影片
營業時間
今日營業
09:00 - 22:00
星期一至五
08:00 - 22:00
星期六至日
09:00 - 22:00
以上資料只供參考, 請與餐廳確認詳情
【東區】【Pause It】好耐之前凱蒂妹介紹咗啲炮台山嘅餐廳畀我，不過我一直都冇時間食，只係食咗幾間就冇下文。就算係呢位朋友，我都已經好少再見到佢喇，希望佢一切安好啦。而佢講嘅餐廳，就已經剩返呢間「Pause It」，趁今次咁啱經過呢頭，不如就入去食埋佢啦。入去就見到餐廳裝修得幾有文青 cafe feel，所以都幾受附近返工嘅白領歡迎。我難得都搵到個角落頭位，就坐低叫個 $108 嘅「全日早餐」，有香腸、煙肉、雜錦蘑菇、番茄、雜錦蔬菜、酸種麵包、茄汁焗豆、炒蛋，我仲加 $10 加配薯餅，多啲嘢食吖嘛。份餐就真係正正常常冇乜特別，不過唔算難食，每一樣嘢都好易入口，就算係酸種麵包，我冇加錢轉其他包，其實佢本身都唔錯。嘢飲我飲 $44 嘅「花生醬鮮奶咖啡」，花生醬味完全出唔到，係飲到底見到有啲粒粒花生咁解。埋單 $162，其實價錢係可以嘅。。。（地址：炮台山電氣道183號友邦廣場地下18號舖）#1amfoodie #hkig #foodie #hk #hongkong #hongkongfoodie #hkfoodblogger #foodiehk #topcitybiteshk #hkeat #hkfoodstagram #thatfoodiething #instagood #love #hkigfood #hkfoodlove #hkfoodblog #globaleats #foodieman #1am東區 #炮台山 #PauseIt #全日早餐 #薯餅 #花生醬鮮奶咖啡 #1am1734 #1ambackup
繼續閱讀
作為半個freelancer，有時留喺屋企工作真係有啲悶，所以阿叔耐不耐都會搵唔同café邊食邊做，遇啱好嘅，仲可以打埋卡，一舉幾得！ 要集齊以上條件，呢間位於炮台山嘅純白簡約咖啡店就係其中一間。呢度唔單止地方夠大，環境清靜，坐得舒服，而且食物質素唔差，咖啡拉花又夠晒精緻，打卡一流之餘又可以認真做嘢，啱晒阿叔要求！蕃茄醬菠菜芝士意大利雲吞 ($88)帶有菠菜同芝士餡料嘅意大利雲吞，配上酸酸甜甜嘅蕃茄醬，口感creamy，惹味十足。牛油果莎莎醬炸薯條 ($78)除咗阿叔成日食嘅咸蛋黃單骨雞翼，呢度嘅炸薯條亦絕對值得一食。皆因佢份量夠大，而且即叫即炸，包括新鮮熱辣辣，配埋一眾唔同醬汁，確實滋味無窮架！想無咁邪惡，大家可叫牛油果莎莎醬，感覺又多番份清新味道，俾自己少啲罰疚感，哈哈！檸茶啡 ($52)咖啡店內嘅期間限定飲品，設計靈感嚟自茶餐廳嘅「凍檸茶」！除咗店內特選拼配紅茶，飲品另加入以檸檬皮24小時糖漬糖水，同埋浸泡過24小時嘅Cold Brew，味道層次極豐富，啖啖都係咖啡師們嘅心思同心機！竹炭鮮奶咖啡 ($42)差唔多阿叔每次嚟都會叫嘅飲品！黑白嘅配搭，飲到淡淡嘅竹炭味，最緊要有超靚咖啡拉花，有時真係靚到唔捨得飲呢！
