Parkview (新城市廣場一期)

營業中

休息中

想舒舒服服食個晏，見到依間西餐廳環境唔錯，所以就決定試試💫12:30前埋單有9折，整體CP值唔差～✴️餐包✴️特別表揚依個餐包👍🏻烘到熱辣辣，非常重麵粉香，好有誠意！✴️北海道帶子意大利飯配野菌南瓜忌廉汁✴️有2粒完整嘅帶子on top，表面煎得幾香，但比較熟，如果keep返入面係半熟狀態就更好食😌意大利飯調味自然，食得出濃厚嘅南瓜味，同埋都幾大碟，好似食極都食唔完🙈✴️經典美式牛肉漢堡配炸薯條✴️同樣份量十足，漢堡扒厚身有肉汁，賣相精美唔係亂咁堆疊👍🏻薯條粗身，食完漢堡好飽，食唔哂薯條😅

下午茶時段嚟都冇乜人，職員問我：需唔需要BB凳？我話：好呀2張呀唔該！職員話吓要兩張咁多啊！三大兩細要兩張BB凳好出奇咩……..小朋友想食窩夫，佢有原味窩夫同雜果窩夫，雜果窩夫貴$14，出到嚟所謂嘅雜果係伴碟嘅份量，得1粒士多啤梨切片，4粒藍莓，3片香蕉片。窩夫仲要極度難食！另外仲叫咗個薯條set （好似$60左右），炸 我油冧冧，同樣好難食，麥記都好食過佢！真係食到火都嚟……

晚餐好想食西餐，見到人流不多，坐位舒服，服務態度良好，就試試Parkview吧！🌟酥皮焗龍蝦湯：這是全晚最有驚喜的湯品，酥皮脆卜卜，有蝦肉，湯裏彌漫着海鮮的香氣！🌟麵包是暖暖的，入口鬆軟麥香，好味！🌟全日英式早餐$108食物豐富：卓靈亞腸、煎蛋、燒番茄、炒雜菇、沙律、煙肉、薯蓉、焗豆！元氣滿滿，非常滿足，不過煙肉太咸了！🌟紅酒澳洲和牛忌廉汁意大利飯$168牛肉粒入口軟腍，但肉味不突出，配上溫泉蛋，更為嫩滑鮮味！每粒飯都吸滿了忌廉汁，入口奶味香濃！另有酸酸甜甜的醋漬洋蔥，可以幫助解膩！📍Parkview

💰人均$150🍝帶子南瓜Risotto 好大粒嘅帶子，好多味🥣南瓜湯推薦👍🏻Lunch set好抵食: 湯/沙律+Main+餐包追加優惠：凡惠顧套餐+$15可追加以一款，有四款選擇（香脆薯條，炸薯角，南瓜薯餅，Movenpick雪糕）

收爐前諗住揀間好D嘅餐廳食返個團年飯，同事提議去Parkview。電話訂枱時職員溫馨提示我哋當日好多booking，建議我地早少少到。果然去到已經有好多人等位，等了約10分鐘便可以入坐。午市套餐包括餐湯/沙律，主菜同飲品。我哋叫咗全日早餐、墨西哥手撕豬肉夾餅、巴拿馬卡邦尼意大利粉同忌廉南瓜帶子，另外加$15配南瓜餅。落完單好快所有嘢就泥齊晒，估計預早整好，但味道一D都唔差同夠熱。我自己最鍾意巴拿馬卡邦尼意大利粉，加咗碎芝士同火箭菜特別好味，份量啱啱好，全日早餐都唔錯，有2條豬肉腸加埋煙肉荷包蛋蘑菇同蕃茄，夠晒份量，墨西哥手撕豬肉夾餅入面嘅豬肉有肉汁唔鞋，忌廉南瓜帶子飯味道幾好，只係得2隻帶子扣咗少少分。我哋差不多兩點離開仲有好多人等緊位，下次再去要記得訂枱。職員雖然好忙但都好好禮貌，整體用餐經驗唔錯，值得再去。

