Patisserie Mon cher (已結業)

父親節之後是端午節，現在又有世界盃，近排真是太熱鬧，大家心情太好本來與爸爸飲完茶之後已經好飽，但甜品是第二個胃，仲去買 cake 食，日本蛋糕係貴啲，但是有質量，Mon Cher 招牌堂島卷我之前食過，大家今日嚟試其他口味。我最鍾意呢個香橙味，十分橙味，而且還有新鮮橙肉在面頭同埋底層，橙忌廉與牛奶忌廉一樣幼滑，橙乾都可以咬兩下，有鮮橙味。另外嗰件芒果雙層芝士蛋糕，直情芝士粉絲至愛，有芒果味，日本芝士蛋糕冇咁膩，好食。

原味堂島卷 真正的愛情是無需原因的，一見鍾情更加憑直覺，但愛上堂島卷，原因就有兩個，首先只因你太靚，貌似瑞士卷，但白雪雪的忌廉何其豐富，見者垂涎欲滴。 其次就是因為你太好味，來自北海道的忌廉，高質、幼滑、味香、輕盈、感覺就是新鮮，配合軟綿綿的蛋糕，口感超級舒服，唔會太甜，味道啱啱好，食一件完全唔覺膩，相信食兩件我都冇問題！ 檸檬千層卷 同樣的忌廉配上千層卷，口感不一樣，卷比較蛋糕實在，不及前者的輕身滑溜感，但就充實及有點嚼勁，各有千秋。 但如果要我選擇，堂堂卷勝。

✿╮❤╭✿ ✿雜感女生 好味日記✿ ˚*•✰。Patisserie Mon cher．Je t'aime mon cheri。✰•*˚ ✿✿Dolce Vita @ 中環✿✿ ❤餓底飯聚．食勻全世界❤ ❤吾係POL - Peggy On Line．Proof Of Life❤ ❤ 時光總是在漸進式的流動 在中環邂逅法式情調的日本花系餅店 花花少女設計，很令人心動 不只切餅、曲奇，更連忌廉結婚蛋糕都有！ 浪漫氣氛籠罩下，令人不知不覺走進去 適逢本小姐的生日月 與友飯聚後 自當來個甜甜的餐後甜品！ 賀一賀佢！ 原味堂島卷 被稱之為招牌，一定有水準 此一神品，源自自家製北海道產牛乳 一試果然，忌廉之皇，當之無愧！ 香軟幼滑，奶香突出，令人一試難忘 令沉迷奶香的甜品愛好者無法自拔 檸檬千層 鮮果香的千層cake不易整 功夫在於一層cream一層cake 逐層逐層做，足有20層的pancake 效果就是豐盈香軟 此品薄而平滑，檸檬酸香帶動味覺 跳入輕鬆溫柔的奶香中 手藝非凡的甜品 令人一試愛上，一定可以歷久常新 下次一定再上中環尋找我的愛人——Patisserie Mo

最近在中環行街，竟然發現這家餅店在中環開了分店。既然有緣遇上，當然要襯機會試一試。店鋪富有日式味道，廚窗擺滿各式蛋糕，還有卡通系列，非常吸引。而最出名應該是這裡的堂島卷，以100%北海道生產直送的忌廉製成，而有多種不同口味。這裡的食物，除了外賣，亦設有座位可供堂食。堂島卷堂島卷充滿蛋香，中間有大量忌廉，口感香甜順滑，而且沒有膩的感覺，難怪會成為招牌貨，令人一試愛上。檸檬千層蛋糕上的兩片檸檬令到蛋糕的”檸檬感”更實在。中間可以清晰見到”千層”的效果，入口口感豐富，會嚐到一層又一層的感覺，還帶有淡淡的檸檬味，其味道不會太搶。堂島卷的確非常吸引，難怪它的分店越開越多。相信當你吃過以後，你也會發現它的過人之處。

