Parallel

營業中

休息中

2025年5月14日 星期三一直以黎都好想試下呢間餐廳既半自助餐，因為見到網上評價唔錯，性價比好似幾高，所以呢一晚就同老婆試一試餐廳位於亞太中心三樓，一上電梯就已經見到，非常方便，而且門口光猛，裝修得幾有格調半自助餐每位三百幾蚊左右，主菜有好多款式可以選擇，當中比較特別嘅係卡邦尼QQ彈簧麵，從來未聽過，好有興趣想食，所以就要左呢個同伊比利亞黑毛豚肉點完餐就行出去睇下自助區，發現有唔少野食，其中包括三色瓜扒菜，融合左不同種類既瓜類，展現出清新爽口風味呢道菜既特色在於選用茄子、翠肉瓜同黃櫛瓜等食材，透過精心烹調，令到每種瓜類既口感達到最佳平衡茄子質地柔軟，吸收醬汁之後更添風味，帶來濃郁的口感，而翠肉瓜就清脆爽口，為整體菜式增添多一份清新感另外有吞拿魚長通粉沙律，融合長通粉、鮮嫩吞拿魚、爽脆蔬菜同特製沙律醬，帶來豐富口感同層次長通粉煮到剛好既彈牙口感，而吞拿魚就質地細膩，帶有淡淡海鮮鮮味，同沙律醬完美融合呢個係水牛芝士車厘茄，清甜多汁既車厘茄同柔滑細膩既水牛芝士，再搭配橄欖油同香草調味，展現出簡約而精緻風味車厘茄鮮紅飽滿，帶有自然酸甜味，而水牛芝士質地柔軟，奶香濃郁，入口即化，與車厘茄形成完

最近聽好多朋友提及位於觀塘呢間西餐廳有半自助餐食，今日約個朋友聚一聚。《Parallel》的半自助餐餐牌上主菜有好多選擇：牛扒、羊架、手工意粉、牛肋骨及意大利飯等等。前菜有多款沙律、冷切肉、煙三文魚好香甜、芝士，仲有幾款海鮮，包括青口、翡翠螺同白蝦都好新鮮，全部都係任食。是日餐湯~忌廉南瓜湯又香又滑。卡邦尼QQ彈簧麵(鹹蛋/綠茶/傳統卡邦尼)~我哋揀咗鹹蛋，特別啲，曲曲意粉好可愛，條條掛滿鹹蛋卡邦尼醬汁，味道香濃非常可口。自家製蜜糖煙燻伊比利亞黑毛豚肉配牛油飯~上菜時仍然見到煙燻效果，店員開蓋時聞到濃濃嘅煙燻味道，基本上給牛油飯吸收了，黑毛豚肉入口嫩滑，感覺似叉燒，絕對有驚喜，堅好食！這餐廳活動包場有9折，好適合大班朋友聚會。

看見OpenRice這麼多好評，地點都方便，決定約朋友過來這裏吃lunch。餐廳原來是分開兩個舖位。每一邊的舖位都不大，自助前菜在其中一間，如果坐在另外一邊的，就要走出門口去隔離餐廳的另一邊攞食物。自助沙律區：有沙律，前菜，煙三文魚…..不過不失，煙三文魚比較CP值高。紅花蟹肉意大利飯：份量不多，食不出有蟹肉的味道香煎澳洲鱸魚配紅花中東小米：鱸魚皮煎得很香脆，魚肉比較淡，沒有什麼味道。黑湯匙豆腐配三文魚子酥皮盒：酥皮盒外皮是脆的，但入面豆腐比較淡味，配上三文魚子，可能是個人口味問題，感覺有點奇怪。經典黑胡椒芝士手工意粉（配蝦）意粉上來後，侍應會當面磨芝士，手工意粉煙韌度適中，味道不錯，但份量很少。大蝦有5隻，味道偏鹹。四人埋單$800 ，感覺不過不失，手工意粉比較出色。但服務一般般，可能餐廳位置比較窄，穿黑衣服的男士應不停叫我們坐入些，但其實位置是足夠一個人通過的。而且是用和客人對話的時候，感覺不耐煩，可能太忙碌了吧。

這間餐廳的食物水準一如既往地出色，我已經不止一次光顧了。特別喜歡他們的沙律吧！新鮮的材料搭配獨特的醬汁，讓每一口都充滿驚喜。而且，環境也非常舒適，坐位設計得宜，讓人感到放鬆。無論是與朋友聚餐還是獨自享受，都非常合適。我會繼續支持這家餐廳，希望他們能保持這樣的質素，期待下次再來品嚐更多美味！

