Plato Cafe & Bistro (彌敦道) (已結業)

呢間喺油麻地嘅一間樓上舖，食物味道賣相超乎想像之好，價錢非常合理，感受到廚師用心製作食品👍👍食品款式選擇較多，食多幾次都唔驚悶，總有一款會啱你！同朋友一齊去絕對會係一個好好嘅選擇🎉🎉

🔮法式龍蝦忌廉湯 以忌廉在深橙色的龍蝦湯上,隨意弄上花紋,賣相精美,入口順滑而味濃 🔮香草醬藍青口意大利粉   整碟意粉份量比我想像中大份,自家製香草忌廉汁,以海鮮湯做膽,汁料順滑而有鮮甜味,且濃稠適中,掛汁度極高,手工意粉煙韌有嚼口,將青口蘸汁來食,鮮甜味更出,十分匹配 🔮炭燒美國安格斯肉眼牛扒    跟同事兩人也是牛魔王,特別係我個剛放完產假嘅teammate,佢話不食多d牛來補鐵呀！肉眼扒很大塊比我的手掌還要大,上台時已陣陣牛香撲鼻,點了5成熟,外面煎到微微焦,輕輕切開肉汁已湧住出來,牛扒肉還是粉嫩粉嫩的,入口牛味濃郁,口感軟腍,廚師一點也沒有overcooked,抵讚👍！旁邊的以蒜鹽香草裹漿再炸,更加香脆惹味！難怪OP上很多食評也推介這個菜！ 🔮玫瑰Latte 跟餐另加$38不得不要誇讚咖啡師的Latte art拉花功架,一小朵玫瑰作點綴已很精美,面層的奶泡沫厚度也剛剛好,不會太薄,(很多時在外面order latte,會變咗flat white的）,咖啡豆香略帶堅果甜,剛好是我偏愛的喜好！且微微帶出玫瑰香！推薦呀！ 🔮竹炭麻薯千層酥盒子自家製竹炭酥皮盒,切開原來𕚃面有煙韌的麻

有心機煮👍d烏冬 唔係一般烏冬。個蛋都唔係一般蛋，海苔 也唔求其。而且店員的服務態度好好＋友善。- 墨魚餅 足料手打👍- 流心蛋👍- 烏冬好彈牙，好食👍- 頭先諗咗好耐, 要泡菜定係要沙律.- 最普通 就係 沙拉 ，但佢醒。 識用 芝麻醬，唔 用沙律醬，即刻高檔咗，同好食d.-下次有機會 就試泡菜

今日有好消息宣佈，所以放工就搵咗老公拍下拖撐吓枱腳，就喺佢公司附近嘅Plato Cafe & Bistro食個晚餐。我哋最鍾意唔用腦諗嘢，所以就叫咗二人套餐，貪方便又有齊晒頭盤至甜品，睇落都幾抵食。套餐已經包括咗餐包及餐湯，餐包有翻熱，搽牛油軟綿綿十分正，而本身嘅餐湯係蘑菇湯，啖啖有蘑菇蓉，非常足料。另外加$38可以升級轉為法式龍蝦湯，龍蝦湯非常香濃，賣相幾吸引。頭盤有三款菜式可供選擇，我哋就揀咗芝士菠菜酥皮盒，脆脆嘅酥皮盛載住忌廉芝士菠菜，旁邊仲有黑醋沙律菜伴碟，幾好味又開胃。炭燒美國安格斯肉眼牛扒牛扒都幾大塊，擺盤亦都幾靚。牛扒火候都控制得好好，外面有炭燒嘅香味，而入面亦都唔會過熟。牛扒下面仲有唔同嘅蔬菜，包括有茄子、翠玉瓜、西蘭花、薯蓉等，茄子同翠玉瓜仲係經過燒烤製作而成，係誠意之作。另外仲揀咗西班牙海鮮飯，海鮮包括有青口、魷魚圈、大蝦同帶子，呢個西班牙飯相對就比較多汁，可以話係Risotto嘅混合體。二人套餐中包括甜品，可以自選哈根大師雪糕或者芝士餅。芝士餅份量適中，唔會太甜太油膩。餐飲就揀咗熱伯爵茶&檸檬茶，茶味夠香濃。

