影片
營業時間
今日營業
08:00 - 22:00
星期一至五
08:00 - 22:00
星期六至日
09:00 - 22:00
公眾假期
09:00 - 22:00
以上資料只供參考, 請與餐廳確認詳情
上次同朋友試過呢間受歡迎既咖啡飲品，拉花好靚，可以打卡之餘，味道也比較特別，今次就除左咖啡都揀左依三款食品。Cafe 以白色及淺木色傢俱配搭，簡約風為主，環境舒適，大玻璃令到感覺好開揚～看看餐牌先，可單選或Afternoon Tea。我哋點選 3 set 下午茶餐，全日早餐、雜莓榖麥優格碗及煙三文魚忌廉芝士牛角酥，跟餐包熱美式咖啡，可補差價額升級至任何飲品。Orange Mocha 香橙朱古力咖啡拉花好靚，造型精美，增添視覺上既滿足。咖啡入口香滑甘醇，味道濃郁，橙味及朱古力味突出，除左好飲外，亦非常適合打卡，值得推薦給大家！All Day Breakfast 全日早餐擺盤好有心思，見到都好吸引。食材非常豐富，包括有鹹香味煙肉，蛋味濃郁既炒蛋，脆脆豬肉腸，什菌味道濃郁，烤焗新鮮番茄，鬆軟脆多士，翠綠鮮爽沙律菜及酸甜茄汁豆，款款食物好新鮮，多重口感，味道又非常配合，超好吃。Berries and Granola Yoghurt Bowl 點左一碗看起來就很健康既雜莓榖麥優格碗，營養價值高，以及種類豐富既有香蕉、士多啤梨、藍莓、杏仁、南瓜籽、燕麥片、原味乳酪及蜜糖，食材新鮮，口感香甜幼滑，美味可口。Smoked Salmon & Cream Cheese Croissant 牛角酥非常酥脆，入面餡料既粉紅色煙三文魚，淡淡鹹香味，以及軟軟幼滑既忌廉芝士，外脆內軟，很不錯的茶點。Americano 夏天來一杯凍咖啡，甘香氣味散發出來，咖啡加倍份外香濃，口感清爽自然。
繼續閱讀
位於元朗站旁新商場元點嘅Pause It，裝修簡約舒適，個vibe好岩想chill下飲杯啡食個靚靚西餐～朋友介紹咖啡超正，今日路過順便試吓～我同朋友各自叫咗一人餐，包餐湯/沙津～今日餐湯係甘筍湯，用新鮮紅蘿蔔打成，香濃棉滑～沙律菜新鮮，加埋秘製沙律醬，酸酸地好開胃～香煎帶子墨魚汁燴意大利飯墨魚汁非常香濃，意大利飯收水做得好好，飯粒分明又飽滿，吸滿墨魚汁～帶子煎到金香，食到唔停口～咖啡烤安格斯封門柳配阿根廷青醬非常推薦一試～店員推薦封門柳煎至5成熟，火候控制得非常好，肉質好柔嫩好juciy，青醬超香，食落仲有陣煙熏味，都幾特別～配菜有烤薯仔同埋炸牛蒡，好用心嘅配搭～Spanish Latte呢到有好多特色expresso調配出嚟嘅咖啡可以揀，今日試下呢杯Spanish Latte～用一shot expresso、milk foam拉花，再加入煉奶，甜苦口味，更有一番風味～Matcha Latte抹茶味好香濃，特別一讚呢度嘅拉花好出色，打卡一流～
繼續閱讀
