Pepperonis Pizza & Cafe (已結業)

上個禮拜同朋友到灣仔, 事前已到open rice搜尋一番, 最後還是選擇獲網友好評既呢間舖頭, 食一個眾人推介既New Orleans Pizza + 蒜容蜆肉意粉。New Orleans Pizza -- 餡多, 少少酸,上面果堆似沙律醬既物體, 令pizza食得多都唔滯, 又唔會太酸, 就連我果個唔食酸野既朋友都試咗少少。蒜容蜆肉意粉-- 都算多蜆肉, 食到最尾都仲有,香草落得都幾多, 好香, 唯有幾隻蜆都上台時候都仲未開晒。食唔到果幾隻蜆。

平安夜，周圍都係食平安夜套餐，價錢超貴又唔抵，冇得選擇之餘又有部份食物唔食得，但是晚又想食中菜。剛好路經此處，見佢仍然可以散叫，只係每人最低消費$100。跟男友二個叫了一客白汁磨菇意粉、洋蔥圈同紐紋薯條，再加cookies & cream 和hello cocktail。食物一來到極之後悔，份量很多，個紐紋薯條形狀好似螺絲粉，炸得夠香脆；意粉個汁好溜，有點像奶味較重的金寶忌廉磨菇湯，但意粉煙煙韌韌夠咬口，真係不錯，因為吃完兩個course好飽，飲埋杯drink 己經頂到上心口，所以個洋蔥圈惟有叫男友打包番屋企。

前言：本著「大無畏」精神，再試多次其「火腿蛋配多士」早餐。今次多士走牛油。食物和評語：今早「細心加鬼祟」地觀察，發現原來食物和飲品均預先做好一大堆，落單便立刻上餐碟。怪不得所有食品都唔熱（包括鄰桌的腿蛋麵和餐蛋通）。 1. 火腿蛋配多士（$10）：火腿比昨天冇咁鹹，仍然又凍又乾硬；煎蛋仍然賣相漂亮，但唔熱；走牛油的多士賣相漂亮得多，亦沒有了油浸口腔的可怖經歷。 2. 熱咖啡（$7）：今早的咖啡不再是即磨了！雖然是普通蒸餾貨色，味道尚可，點都好過「大快x」的港式咖啡！註：以地區而言，環境算OK；食物唔算貴、地方唔算太迫，肯定好過附近茶餐廳。唯食物唔熱係致命傷，煎雙蛋這食物，唔熱唔好食，唉！

前言：經過昨天的恐怖經歷，遠離「國內同胞」吃早餐的勢力範圍，跑到這間只供應西式早餐的店子。八點四十分，堂食的人不算多，倒是站在門外買外賣的人陸續不斷！食物和評語：唔怕死，再一次點「火腿蛋配多士」，另外再點一份「纖體三文治」，以及一杯熱咖啡。 1. 火腿蛋配牛油多士（$10/份）：有三片煎得香香的洋火腿，可惜味道過鹹，吃不下！兩隻煎得漂亮的太陽蛋，接近九十分！至於那兩片令我嘆為觀止的牛油多士，是以鐵板煎出來，再塗上超多牛油，再放涼才上碟！吃著這兒又凍又油又硬的多士，每啖都有油‘必’出來，食味和感覺都超級難忘，唉！ 2. 纖體三文治（$8）：白方包質地鬆散，煎蛋白油油的、美乃滋（卡夫奇妙醬）超多，既不健康，口感亦相當惡劣。吃時相當狼狽，美乃滋、蕃茄片、生菜絲、均滑出來。店家原來的構思概念其實是相當好，惜在處理食物的技術仍有待改善！ 2. 熱咖啡（$7）：即磨貨色，相當香濃，是整頓早餐最佳的食品！簡直係超值！註： a. 洋火腿乾如柴、鹹到苦；多士猶如油浸出來；三文治又濕又油又鬆散；質素相當惡劣！ b. 唯一可取是那杯‘物超所值’的即磨咖啡！ c. 此店的銷售模式頗特別

尋晚因約左人在灣仔, 正苦惱食乜野既時候, 有朋友就介紹左呢間餐廳. 我第一次去, 但食完後我真係唔覺得好食......>.<1) chicken wings($60) - 好明顯係整好左好耐, 之後再加熱...個皮好腍, 唔香脆. 雞翼亦唔入味. d雞翼皮亦出奇地肥.(平時我食雞翼會連皮食, 但呢度d雞翼皮肥/厚到我可以吐翻出黎,好恐怖)2) potato skin($60) - 我唔覺得係skin, 佢用左半個薯仔, 只係入面釀d牛油果, 芝士同極少既煙肉. 佢上5件, 我同個friend一人食左一件就已經停手投降.3) 香辣海鮮意粉($90) - 意粉同配料都唔錯. 只係個汁出事...我覺得應該叫香"甜"海鮮意粉...我覺得個汁好甜, 但唔辣. 好似落茄汁咁...-__-" 最後我地自己落左好多tabasco先食得落.4) cocktails($35/杯) - 最正常埋單$308...平均每人約$150, 我覺得用$150我可以食得好d囉. 總括來說唔抵食.不過我冇食佢地d pizza, 唔知係咪真係咁好食呢? 不過我已經唔敢再去.

