雞肉好嫩滑 好有口感 照燒汁更是精華所在 無得彈 再配上煙三文魚 加上一碗白飯 都只係$183 性價比真係超高！最後 當然唔少得既係Pokka 既signature 而且必定要飲既 回魂凍咖啡☕️啦，哈哈哈！！！

有時候帶着小朋友不知道去哪裏吃飯，Pokka Cafe也是一個不錯的選擇。這裡有小朋友喜歡吃的朱古力雪糕新地也有焗飯、牛扒、咖喱飯等日式午餐選擇，也適合一班人聚餐。

樂富牛扒依家其實都開咗好多年係UNY入面， 好易就搵到。呢排出咗一個特價牛扒， $89 ，另外再加配套餐，可以搭配幾樣嘢，例如意粉，味噌湯，三文魚沙律，嘢飲之類。任君選擇。個人認為佢感覺似花園餐廳咁樣用鐵板燒，但係比花園餐廳好食，預返大概連埋套餐就$150左右一個人。喺樂富呢個地方都叫做係一個幾好嘅選擇。基本上佢上台都係三成多少少，唔會太熟，唔會生得滯，你仲可以繼續自己用鐵板燒，以自行控制生熟程度隨你喜歡。另外會有埋粟米同洋蔥係底，份量都算ok。

自從Pokka Cafe嘅奧海城分店結業之後，都冇乜機會可以再食到🥹今次過開嚟樂富行UNY竟然遇到呢度有分店🥰晚餐有幾款可以揀，本身想嗌B餐雞扒🐔但好可惜賣哂，最後嗌咗晚餐A精選，其實係神秘menu，咖喱吉列豬扒🐽要問職員先至知係咩嘢食😂套餐入面仲有味噌湯、三文魚沙律🥗飲品叫咗凍朱古力咖啡☕️朱古力味道好重，唔算好苦，好大嚿cream喺面頭。另外嗌咗杯朱古力雪糕新地🍦入面係朱古力雪糕之外，仲有繽紛樂、拖肥朱古力、脆米條，好多配料，個底係另一層朱古力碎🍪枱面有枝香香噴霧式搓手液，如果唔係因為疫情已經完咗，我諗我都會買返枝😂最後埋單$268，晚餐連甜品飲品價位合理，又坐得舒服😌張單仲可以搞埋樂富廣場停車場免費泊車🅿️

一早經OpenRice 訂枱食飯，註明要求全梳化卡位。過去幾年在呢間分店食咗好多次，每次也安排到。比預定時間早半小時到達。站在餐廳門口等了很久，也沒有人來帶位。最後要開聲向店員說訂了位，才有一個貌似經理嘅男職員出來帶位。當時餐廳有兩張吉嘅梳化卡位。但該男職員堅持不可以坐，因有人訂了卡位。我們向他表明在預訂時要求全梳化卡位，問他其他人是否也有相同要求？他說所有人也要求全梳化卡位。我們便問他如何定優先次序。他說按定位先後次序。我們說很早已預訂，建議看看他所謂的清單。看了定位表後，發現根本沒有記錄任何人包括我們有要求全梳化卡位。另外，我們的定位次序如果不計已到的兩個booking排第二，現場有兩張沙發卡位，我們排第二理應可以安排。但男職員說經OpenRice訂座會寫在最前，所以該清單的次序不可作準。但成張清單只有我哋喺OpenRice預訂，我們的預訂並非如他所說是在清單最前，我們前面有三張枱，兩張到了一張還未到。他講來講去也解釋不了為何，我們便斷定他胡說八道與他理論。最後，幾經交涉才可入坐全梳化卡位。我哋去Pokka Cafe食嘢已有10幾廿年，去這間分店也數年。真係由細食到大，從來未試過搞

今天跟家人路過見到這間餐廳做了一個非常強勁抵吃的優惠89蚊一個鐵板餐 配上餐飲龍蝦湯以及白飯都只是加幾十元非常抵食 沙律清甜 龍蝦湯非常好飲可惜就是比較小 但味道十足仲有很多蝦肉目測有三粒 牛扒鐵板上嚟到的時候一切開中間很生 但是這是正常的因為這是鐵板餐多放一下或者自行熨幾下他就會熟 這個玩法不錯可以自行控制生熟程度隨你喜歡是主度很高我幾鍾意， 可以配上白飯或者意粉我選擇了一個白飯同樣地都係比較細玩但是飯質真正常，環境不錯

今日休閑地去咗樂富附近行吓，原來樂富廣場都有好多嘢睇，有細小商舖，有大型超市，還有一個幾乾淨衛生嘅街市。行到累了，找了pokka cafe食下午茶，好彩即時有位不用等。下午茶時段價錢平少少，但都要一百元左右，都貴㗎！雞肉忌廉意大利粉，份量算ok。雞肉軟腍，沒有雪藏味。好喜歡有大量洋蔥條，增加加了口感。忌廉汁都不錯，剛好沾滿意大利麵條，不膩。呢間cafe嘅咖啡是我的至愛。香濃醇厚又香滑，飲後餘韻持久。

豚肉生薑燒 定食 同 香煎雞肉煎意大利飯都好好味 😋！位置也坐得舒服！今晚星期六有很多顧客幫襯 8點半過後 目測還有長長人龍在排隊 只可惜樓面人手不足 希望可以老細睇到我comments 之後 可以請多幾個樓面幫手💪🏻💪🏻💪🏻😂😂😂

2023/2/16到樂富Pokka食晏，打算使用$200現金券，已避免了一些標示不可使用現金券的食品，到埋單時，誰不知中伏：竟然出現微型字體標示不可使用，與經理爭論一輪也不得要領，形象分大減😨

午餐🥣同朋友 不單止服務態度非常好好👍🏾食日式雞扒定食 $149 好好👍🏾味 飲埋杯必定要飲凍咖啡 簡直精神為之一振真係無敵！復常之後 真心希望Pokka cafe 可以再開返多D分店 例如以前係旺角/將軍澳 同九龍灣咁就好啦！！！加油加油！

好久沒有去Pokka cafe店了，因不太就腳，偶然到樂富分店見門口有特價平牛扒食就入了試試，比我預期好👍我近期還食了2次特價牛扒以這價錢都算性價比高，食都原味牛無醃製，還可以加錢跟餐👍下次