同事介紹喺擺花街有一間新嘅餅店，主打係選用北海道3.6牛乳製造既堂島卷同千層蛋糕， 放工就同胖侶過嚟試下。餐廳嘅環境都相當girlish，以白色為主色嘅裝橫，配上天花板嘅水晶大吊燈，餐廳內重搵到唔少粉紅色同橙色嘅裝飾，真係未食個蛋糕經已覺得甜啊。堂島卷，估唔到連個托盤都咁靚，中間部份仲要係用鏡造既，外層嘅蛋糕軟綿綿，有住好香濃嘅蛋味，蛋糕本身唔會話太甜，加埋中間用北海道3.6牛乳打成嘅cream食個甜度就啱啱好喇，個cream用得3.6牛乳嚟整，口感果然份外軟滑，最鍾意佢個蛋糕同cream嘅比例，設計得啱啱好，誰也搶不了誰的風頭。檸檬千層，做千層蛋糕非常之考功夫，逐層逐層做，閒閒哋都有成二三十層， 呢度嘅千層每一層都做得非常之薄，夠哂口感，而且賣相好好，外形完整平滑，每層之間香濃嘅奶油味更加係靈魂所在，伴隨著酸酸甜甜嘅檸檬香味，滿足就係咁簡單。除咗蛋糕之外，呢度仲有咖啡，宇治抹茶，水果茶同埋雪糕，臨走見佢個大蛋糕都好靚，下個月堂妹生日可以考慮下喺度訂番個喎。

上個週末去咗荷李活道， 蘇豪行下影相，扮下文青。 影完靚相之後就梗係去醫肚啦~路經呢間位於擺花街嘅日式餅店， 難免被花巧奪目嘅櫥窗所吸引。 呢間餅店用上咗各種花朵佈置， 少女情懷十足。 櫥窗外更放滿咗日本職人親手做嘅忌廉結婚蛋糕， 雖然係dummy蛋糕, 但可睇出那種非凡手藝，即將結婚日朋友不妨考慮一下。今次就揀咗堂島卷切餅，以及堂島千層兩款蛋糕。先講下堂島卷切餅，忌廉同蛋糕嘅比例係1比1， 千祈唔好以忌廉比例咁多食落會好滯，由於用咗北海道嘅牛奶做忌廉， cream帶有濃濃嘅奶香， 而且亦甜到亦剛剛好， 一啲都唔會覺得膩。 至於蛋糕就充滿著濃郁嘅蛋香，一切落去就知道口感非常鬆軟， 空氣感十足。 難怪堂島卷可以成為呢家日式餅店嘅招牌蛋糕啦~另外就叫咗堂島千層蛋糕， 呢個堂島千層蛋糕有成20層pancake， 每層pancake都煎到好似紙咁薄，中間塗上薄薄嘅忌廉，用叉切下亦唔會變得鬆散。 班戟口感帶點煙靭，同軟滑嘅忌廉形成強烈對比。 每一口都帶來強烈嘅滿足感。由於太好味，忍唔住都買多幾件返屋企孝敬老媽子， 屋企人都大讚非常好食呢~

週末假日途徑中環擺花街，熱力澎湃底下都要嚐甜的味道。店鋪細小，格局全走悠閒感及純白色舒適度高。旁邊放有椅子給客人享用西餅，當細心觀看你會看到有老闆的報導，原來是日本人遠道以來開卷蛋店。日本人氣卷蛋店旋風到港，現在更開至四間分店的確了不起。原味人氣卷蛋忌廉卷蛋的忌廉相當豐盈而且不會太膩，再者能夠做到滑溜而不膩確實不俗。每一口的蛋香與新鮮的忌廉令人回味無窮。檸檬千層餅平常千層餅大多以原味為主，首次品嚐混合了檸檬香甜，相當醒胃。毎一層都有忌廉包著不會太厚而且相當鬆軟。

之前跟女朋友去到中環影相, 因為天氣天熱同埋行到腳仔軟, 行過見到呢間黎自日本的甜品蛋糕店, 入面仲有幾個堂食位, 我地就諗都唔諗入左去買左兩件蛋糕坐低慢慢食, 順手休息下除左有唔同既蛋糕賣之外, 原來呢度都有雪糕同埋唔同既飲品賣店內都唔算好大, 但就有幾個堂食位可以俾你係度小休同享用佢地既甜點.我地一人叫左一件食, 一件係原味千層, 另一件就係佢地個皇牌堂島卷原味切餅呢個皇牌第一次係日本食, 俾佢入面軟滑既Cream所吸引, 外面是海綿蛋糕, 包住好多白色軟滑Cream外面蛋糕好軟熟有空氣感，有蛋香味，連埋唔同口感的Cream一齊食真係太好味了, 唔會太甜, 香港食同日本食味道都好一致!而原味千層就有另一番風味, 千層好有口感, 不過Cream就唔夠切餅多, 不過層次好豐富, 甜度適中, 不過我自己比較喜歡切餅多D!

