327
31
11
港鐵尖沙咀/尖東站 N1 出口, 步行約1分鐘 繼續閱讀
所有分店 (1)
電話號碼
27391808
付款方式
Visa Master 現金
其他資料
Wi-Fi
酒精飲品
自帶酒水
外賣服務
加一服務費
電視播放
球賽直播
食評 (386)
等級4 2021-05-28
216 瀏覽
同朋友間唔時就會想食西班牙菜,之前我同fd 都不約而同約過其他人食過呢間印象都唔錯今次唔想諗太多就同佢直接黎呢度聚下,今次試左大家之前都未食過嘅tapas, 有驚喜Royal Sangria $78呢間除左紅白sangria外,仲有好多其他款式。今次就試左較特別嘅Royal Sangria。其實係用sherry wine同cava調配成,入口好light,甜度亦較高。杯中仲放左條肉桂條,每一啖都會聞到好香嘅肉桂味~ 西班牙醬煮蝸牛 $88好開胃嘅一款tapas.彈牙嘅蝸牛肉配上酸辣嘅香草蕃茄醬,好惹味,送酒一流👍襯底嘅薯蓉都好香滑,好好食😋西班牙烤乳豬件配自家制酸椰菜薯蓉 $88suckling pig 皮好香脆,中間肉都幾嫩帶點juicy, 好少肥肉😆 一邊有酸椰菜爽口帶微酸。而底下薯蓉都幾好食,口感creamy 香牛油味原隻琵琶蝦龍蝦汁意大利飯🥘見到個相好吸引,蝦好大隻厚肉不過肉質會比較鬆散唔算好彈牙 意大利飯口感唔錯,唔會太腍, 龍蝦汁嘅香味無想像中咁rich,不過調味都唔錯朋友話佢覺得西班牙海鮮飯更好食,下次要試試 繼續閱讀
(以上食評乃用戶個人意見 , 並不代表OpenRice之觀點。)
等級4 2021-04-04
1381 瀏覽
星期日去左K11對面Playa de Papagayo食late lunch餐廳環境幾開揚❤️餐廳係以酒吧形式經營,星期六日有brunch,亦有西班牙tapas😋星期日兩點幾吾多人,可以安心進食😅睇下main menu有咩食先平日lunch set更抵,brunch set要另加15蚊先有咖啡叫左杯Miss Strawberry😋($42, happy hour 價)裡面有strawberry, mango, passion fruit 我地散叫左2款tapas焦糖無花果鵝肝醬脆米餅 ($88)鵝肝醬上面有爆谷🤣甘得意?另一款tapas, 燒焗豬手件配自家製酸菜($78)😋👍非常脆口完全吾油膩,連埋酸菜薯蓉好yummy😋一定要食!Brunch 的滑蛋毛蟹肉蟹膏炒飯($128),個蛋好滑裡面既炒飯有蟹膏的咸香味😋埋單$372,餐廳幾hea😎日間去望下街好舒服😊 繼續閱讀
(以上食評乃用戶個人意見 , 並不代表OpenRice之觀點。)
餐廳:Playa de Papagayo (尖沙咀)地址:尖沙咀河內道5號普基商業中心地下N3號舖星期日嘅中午去咗尖沙咀河內道一間好有陽光與海灘feel嘅西班牙餐廳酒吧食晏☀️,餐廳外牆以天藍色做主題🌊,裏面就係典型嘅酒吧風格🍻週日嘅中午唔算好多人,可以靜靜哋咁同朋友飲番杯、傾吓計🗣,鍾意睇波嘅人更加啱,因為佢哋播住Now嘅英超精華⚽️我哋兩個人叫咗兩個brunch set、一個小食同兩杯飲品:(Set)西班牙All Day Breakfast $88(Set)黑松露雞胸意大利飯 $88(小食)八味吐司 $128(Cocktail)Choco Mocho $58/Happy Hour(Mocktail)Parrot $42/Happy Hour呢個西班牙All Day Breakfast同平時出面食嘅略有不同,除咗有一般嘅脆皮腸、煙肉🥓、薯餅之外,仲有竹炭多士配炒滑蛋、香辣番茄雜豆同火箭菜。雜豆好有西班牙特色🇪🇸,配合埋脆皮腸同煙肉呢啲油脂相對較高嘅食埋一齊食就更Match😋個飯都幾抵食,黑松露香得嚟唔會override咗成個飯嘅味道,食落口唔會太黏,不過雞胸肉就有少少嚡🤏,當中仲有唔少蔬菜同雜菌😎八味吐司喺一個必叫之選,八味包括番茄沙沙、煙火腿、柑橘鵝肝醬、黑松露滑蛋、蒜香蝦、蟹肉醬、辣螺肉、吞拿魚他他。