聖誕節真係會特別想食西餐😆成日行過油麻地，都冇發現呢間樓上西餐廳，佢價錢合理，食物選擇都幾多。夜晚都有dinnet set，有齊湯、餐包、主食、飲品，仲可以加錢食埋甜品添。我哋一人一個餐已經好夠飽，食唔落甜品😂是日精選魚柳拼北海道帶子，$228魚柳賣相唔錯喎，煎得好香，佢嘅汁唔係好多，想健康嘅話可以就咁食，不過如果想好味啲，可以加少少蕃茄醬。下面仲有薯菜，好夠飽。美國聖路易斯豬肋排，$238朋友嘅ribs好juicy，肉質鬆軟，好入味，份量比想像中大，都幾抵食。最正係bbq汁流落薯條度，更加好味😋當日餐湯係南瓜湯，甜甜哋，好開胃，飲品方面選擇好多，我哋揀咗普通嘅檸檬茶，不過可以加錢轉特飲，見到人哋嘅朱古力，有啲後悔冇轉😆

起初係因為想去西九龍嗰邊睇聖誕樹所以就搵下附近有咩好食見呢間到幾多like又容易去到所以就經open rice卜位中間有D突發事所以比原定訂座既時間遲左, 好彩open rice比臨時延遲時間, 好準時咁順利到達餐廳**************************因為係聖誕正日既關係, 所以只有一張menu我地4個人就a,b,c,d都各叫一個加埋一預每人 HK$ 3xx - 4xx不等除左MENU所提及的, 其實餐廳仲會每人送上一個熱騰騰同軟熟既牛油餐包湯都唔錯, 黑松露味好濃同幾creamy如果份量稍為多少少可能會較好(印象中好似係大概半碗多D? 抱歉掛住飲冇影到相)前菜啦~ 由於我地係4個人既關係, 所以餐廳用2隻碟上菜, 每隻碟包含2人份量既前菜先講火腿同哈密瓜火腿幾好食, 配上甜度勁高既哈密瓜(但糖尿病的要小心唔好食太多), 清新唔會膩個人唔係好受得沙律所以冇食, 此部分冇評價酥盒超脆, 即使放耐左都仲可以保持一定既脆度而且餡料充足但有個別的好似食到類似蟹殼既, 覺得吉口主菜黎講都幾好豬扒鬆化, 係中間D肉"鞋"左少許牛扒(最貴的)冇得頂啦, 連平時唔多食牛既都覺得唔錯仲可

餐廳位於油麻地彌敦道，提供多款親民化嘅西式菜式～ 裝潢以黃色為主調，令人感覺十分輕鬆，好適合大家過嚟放鬆心情，同三五知己享受美食🤪芝士牛肉漢堡幾有驚喜🍔 竹炭漢堡包賣相吸引，包皮外脆內軟，牛肉口感軟熟，牛味夠出而且切開後仲會爆汁添！搭配沙律同炸至脆身嘅薯條就完美了～ 西班牙風乾火腿伴哈密瓜沙律打卡一流，鹹鹹地嘅火腿包住香甜嘅蜜瓜，忍唔住一啖接一啖🥰 沙律菜都夠新鮮，配上黑醋汁感覺更加健康！黑松露野菌意大利飯份量十足，味道香濃，醬汁夠creamy，飯粒帶點煙韌，整體味道同賣相都唔錯👍🏻 值得一試呀！呢個set包括餐湯、麵包同嘢飲！值得一讚係個麵包，上枱時熱辣辣，而且估唔到咁鬆軟，唔使搽牛油都散發著淡淡嘅牛油香味，厲害😋

很近地鐵站，油麻地C出口1分鐘就到，喺條街度已經見到廣告牌，好方便。餐廳上兩層，好大個窗，今日天氣好好，坐得特別舒服，叫咗兩個午餐。肉眼午餐$138牛扒好大塊，配菜和意粉份量都很充足。All day breakfast $108全日早餐有牛角包，蜜瓜，炒蛋，香腸，魚柳，沙律菜，薯餅和炒雜菌。魚柳外脆內軟，魚肉保持肉質嫩滑。第一次食全日早餐有蜜瓜，但又出奇地夾，食咗一啲炸薯餅和炸魚，食返個生果，很refresh。