和幾位友人在shopping完，正苦惱晚餐著落時，有人提議吃pizza，我想起了這間多次路過，但不曾嘗試過的餐廳。由於四人都是女孩子，食量不大，order了特式拼盤（有洋蔥圈、春卷、雞柳等）、Pepperonis Special薄餅和香辣海鮮意粉，樣樣都好好食，平時吃飯總花上個多小時，但這次不消半小時就把食物掃光，因為實在太好吃了，大家都忙於進食。不過我們的飲品就不太好，忘了是什麼名字，是種巧克力飲品，見table stand sell這個drink，就order了，但味道不夠豐富，有點失望。

今晚黎呢度開飯. 叫了焗薯皮. Asian Tabasco Chicken ( 兩翼一) 連飯+ 沙律. 再加個Lasagna. 兩個人剛剛好. 薯皮有煙肉芝士加牛油果.厚切. 有d漏. Tabasco Chicken 唔辣. 但好惹味. 不果d翼就乾身了一點. Lasagna 就西貢分店就得較好. 因佢唔夠肉醬. 外觀欠了一點. 可能環境問題. 呢間分店對住馬路. 我就覺得西貢o個間好feel d. 而且侍應亦都冇西貢個間咁熱誠喇~

百聞不如一食,呢度既New Orleans Pizza真係好好味,未食過咁正既pizza,D sour cream好正!蒜容蜆肉意粉,仲貴過個pizza,但好有水準,惹味,又多蜆肉,意粉好彈牙。Frie cheese with berry sauce,d芝士凍左少少,係未即時炸gar? 但味道很香濃,同個sauce好夾。

今日同事同我慶祝生日，打的落o左灣仔。試過西貢同soho，第一次o黎灣仔。例牌食個ribs、燒雞凱撒沙律，而第一次食招牌pizza、蒜香蜆肉意粉同燒雞併盤。個ribs當然係好大份，不過略多肥膏；個pizza唔鍺，個人始終覺得酸乳酪味最好食，pizza底好似比以前厚o左；而意粉好香蒜蓉味，意粉彈牙，不過蜆肉唔算太多；燒雞併盤有炸雞翼、炸雞柳同炸薯皮，勁熱氣我都唔多咁食，只食了幾舊炸薯皮，好脆好熱。大家都知份量唔細，我o地6個人都食淨，埋單500蚊唔駛。

我地一行八人叫左一份炸芝士、一份洋蔥圈、一個燒雞沙律、一個大new orleans pizza、一份dinosaur ribs、一個三文魚濃汁闊條麵、一個pepperonis burger 同兩個apple crumble炸芝士- 好好味，d 芝士溶晒再加上cranberry sauce，口感一流燒雞沙律- d雞醃得好入味，個汁同d菜好配合dinosaur ribs - 骨如其名，勁大份new orleans pizza - 辣辣地又甜甜地，再加上sour cream，個味好match，極力推薦其他個幾味就無咩特別，d service 都ok la...結果埋單都係七百幾蚊，算好抵lu...會再食...

落到灣仔，第一件事要食野，經過一輪商議都係來呢度，一來我們去的bar在這附近，二來大家也想食薄餅。叫了凱撒沙律、炸芝士、燒排骨、大New Orlean薄餅同蜆肉意粉。其中除了沙律較為失色外，其他也是水準之作。炸芝士就最受歡迎，可能大家都想打打底準備定陣間飲酒吧！埋單四百多，五個人食到飽一飽，都算幾抵。

睇過咁多個網友對呢間野D食評都係"笑笑口"覺得應該都唔係太差於是上星期同朋友一試，叫左個new orlean pizza 真係好掂，入面有D BBQ味又夾左D香草既香味加埋入面頭鋪住D燒雞真係好有巴西FEEL係出面真係未食過D咁出色既PIZZA，同埋叫左個墨魚餅好彈牙好鮮味，但後尾叫兩個甜品就差些少apple crumble with icecream好漏，另一個唔記得係strawberry 乜鬼本人覺得有D呃錢事關係三個“牛奶公司”雪糕球上面加幾粒strawberry 咁就成為四十幾，總次聽我朋友講叫兩個特飲好過啦。

試過幾款pizza，New Olean絕對係至正。甜酸汁加sour cream好正，雖然唔係正宗薄餅風格，但都值得一試。

烤雞柳+sour cream+甜辣椒醬+薄脆批底既new orlean pizza簡直回味無窮~~好好食之餘個pizza又夠脆落落~~不過個香辣海鮮意粉...我覺得我係食緊茄汁海鮮意粉......點解唔辣既??apple crumble ice-cream...賣點特別啦，不過甜左d...都幾大份幾漏，同埋d ice-cream好似幾快溶，呢個3個人share都夠。我反而鍾意個waitress介紹俾我既strawberry yogert，酸酸地味道又幾清新下。service都唔錯，個個都幾friendly，但係我係4/5點去唔係peak hr，唔知peak hr個陣keep唔keep到咁好service?p.s. 餐廳d冷氣真係唔係幾夠，要改善。

同老婆兩個人食左三樣野，8吋細薄餅(New Olean)，芝士蘑菇意粉，雞排骨，埋單200幾，算中等價錢。New Olean薄餅很好吃，甜酸汁再加sour cream cheese真係無得頂，一陣就全部掃清。雞排骨無豬肋骨咁漏，很入味，亦很油膩，但西餐就係咁，一於食左至算！芝士蘑菇意粉很多芝士，有少少漏之餘仲因為天氣稍涼而凝固左tim，所以下次都係食左先。食物份量不少，又唔捨得餘低，結果最後又係無胃口食甜品，如果唔係一定會食apple crumble with icecream，唯有等下次。