Pizza-Box (廟東街) (已結業)

四點上網落order 要求1830送到等到1915未到咪打電話去問 點知電話一直無人聽 一直等到五分鐘佢就cut 線 大佬 人哋等你咁耐咩情況都通知聲 咁上網申請cut 單 自己落街買其他嘢食 佢1950就送到嚟 我話唔要 個送貨員仲問半價要唔要？點解啲價錢咁浮動？定佢搵個外賣員食咗張單？如果做唔切咁多生意 好心咪鬼接咁多單 我哋無必要咁樣承受佢遲個幾鐘！仲要我估佢送到嚟啲嘢食都唔方會新鮮得去邊！個Customer service 真係好有問題！！！！！

睇完戲夜媽媽9點幾好多食肆都關咗咁啱見到呢度仲有開咁就叫呢間啦😁開頭以為普通批唔夠食點知加埋啲料係剛剛好吞拿魚唔腥唔乾😇好鮮香配埋芝士好好食🧀某啲餐加小食有折頭完全無後悔叫啲小食因為小食最高質先講講雞串🐔嘩！做到好似燒排骨咁好味表層醬汁香甜內裏多肉汁連家人都讚好而薯仔沙律都好味🥔有甘筍有粟米🥕🌽可以話係澱粉質大集合但薯仔有味得嚟唔會粉沙律醬份量亦恰到好處成件事唔會好膩主食類就差少少肉醬意粉個番茄味太酸啦🍅但意粉個texture依然係好可能食慣kfc個白汁雞王飯食呢個真心有啲唔慣芝士味比白汁味重太多雞肉唔夠滑🧀叫芝士焗飯可能仲比教貼切啲

話說食Pizza Hxt食到悶，諗住轉下食Pizza Box，事關好耐之前都食過，仲唔差！下午2點幾上網落單，下午6點半送到應該問題不大。18：40見未到就上網問下，無回應，咁再打HOTLINE追下，打到佢自動CUT線都無人接聽！18：50再打，終於有人聽，職員話ON THE WAY，我話遲左差不多半小時都仲要ON THE WAY，佢話因為多單，仲要覺得無問題！我表明我一早落單，唔係5、6點先落單，佢就打去門巿問，話5分鐘到！（收線時間18：59）19：06終於打嚟話到，落樓拎野食。外賣員見到我，無特別野講，我就同佢講遲左半小時！佢唔覺有問題，話單多。（連一句「唔好意思」都無）。我話要check下食物熱唔熱先，因HOTLINE職員話我可以唔要唔俾錢。佢仲要問我咁要唔要？（仍然無悔意）我話唔想大家難做（或浪費食物），最後都收左，不過食物唔夠熱。我覺得我一早落單，你多單做唔切，無理由消費者要承受，你自己可以CUT單唔接。總點係外賣員都覺得多單送遲左係「理所當然」雖然食物唔差，但我唔會再幫襯。

食外賣食到一肚氣，上嚟先睇到原來都有食評係寫佢遲大到。響母親節咁重大嘅日子，我哋選擇左食pizza知道母親節應該會好多人叫外賣，所以我早上11點已經落單，我撳咗晚上7:00送來，佢系統自動彈咗去晚上7:45，所以我即刻打去嘅熱線，個Staff話幫我remark咗7:00。到晚上六點，我再次確認我個訂單會係7:00送到，依個Staff都答應咗，因為當晚有老人家，有小朋友都要早食飯。到7:00外賣都未到，熱線電話打極唔通，到7:30終於入到線了，佢話外賣大概10分鐘後到，都差不多八點我哋都收唔到外賣，再打上熱線催，佢話我個訂單係7:45只係遲少少姐，今日母親節大家將就吓。令我非常之嬲，明明之前兩個Staff都confirm咗我係7:00送來。結果個外賣8:30先到。我好明白母親節外賣應該都會好忙，而且疫症，知道搵工都好難，但個接線生可以同我講佢唔知道佢supervisor 係邊個，完全冇得投訴。如果你哋有咩重大嘅日子，要叫呢間嘅外賣，就預咗佢會遲大到。食物比Pizza Hut差，外賣員工態度差，極之唔推介！