Plato Cafe & Bistro -上網見好多介紹，成日已經想嚟，今次終於試到啦！地方又方便，喺正油麻地出口上面，環境舒適，嚟到亦都見到好多一對對嘅情侶或者朋友，好適合拍拖或者聚會🧡睇餐牌見到有個二人餐，最適合我呢啲選擇困難症嘅人🤣 無論dinner set一人餐定二人餐都會包餐湯同餐包，仲有餐飲。二人餐仲有前菜、主食、意粉再加甜品，可以話係內容豐富，但又唔會令我選擇困難症發作🤣-今次餐湯係忌廉蘑菇湯，再加個餐包，餐包夠晒鬆軟，最重要係個包仲係熱嘅！前菜就叫咗個西班牙辣肉腸炒蝦 🍤，係屬於偏厚嘅辣肉腸，帶有少少辣，作為頭盆一流主食就要左肉眼牛扒，今次叫咗medium, 肉質鮮嫩，賣相亦好吸引，再配有薯蓉，同埋佢啲配菜都煮得好香好入味😛海膽帶子意粉海膽味好香濃，成個意粉都好creamy, 食落好飽肚凍Hazelnut Chocolate上面有好多cream係超級邪惡嘅凍朱古力！Lemon & Ginger tea依家天氣咁凍，飲番杯薑茶，即刻暖笠笠-📍Plato Cafe & Bistro (彌敦道) (油麻地)油麻地彌敦道483-485號2樓

謙謙考完呈分試，我答應同佢慶祝下😊🍞🥣 是日餐湯和麵包 ～ 蘑菇湯，入口時仲有粒粒蘑菇碎口感唔錯。🔯 美國聖路易斯豬肋排 ～ 謙謙最愛的豬肋排必叫，面層滿滿的 BBQ味醬汁，切開一條條的骨，我地直頭用手揸住食， 豬肋排好夠腍和入味，謙謙一個已ko 3條骨。🔯 卡邦尼煙肉意大利粉 ～ 每條意粉都掛滿醬汁夠哂濃郁，我好鍾意佢地d意粉軟硬適中唔會偏腍。🔯 芝士牛肉漢堡配沙律及薯條 ～ burger 🍔 份量都好豐富，內裡除左肉汁豐富的牛肉漢堡 半溶的芝士，香甜的番茄，仲有好多紫洋蔥夠辛辣，一口咬落去滋味滿分。另外呢到d 薯條大條dd 佢地加d 辣粉上去好惹味令人追住食。🍵 ～ 檸檬生薑茶☕ ～ 英式奶茶🍵 ～ 蜂蜜柚子茶

約了好久沒見的舊同事在油麻地聚餐，選了這間離地鐵站只有兩步路的樓上cafe, 交通方便之餘，餐廳又大又寬敞。坐下來沒多久就人氣滿滿看看餐牌，要了個「精選二人套餐」$498餐湯是粟米忌廉湯 + 餐包頭盤三選一要了個「巴馬火腿伴哈密瓜沙律」，意大利著名餐前小食，巴馬火腿包裹著一大片哈密瓜，哈密瓜的甜和巴馬火腿的鹹剛好中和，帶出平衡的口味。主食二選一要了個「西班牙海鮮飯」，size相對比較大，2個人都吃不完。用茄醬做飯底，飯面有大蝦、帶子、蜆、魷魚、青口、西班牙辣肉腸等，非常豐富。主菜四選一要了個Medium的「炭燒美國安格斯肉眼牛扒」，肉眼扒烤得剛好，而且表面焦香可口，中間軟腍多汁，非常不錯。伴菜也做得好，尤其是薯蓉，香滑美味。甜品要了「芝士蛋糕、哈密瓜雪糕」各一，哈密瓜雪糕是Häagen-Dazs，芝士蛋糕香滑。最後要了杯檸檬薑茶＆柚子蜜，🍺一杯身體都暖起來。

今日要放例假， 因此約左老友遊街購物後，就在油麻地附近搵食，老友話呢間#Plato Cafe & Bistro 之前有食過，覺得唔錯，咁就一於上去開餐囉😚。餐廳裝修具帶有美國風格，環境乾淨坐得舒適，被安排坐玻璃窗位置，可以望見彌敦道的街景，確係唔錯啊😚。見晚餐都啱心水，就各點左一款分享食，己包了餐湯、餐包、主食及飲品。當日餐湯是南瓜🎃沙，熱度剛好，配合軟綿的牛油麵包，就好好味😋。是日精選魚柳併北海道帶子，調味得宜，沒有骨啖啖肉，魚皮很香肉質嫩滑，帶子帶點咸味，煎得很香口，個人認為唔錯啊！香草烤羊架配燒汁，羊架煎封到外帶點脆，羊味香濃肉質柔軟易咬，肉咬落很juicy, 即使沒有點上醬汁，都己經很好👍味道😊2碟都有球美味薯蓉伴碟，夠晒飽肚😚。 老友點了薑檸檬水，我則要了杯凍檸茶解解油膩。