Plato Cafe & Bistro

126
8
4
港鐵油麻地站 C 出口 繼續閱讀
所有分店 (2)
電話號碼
3426 2700
9787 5976
開飯介紹
裝橫具美國風格的樓上西餐廳,環境舒適,可從店內玻璃窗眺望彌敦道的街景,招牌菜為德國脆皮咸豬手。 繼續閱讀
特色
包場派對
營業時間
今日營業
11:30-23:00
星期一至日
11:30-23:00
付款方式
Visa Master AE 現金 銀聯
座位數目
100
其他資料
網上訂座
Wi-Fi
酒精飲品
自帶酒水
VIP房
電話訂座
外賣服務
加一服務費
前往餐廳網站
http://www.facebook.com/platocafebistro
有關餐廳
鬧市中的綠州
在繁華的油麻地彌敦道,找到relax的「代名詞」?

名字叫「Plato Cafe & Restaurant」的西餐廳,位處繁華的彌敦道旁。甫入店內,發現以黃色做主調的主題牆,牆上掛有富有美國風尚的玩味海報與油畫,同場播放relax十足的流行曲,全然擁抱悠然自得的輕鬆感覺!落地玻璃窗的設計,可眺望彌敦道的街景,頓時放鬆心情,享受溫暖窩心的飯聚時間。

由大廚與店主為大家精心打造多款親民而具個性的西餐菜式,由小食、主菜、甜品飲品以至各式套餐,配搭盡顯心思。不論情侶二人甜蜜聚會、三五知己好友見面、上班族找地方歇一歇、一家大細歡聚一刻、甚或團體的聯誼主題用餐,讓你感到額外的親切。

推介的菜色有:深受歡迎的德國脆皮咸豬手、黑松露牛面頰肉意大利飯、龍蝦汁大蝦意大利飯、安格斯肉眼牛扒(配紅酒燒汁)、水牛城雞翼等,飲品推介有甜蜜蜜的Oreo 奶昔及英國Twinning 茶包系列。

想在鬧市中尋覓綠洲? Plato 這個地方,能夠化解煩憂!

有關積分
招牌菜
德國脆皮咸豬手 明太子海蝦意粉 黑松露芝士薯條 蒜片白酒煮蜆 水牛城雞翼 黑毛豬鞍架
食評 (146)
酒店樓上cafe 焦點食評
等級4 2017-03-15
6668 瀏覽
旺角覓食唔難,但其實行去油麻地果邊都有唔少選擇,今次黎左c出口平時食煲仔飯既方向覓食,不過今次就唔係食煲仔飯,而係揾左間係酒店2樓既cafe食午飯,望住彌敦道道行車來又往食西餐,感覺幾有趣店員安排左我地二人坐窗口位,日光透入黎感覺舒適。午餐menu選擇廣,有沙律、烘包、burger、意粉同飯、仲有牛扒、比目魚扒等等。想食甜品有得加錢配朱古力心太軟,以樓上cafe黎講唔錯。跟餐的南瓜湯滑身而忌廉濃,反而南瓜味較淡。+$18 龍蝦湯升級比左$18升級其中一個湯,唔單止味道升級,size都大左成倍!!超大!第一啖飲落龍蝦味已經好明顯,飲多幾啖就覺得咸同越飲越濃,點左蒜蓉包就味道中和返。帶子紅菜頭香橙沙律 $108食太多煙三文魚或者燒雞沙律可能都太悶,見單點menu有呢個幾少見既沙律就揀左佢喇!帶子煎香左,夠爽口,啖啖鮮甜,為呢個沙律展開左美好既序幕紅菜頭切成薄片一共十多片左右,紅菜頭一貫既淡味唔太特別,反而加左香橙片意外地清新,而底部仲有大堆撈勻左沙律醬既沙律菜,值回呢個價錢比目魚扒 配意粉 $88午餐扒類選擇多,八十幾蚊有得食比目魚扒,不妨一試。