153
12
2
港鐵尖沙咀/尖東站 B1 出口, 港鐵尖沙咀/尖東站 N5 出口 繼續閱讀
所有分店 (2)
電話號碼
23212238
營業時間
今日營業
12:00 - 23:00
星期一至日
12:00 - 23:00
付款方式
Visa Master 現金 銀聯
其他資料
Wi-Fi
酒精飲品
自帶酒水
切餅費 詳細介紹
外賣服務
加一服務費
電視播放
食評 (178)
等級4 2019-09-16
522 瀏覽
一年之前係銅鑼銅食過一次,當時對餐廳印象非常好,唔單止覺得PIZZA好味,就連炸雞都肉嫩多汁,一直都想再黎試。無意中比我發現原來尖沙咀都有分店,即刻約友人陪我再回味一番。星期五晚6:30左右黎到,唔洗等位直接入座,入座時職員告知限時90分鐘,心諗「呢層人流咁少,都無乜人黎架啦,駛乜限時喎」。點知去到7:30,餐廳已經坐滿人,未到8點門口更有有唔少人排隊等候…今次PIZZA都係點芝加哥系列,揀左個辣雞芝加哥 $183,心諗辣辣地會更蠻味。面對住呢個雪花PIZZA,其一陣陣既芝士飄香,讓人垂涎三尺,但由於PIZZA一如以往,新鮮出焗,熱到非常辣手,亦無法即刻放入口。有得望但未有得食,真係一大考驗~~睇到咁多既拉絲熱溶芝士,真係好治癒,呢一刻所有既唔開心都一掃而空。呢款芝加哥PIZZA之所以可以拉到咁多長絲芝士,係因為呢個芝士夾心批底,芝士分量仲要厚厚一層,絕不手軟。水牛芝士出名芝士味淡,但呢款PIZZA即使有其他濃味既材料,都唔會蓋過芝士味,身為芝士迷既我視覺、嗅覺同味覺都得到好大滿足。不過辣雞肉比較硬身同鞋口,辣度唔高,只屬微辣;另外PIZZA既辣味係來自呢D雞肉粒,無雞肉粒既地方一D都唔辣。個人覺得薯角炭燒雞肉比較好味D。貪心既我揀左半半炸雞 $218,一次過可以試到兩款口味。分別揀左蒜香甜辣秘製炸雞拼蜂蜜牛油秘製炸雞。其實想試D新口味,但半半炸雞只可以拼平價炸雞款,如果餐廳彈性D,可以補差價揀新口味會更佳。炸雞方面,我覺得炸得無銅鑼灣果間咁好,除左雞脾位同翼之外,其他部分都好鞋,但印象中之前係銅鑼灣食係連胸位都覺得唔錯。So far 呢兩個口味都唔差,蒜香甜辣秘製炸雞蒜香味濃,食後蒜味亦久久不散,重口味之選;蜂蜜牛油秘製炸雞既蜂蜜味相當特出,令人食落有種滋潤、消熱熱既錯覺。非常推介比芝士控既朋友,呢度既PIZZA唔單止款式多且各具特色之外,就連好多人都唔中意食既麵包批底都造得相當出色,夠軟熟之餘、麥味夠香,再配上海量既拉絲芝士,呢個配搭就係我中意食佢既原因。 繼續閱讀
(以上食評乃用戶個人意見 , 並不代表OpenRice之觀點。)
等級4 2019-07-29
1387 瀏覽
今晚終於約到朋友去食pizza maru.呢間餐廳常常都好多人,今日一放工就即出尖沙咀了,6半時間入座唔洗等。用餐時間有90分鐘。跟朋友快快趣決定要點咩食。餐牌上有多款唔同既pizza,上面有唔同配料,又可加錢轉特別口味既批底,十分吸引。炸雞都有唔同口味,令人花多眼亂。仲有其他的意粉小食。仲有期間限定既餐牌。好多唔同選擇。我們點了一份6件炸雞,一個9吋pizza同埋一個意粉。炸雞可以因應唔同人數決定點6件或12件。當然點得愈多當然愈抵食啦。不過我們只有2人。點了6件雞來過下口癮。點了一份6件的蜂蜜牛油脆雞。炸雞件脆卜卜,上面仲有好多蜂蜜牛油香粉,吃起來入口即溶,好香好滋味。雞肉嫩滑又好食。雞件大細適中,吃起來啖啖肉又方便。餐廳仲會提供手套。可以爽快地吃雞。Pizza方面有多款選擇,我點了群蟹派對。上面有好多蟹肉碎、蝦、椒等等配料,好鮮味。最得意係有木魚碎係上面,味道好特別,好好味。呢度既批是以綠茶批底為主,綠茶批的特別之處係會食到清清的綠茶香味,好特別好清新。我仲加了錢轉了雙芝批底,加多點芝士既扭扭批邊,十分滋味。芝味無窮。意粉點了三文魚忌廉菠菜意粉,綠色的菠菜汁醬,混和了彈牙意粉,啖啖都好清新好滋味。三文魚都有不少,味道好好,不會過膩。雖然有限時用餐,但食物質素很好,而且真是很多人排隊等用餐,所以當吃完都快快交檯於其他食客了。 繼續閱讀
(以上食評乃用戶個人意見 , 並不代表OpenRice之觀點。)
