1
5
0
所有分店 (6)
電話號碼
28111243
營業時間
今日營業
08:00 - 17:00
星期一至六
08:00 - 17:00
星期日
全日休息
公眾假期
全日休息
付款方式
Visa Master 現金 八達通 Apple Pay Google Pay
食評 (10)
等級6 2019-11-19
11 瀏覽
星期日同朋友去一間位於香港科技大學附近的有機農莊參觀,之前順道在科大開餐,心中嘀咕,原來已經有幾好多年沒有入過科大了。聽朋友講,餐廳原址本來係一間學生飯堂,不知道什麼時候變了「Passion by Gerard Dubois」。雖然唔清楚之前的學生飯堂是什麼裝修風格,但現時的餐廳裝修就完全是一間法式輕食店。一邊是開放式廚房,炮製意大利麵、Pizza、玉米薄餅、沙律等等各款簡單食品及飲品;始終餐廳老闆是瑞士籍甜品糕點廚師 Gerard Dubois,當然不能缺少精緻法式糕點。其他空間就是開放式座位區,可能餐廳位於大學範圍之內,餐枱餐椅較為簡樸,亦有很多大大張的木餐枱,整體風格保留了一些大學飯堂影子。擺在餐廳門口的小餐車,除了作為裝飾用途之外,亦擺放了各個熱盤餐牌。不過,餐牌上的照片有點假,美化了菜式的實際賣相;想睇真啲就要望望開放式廚房的櫥窗。估唔到一間細小的法式輕食店竟然如此環保,採用粟米芯澱粉渣滓製作的即棄餐具,亦沒有刻意宣傳,就像是應有的基本態度,實在非常抵讚!反觀很多本地大型連鎖快餐集團,根本不願意花費這些額外金錢,或者只是剛剛起步響應環保,停留在不供應塑膠飲管的階段 ⋯⋯ 是否應該覺得慚愧?煙三文魚配“40隻蛋黃”意大利幼麵($72)名字很奇怪,“40隻蛋黃”代表了什麼?就算真係有40隻蛋黃,但如果係一大袋幾十公斤嘅麵粉,雞蛋黃份量都係唔夠。講返碟意大利麵,賣相完全唔得,同普通小餐廳沒有太大分別,原本預期一間標榜為法式輕食小店嘅餐廳會做得較為吸引,結果卻是更大眾化的「Delifrance」更勝一籌。味道方面,勝在煙三文魚大大塊,但太乾身、唔夠嫰滑,亦欠缺煙燻香氣;麵條太硬,咬落去太乾身,加上欠缺醬汁,唔好食。忌廉蘑菇長通粉($69)及牛肝菌意大利飯($69)賣相同樣完全唔吸引,只是隨便將一些芝士碎灑在表面,並沒有與醬汁融和在一起。尤其意大利飯,太多醬汁、太稀、太濕身;反而長通粉就太少醬汁。幸好味道方面可以接受。薄餅批底標榜為黑麥酸麵糰,可能健康一點吧?叫了煙三文魚薄餅($74)及三款芝士薄餅($67)。煙三文魚份量很多,但望落去薄餅批底好似係預先焗好,有客人落單後才舖上餡料,再放入焗爐翻焗一會而成。這個估計在三款芝士薄餅(包括軟芝士、巴馬芝士、水牛芝士)尤其明顯,薄餅批底邊緣特別焦燶、表面已經融化了的芝士又太過整齊。雖然薄餅很大機會不是新鮮即叫即焗,但批底都算厚薄適中、夠鬆軟。採用 illy 品牌咖啡豆沖調的 Caffe mocha ($28)及法國高級朱古力品牌 Valrhora 調製的朱古力熱飲($26)很抵飲,非常吸引;但唔知點解凍朱古力要 $52?尤其是 Valrhora 朱古力熱飲($26),充滿可可豆的香濃、甜度低,係一杯真真正正的朱古力(可可)熱飲,遠遠勝過價錢更貴的兩間大型連鎖咖啡店出品。差不多所有精緻甜品全部特價,原價 $45、特價 $34,實在太吸引;加上餐廳老闆係法式甜品糕點餅廚出身,冇理由唔叫幾件。每一件甜品上碟時都加上了餐廳名字的「潦草 P」標誌性 logo。四件甜品都很出色,較熱盤好吃得多;只是略嫌偏甜、以及所標榜的配搭食材的味道唔夠明顯。就以朱古力開心果餅($34)為例,外層的朱古力殻可可味香濃,但餡料的忌廉 mousse 及開心果 mousse 就實在太甜了,開心果的果仁香氣太淡。紅莓餅($34)、榛子朱古力餅($34)情況相同。Tiramisu ($34) 的質素相對一般,唔夠滑溜,咖啡酒香、芝士香味唔夠突出。一個主菜加一客法式甜點大約花費 $100,唔算貴,出品質素亦算合格;應該係科技大樓裏面質素比較好的餐廳了。 繼續閱讀