Today I ordered pizza from pizza-box for my family.🍕 Surprisingly, it was being delivered very quickly, within 45 mins of ordering!The pizza was warm and decent. The big size is defo enough for us . I ordered the one with tuna and requested for less cheese, so it was less fatty 🤣 I love the tuna flavour which was quite rich, and the dough was crispy! overall the pizza was yummy. 😋😋😋

Pizza box 嘅Pizza係星期一至四外賣都會有買一送一嘅優惠，兩百零蚊就有兩個大pizza好抵食。但係pizza味道係正常，唔係太過突出，勝在夠平，最啱一班人叫嚟食。總之我鍾意食佢嘅啖啖肉同埋珍寶，佢嘅芝心派都OK，可以一試。

叫外賣晚餐，話8:15pm會送到，等到9:35pm仍未送到！打去pizza box 25151515 中心， CS專員 Peter 哥態度超差！其實想問聲究竟送，定吾送，d小朋友老人家好肚餓！佢毫無悔意話個 order 仲要多 30分鐘先到，因為車手出現問題！但吾係我打去問冇人會 update 我哋！總之 style 係幾時到你就幾時食！建議如果想7:30pm有得食應該10am好落單喇，咁應該有機會晚餐會食到！如果吾係自己焗仲快亦吾洗比佢 CS專員激到食唔落飯！

疫情關係，今晚叫外賣。今個星期的promotion 是，叫一個大薄餅加$20可以有2個大薄餅，另外網上落單滿$300，送4件雞上髀。啖啖肉薄餅，肉有點多，加上澱粉質餅底，比較膩。夏威夷風情，菠蘿及蜜桃十分豐富的多，好清新。以上2個薄餅，個餅底比較膩口。加配了以下食物燒排骨配墨西哥香辣醬，汁醬甜甜辣辣，肉質口感不俗。肉醬意粉，賣相一般，但味道不錯。憤怒鳥（雞翼），只係一隻普通雞中翼加一些辣醬，普普通通。香酥雞上髀，肉嫩又香口，配個芥末汁，個汁淡淡芥末香，配在一起，效果幾好。整體來說，小食及意粉出色過薄餅，但都算ok 嘅！題外話，送餐小哥，相當有禮，值得一讚。

饞嘴萬萬歲ChamZeoiLongLongLife🙌🏻Pizza Box🍕萬歲🙌🏻...🐭快餐總係有種奇怪嘅魔力，雖然你明知佢唔係最優秀，但每隔一排就會好想好想食，食唔到就會周身唔自在。前排Pizza Box逢星期五六日買一送一(其實佢經常都做優惠)，當然唔執輸要叫啦！..🐭咁多間快餐Pizza，食神鼠最鍾意Pizza box，因為最Cheesy，醬汁酸甜味最適中，用料最足！以往永遠都係食佢嘅薄脆批底，夠薄夠香口！但今次優惠只能選傳統批，但好有驚喜！除咗Pizza好味，炸雞都Yummy Yummy😋...🐭夏威夷風情、熱帶風情 ($168 2個)賣相👅👅👅👅👅味道👅👅👅👅👅口感👅👅👅👅👅份量👅👅👅👅👅性價比👅👅👅👅👅必須讚一讚外賣速遞好快到，Pizza仍然保持到啱啱焗起嘅新鮮程度，賣相吸引，香氣四溢！好多芝士🧀！而且芝士味唔會好「港式」。茄汁底香濃唔會太酸。Toppings好足料，咬落口口感味道非常豐富！至於傳統批底夠厚夠鬆，唔會過實。用嘅麵粉品質唔錯，有麵包軟綿綿嘅口感。最欣賞係批邊夠乾身，一啲都唔油膩，仲有少少粉喺面，有意式傳統風味！..🐭炸雞髀塊賣相👅👅👅👅味道👅👅👅👅👅口感👅

食物質素一般，白汁雞皇意粉嘅醬汁多得過份，炸雞ok嘅，外脆肉嫩也多汁的，pizza係千島夏威夷，算多料批底少脆。外送服務有待改善，網上6點落單預約送達時間為7點15分，結果7點半都未送到，打上熱線問淨係話幫我催舖頭，當然係無回覆，7點45分都仲未到，再打去問，今次要求佢覆返我，7點55分覆我話7點45分出左車，但係聯絡唔到司機，結果由筲箕灣送去柴灣車程45分鐘，8點半先送到，前後用左2個半鐘。問司機點解咁耐，卻話自己係外判，有問題搵返餐廳，不負責任。簽咭俾錢仲要收多錢，好彩記得落單時個銀碼係唔同先至無俾多錢，真係唔會再幫襯。

