影片
營業時間
今日營業
11:00 - 21:00
星期一至日
11:00 - 21:00
以上資料只供參考, 請與餐廳確認詳情
【九龍城區】【Pepper Lunch Express】呢間嘢喺置富都會 food court 都一段時間，食完嘢去紅館就非常方便。而個 food court 喺大裝修之後都曾經做過微調，我就喺微調之前同之後都各食咗兩次，前後四次。本身諗住食兩次就出 post 算㗎喇，點知有微調，就再食，等大家望吓個樣都好吖嘛。第一次去係食 $57 嘅「蒜香黑椒牛肉飯」，加 $15 要極盛 size，再加 $18 要 Set B，有一款飲品同一款特色小食，我要「黑椒雞粒」同「道地極品解茶」，夾埋 $90。第二次就食 $65 嘅「黑椒三文魚飯」，加 $8 將個飯嘅 size 轉做大盛，咁埋單就 $73。兩次嘅水準都幾普通，叫到大盛都好似唔係好多嘢食咁。同埋唔知點解，食到底，隻鐵板係勁多油，比其他分店都多。等 food court 微調過後，再去食第三次。呢次食 $83 嘅「珍寶黑椒三拼飯」，有牛肉、三文魚、雞肉，都加咗 $18 要個 Set B，豐富啲。飲品我揀「CC Lemon」，特色小食我揀「熱溶芝士香腸」，咁就 $101 埋單。第四次食，玩盡佢，食 $67 嘅「珍寶黑椒生薑牛舌飯」，飲「道地極品解茶」，加 $11 要「雞蛋及芝士」，加 $12 要「雞肉」，再加 $16 要「牛肉」，埋單就係 $106 走人。平時雖然成日見呢間嘢，但都少機會食，首先係主食選擇只有白飯，可免則免啦。啲肉唔算靚之餘，份量亦都唔多。可取之處係黑椒好香濃，燒汁幾惹味，然而呢兩樣嘢都唔會促使我經常花咁嘅價錢去食。只能夠講，演唱會前食個快飯嘅話，都要睇啲肉熟未。。。（地址：紅磡都會道6-10號置富都會8樓美食廣場FS06-07號舖）呢間餐廳我寫過其他分店嘅用餐體驗以及食物，如果想睇，可以打以下 hashtag 搜尋返嗰次嘅用餐體驗記錄：屯門區分店：1am0529#1amfoodie #foodie #hkfoodie #thatfoodiething #hkfood #food #instafood #yummy #foodlover #delicious #foodies #tasty #globaleats #tastyfood #dessert #foodpics #followforfollowback #love #eat #1am九龍城區 #1am紅館 #紅磡 #置富都會 #PepperLunchExpress #PepperLunch #蒜香黑椒牛肉飯 #黑椒雞粒 #道地極品解茶 #黑椒三文魚飯 #珍寶黑椒三拼飯 #CCLemon #熱溶芝士香腸 #珍寶黑椒生薑牛舌飯 #1am1777 #1ambackup
繼續閱讀
今日聖誕節，小朋友係都話要來哩個商場，所以就係度就近穩嘢食，平時去又一城，黃埔都經常幫親，以前都有係置富食過，都可以㗎，都哩次係食過最難食一次，囉到餐之後全個盆都係油，哇😧嚇死人😱跟住都好勉強食，因為今日好忙，冇時間食飯，連中午飯都未食，所以都食曬，不過底下全都係油
繼續閱讀
今日午飯時間，去咗紅磡置富都會Food Court食飯。今日想食牛肉飯，諗緊揀「珍寶」定係「極量」好。不過因為想食多啲牛肉，於是就揀咗「極量」黑椒牛肉飯配一罐道地極品烏龍茶。到拎飯嗰陣時，發覺啲牛肉好少，於是問男職員（戴眼鏡），問佢「極量」牛肉大約多少gram？點解望落去咁少？ 職員解答話因為牛肉熟咗會縮水，我再問佢大約幾多gram。「珍寶」同「極量」有嘅分別，職員只答公司有指引。沒有回覆我多少gram 🥺因為個份量感覺比之前食嘅少🥲 可能以後會食少啲或者都唔會食🥲
繼續閱讀
係咪大家都同鼠尾草一樣，由中學時代開始，已經成日去附近嘅Pepper Lunch放飯，或者約同學一齊食嘢呢？今次放飯嘅時候經過返呢間舖頭，覺得嗰種好濃味，又咸、又濃郁嘅感覺好吸引，所以呢餐飯一於回味下啦。果然同想像中嘅味道一樣，可以落蒜味豉油，同埋蜂蜜燒肉醬。鼠尾草中學嘅時候，兩款醬汁都會攞晒，然後連埋啲飯炒埋一齊，炒勻佢。加埋牛肉本身係鐵板上面煎到出咗牛油，撈埋一齊真係勁邪惡勁香，但係食完之後都要飲返幾杯水。今次味道同想像中一樣，真係超正呀。
繼續閱讀
I love pepper lunch as it reminds me of my student days. Back in these days, pepper lunch was a luxury. Now it's just a food court meal. However, it's a simple yet good meal. There's no way to mess it up. Love the sauce and the corn and you get to control how well cooked you want your meat to be. This location is particularly nice since renovation of the food court was just conducted
繼續閱讀