107
27
1
港鐵旺角站 C3 出口, 港鐵旺角站 E1 出口, 港鐵旺角東站 B 出口 繼續閱讀
所有分店 (6)
電話號碼
29678812
開飯介紹
Passion by Gerard Dubois分店,除了貫徹一站式出爐麵包及蛋糕,此店更獨家推出gelato及素食意粉。 繼續閱讀
特色
飲o野傾計
營業時間
今日營業
08:30 - 23:00
星期一至日
08:30 - 23:00
付款方式
Visa Master 現金 銀聯 八達通 Android Pay 支付寶
其他資料
Wi-Fi
加一服務費
室外座位
當面支付
食評 (151)
等級2 2018-10-08
144 瀏覽
約咗朋友傾啲嘢,想搵一個坐得耐啲嘅地方,地點係喺旺角,真係有啲難度!去朗豪坊見到呢間餐廳係自己order自己拎嘢食,好似唔多有侍應去打擾客人,咁就一於揀佢喇!去order完就會比個「震震器」同單據我坐底等!因為唔係好餓,我只係點咗個煙三文魚沙律,係菜沙律嚟嘅!啱哂平時食唔夠菜嘅我!菜嘅份量都好足亦好新鮮!而煙三文魚大大片,有3至4片!佢用料應該都唔係差!而配搭亦無咩特別!OK咁喇!朋友就點咗個dinner set! 有湯有飲品有主菜!聽佢講,個主菜係千層麵!用上大量芝士,頭幾啖係OK嘅,但之後十分油膩,已經滯住食唔落…… 繼續閱讀
(以上食評乃用戶個人意見 , 並不代表OpenRice之觀點。)
記得第一次黎呢度見到沙律選擇多,睇落幾特別,有啲款出面好少有,就膽粗粗試下,點知一試就愛上,黎到必食我最愛嘅地中海小米沙律呢度環境唔錯,牆上有唔少裝飾,坐係度食嘢好舒服自選沙律,另有三款自選沙律加蛋餅$80,我想食多款沙律多啲有6-7款沙律揀最後我選咗蔬菜伊甸園、雞肉意粉、咖哩雞意粉、地中海小米蔬菜伊甸園:蔬菜有6-7款,新鮮爽口,有蔬菜嘅甜味雞肉意粉:偏咸咖哩雞意粉:加埋咖哩好食好多,辣辣地,愈食愈想食地中海小米:加咗提子乾,甜甜地又有少少辣辣地,好開胃,食極都唔夠喉加多個紅莓千層酥做甜品酸酸地嘅紅莓夾吉士醬,唔會太甜,啱晒唔鍾意太甜嘅我,鍾意好甜嘅人可能會覺得好酸收銀姐姐話酥餅做緊買二送一(揀三件送最平嗰件),梗係買埋返屋企慢慢嘆啦藍莓酸酸地,酥皮夠脆,冇咩特別酥皮底好薄,桃酸酸地甜甜地,酥皮不及藍莓酥皮藍脆青提子上面有層糖痴住張紙好難開到,青提子好甜,三款入面最好味除咗沙律仲有意粉,唔鍾意食沙律嘅朋友可以試下 繼續閱讀
(以上食評乃用戶個人意見 , 並不代表OpenRice之觀點。)
等級2 2018-08-30
674 瀏覽
以前去葵芳新都會Passion多,第一次到朗豪坊地方唔係太大,顧客彼多幾旺場,整體食物可以一試,價錢唔算太平,沙律份量少,服務態度ok啦,可以試吓雪糕個個都話好味道和多選擇。 繼續閱讀
(以上食評乃用戶個人意見 , 並不代表OpenRice之觀點。)
等級3 2018-08-30
462 瀏覽
星期一中午,約咗朋友食飯,揀咗passion,因為唔駛等位又想食pasta. 點咗個蘆筍蕃茄長通粉、一個菠菜蛋餅。呢個長通粉係色香味俱全,睇落簡單但食落味道有層次,加埋蕃茄乾嘅酸酸味道,好清新,芝士粉同本身嘅醬汁又好配合,食落都唔會覺得好滯,係唔錯嘅午餐選擇。友人點嘅菠菜蛋餅,賣相吸引,菠菜足料,蛋嘅份量亦唔少,食落啖啖蛋香同菠菜味,比pacific coffee嗰d好食好多雖然蛋餅睇落好細件,但食完一件已經夠飽,想食甜品都食唔落喇。總結,食物各有特色,唯獨價錢貴咗d。 繼續閱讀
(以上食評乃用戶個人意見 , 並不代表OpenRice之觀點。)
等級3 2018-08-13
544 瀏覽
在朗豪坊行到攰攰哋, 找了這家位於扶手電梯旁的餐廳試試。真實食物陳列品真實食物與陳列出來的食物差不多。 餅底時脆脆的,食材不算多,味道沒有什麼驚喜。 78元一個薄餅有點貴。奶茶是茶包加奶的那種,味道好淡😣吸引我的只有那個 燙金隔熱杯套😂整體來說,餐廳食物味道一般,價格略高。但勝在位置方便,也算坐得舒適。 繼續閱讀
(以上食評乃用戶個人意見 , 並不代表OpenRice之觀點。)