同同事去咗觀塘 Parallel食dinner，$325就有得任食沙律吧同冷盤海鮮，成間餐廳環境坐得舒服，服務都唔錯。有凍海鮮青口、大蝦、翡翠螺，全部都新鮮，唔會有雪味。沙律冷盤選擇多，有煙三文魚、火腿、芝士、水牛芝士車厘茄，啲芝士夠軟糯，車厘茄又夠甜。蘋果沙律、香草薯仔沙律、甜薯、紅菜頭啲小食都做得幾精緻，味道清新，仲有三色瓜、茄子、吞拿魚長通粉，味道都唔錯。洋蔥薯仔湯湯底好香甜，飲落去夠濃郁，薯仔打得好滑，好暖胃。主菜🐟黑湯匙豆腐配三文魚子酥皮盒一上枱已經好吸睛。酥皮盒焗到金黃脆卜卜，入面豆腐配三文魚子，咬落去有驚喜，豆腐滑同三文魚子啲鹹香好夾，成個感覺幾有層次。🐷自家製蜜糖煙燻伊比利亞黑毛豚肉配牛油飯豚肉食落去好嫩，帶少少煙燻同蜜糖香，完全唔鞋口。牛油飯粒粒分明，送住豚肉一齊食好夾。熱咖啡同熱檸水之後再飲番杯熱野好舒服。

Parallel地址：觀塘道414號1亞太中心3樓302號舖今日同老公嚟咗觀塘食晚飯，我哋喺亞太中心搵咗一間半自助餐餐廳。晚市一位$325 ，包含主菜、飲品、餐湯同任食出面嘅自助吧，選擇非常之豐富。今日餐湯係西蘭花忌廉湯，餐湯有濃濃嘅菜味，好清甜，飲到有啲西蘭花粒。飲品方面，提供基本嘅檸茶、檸水、奶茶等等。今次我同老公都揀咗同奶茶，茶底好香濃，而且糖水係自己落嘅，可以自己調節甜度。出邊自助餐都有好多前菜同海鮮選擇。前菜方面，有多款沙律菜、芝士車厘茄沙律、長通粉、粟米等等。海鮮方面，有海螺、鮮蝦同青口。三款海鮮都新鮮，特別係蝦，食落又彈又又鮮甜。卡邦尼QQ彈簧麵 主菜方面，其中一款揀咗近期大熱嘅捲捲麵。捲捲麵質地好好，咬落軟硬適中，每條都掛滿醬汁。醬汁方面，我哋揀咗鹹蛋黃味卡邦尼醬，食落鹹蛋味好香，醬汁好滑好Creamy。配料方面，有唔少香菇同煙肉。自家製蜜糖煙燻伊比利亞黑毛豚肉配牛油飯另一款揀咗蜜糖黑毛豬配牛油飯。伊比利亞豬食落好柔軟，食落肥瘦相近，有油脂得嚟又有肉嘅口感，非常Juicy。配搭上甜甜嘅蜜糖醬，非常滋味。牛油飯非常香口惹味。活動包場更有九折優惠

餐廳位於亞太中心，主推 lunch/dinner semi-buffet，個set包餐湯、main、飲品同任食沙律吧🥗最平$325一個人，如果想upgrade main做羊架或牛扒就需要加錢，有興趣嘅朋友要注意啦🙆🏻‍♀️另外餐廳都有提供包場服務，最近做緊9折優惠最signature嘅main係黑胡椒芝士手工意粉🍝手工意粉麵質彈牙，而且店員會即時刨芝士係面，聲稱要客人叫停先收手😂至於沙律吧雖然位置有限，但係都有三款冷盤海鮮比客人選擇，個人覺得翡翠螺係最出色，肉質肥美，配埋檸檬汁提升鮮味，另外煙三文魚亦唔錯，肉質同樣厚實而煙燻味濃郁，仲有其他沙律任君選擇- 𝙎𝙚𝙩 𝙈𝙚𝙣𝙪 ($𝟯𝟮𝟱/𝗽𝗽)▫️ 西蘭花忌廉湯 ⭑⭑⭑⭑⭒▫️ 經典黑胡椒芝士手工意粉 ⭑⭑⭑⭑⭒▫️ 黑湯匙豆腐配三文魚子酥皮盒 ⭑⭑⭑⭒⭒▫️ 翡翠螺 ⭑⭑⭑⭑⭒▫️ 青口 ⭑⭑⭑⭒⭒▫️ 白蝦 ⭑⭑⭑⭒⭒▫️ 車厘茄水牛芝士 ⭑⭑⭑⭒⭒▫️ 煙三文魚 ⭑⭑⭑⭑⭒▫️ 吞拿魚長通粉 ⭑⭑⭑⭒⭒▫️ 雜果沙律 ⭑⭑⭑⭒⭒