今晚去食了二人餐，其實加餐廳個餐牌疫情至依家都冇變過，已經覺得好唔想去食。今晚個蘑菇湯超淡好味。餐廳唔知係咪全部轉左入。之前企喺門口帶位是靚女來的。價錢唔平，但食物質素好差。原本我平時都會隔一個月去一次。其實你覺得一次比一次差。經過今晚之後唔會再去。😡😞😡😞我叫咗個雜扒拼盤塊牛扒超薄羊扒仲細過小朋友的手掌。最好笑係次次啲侍應都會鼓勵你食過和牛餐。總之就係好失望，好失望。仲有餐廳冇客都要話俾你聽坐75分鐘就要走啦。

今日約左我好姊妹食lunch 聚聚服務員都好貼心揀左個比較闊落既位置俾我朋友（孕婦） =）set lunch 都唔錯北海道帶子意瓜意粉帶子煎得岩岩好，入面好juicy香草忌廉汁濃郁有奶香，感覺味道有點似青醬 烤紅酒鴨胸意大利飯有番茄+甜椒係意大利飯度酸酸地幾開胃，感覺冇咁飽滯加埋甜椒 味道層次豐富

係外面睇個餐牌，望落去好似好好食，點知食咗啖，已經feel到賴嘢，我叫咗個黑松露飯，真心未試過可以咁L難食，細佬話寧願食隔離河粉好過，個餐湯都犀利，上枱個陣時懷疑係麥皮😂明明叫嘅係蘑菇忌廉湯，點解上枱嘅時候咁似麥皮，人哋罐頭湯，都好過呢個餐湯，阿爸叫咗個雜扒，個羊架全部羊脂黎嘅，冇咩肉食，個牛扒都OK，但你話會唔會再光顧，三個人食$6-700，我諗就應該唔會啦，真係寧願去隔離食好過，俾錢買難受😅

🤑價錢約 $200 weekend都有dinner set 🪑人齊先可以排隊入坐 星期六晚都唔洗等太耐今次試左個2人dinner set 都幾豐富😋 （$438）Ⓙ 煙三文魚紅甜椒忌廉芝士撻呢個頭盤都幾特別 個撻皮唔會太厚太硬 三文魚都新鮮 Ⓙ 香煎鵝肝意大利飯 鵝肝有2片 都唔算少 鵝肝就襯熱食會比較好 意大利飯配野菌忌廉汁都唔錯👍🏻Ⓙ 慢煮法式鴨髀用南瓜同紅棗紅酒汁都幾特別幾開胃 鴨髀肉質都幾好 唔會好韌 但伴碟ge薯仔粒有唔少胡椒 都有d辣跟餐可揀是日餐湯（甘荀湯）或者沙律🥗仲有香脆蒜蓉包 🍞同餐飲 跟餐仲有2個餐包, 餐飲,沙律🥗或湯 果晚ge南瓜湯都幾好 smooth得黎唔會太膩🎃 沙律就配胡麻醬

Long weekend 去咗沙田同鬼佬啲舊同事食飯。今次食西餐🍽️，鬼佬至愛😂朝早11點半左右已經要等位，仲要限時75分鐘⏳如果人少就冇問題，我哋9個人就有啲難度😮‍💨Set lunch 有唔少選擇，正常西餐嘢：扒類🥩、burgers🍔、risotto、pasta🍝、沙律🥗……配餐包🍞，餐湯🥣/沙律🥗同一杯飲品🥤鬼佬主菜揀咗經典美式牛肉漢堡🍔配薯條🍟份量幾大，裡面嘅生菜同蕃茄都幾fresh 👍🏻鬼佬話舊牛肉煮得唔錯👍🏻very juicy 😋我就揀咗北海道帶子意大利飯配野菌南瓜忌廉汁。得兩粒帶子，有啲少😅不過啲飯就有好濃嘅南瓜味，我同鬼佬都幾鐘意☺️我哋仲叫咗個Nachos 大家share,唔錯，有齊sour cream, salsa 同guacamole, 不過sour cream 就比正常嘅’杰’咗少少。呢度啲嘢味道普普通通，唔係特別好味；但價錢唔平，大部分lunch set 都過$100，lunch 嚟講係貴💸。

