影片
公司攪聚餐，我在網上搵咗呢間到會，見朋友圈嘅朋友都讚好！應該ok! Whatapps溝通為主！ 問咗佢無套餐，係客人在佢嘅相簿揀咗食物，佢再報價！亦可以按客人要求做啲菜色！ok嘅就過數！當日唔係我去攞，同事攞番來！保溫錫袋幾合尺寸，幾企理！因為在同區，所以食物到時都係熱嘅！錫紙盤膠蓋！1）巴拿馬火腿伴哈蜜瓜 $398:賣相靚，哈蜜瓜爽脆微甜，巴馬火腿片賣相較啞色，味道鹹香，不過就較貴！2）香草多士拼牛油果醬 $188:多士片幾多，不過較硬（唔係脆）牛油果醬軟滑，又唔會打到無晒打到無晒口感！好味！3）泰式大蝦柚子沙律 $358:紅柚子肉好多又酸甜，無澀味！去殻蝦爽口，撈啲似泰式風味嘅檸檬汁！酸爽好味！4）鹵水雞翼 $258 (40pcs)簡單又入味，雞翼嫩滑！5）秘製泰式豬頸肉 $288（4塊）燒得幾香口，加埋啲泰式檸檬汁（唔辣）酸爽唔油膩！好味！6）招牌雜錦炒飯 $268 （約5-6lbs)好足料，餸菜有火腿粒、粟米、叉燒粒、菜絲！好豐富，飯粒鬆無結塊！炒得唔油膩好味！7）肉醬長通粉 $298 （約5lbs)長通粉彈牙有咬口，通粉有炒過，所以唔會通粉淡茂茂！茄汁肉醬落得多，酸酸地夠味！8）香芒布丁杯 $198（12杯）唔記得影相，賣相靚，不過食落較硬！芒果味唔夠！一般！9）蒜香蜜糖金沙骨 $288 (25pcs)賣相靚，醃得入味，味道似叉燒醬，甜甜地好味！10）皇牌鮮茄焗豬扒飯 $298:賣相豪華，而且質滿晒個盤，大量芝士絲、茄肉、切件豬扒炸過，唔乾入味，好食，飯有用粟米等蔬菜粒炒底，有味好食！11） 涼拌青瓜萵筍木耳 $168:呢個本來想叫個菜！不過比預期辣，係川菜嗰種麻辣！青瓜、萵筍爽脆清甜，平衡了醬汁嘅辣，木耳彈牙嫩口！好味Total: $3000食物真係唔錯，菜式又有新意！所以幾有驚喜！回覆whatapps嘅同交收時都有禮！回應亦快，店家話唔包餐具！有驚喜嘅到會
繼續閱讀