141
18
3
港鐵荔枝角站 D1 出口, 步行約4分鐘
繼續閱讀
電話號碼
27438004
營業時間
今日營業
12:00 - 15:30
18:00 - 22:00
星期一至日
12:00 - 15:30
18:00 - 22:00
公眾假期
12:00 - 15:30
18:00 - 22:00
公眾假期前夕
12:00 - 15:30
18:00 - 22:00
有關獎賞計劃
食家推介
相關文章
一向好喜歡食墨西哥的玉米餅，但香港不多地方有得吃，呢間位於D2附近的億利工廈中的Picoso，是鮮見的墨西哥菜餐廳，有著不少小吃，淨是墨西哥餅也有數款選擇呢。 是日同朋友行開呢頭，再上黎食一下墨西哥餅先，好耐無黎，餐牌的選擇更多了呢。餐廳不大，小小的木桌子還好不算太迫，餐枱上有不少調味品，收銀處有水機可以自助，感覺蠻不錯。天氣悶熱，點冷飲是必須的，朋友要了迷佚香柚子梳打，甜甜的帶上香草香氣很舒服，自己點了果醋梳打，酸酸甜甜很適合夏天喝。墨西哥薄餅加雜菌蘑菇及手撕烤雞肉點了這款薄餅因為覺得比較容易分享吃，薄餅軟身有咬口，加上酸忌廉，牛油果醬，辣椒粉等調味已十分好吃，自己還要了額外的餡料令味道更豐富，水嫩的蘑菇加上一絲絲的雞肉都跟薄餅很配，好味好味。玉米薄脆再點了墨西哥的有名小食玉米薄脆，這次就不添加任何餡料了，個人覺得原味加醬汁是最好吃的，玉米片很香口，令人一口接一口的吃個不停呢。墨式豬扒芝士焗飯最後還點了一客焗飯，朋友無飯不歡，佢話試下墨西哥式的焗豬扒飯。豬扒厚切軟身，不錯啊。飯用上長尖米，大量芝士，粟米及茄醬一起焗相當惹味，還灑上了不少香草添加香氣，真的是色香味俱全呢。 好飽好飽，又是滿足的一餐。
繼續閱讀
長沙灣區的樓上工業大廈出名多正野食，今次就黎到億利工業中心覓食～位於一樓的「Picoso」係一間墨西哥菜餐廳，小店面積雖然不大，但裝修頗有異國風情菜單上嘅選擇以墨西哥菜為主，亦有小食、西式意粉飯類等等選擇，價錢適中不算貴香脆炸蟹餅$88有兩件炸蟹餅，外皮雖然炸得燶咗少少，但內裡嘅蟹肉份量都幾充足，新鮮棉滑，仲加左甘筍粒，增添口感墨西哥餡餅加配雜菌蘑菇(+$10)Quesadilla內餡本來只有芝士，可以另加不同價錢選配各款材料，我地就加咗$10配雜菌蘑菇。一客切開左八件，啱晒朋友們多人分享～外層香脆，裡面包住大量芝士同蘑菇，芝香四溢！配上適量酸忌廉、牛油果醬同番茄沙沙，更加滋味墨式大蝦雜錦海鮮芝士焗飯海鮮配料都幾充足，有蝦肉、龍利魚柳、魷魚圈、蜆肉等等。墨式番茄醬汁酸酸甜甜好開胃呢！底下既炒飯乾身唔油膩，配上半溶芝士好邪惡呢凍檸檬茶大熱天時叫左杯凍檸茶解渴，茶底濃淡適中，配埋檸檬有助消滯
繼續閱讀