老實講其實依家pizza box嘅路係有啲難搵，我都係行咗好耐先發現依一度原來有一家pizza box，見到炸雞都幾吸引，所以就買來試吓，炸雞嘅份量都幾多，而且即叫即炸，好快手，雖然話就話要等10分鐘，不過我記得10分鐘都唔使，上手嘅時候都係熱辣辣，真係好滿足，雞都幾嫩滑，而且冇鞋濕濕嘅感覺，亦都唔會有什麼奇怪嘅味道，整體來講我都幾滿意㗎，不過間野真係幾難搵嘅，但係下次我會識嚟㗎啦，希望下次會有更好食！

平時食得多Pizza Hut諗住轉下口味，點知一轉就出晒事！首先佢哋個熱線打極都無人聽，門市又冇電話，所有都經一個電話。明明預約左9:30送到上黎，結果早左半個鐘，咁預約嘅意義喺邊度？個Pizza明明揀左要多醬，但個Pizza就好似乾到無醬咁！雞翼又乾又鞋！叫做食得落肚唯一就係得個肉丸！落單嗰陣明明揀咗信用卡付款，上到嚟要比現金，雖然呢個係一個小問題，但所有嘢加加埋埋就令我唔會再想幫襯，可一不可再，幫襯前要諗清楚

今晚同女朋友都想食PIZZA，但又想舒舒服服安坐家中，所以就第一次試PIZZA BOX 外賣自取，預訂左六點半取餐，我六點三到去到取餐，返到屋企食物仲熱熱地。兩個人我地點左超級多寶PIZZA，厚批底，都幾多料，青椒、洋蒽、腸仔、牛肉、火腿、菠蘿配上茄汁，好惹味，但略嫌味精重了一點，吃了很快口渴。巴辣雞粒炸得非常香口、微辣加上脆脆口感，絕對係下次再食既首選。卡邦尼意粉， 忌廉份量足，味道偏濃，喜歡濃味既朋友相當合適，整體來說味道非常不錯，而且加上外賣自取65折優惠，三樣野加埋只是161蚊，食到捧住個肚，非常抵食，值得一試再試。

約齊同事今天一起吃pizza box的外賣pizza做午餐！12點半打去熱線，線路有少許繁忙，等了約5分鐘接單員就幫我記單了，她說15分鐘後就可以去分店取貨 (心想: 係咪真係咁快就得呀!? )12點搭十行到分店說出單號，真的已可以取貨！ 看到店員正好在打包我們的食物！七個人我們點了兩個大批一個螺絲粉和薯蓉香辣多寶 (大) / 傳統批底 / 多醬 (自取六折 $88.2): 這個批搓得有點變形，不過無損味道和份量！傳統批底的皮做得不錯，綿軟彈牙有麵粉香，單吃批邊也很好吃，不會像pizza hut的批邊乾澀無味；餡料方面就是肉跟蕃茄醬最傳統的口味，味道合格！辣度方面，我覺得完全不算辣，大部份不吃辣的同事都覺得沒有問題！千島三文魚 (大) / 多醬 (自取六折$97.8) 加超級奇脆批底 ($9): 這個批很脆很薄，完全突出餡料味道和增添香脆口感！餡料方面三文魚比較乾，但整體味道咸香味濃，如果千島醬的味道再濃一點就更好了！另外，奇脆批底取方塊切法，方便拿起食用，讚！兩個批比較起來，這個批底比較受大家喜歡呢！ 但建議薄批底要先吃，真的涼得很快！餅底批涼了後就由脆變成韌了！卡邦尼蘑菇煙肉螺絲

一般素食都好似好寡咁, 但pizza box的素菜精選pizza就唔會, 加埋芝士、洋蔥、粟米......, 焗到脆脆咁, 好味道! 最啱green monday!上次打電話去訂定外賣自取, 只要15min就ready, 好快手!而且自取仲平d, 例如呢個素pizza, 就只要~$84.