比目魚扒份量不大,如果女士食可能剛剛好。魚油較多,所以煎得香口且肥美,略嫌欠點香脆,配菜有沙律菜同西蘭花,沙律菜用醋撈勻後幾開胃,平衡下平身幾油身既比目魚扒。揀左意粉,意粉量適中,就咁用水煮無特別調味,而且頗乾身,但唔會出現過淋既情況,而比目魚扒有另配既忌廉汁,就咁食左一啖太濃味,但點埋比目魚又岩岩好西冷牛扒配薯菜 $128一向不太喜好食太生既牛扒,所以揀左7成熟。牛扒非常長身同時都薄身,煎得較熟,一路切一路有肉汁滲出,調味不太濃,所以牛肉肉味會明顯d,不過如果厚身d口感會更好,就算短身d都好~可能晚餐會厚啲,始終呢個係午餐,份量都係合理。另上既燒汁味道不濃不淡,亦唔太油膩,睇黎呢到既扒都係醬汁另上,想幾濃味都可以自己選擇配菜雖然揀左薯條,但依然都有西蘭花同沙律菜,所以都幾豐富。薯條炸得脆口不油,另上既茄汁比薯條更多,任點咁XD榛子latte $46 (+$12跟餐)咖啡味濃郁,榛子香,配埋簡單拉花,飲品尚算不錯 繼續閱讀
(以上食評乃用戶個人意見 , 並不代表OpenRice之觀點。)
等級4 2017-03-15
4462 瀏覽
自從早前買了一本食療書給媽咪看後 她便開始對養生有興趣 每逢星期六就會四出揀選藥材回家泡製燉湯 今天,趁著假期就與她一起入貨 目的地是油麻地永安 當然,體力勞動前必須先醫肚 沿途發現Plato開了另一間 lunch menu價錢合理 就乾脆來吃個午飯罷 午餐時間,人多是意料中事 幸好餐廳地方大 就會一半位置被包場 還有大量座位提供 set lunch 選擇非常多 價錢由HK$58 - HK$128 套餐跟送餐湯及一杯HK$34飲品 若選擇其他飲品只需補回差價 我們決定多加HK$18 把餐湯upgrade 成法式龍蝦湯 龍蝦湯的龍蝦鮮味超級濃郁 湯內加入了忌廉,令湯質更幼口 配上香脆的小多士,好好味 主菜出場 美國極黑䐁肉眼扒配黑椒汁 黑䐁肉煮得得軟淋,肉質嫩而juicy, 䐁肉香味濃厚,脂肪量不多 而值得一讚是醬汁另上 那就可以毫不吝嗇地撈飯及吃過夠 美國安格斯西冷牛扒配蒜蓉汁 西冷點了七成熟 廚師火候拿捏得剛好 就是牛扒切開呈嫣紅色 而又不會流出血水,perfect 牛扒肉質鮮嫩,不粗糙 厚度適中,入口有點微微焦香 佐飯一流 另外,我們各自加了HK$38 要了兩客朱古力心太軟伴雪糕 甜品賣相精緻,切開朱古力蛋糕時 濃濃的朱古力漿流出,雖然味道有點甜 但加入忌廉及雲尼拿雪糕一起吃 味道就變得剛剛好,吃後感覺滿足 Plato Cafe & Bistro 油麻地彌敦道483-485號2樓 T: 3426 2700 繼續閱讀
(以上食評乃用戶個人意見 , 並不代表OpenRice之觀點。)
假日悠閑午餐 焦點食評
等級4 2017-02-27
1808 瀏覽
