Paul Lafayet

營業中

休息中

早前老公同事送咗4張呢間嘅法式焦糖燉蛋劵俾佢,到22-10-2023 (Sun)晏晝,就同老公嚟呢間換嚟食,我哋搵到佢喇,就上前兌換,店員問我哋要唔要焦糖?老公答要.咁佢就喺凍櫃裡面拎出嚟後加糖同用火鎗燒,然後問我哋要唔要膠餐具,同入咗盒後要唔要紙袋?由於我自己帶咗膠匙羹出嚟同諗住即食,所以兩樣嘢都唔要.我哋就即刻走出去附近坐低食,影好相就食喇,面上嘅焦糖已經凍咗,食落佢係脆同甜,而燉蛋本身滑同唔太甜,OK 嘅.$50.00一個,我覺得唔係好值,因為冇乜驚喜.食完之後,我哋即刻抹乾淨還返呢兩個器皿俾佢哋.題外話:返到屋企睇睇個盒,原來買咗後放入雪櫃雪住,可以喺兩日內食用.如果唔係住喺附近或喺附近返工,可能要喺冬天至買喇.

特濃朱古力脆餅$60以蛋糕演繹經典歌劇的神髓，外型儼如宏偉歌劇院裡一排排的觀眾席。底層是果仁糖脆脆，上面再重覆鋪上朱力忌廉、杏仁味海綿蛋糕和朱古力慕絲。整件蛋糕都非常美味，朱古力味濃，不算太甜，亦不太苦，每當諗唔到買邊款paul lafayet蛋糕，特濃朱古力脆餅一定不會失望。面層有有粒迷你馬卡龍。

最近收到一對新人送既餅咭，比左個機會我試下講真平時要$60買件cake都真係幾貴，會唔捨得今次揀左Tiramisu黎試，個cream好軟滑，甜度適中，中間浸左酒既餅乾變到好像海綿蛋糕咁，酒味唔會過重，整體黎講係好食既😋而我最鍾意係食完可以留返個杯🙈個杯都好靚，唔想浪費

呢間野有好多分店，總有一間係你屋企附近，今日就去左葵芳既分店去買cake，買左2件細既cake一件比朋友，有一件係自己食既，其實應該係一齊share黎食。我想講真係太太太好味啦，2件朱古力味都好濃，有一件係比較creamy啲既口感，食落真係好想食多n咁多舊，有一舊就比較硬既同比較苦既，如果你鍾意苦少少就要買長方形個舊，如果係鍾意creamy啲既就要買圓形個舊，呢間店都真係出左好多款迎合唔同人既口味👍

今日係星期五🫶🏻要食甜品獎勵自己！大家都辛苦曬啦🫂🛎 $50 法式焦糖燉蛋店員會即場撒糖，即場用火槍噴成焦糖😚馬上聞到非常香最好即食，如果唔係啲糖會融左變成糖水～🌐 環境/服務唔係大鋪，係類似一個永久pop up store咁😂店員一腳踢，但係四面八方都有客人🥹勁🙏🏻

朋友生日🎂因為朋友中意食朱古力關係所以去左Paul Lafayet 買左Chocolate Craquelin - Delight Cake (3-5ppl)不嬲PL蛋糕都落足料🎂呢款朱古力味超濃 而且仲好重手每一啖都係濃厚朱古力😍中間夾雜住粒粒almond nuts好有口感🌰🥜 佢既餅底好鬆脆🫓整個蛋糕有5個layers 雖然比起坊間少少貴 但中意食朱古力既朋友 🍫呢款蛋糕好值得買🤎

呢一間出名食焦糖燉蛋，店員係你叫完之後先會將砂糖放上喺燉蛋面，再用火槍燒燶佢，佢哋會貼身啲提醒你要半個鐘頭內食，如果半個鐘頭食唔到你可以選擇唔好燒住，佢會另外用袋入啲糖俾你返屋企自己燒買完之後，係新都會嘅草地度食啦，佢嘅焦糖真係好香，嗰啲雲呢拿籽同蛋嘅香味，加埋焦糖好好食但如果原價$50 1個就會有少少貴，所以我見都好多人都係用coupon買，或者就係換嘅為咗響應環保，佢有活動只要有八個吉嘅碗，就可以換一個燉蛋，其實都幾抵嘅

Paul Lafayet的甜品不嬲都好精緻🤫呢次經過就叫左Creme Brulee法式焦糖烤布蕾 HKD$50焦糖燉蛋超級香滑呀～，店員姐姐會喺客人購買後才在燉蛋上加上黃糖，店家現場以火槍燒約1分鐘而成焦糖脆面，剛吃會溫熱冰涼雙重口感😍😍😍不過佢就suggest 1hour內要食用～如果大家趕唔到就可以自己返去燒😁😁💛Creme Brulee法式焦糖烤布蕾，由這個Paul Lafayet做出來的，上頭佈滿了烤過的糖衣，有點帶焦超吸引🙈🙈