餐廳：Picoso(荔枝角)地址：荔枝角長沙灣道883號億利工業中心1樓101室行開荔枝角，又係去工業大廈搵野食嘅時候😍，今次去左D2 Place對面嘅億利工業中心摷野食，見到有間叫Picoso嘅墨西哥餐廳好似唔錯，所以就去左一試雖然餐廳位於一樓，但以周末黎講都算係有返咁上下人氣，場內就連外藉人士都有👨🏼🦱，亦有好多墨西哥風味嘅裝飾🇲🇽，夠哂氣氛，好似真係去左墨西哥嘅餐廳咁自家製炸蟹餅 $88 (2件)雖然$88兩件好似有啲貴，但切開就會知道原來炸蟹餅用左非常足料嘅蟹肉絲去整🦀，一絲絲嘅蟹肉有濃厚嘅鮮蟹味，外層炸得香脆惹味🤤，加上青檸汁更突出蟹鮮大蝦鐵板燒 $1488隻爽口彈牙大蝦以洋蔥炒香🦐，配上墨西哥薄餅，以碎蕃茄粒🍅、酸忌廉同新鮮牛油果醬🥑，夾埋一齊食，充滿墨西哥地道風味墨式豬扒芝士焗飯 $98 四塊中型size嘅豬扒預先切好🐖，濃郁芝士鋪係面令賣相同味道都更吸引同好味🧀，焗飯有啲乾身，但配上芝士同豬扒一齊黎食就岩岩好，豬扒嚼勁道十足，非常多肉
繼續閱讀
朋友帶我黎到荔枝角工廈試一間墨西哥菜佢正正就係程班長既隔離 好易搵到因為MENU選擇唔算多我地今日就叫左3款野食自家製炸蟹餅好味指數 😋😋😋一碟有2個蟹餅 每個有手掌心甘大旁邊仲有D沙律菜切開入面有好多蟹肉但雖然好足料 但食落去就食唔到蟹餅既鮮味芝士玉米烤焗捲餅-雜菌蘑菇好味指數 😋😋😋😋呢度既捲餅分別有5款做法可以選擇我地今次就揀左烤焗佢係將平時普通既捲餅舖上芝士去焗餅皮依然好軟熟 但佢多左芝士同烤焗既香氣另外我地仲有碟炸魷魚圈配他他醬 HK$58(不過唔記得左影相 哈哈哈)好味指數 😋😋😋😋魷魚唔會太硬 味道正常外層炸皮亦唔會太厚平時少接觸墨西哥菜 所以無得同其他比較如果係長沙灣同荔枝角想試下D特別既菜大家都可以黎試下呢間
繼續閱讀
今日心血來潮想食墨西哥野 就openrice到搵下 見到呢間picoso都有好多個笑哈哈 同埋d野食望落都好似好吸引甘 就一於同男友試試佢晚飯時間去到 得3枱人 加埋d background music 整體黎講係好舒服😌😌見到網上面有好多人推薦芝士雞 加上男友又鍾意食雞 於是就叫黎試下另外仲叫左個炸魷魚圈🦑同埋墨西哥餅+雜菌蘑菇🍄等左十幾分鐘就上菜啦 1️⃣墨西哥餅+雜菌蘑菇岩岩上枱個陣熱辣辣 個皮脆既 啲芝士可以拉絲添 整體上都算幾好食 美中不足嘅係用罐頭蘑菇 完全食唔到蘑菇嘅香味 令個餅有少少失色2️⃣炸魷魚圈食得出魷魚既香味 炸得好脆 就算最後食晒所有嘢先食剩返嗰幾舊 都仲係好脆 以佢出油嘅程度嚟睇 估係用氣炸鍋炸嘅 3️⃣芝士雞配同想像中既完全唔同 因為個名叫芝士雞 諗住會有好重嘅芝士味 或者一舊舊既芝士 點知應該剩係個汁用左芝士 啲雞件唔係鞋 但口感麻麻地 好似每一舊都食緊雞胸甘 同埋都最後食到有啲漏 4️⃣墨西哥青飯見叫左芝士雞 就叫埋個飯一齊食 啲飯比平時食嘅有彈性啲 個口感都幾得意 不過男友覺得啲飯林得制 我就覺得okay ge 但加$18蚊先有一碗飯 都真係貴咗啲 原價仲要賣$28蚊😶呢幾樣野加埋食左380幾蚊 唔算好底 食物只係還好 所以唔會再返轉頭 試過一次就夠啦😶*間野係程班長隔離 好易就搵到
繼續閱讀