星期日 例牌冇乜搞作行行企企,飲飲食食有一日~一早出去油麻地旺角一帶行街shopping, 行到攰攰地,就搵地方食晏。經過一間精品酒店,入面有幾間餐廳,午市套餐頗為抵食,於是就上去試吓。雖然間精品酒店門面好細,但上到Plato, 環境好舒適闊落,已經裝修好新淨,自然光充足,感覺好舒服。午市嘅餐牌選擇唔少,有平有貴。一向都鍾意食All day breakfast,自然就要左個巴馬火腿早餐;另一位係食肉獸,要咗極黑豚肉眼扒。跟餐可以揀是日餐湯粟米忌廉湯,又可以加錢轉龍蝦湯,咁我哋又試吓啦。是日餐湯賣相平實,食得出有粟米蓉;但講好味梗係龍蝦湯正啲啦!龍蝦湯蝦味濃郁,撈埋面頭啲cream,令到個湯更香更smooth之後等左一陣,主菜就嚟到。呢份All day breakfast好豐富,足足有六樣野。個黑松露炒蛋好正,黑松露醬嘅份量好慷慨,而且蛋炒得好滑,係名副其實嘅scrambled egg! 沙律菜好新鮮,落咗小小醋,夠哂清新開胃!我牛角酥上枱嘅時候都熱辣辣,非常酥脆!唯一美中不足嘅係,巴馬火腿唔算太鹹香。極黑豚肉眼扒肉味濃郁,完全沒有豬肉的腥臭味;而且煎得恰到好處,外表香脆,入面juicy! 黑豚肉眼扒只係簡單咁用鹽同黑椒調味,已經好好食;加埋啱啱炸起嘅薯條,同埋新鮮嘅蔬菜,三扒兩撥成碟野就冇晒了跟住我哋仲想食啲輕量的小食,於是就叫咗個頭盤,蒜片白酒煮蜆。雖然佢話自己係頭盤,但份量都唔少,食下食下發現都有20幾隻蜆。蜆唔算大隻,但鮮味冇沙,有淡淡的白酒味,唔錯然後,食完個咁豐富嘅午餐,當然要嘆番杯靚咖啡。咖啡選擇都唔少,揀$34以上嘅飲品補返差價就得。咖啡一上枱已經聞到香味,兩杯咖啡都係奶味重嘅咖啡,飲完暖粒粒,好滿足。叉足電又可以繼續血拼了 繼續閱讀
(以上食評乃用戶個人意見 , 並不代表OpenRice之觀點。)
等級4 2017-02-16
2136 瀏覽
別以為酒店內的餐廳定必索價不菲,位於油蔴地的Plato Cafe & Bistro可能就是個異數。 進入Casa Deluxe Hotel大堂,坐電梯直上2樓就會來到Plato Café。 用餐環境光猛有活力,空間大,我覺得挺適合用來包場開Party。 Lunch Set價錢屬可接受範圍,及包一杯$34飲品。 若所點飲品超過$34,則只須補回差價便可以了,比一般餐廳硬性要求加$20才可點特飲,感覺均真得多。 甘荀湯是日餐湯的甘筍味不算濃郁,忌廉味反而更突出。蒜蓉包香脆溫熱,蘸上餐湯後更有風味。 法式龍蝦湯 $18跟餐加$18升級的法式龍蝦湯(正價$68),甫上檯便聞到陣陣蝦殼蝦膏香氣,雖然此款餐湯屬濃味款式,不過男友飲到尾都覺得調味OK,不會過鹹。 芝士牛肉漢堡 $88漢堡包原個上檯,要自己切開兩邊方便食,但過程中就有點狼狽,因為包上的芝麻會不停掉,如果上檯前可以先幫忙切好會加很多分呢~ 不過味道確實很不錯,麵包脆口,中間的漢堡有做到要求的7成熟,熱溶了的芝士味道香濃幼滑。旁邊的薯條夠粗身,表面脆卜卜,中間依然軟綿綿,我跟男友全程都在搶食薯條。 美國極黑豚肉眼扒 $118 這件豬扒煎得十分好,面頭有點點焦香,而肉質keep到入口鬆化,肉汁豐盛,調味亦足夠,可以完全不用點黑椒汁,不要浪費了本來已有充分油脂香氣的豬扒。 西班牙咖啡面頭加了一球雲尼拿雪糕,將咖啡與雪糕混合後,咖啡就更顯得濃厚了。 薄荷朱古力咖啡在奶油忌廉上加上薄荷及朱古力醬,味道平穩不過賣相尚算別緻。 朱古力心太軟跟餐加$38便可有一客心太軟,心太軟上檯時沒有剛出爐會燙口的感覺,而且質感比較稔身,下次再來的話應該不會再點這個了。Plato Café的主菜非常出色,調味跟火候控制上盛,即使假日都不會過於擁擠,是一個可以好好聊天的好地方。 繼續閱讀