元朗站多左個商場，餐廳都多左好多唔好選擇，而且價錢再親民啲。今晚試下呢間新開既cafe ，裝修簡約舒服，就開喺湊湊火鍋對面。餐牌見單價都唔貴，而我地就揀左個 dinner set for 2，幾抵👍🏻前菜有兩碗是日餐湯，今晚係蘑菇湯，飲落幾驚喜！平時飲既都比較滑身同creamy，呢個反而啖啖都有蘑菇碎粒既口感，雖然蘑菇味唔重，但每啖都真材實料。溫泉蛋卡邦尼意大利粉一上黎見到粒溫泉蛋已經覺得好吸引🤩煙肉碎都係大大粒既，食落口感豐富好多。意粉本身既醬汁都creamy，配埋黑椒既味道，唔錯！慢煮雞胸南瓜粟子意大利飯我覺得呢個都幾啱健身中既朋友食，飯俾南瓜汁包住，中間又會有啲南瓜粒、粟子同菠菜，食落唔會覺得漏，幾健康。雞胸薄切左，煮得冧身而身juicy，係煮得好食既雞胸👍🏻👍🏻表面仲有啲松子，食廿食落口感又再豐富啲。法式多士配自家製咖啡牛油Set 甜品包左，法式多士唔算好大件，份量剛好唔飽滯。伴碟有好多開心果碎同粟米脆脆，點埋啲蜜糖一齊食，幾時食又唔太甜，咖啡牛油再令個味多個層次。士多啤梨伯爵奶茶士多啤梨味幾香，面仲有啲士多啤梨味粟米脆脆，奶茶飲落茶味唔算重，balance到士多啤梨個甜味。雲呢拿latteLatte 拉花好靚好有心機呀，拉左隻poodle 出黎，勁得意！咖啡飲落幾香！我見佢地餐牌仲有水沖咖啡揀，鍾意咖啡既朋友可以一試。另外想講店員都幾細心，感覺雖然怕怕醜醜咁，但留意到我大肚會主動幫我換過杯暖水。
繼續閱讀
Pause it嘅晚市二人餐相當豐富菜式多樣且充滿創意整體氛圍舒適適合情侶或好友chill下👫👭🔹慢煮雞胸南瓜粟子意大利飯雞胸肉經過慢煮處理 口感非常嫩滑完全冇乾柴既感覺 南瓜同粟子既搭配令意大利飯帶有甜味😋🔹法式白酒燉雞配香草麵包呢道菜既白酒香氣濃郁 雞肉燉得入味 肉質軟嫩醬汁帶有微微酸度 非常開胃香草麵包外脆內軟 沾上醬汁後更加美味❤️🔹法式多士配自家製咖啡牛油法式多士外層酥脆 內裡鬆軟 搭配既咖啡牛油非常特別帶有濃郁既咖啡香氣 甜中帶苦令多士增添咗新意🫶🏻🔹芝士黑松露薯條薯條炸得金黃酥脆每啖都食到濃郁既黑松露味芝士既鹹香同薯條既脆口完美結合係一道令人停唔到口既邪惡小食😍🔹熱竹炭Latte竹炭Latte有獨一無二既拉花口感順滑 帶有淡淡嘅竹炭香氣咖啡嘅苦味同奶香平衡得恰到好處❣️🔹熱朱古力熱朱古力濃郁香甜 口感濃稠飲落非常溫暖 令人感到滿足❣️💡佢地有拉花課程嫁！啱晒鍾意飲手沖咖啡既朋友❤️
繼續閱讀
我係Pause It多年嘅粉絲😋😋😋見到元朗都有分店，梗係即時要去啦！餐廳設計依舊以簡潔、休閒輕鬆設計為主，有陽光滲入，令餐廳感覺好明亮，好適合中午嚟cafe悠閒坐下，同朋友傾下計！▫️菠菜雜菌班尼迪克蛋每次都必食嘅Benedict 😋😋😋 有三款配料可以簡，有波菜、煙肉或煙三文魚！今次簡咗菠菜雜菌，配上獨有醬汁，好滋味。流心嘅水波蛋蛋香超濃郁，一切開就會流出蛋漿，蛋漿滲入菠菜雜菌，再配上已煎香嘅酸種麵包，味道超夾，口感豐富有層次。不得不提嘅係，麵包面上仲有荷蘭醬，令成個Benedict味道更有層次，更滋味，超級好食！▫️All day Breakfast呢款全日早餐好足料，有香腸、煙肉、蘑菇、蕃茄、茄汁豆、炒蛋、酸種麵包😍😍😍好啱咩都想食嘅我，將唔同嘅食材配搭落酸種麵包度食，各有唔同嘅味道，推薦大家都可以試吓！▫️Flat White 奶味同咖啡嘅比例好均勻，咖啡味道香濃，又帶點牛奶嘅香滑，好不錯🥰重點係有拉花，咖啡師拉咗獨角獸🥰好靚啊！好適合拎嚟打卡！▫️冷泡白蘭花茉莉綠茶白蘭花茉莉配上綠茶，茶味淡而香，飲落好清新清香，好解油膩感，好飲喔。
繼續閱讀