影片
營業時間
今日營業
12:00 - 22:00
星期一至日
12:00 - 22:00
以上資料只供參考, 請與餐廳確認詳情
相關文章
睇完戲六點零都要攞「飛」排隊，咁即係話「你哋」保持到水準，等咗廿零分鐘,終於「入座」，呢間係小數令我排隊等都要食嘅餐廳～Pizza Maru .今次柯打咗～Kimchi Bay ChicagoSpicy Chicken with LotusRoot(6pcs)Spinach risotto with Korean bbq beefHH Mango Makgeolli先嚟呢個risotto,先嚟一啖飯，好豐富層次同口感，入面好濃味而不鹹嘅湯底味加上菠菜蓉同芝士，味道真係無得輸，牛肉同其他變得唔重要，淨係食個飯都已經好滿足。跟著食個炸雞，甜甜辣辣嘅醬包住係炸雞上面，不多亦不小，將普普通通嘅炸雞，推到另一層次，好味，再配上蓮藕片，有小小口感，又出奇的夾同好味。最後上嘅係pizza 條邊加左厚厚嘅mozzarella cheese ，邊嘅上面有又鋪咗好多杏仁片，口感滿滿，都係一樣餡料變得唔重要 ，淨係食個餅底同邊已經值回票價。如果真係要彈都只係可以彈啲位太迫夾，傾唔到密計，一講嘢，斜對面就會望過嚟，好似我同佢溝通緊咁，因為租金貴所以真係無辦法。回頭度：7/10食物質素同水準同價錢成正比，好食嘅嘢價錢高小小係合理。以上純粹個人分享，並無收受任何利益同優惠，亦對以上言論願意承擔所有責任。
繼續閱讀
落雨所以留係商場食晚餐，簡左Pizza Maru，這家餐廳主打韓式Fusion菜式。點了蜂蜜蒜泥炸雞。炸雞外皮酥脆，肉質鮮嫩，但醬料的份量明顯不足，導致味道不夠濃郁。蒜香雖然有，但不夠突出，使得整道菜稍顯平淡。韓式海鮮炒年糕（卡邦尼醬）。年糕的口感煙韌，搭配的海鮮新鮮，但醬汁卻過於稀薄，無法充分掛在年糕上，使得整體味道偏淡。卡邦尼的濃郁感沒有完全展現。韓國烤肉芝加哥。這道菜以其豐富的芝士而聞名，剛上桌時濃郁的香氣令人垂涎，有拉芝效果。店舖係拎飛等位，但掃QR code顯示唔到相應既網址，結果都係要門口等佢叫飛。整體不過不失，但要等位就唔會選擇了。
繼續閱讀
佢個蜂蜜牛油炸雞非常出色，每啖咬落去都好有肉汁，而且個皮係脆卜卜嘅，我個人就好鍾意佢個蜂蜜牛油醬，完全唔會太鹹，食落去偏甜口，蜂蜜味會稍為重過牛油味少少，超級好食，下次會再過嚟
繼續閱讀
趁著老友臨飛，即刻約咗佢去朗豪坊Pizza Maru 食番個Dinner🙌餐廳本身就近旺角朗豪坊，方便就腳，入到場幾乎已經坐滿，好彩我哋都有位坐低🥺餐廳環境小小，但週遭裝潢、服務同嘢食都一樣咁有用心，而且好耐無遇過禁熱情嘅staff，我哋坐低就即刻叫左泡菜海灣Pizza、蒜香甜辣炸雞配炸蓮藕片、煙燻鴨胸泡菜卡邦尼意粉、Mango Makgeoil幾道菜式本身以為份量少少，但實際出乎意料地大，我哋都差啲食唔晒泡菜海灣Pizza香脆惹味，分餅嘅時候已經睇到豐富嘅芝士，仲可以拉絲，放入口啖啖都可以食到豐富嘅海鮮配料🦞蒜香甜辣炸雞配炸蓮藕片充滿著韓式炸雞嘅特色，香濃嘅香辣醬汁包著香脆肥厚嘅炸雞，香口惹味，外邊嘅醬汁亦無破壞炸雞嘅香脆口感煙燻鴨胸泡菜卡邦尼意粉菜式嘅外觀非常吸晴，金黃色嘅醬汁同擺盤都有特色，韓式泡菜加上西式嘅卡邦尼意粉出乎意料地夾；喺品嚐濃郁醬汁嘅同時，亦可以嚐味香辣嘅泡菜吊味Mango Makgeoil芒果味很濃，但係剛剛好唔會過份，而且有淡淡嘅乳酸味，酒嘅味道亦都唔濃，就算唔點飲酒嘅我都覺得好入口
繼續閱讀
#20250523 🤍📍 #PizzaMaru @pizzamaruhk旺角亞皆老街8號朗豪坊4樓3號舖 🍽️九龍城｜銅鑼灣｜尖沙咀｜荃灣｜屯門均有分店➖➖➖➖➖➖➖➖➖➖➖➖➖➖➖➖➖#半半炸雞 $259/12件 🥢 #蒜香甜辣配炸蓮藕片 #蜂蜜牛油配粟米燒 💭 本身對呢啲韓式炸雞無咩興趣，一大班人尼一人食一兩件都尚可以，如果食中雞胸位其實都有啲鞋，不過幾鐘意佢啲配料，配粟米就常見，反而配蓮藕幾特別🐔.#韓國烤肉芝加哥 $223💭 呢個pizza一定要趁熱食，雖然佢上面啲料係有啲圖片只供參考，啲肉都係每塊得一舊，但佢拉絲既程度係同幅圖一模一樣咁濟，同埋個餅底好鬆軟，芝士同包既愛好者實會鐘意🍕.#蟹肉飛魚子意粉 $188💭 唔好炸雞既呢度都仲有其他選擇，叫左個最難有伏既意粉，價錢都唔平，食落味道正常啦，係略嫌個汁有啲稀，變左半湯意粉咁，如果杰身返少少應該會再好味啲🍝.#旺角美食 #🐷在旺角 #九龍城美食 #🐷在九龍城 #銅鑼灣美食 #🐷在銅鑼灣 #尖沙咀美食 #🐷在尖沙咀 #荃灣美食 #🐷在荃灣 #屯門美食 #🐷在屯門 #🐷_食
繼續閱讀