(以上食評乃用戶個人意見 , 並不代表OpenRice之觀點。)
一柏即合 焦點食評
等級7 2017-02-12
2163 瀏覽
一講柏拉圖(Plato),你可能覺得好熟,但又唔想唔起佢喺乜水。佢喺古希臘哲學家,但以前讀西史,稍為有啲印象就喺佢老師叫蘇格拉底,一聽搔「格甩底」大家就「架架笑」。因為要出油麻地上海街買整麵包材料,所以,順便約埋夏總兩公婆食晏,一拍即合就嚟到Plato Cafe食晏,嚟依度嘅哲學就喺搵食。Plato Cafe位處油麻地港鐵附近,非常方便。初時以為細細間,原來地方幾大,而且仲有唔少客幫襯。環境裝修簡約,以較少人用嘅芥辣黃為主調,掛上帶美國風嘅海報畫作作點綴。靠窗一邊落地玻璃喺個人覺得嘅心水位,因為光線足,感覺開揚,又可以睇吓彌敦道的街景。講明食晏就梗喺睇午餐有咩食,午市套餐包是日餐湯及蒜蓉法包,主菜8揀1,定價由$58-$128 + 10%,仲包一杯$34飲品,$34以上就只需補回差價就可以。甘筍忌廉湯是日餐湯喺甘筍忌廉湯,色澤幾鮮橙色,但味道就唔算好突出,始終甘筍唔喺強悍嘅味道,但口感算幼滑,又夠熱辣辣,試過有啲餐湯只喺得微暖咋,好影響個感覺。蒜蓉法包烘得香脆,又重蒜蓉香,交足貨。扒大蝦墨魚汁意大利粉 $78賣相做得唔錯,不過,得一件扒大蝦感覺都喺無夠睇頭,但蝦肉幾爽,肉質帶點鮮味;而啲魚汁意大利粉有別常見咁「烏卒卒」,反而食得出啲意粉搵蒜蓉炒過,質感咬口,又有好多菇菌。香烤雞扒南瓜意大利飯 $88哈哈,初頭以為喺嚟錯客煎蛋餅,因為啲意大利飯平鋪,又煮得金黃,兼烘過少少。講到啲飯幾對辦,咬落煙韌,飯內有菇菌粒同翠玉瓜粒,南瓜味唔明顯,但芝士味好濃,覺得用上兩種芝士,車打及莫沙厘拉,前者令飯粒色澤帶橙,而且好濃芝士香,後者令飯粒拉到少少芝士絲,飯面再焗一焗,又帶微微焦香,做法有啲心思。雞扒都唔錯,至少唔嚡先啦,份量又的確多,抵食。美國安格斯西冷牛扒﹒黑椒汁伴意粉 $128客西冷友人要求7乘,但嚟到切開就似乎5乘多少少,幸好友人都接受到。件牛扒煎得焦香,肉質入口軟腍,有肉味,又富肉汁,伴上惹味嘅黑椒汁,算做得有水準。餐飲包一杯$34飲品,依個價只喺包幾款熱茶,不過,餐飲與其揀普通啡茶,就不如加少少飲好啲。榛子鮮奶咖啡 +$12杯榛子鮮奶咖啡明顯拉花衰咗,還好味道都唔太差,口感順滑,榛子味都幾突出。焦糖鮮奶咖啡 +$12小弟杯焦糖鮮奶咖啡雖然拉花花紋未臻細緻,但都叫做拉得靚仔啲,個人覺得明顯喺打奶泡未熱透唔夠起,唔夠厚身就承唔起啲濃縮咖啡,手勢欠成熟,猶幸咖啡粉本身唔太差,味醇入口帶微苦。青檸梳打 +$12簡簡單單新鮮青檸汁加梳打,唔太酸,透心涼,依個最啱配個意大利飯,因為個飯比較濃味同「漏」,青檸梳打就可以中和一下。外間天氣好,食嘢嘅心情都會好啲,加上同兩位老友吹吓水,啱傾啱講,食吓嘢,自然餐飯食得更暢快。 繼續閱讀
(以上食評乃用戶個人意見 , 並不代表OpenRice之觀點。)