(以上食評乃用戶個人意見 , 並不代表OpenRice之觀點。)
今天去到科大探人,到這間餐廳食個late lunch。去到大約2:45pm,人不多環境安靜,很適合一面喝咖啡一面傾計。我們點了煙三文魚忌廉芝士三文治、牛肉千層麵、凍奶泡咖啡、瑪奇朵,還有兩件蛋糕甜品:榛子朱古力餅和朱古力青檸。煙三文魚同cream cheese本來係絕配,但三文治的麵包估計是雜穀麥包,麵包上面還布滿很多芝麻和葵花籽,其實麵包都很好吃,不過味太濃,搶了煙三文魚和cream cheese的味道,有點浪費了煙三文魚。牛肉千層麵雖然看似很小,但芝士比重高,吃落有點膩濟,不過很飽肚。這裡的甜品蛋糕都外表精緻,味道濃沃,讚。咖啡其實很一般、很正常,雖沒有驚喜,但也不至於不好喝,勝在環境清靜優雅,一人一杯咖啡,坐下喝著聊天,也是一大樂事。對於一般大學生而言,在這裏吃午餐應該算是比較貴,可能正是因此才比較人少清靜。 繼續閱讀
(以上食評乃用戶個人意見 , 並不代表OpenRice之觀點。)
等級2 2019-10-14
106 瀏覽
周末最安全的地方應該是郊外,今日就先到科技大學食過午餐再出發到附近郊遊。揀左間法式麵包Cafe……【Passion by Gerard Dubois】 這間cafe洋歐洲風味,各種食物放在玻璃櫃內而且一字排開,有些似食堂但當然係高級板。Cafe 設有開放式廚房,有個大焗爐可以見到師傅做麵包蛋糕。【Valrhora 朱古力熱飲 $26】入口有種苦澀,但蓋不了可可豆的香濃【三款芝士薄餅 $67】三款芝士包括軟芝士、巴馬芝士、水牛芝士, 薄餅批底用上黑麥酸麵糰比較健康,但口感比較嚡口。薄餅批底邊緣焦燶,奇怪表面的芝士沒有拉絲效果而且與薄餅批好似分離。 繼續閱讀
(以上食評乃用戶個人意見 , 並不代表OpenRice之觀點。)
等級3 2019-10-03
127 瀏覽
今日上完堂就去passion到食午餐,我就叫左個卡邦拿雞肉義大利粉,跟餐就有個湯,$49都唔算貴。個湯方面應該係菜湯,不過就唔算太好飲。而佢舊麵包有無咩味,而且好硬。至於個義大利粉口感唔錯,個汁亦幾好味,但係粉量實在太少,而且d雞肉又細舊又少,令人失望。 繼續閱讀
(以上食評乃用戶個人意見 , 並不代表OpenRice之觀點。)
等級1 2019-09-01
212 瀏覽
周日中午12點到科大跟朋友傾計,想去starbucks以外的咖啡店,多行幾步就發現Passion by Gerard Dubois了。餐廳門外有電子售賣機,但選項裡竟然沒有飲品(?!)入去問職員,飲品餐牌都寫在牆上。可能入座時時間尚早,只有零丁兩個人在吃早餐(或者brunch),音樂播著法文歌,感覺很悠閒。點了一杯咖啡,illy的,是正正常常的americano,才$25,也沒有過高的要求,不過伴碟的杏仁餅乾卻令人有小驚喜——香脆,味道不死甜,有陣陣杏仁香,伴咖啡剛好。總括來說,是個非常抵hea的地方。 繼續閱讀
(以上食評乃用戶個人意見 , 並不代表OpenRice之觀點。)