6月係法式焦糖燉蛋節，見到$250 買10張creme brulee voucher, 明明原價$50/pc, 而家即係半價，$25 食到Paul Lafayet 招牌creme brulee, 可以話係好大隻蛤乸隨街跳，諗都唔使諗即買啦等左一個月先收到voucher, 不過絕對值得，有人覺得movenpick vanilla 雪榚有vanilla 籽好足料，咁呢個creme brulee 一樣，一樣有vanilla 籽，非常香濃軟滑，配埋燶燶地既焦糖係面，唔會話好甜，配合得岩岩好😋 非常推薦呢個甜品連呢個creme brulee 既器皿都好有誠意，印有Paul Lafayet 店名，好有質感，千祈唔好食完就掉，可以留返黎用，放髮飾放碎銀or 做豉油碟都得

成日聽聞呢間店既焦糖燉蛋好好食，不過見佢既產品價錢都偏貴一直卻步，今日岀糧啦所以獎勵下自己先透過櫥窗見到甘多唔同種類既甜品，五顏六色甘，排列得好整齊，真係搞到每樣都想食啊！今次買左五樣，有3款比較好食1）最岀名既焦糖燉蛋： 職員即刻用火槍燒，真係隔住口罩都嗅到個焦糖味！食落內餡超滑溜同好香雲呢拿味，加上脆脆既焦糖外層，層次豐富 不過食多幾啖開始滯滯地2) Tiramisu: 我係因為個杯仔好得意所以先買但呢個真係有驚喜，好香咖啡味，Cream好滑帶微微芝士味，整體超夾，大杯d就好啦3）朱古力蛋糕超好食，一層朱古力Cream再一層杏仁甘疊加，層次豐富！朱古力味好濃又唔過甜，應該係70%左右，岩哂朱古力控！

經過見到個個都買呢款野多就忍唔住想試下見$50咁細碗都1516試唔試好好似唔係好抵咁🙈一試終於明點解咁貴😂面個層焦糖係你買時店員即場整既講明最好30分鐘內食入面燉蛋滑到不得了好似食緊豆腐花咁而佢亦都充滿住雲尼拿味既好不自覺咁一啖一啖咁食而且味道岩岩好唔太甜好快就冇哂lu🙈食完個盆唔好浪費呀，可以留返黎自用都可以呀自己用黎整下甜品都幾靚希望佢有機會做特價或買一送一啦一定會衝去買食完可能心思思又會想再買黎食

今日來到葵芳，見到呢間甜品鋪，知道個焦糖燉蛋好出名，就買左一個試下！店員同我地講30分鐘內要食，如果唔係個焦糖會溶，大家記得預返時間講返味道😋，焦糖燉蛋加左新鮮忌廉和馬達加斯雲呢拿籽，配上金黃香脆的焦糖，好味！如果係整完即刻食，個糖霜因熱結成硬塊，而下層燉蛋冰涼軟滑，應該會更加好味😋價錢都好抵，$50仲送埋個陶瓷容器，好有心意店員仲比左張宣傳單，買10張禮卷可以半價食焦糖燉蛋，鍾意食既朋友可以考慮下

消費券網上訂購有得$300-$100，加上屋企人生日，終於試左呢間舖嘅蛋糕，居然係好甜同好漏，相當失望。唔係我想像中充滿伯爵茶味嘅蛋糕，而係芝士蛋糕夾住伯爵茶味嘅啫喱。因為我自己主張大時大節先會買完整嘅大蛋糕食，所以一有人生日先會買自己好想試嘅味🤣，期待左好耐，唔知係咪希望越大失望越大呢。

係好耐之前，係paul lafayet 個官網免費登記做會員，今年生日優惠有25% off, 真係超級開心。佢個discount 仲可以買乜都得，所以就藉着今次個機會想買幾多就幾多。macaron 本來$24粒，而家$18, 蛋糕同cream burlee 就由$50減到$3x. 好抵食。本身已經鐘意佢d macaron, 心水推介係熱情果同cappuccino. 而蛋糕方面，其實我覺得一般，但佢個tiramisu 好好好食，大推！！！

慶祝母親節又怎能少了蛋糕的環節呢？由於揀了法國餐廳用膳，而且方便大家吃用！所以就買了這個品牌的蛋糕囉！因為6個人每個人的口味都不同，所以就揀了廿種不同的蛋糕！每件都係$50！1.Yuzu Mandarin Mango Cake - Artisanal Pastries 造型像個柑仔，但吃落是啖啖的芒果味2.Royal Chocolate Cake - Artisanal Pastries黑朱古力愛好者一定很喜歡！3.Tiramisu - Artisanal Pastries芝士餅味道濃郁，而且吃完還可以用小瓶子盛裝其他東西！4.Crème Brûlée Cake - Artisanal Pastries雲呢拿與焦糖的配搭，適合喜歡清淡味道的食家！5.Crème Brûlée這個品牌無人不曉的甜品！香脆可口的焦糖配上滑漏漏的燉蛋！好味😋