- Parkview @ 新城市廣場 -今次去咗新城市廣場既Parkview食晚飯，一齊睇吓我食咗咩啦🤣 慢煮八爪魚墨魚汁意大利飯 ($158)呢個意大利飯既飯底煮得啱啱好，係al dente既口感🤣唔會因為多汁就煮到變糊仔咁淋。墨魚汁味都幾香，有咸咸既鮮味。八爪魚唔會韌，但就冇咩味，可能因為墨汁已經好濃味😅面頭仲有啲松子仁，增加飯既口感。但同心儀對象去食既話就要小心喇，因為食完就成口墨汁，排牙都會黑晒🤣巴馬火腿炸紅蒜卡邦尼意粉 ($128)呢個卡邦尼意粉味道唔算濃，醬汁份量唔算好多。佢既配料有蘑菇、煙肉等等。巴馬火腿味道一般，唔算好有鹹香味。以呢個價錢嚟講唔係好抵食🫣味道 🤩🤩🤩性價比 🤩🤩.5📍沙田沙田正街18號新城市廣場一期1樓117號舖

今晚開完ot諗住近近地，諗住搵間好少少餐廳，simplylixx都食到厭，見呢間menu好似唔錯咁，點左個‘’紅酒汁澳洲牛意大利飯‘’，仲有個溫泉蛋…都唔算十分平$16x無餐，無餐飲，水都無杯，未計加一。諗住唔會太差都算，黎到睇到　1️⃣邊度有紅酒汁？　2️⃣啲牛既位置全部痴住啲硬筋 切都難切 　3️⃣啲牛肉同個menu半生熟個樣完全唔同 衰過快餐啲牛肉、衰過茶記牛腩　4️⃣牛肉無味，仲舊舊都咬唔爛既，舊舊大筋，唔知食緊瘦肉定係牛肉　5️⃣個溫泉蛋唔流既…..　6️⃣佢無比刀我 問佢拎把刀 熱到辣手既 要用紙巾隔住先切到….　7️⃣唯一一件安慰既事，係我放底手機果時，整跌左餐牌落地，有位員工姐姐見我執唔到好鑑戒，佢極速過來幫我執：）感恩…..總結係，我唔明點解叫個飯咁既質都出到餐，咁都過到廚房嗰關？仲要咁多人食，係咪香港真係無野食，定係大家都係第一次中伏？ 定係大家都無味覺既….唔係下下想投訴，係真心性價比低到過份，最後18x$ 個感受仲差過食叮飯呀！ 勁後悔揀左呢間做ot後晚餐……

4月尾星期日相約朋友出來聚一聚，沙田多餐廳就選擇了沙田，大約12:30到達，朋友已經排隊等位，15分鐘內已經能夠進入，好多lunch set 選擇，我哋不約而同要咗all day breakfast ，大約1百幾蚊，唔貴，食物都好豐富，太陽蛋煎得靚，腸都好好味。有我愛的茄汁豆，沙律，食完好滿足😌。

黎沙田新城市廣場行街，arm arm好到下午茶時間，就落到地庫美食層睇吓有咩下午茶餐，見到呢間多人排隊，根住即刻排埋一份先😙排左20分鐘後入去，我睇到餐牌就叫左漢堡包set，加3蚊轉凍飲🥤因為好多人，全場爆滿，等左15-20分鐘先有凍飲，再等20分鐘先有野食個包其實冇想像中咁有牛油香，有d乾硬，塊扒都冇想像中咁juicy咁充滿油脂，d薯條都ok，但希望燶左嘅部分就唔好serve比客人了😗連加一要$144，老實講個味道未驚艷到我再回頭幫襯，如果你想求其搵野填飽個肚可考慮吓，但唔洗突登黎食🥲

黎到沙田區食中午，今次我地揀左位於新城市廣場的Parkview👍衣度係食西餐，午餐有是日餐湯🥰有餐包🍞又可以揀食意大利粉定飯😆仲可以追加小食‼️✨現在分享下我們今天午餐美食😍1️⃣黑松露温泉蛋野菌手搓意粉💕手搓意粉口感幾特別，好食👍可能是餐廳獨家出品，幾有特色🥰2️⃣北海道帶子意大利飯配野菌南瓜忌廉汁💕大大粒帶子，有兩大粒✨好夠味，真係有意大利飯的Feel追加優惠: 凡惠顧套餐+$15可追加以一款，有四款選擇(香脆薯條，炸薯角，南瓜薯餅，Movenpick雪糕)💕我地揀左香脆薯條，大大碟👍✨餐廳大，中午也多人食，不錯吧📍Parkview (新城市廣場)📍沙田沙田正街18號新城市廣場一期1樓117號舖