等級4 2019-06-04
1962 瀏覽
今日係尖咀個頭返工,lunch就同埋啲同事過左去美麗華呢邊食lunch~~有兩個同事都話想食炸雞,所以我地就上左黎四樓呢邊原來午市有lunch set,價錢相對較化算,加上款式都唔少,但炸雞就無set,都係要散嗌~~我地幾個睇完就決定要一個pizza set, 一個意粉set同炸雞雙拼一齊share食先黎係跟set既三色前菜之後就黎左個意粉,我地揀左款 烤核桃紅菜頭明太子意粉$87因為有紅菜頭,所以成碟意粉都係粉紅色架,即時少女心左個意粉好creamy,加左明太子所以有小小辣,食落唔會好漏雙拼炸雞$198 我地要左蒜香甜辣同峰蜜牛油兩款口味兩款既味道都唔錯,兩款都係甜甜地咁,而炸雞既外層唔厚之餘亦炸得透薄雞槌固然嫩滑,就連雞胸部位都唔會好嚡,唔錯唔錯我地要左個 意大利辣肉腸pizza$98,加左26蚊要個金芝邊如果係芝士控既話,一定會超中意呢度既pizza,因為呢度既芝士份量係激多,而金芝邊係混合左蕃薯蓉,估唔到甜甜地既蕃薯蓉同咸香惹味既辣肉腸又幾夾啵最後我就跟set加20蚊飲左當日既 接骨木花冰茶,清清地咁,解膩一流 繼續閱讀
(以上食評乃用戶個人意見 , 並不代表OpenRice之觀點。)
一講食pizza,小編第一時間便會諗起「Pizza Maru」, 回想返第一次食「Pizza Maru」就係銅鑼灣希慎廣場, 嗰陣從來都冇諗過韓國餐廳嘅Pizza竟然可以咁好食, 仲食左咁多年,😂 「Pizza Maru」都係我食Pizza嘅首選!😏 我之前係午飯時間都去過銅鑼灣希慎廣場分店食過lunch, 不過佢無提供特別嘅lunch set, 但原來尖沙咀分店有喎!😯 由星期一至五12:00-14:30提供。 Lunch set有pizza、意大利麵、意大利飯、焗飯, 由$79起, 每個餐都奉送是日精選三色小菜, 加$20仲有餐湯或飲品, 四人同行,一人免費! 開team lunch就最啱啦!😏 是日精選三色小菜有芽菜、醃蓮藕片, 和比較有特色嘅炸蛋泡菜,酸酸甜甜,幾開胃! 松露雜菌薄餅($118) 有9吋之大,可分成8片, 兩個人share食一個餐都仲得! Pizza係薄脆形,烤得香脆可口, 加上大量芝士,有少許拉絲感, 不過如果雜菌多d就好!😂 自家製冰茶雖然無得揀flavour, 但幾refreshing,幾解膩! 我哋額外叫多左份蜂蜜蒜泥炸雞 Honey Garlic Gangjeong Chicken 🍗(6件)($119) 剛剛炸好嘅炸雞熱辣辣, 淋上秘製蜂蜜蒜泥, 香甜又惹味,蒜香十足,味道相當有層次!😋 醬汁濃調稠身, 每件炸雞都蘸滿醬汁, 但炸雞皮仍然脆卜卜,裏面嘅雞肉嫩滑多汁,正!☺️ 食炸雞點少得飲啤酒🍺!😏 係尖沙咀分店先有咁多款手工啤! Slow IPA($73) 散發淡淡嘅花香味和熱帶水果嘅香甜, 清爽口感,容易入口! 繼續閱讀
(以上食評乃用戶個人意見 , 並不代表OpenRice之觀點。)
喺一兩年前曾經去過銅鑼灣分店食過晚餐,印象中既食物同氣氛都相當唔錯!從朋友口中得悉原來尖沙咀亦有分店,而且依家仲有午市套餐添所以呢日返工之前就約埋朋友過黎食晏午市套餐既選揀都有成十多款,薄餅、意粉同飯既款式都有,套餐仲會附送一碟三色小食做前菜朋友話套餐入面既pizza無佢想食既口味,所以就單點左一份9吋既“韓式海陸(特色綠茶薄餅)”HKd$138+10%芝士怪既佢仲加多26蚊將批邊轉做雙芝邊添而我就係lunchset到揀左份“烤核桃紅菜頭忌廉明太子意大利粉(加配香炸虎蝦)”HKd$87(+$23)+10%同朋友一齊share我地仲跟餐加左20蚊要左當日既磨菇忌廉湯呢個忌廉湯飲落好香濃,有打蓉左既菌粒,飲落好rich好有質感個pasta賣相好吸引呀!!!粉紅色既紅菜頭醬完全唔會有草青味,混合埋明太子仲帶有微辣添意粉唔會過淋夠彈口,而加配既炸虎蝦爽彈唔油膩,食落好有驚喜朋友所揀既pizza同樣無令我地失望!配料豐富味道夾搭,而批底偏薄而不失嚼勁,仲唔油膩,very nice!!!! 繼續閱讀
(以上食評乃用戶個人意見 , 並不代表OpenRice之觀點。)