那天工作過後，在蘭芳園吃過午飯後都已經差不多3點多，天氣很熱，想要吃點甜點..或是雪糕呀..路過看到這個...吸著我的眼睛原來還有蛋糕呢~啊...我認出來了，堂島卷是我之前在sogo有買過來試裡面很多cream又冷冷的...看到就想吃店面雖然不大，不過竟然還有堂食而且店員都很nice看到有其他款，就試一下有水果的夏天想要一點fresh的感覺 水果不要看他這樣好像小小的其實打開都很深，大顆的不過我挖開了覺得拍照不好看，沒有拍男友覺得他蛋糕那一part都做得很好蛋香味重，又鬆軟我個人會推薦沒生果，這樣會比較能吃多點的cream原來他們還有三文治，不過我吃飽了不然想試一下...

但凡附近有 《 Baby Mon Cher 》，通常會買件「堂島卷」來吃，那份濕潤的乳甜，不只是慰藉一下甜胃這般簡單，吃後直情會有直奔天堂的 fantasy ( 可說是我個人的迷幻藥 )。那天直接走上羅便臣道探望家人之際，我們決定繞別的路走，因為忽然記起朋友告訴我在擺花街上開了一間 《 Baby Mon Cher 》，就是這樣我有不去的理由嗎？ 從店外往內面窺探，那兒有白長櫃造出來的吧檯，放上幾張看似典雅的吧椅，使店裏是多了幾分優雅。 「堂島卷」是必吃，所以我留待最後才吃；另外再點一件顏色鮮豔，搶眼球的「日本甜王草莓慕絲」，當時是期間限定的產品呢！ 草莓慕絲的細膩幼滑，味道香甜，內層加入由酸甜草莓造成的果茸軟心，讓口感的幼滑增加清新感覺。 「特製玉子燒三文治」 鬆軟的兩片去皮厚麵包裏夾入同樣是厚厚的玉子燒，玉子燒的味道是甜而有奶香，口感嫩滑得猶如在吃化裝綿一樣，如此的甜蜜想把這份三文治當作是鹹點也難了。 「冰玫瑰花茶」 下了糖漿，優雅的玫瑰香氣會隨著冰飲的冷度把清新甜蜜伸延全身，我就是喜歡玫瑰的香氣，玫瑰的氣味與我點的以上食品也很搭 味道 4環境 3服務 3衛生 4抵食 4

日本的我，為了搏得女友的歡心，特意到中環擺花街購買人氣卷蛋。店鋪不算那麼大，而且只有少量的雅座給予客人吃蛋糕。餐廳大多以件裝切餅為主，但都有生日蛋糕、卷蛋、咖啡、花茶等，應該少女的女友定必喜歡吧。入內還有少少生日的裝飾物，例如: Happy Birthday、Candles 蠟燭等，色彩繽紛更添美麗。卷蛋的日本人氣堂島卷,新鮮出爐蛋糕份外鬆軟!加上以北海道產牛奶製作的忌廉,其牛奶幼滑口感!蛋味香濃蛋糕一捲即成為招牌堂島卷。

作為一個哈日族對日本的東西都情有獨中，之前去旅行時曾經試過呢款蛋糕，一試難忘，估唔到香港都有得食！之前去中環出席活動，離開的時間就路過呢間專門店，我立即撞入去了！店鋪其實係日資的百貨公司等地方都有售，而呢間專門店就行中環上一條電梯旁，地方都好易搵到！專門店有多款的款式選擇，仲有飲品同雪糕出售！一場黎到點都要買返兩件蛋糕走同男朋友一齊開心Share啦～體貼的職員都放置了一包冰袋，可以讓蛋糕在室溫內擺放2小時都可以！堂島卷原味切餅 HK$40其實有原條出售，不過我地都係想過下口癮，呢個原味真係唔可以唔試，呢個蛋卷形狀中間有間不少的Cream，外面就包著蛋糕～外層的蛋糕好軟棉棉，好有空氣感，而且有好蛋香味，配合左中間超軟滑的Cream，Cream的奶香味好濃郁，真係食落有超幸福的感覺！朱古力千層 HK$46作為朱古力愛好者，見到佢有個千層就一於試試～上面佈滿可可粉，而千層真係有數唔到咁多層，食落口感十足，而且中間夾著朱古力味Cream，朱古力味十分濃郁，一試難忘！