除咗好啱打卡之外📸,多士仲整得好鬆脆,口大嘅我當然覺得一啖一件喺最正啦😍,我特別鍾意柑橘鵝肝醬同蟹肉醬,你望落就知每一件嘅餡料都唔少👍飲品方面,我飲嘅Choco Mocho入面有Vodka、Baileys、Kahlua、朱古力、牛奶同埋咖啡,飲落口有陣陣espresso同可可香,酒精以Baileys為突出,唔會太濃烈,仲有3粒藍莓做裝飾🫐;Parrot就用咗荔枝、熱情果、蔓越莓汁、蘋果汁去調製🍹,果香味濃而且整得好精緻,女士飲就啱晒🥰 繼續閱讀
(以上食評乃用戶個人意見 , 並不代表OpenRice之觀點。)
已經係第二次呢間西班牙餐廳,食完一次已經覺得佢份量大,最緊要係味道真係唔錯。我哋都成日推薦比身邊嘅朋友,終於恢復返晚市堂食,特登再去試吓啲新嘢。.📍原隻琵琶蝦龍蝦汁意大利飯($198)Risotto with Bay Lobster in Lobster Sauce 食物賣相可以用「震撼」去形容🤩,大大隻琵琶蝦夠晒睇頭🦐,淨係影相打卡都值回票價!size可以媲美一般龍蝦🦞,食得出好新鮮,肉質極之彈牙❤️!意大利飯用上龍蝦汁烹煮,質感Creamy🥰,份量夠2個女仔share,加上刨咗好多芝士絲喺面,令人回味無窮♾️。.📍慢煮鮮鮑魚海鮮薄餅($168)Slow Cooked Abalone & Seafood PizzaPizza材料豐富🍕,而且海鮮相當新鮮,有鮑魚、魷魚🦑、青口、大蝦🦐、三色椒同橄欖🫒。加咗鮑魚嘅Pizza無維和感😍,功勞歸功於落咗大量千島醬,酸酸甜甜非常嘢惹味😋。不得不提海鮮全部喺珍寶size,唔喺平日海鮮Pizza食到嘅急凍海鮮,食落有鮮味,仲要每1塊都食得齊咁多款海鮮,用料絕對冇手軟👍。呢個好有驚喜🤤,推介大家一試!.📍脆糖杏仁芝士蛋糕配紅莓雪葩($65)Crispy Almond Cheese Cake with Mixed Berry Sorbet餅底內用咗脆糖同杏仁再加餅碎🍪,口感好特別。Cheesecake香甜軟滑,上面配咗紅莓雪葩,酸酸甜甜,好好食喔❤️。.每次點嘅嘢都絕對冇失望, Pizza無論咩口味都好好食🍕,而且可能好多人會漏咗佢嘅甜品都係一大精粹,嚟到記得一定要試😚🤟🏻。 繼續閱讀
(以上食評乃用戶個人意見 , 並不代表OpenRice之觀點。)
同朋友想來個小聚就揀咗呢間尖沙咀熱門西班牙菜簡直係想encore個四式芝士pizza真係不得了我哋一早book咗枱但係其實餐廳都唔算好full雖然今日係星期六位置都尚算好坐位置寬躺最鍾意佢嘅音樂唔會太大聲可以傾偈不過留意吓佢大多數都係高椅唔鍾意高椅嘅朋友仔要考慮吓餐牌選擇極多價錢合理份量亦都大份揀到選擇困難症發作呢個啤酒係店員推介花香味好重有少少荔枝味(朋友話)好清香嘅只不過我就覺得唔係太鍾意呢個style但朋友就非常喜歡佢飲咗三杯呢個係辣味薯條老實講我食唔到有辣味不過佢非常香脆又熱我絕對收貨送啤酒一流呢個超大塊四式芝士Pizza真係十!分!好!食!你會食得出佢真係有四隻芝士我最鍾意佢有種芝士酸酸地有啲似我最愛嘅cream cheesePizza邊香脆由於芝士比較漏所以店家配返個薄嘅Pizza底啱晒由於佢芝士味係鹹香同埋小小酸所以我食咗三塊都唔覺得漏好想返嚟encore呢個Pizza我一定會返嚟㗎整體來講環境舒適好坐傾偈一流價錢性價比高食物好食,有誠意唯一有個缺點就係侍應生經常性想收我哋嘅食物.....就算未食完佢都會問你係咪食完問到第四次我覺得好煩由得佢收咗其實店內有剩餘空位又點解要不停咁樣想收我啲食物呢其實都真係幾困擾人哋傾偈不過只係其中一位職員嘅問題我諗未必關呢間店家事另外廁所比較污糟有異味不過以上都係小問題所以我都俾個好評啦個好評真係比個四式芝士pizza 繼續閱讀
(以上食評乃用戶個人意見 , 並不代表OpenRice之觀點。)