繼續閱讀
港島數一數二嘅Cafe🥰 由旺角食到北角🐒除咗咖啡拉花攞曬獎 食物質素都勁高🤟🏻每次經過呢頭都會黎巡舖😛 之前都係食佢嘅 lunch 估唔到dinner媲美西餐出品🫶🏻✨Dinner set $128 for 1✨❣️蘑菇湯❣️吞拿魚沙律蘑菇好多碎粒 口感豐富🍄🟫 菇菌味好香🫶🏻吞拿魚沙律配搭幾好 吞拿魚濃郁🐟加上清爽沙律菜🥗❣️法式白酒燉雞配香草麵包 +$20作為cafe佢嘅廚房出品好有誠意🍽️ 一般cafe完全冇見過呢道菜🍾係傳統嘅法菜🇳🇱 雞肉用咗雞髀🍗 煎香完再用白酒忌廉等燉到收汁✨有蘑菇洋蔥煙肉香草煮得超濃😛🧅🍄🟫 加個意粉落去一定好正🤣配咗兩塊烘咗嘅麵包點汁食🥖 仲有四大塊雞肉其實都幾飽🐓❣️香煎三文魚扒配瑞士薯餅及意大利青瓜 +$20火候控制得好出色 三文魚係啱啱好熟🐟 喺屋企自己煮好難做到 皮仲係有少少脆🔥薯餅係加咗洋蔥Bacon以及Creamy嘅薯仔煎成🧅🥓🥔 配上啲魚油味好夾😛擺盤亦都好有心思 連醬都抹得好靚💕❣️Americano (Hot)❣️Earl grey chocolate +$12嚟到好大嘅原因係想欣賞佢哋靚靚拉花🫶🏻🥰真係每次都冇令我失望 今次拉咗隻可愛嘅狗仔🐶 飲落有earl grey嘅香味又有朱古力嘅甜✨至於熱阿美就跟餐唔使加錢 非常荷包友好☕️
繼續閱讀
⋆˚ʚɞ呢間Cafe走純白色簡約風格，裝修設計以簡單清新的元素為主，令人一入到去就感受到寧靜同舒適嘅氣氛🤍✩⡱慢煮雞胸配南瓜栗子意大利飯🎃 – $98 呢道菜係健康飲食嘅不錯選擇，整體味道清淡而不寡口.ᐟ.ᐟ南瓜同栗子份量都足夠，南瓜甜香濃郁配合栗子嘅綿密口感，為意大利飯帶嚟豐富嘅層次感味道⸝⸝⸝♡ 雞胸肉質偏乾同稍為鞋口，欠缺嫩滑感୨୧ 就算喺Weekend嘅晏晝時段，呢度都唔算太多人，唔會有嗰種人頭湧湧或者逼迫嘅感覺。整體環境寬敞明亮，加上白色牆面同簡約擺設，俾人一種清新自然嘅感覺，特別適合鍾意靜靜地做嘢、睇書或者同朋友傾偈嘅人。呢度嘅氣氛唔單止舒服，仲好適合影靚相，隨手一拍都影張文青相🤣
繼續閱讀
由旺角分店一路跟到北角，本來貪佢咖啡拉花靚，點知晚市先係隱藏王牌！$128套餐包湯、沙律、主菜同咖啡，街坊價錢食到西餐廳質素。🍽 是日晚餐實記：• 蘑菇湯 + 吞拿魚沙律蘑菇湯飲到細碎菇粒，濃得來唔會漿口；吞拿魚沙律新鮮，魚蓉鹹香同沙律菜爽脆平衡，開胃唔馬虎。• 法式白酒燉雞 (+$20)真心估唔到咖啡店會做法國菜！雞髀肉煎香再燉，白酒忌廉汁收到稠稠哋，每啖都掛滿蘑菇煙肉香。配兩塊烘脆麵包點汁，食到最尾想搶對面枱嘅包——四大件雞肉加汁，女仔食半份已飽。• 香煎三文魚扒 (+$20)魚皮煎到薄脆，肉剛熟透唔柴。最驚喜係伴碟薯餅：混咗煙肉洋蔥，外脆內軟索盡魚油香。青瓜片解膩，擺碟靚到影相呃到人以為去咗酒店。
繼續閱讀