食甜品對女仔黎講，絕對係第二個胃。同朋友食完野,就黎中環呢間cafe 填飽我嘅胃🤩係櫥窗入邊見到有好多甜品，都好吸引，但呢度最出名嘅係卷蛋，咁梗係要食佢嘅卷蛋啦👯‍♀️入到去環境舒服,有幾張櫈可以坐下，可以同朋友吹下水，環境佈置簡潔清新。堂島卷甜品一到就好興奮，呢個就係招牌嘅卷蛋啦🤩一用叉吉落去，就見到個卷好鬆軟。食落卷蛋同入面啲cream好夾，卷蛋嘅皮好鬆軟，仲有啲蛋香味，而入面北海道產牛奶製作的忌廉好滑，濕潤感重，食落唔甜膩。楊枝甘露卷呢個就係有料既堂島卷😂其實佢同招牌堂島卷嘅主要分別就係入面有餡，係有芒果、西米露等既材料係入面，好特別，喺度卷入邊真係食到楊枝甘露嘅味道，而因為佢入面有芒果酸酸甜甜而同入邊啲cream完全冇違和感。

數月不在香港，沒想到連中環的變化也很大，四處都是新開的食店。相約朋友共進午餐，分開後，獨個兒慢慢逛一下這好久不見的區域。途經想試已久、上年由日本打入的人氣蛋卷店 Patisserie Mon Cher，看看手錶，正好是三點三下午茶時間。天意如此，那就唯有入去吃一件蛋糕吧！蛋糕款式很多，主打當然是不同口味的蛋卷類，有原味堂島卷、抹茶堂島卷、水果堂島卷，居然還有香港限定的楊枝甘露卷。花多眼亂，最後決定一嘗最原始的味道，便能知道大概。原味堂島卷($40)，賣相十分簡單，沒有任何花巧的裝飾。這麼平凡的忌廉蛋卷竟能紅遍日本，然後來香港開分店，定有過人之處。外層的蛋卷軟熟，有如海綿一般，非常鬆軟，而且充滿雞蛋香。忌廉香濃幼滑，帶一絲甜味，配合蛋卷一起吃，甜度剛剛好。這個入口即融的忌廉，不但幼滑，更吃得出牛奶的香味，果然毫不簡單。這麼新鮮細緻的忌廉，值回票價之餘，亦令人回味無窮。吃過原味堂島卷，決定買一件水果堂島卷孝敬媽媽。沒想到包裝盒也這樣認真、漂亮，令媽媽也少女心盡現。水果堂島卷外貌簡單漂亮，水果甜美，配上柔軟的忌廉又是另一種享受。

每次經過擺花街Mon Cher， 都會被那一圈一圈的堂島卷吸引目光， 今天決心小資一下進去吃個下午茶嚕！ 店內外的冰櫃裡陳列了各式糕餅， 有簡單如卷蛋的， 也不乏賣相華麗精緻的切餅蛋糕， 應有盡有， 不過今天的目標還是堂島卷啦~~~ 堂島卷製作時都用上的北海道牛乳鮮忌廉， 都由日本自家牧場直送。 原味堂島卷中心是一大團鮮忌廉， 味道意外的清甜， 完全沒有一般忌廉的油膩感， 外層蛋糕極綿軟， 簡單，卻最能品嚐出其原始美味。 楊枝甘露卷是香港限定款， 本以為是將楊枝甘露打成忌廉(？)， 原來是加入了楊枝甘露夾心， 是有一點點失望啦。 待一口咬下軟綿綿蛋卷， 忌廉依然清甜滑嫩， 楊枝甘露也有完整芒果粒跟大片西柚肉， 酸甜果香搭配忌廉味道和諧不膩， 反而令忌廉的清甜更突出， 也算有驚喜！ 店裡還有售賣飲品跟軟雪糕， 下次經過時再試試~！