朋友介紹這間西餐私房菜！.晚餐主菜 + semi-buffet $325/位，幼童 90cm 以下免收費享用自助沙律吧🥰.喜歡喝酒的可 +$88 每位，無限任飲House 紅白酒 2小時🥂.自助吧有煙三文魚、翡翠螺、白蝦、青口、芝士、冷切肉盤、沙律、前菜，相當豐富🥗.店員推薦2款主菜：1️⃣ 自家製 「蜜糖煙燻伊比利亞黑毛豚肉配牛油飯」，上菜好有儀式感，打開聞到陣陣煙燻香味，黑毛豚肉肉質腍滑爽彈👏.2️⃣ 「黑湯匙豆腐配三文魚子酥皮盒」，賣相精緻，滑嫩的豆腐與粒粒分明的三文魚子交織出細膩的層次感.小姐姐服務超好，吃得舒服開心👍主廚👨🏻‍🍳每2個月會更換主菜🥘.關注Follow餐廳，social media and tag 即送是日甜品一份〈每日限定10份）手快有手慢無😬.自家製的火焰焦糖燉蛋 cream brûlée絕對有驚喜，生日、紀念至啱👍

為咗慶祝我的生日🎂老公話帶我去觀塘性價比高的半自助餐餐廳@parallel.by.cheftony食晚餐慶祝，有主菜之外，仲有冷盤、海鮮和沙律🥗的自助區，想食自助餐，但又食唔到多嘢，呢度的半自助式自助餐，係不錯的選擇，餐廳的裝修帶法式風情，環境舒適，坐位舒服！半自助型式的自助餐，適合大家庭聚餐，朋友生日🎂慶祝等團體包場，包場仲有9拆優惠🤩💡主菜：🌟黑湯匙豆腐配三文魚子酥皮盒酥皮盒焗得金黃鬆脆，牛油味濃郁，入面的豆腐口感嫩滑，配上三文魚子咬破瞬間爆出海洋的鮮甜，整道菜創意滿分🌟自家製蜜糖煙燻伊比利亞黑毛豚肉配牛油飯蜜糖煙燻過的伊比利亞黑毛豚肉，一開蓋已散發著煙燻夾雜住焦糖的香氣，豚肉的外層經過炙烤，咬落去有一層薄脆的蜜糖焦殼，牛油飯散發濃郁的牛油香，但入口唔會膩，2者配搭得非常完美🌟自助食物區：🌟海鮮：海鮮類的翡翠螺，青口，白蝦，味道鮮甜爽口，可搭配檸檬和醬汁一齊食🌟冷盤：有煙三文魚，芝士等等，Mina爸最愛煙三文魚🌟沙律：有沙律菜、紅菜頭、長通粉、薯仔🥔沙律、南瓜等，所有沙律菜都非常新鮮，薯仔沙律也調得好入味

Happy THU!!忙左成個月係時間食翻餐好，住觀塘嘅frd介紹我食呢個位於亞太中心3樓嘅Parallel，餐廳係主打法式fusion菜式，環境時尚舒適，地方乾淨企理，氣氛舒服，唔會太嘈，無論同朋友聚會定情侶約會都好啱🤭🤭。主菜嘅選擇相當之多！我都睇到花多眼亂🤣最後我都係問咗店員佢哋最推介嘅產品而當中嘅一款就係卡邦尼QQ彈簧麵（綠茶 )另外我哋都叫黑湯匙豆腐配三文魚子酥皮盒🐟而呢個價錢係每位都包咗一個是日餐湯自助沙律包同埋嘢飲🤣Parallel個沙律吧超豐富🧡冷切肉、煙三文魚、芝士等選擇，沙律菜夠哂新鮮，仲有啲烤蔬菜等等😍😍未食主菜淨係覺得佢嘅自助沙律包已經夠晒豐富🤤唔小得嘅仲有青口、翡翠螺、大蝦，海鮮控一定滿足😛而今日嘅餐湯係西蘭花忌廉湯，唔會好重口味，夠哂香滑😊卡邦尼QQ彈弓麵好夠特別！係我第一次食到呢一種口感！好夠彈牙，煙煙un un，非常掛汁！味道香濃可口食過不停！❤️至於另一個主菜酥皮好香脆😆再配上豆腐同埋魚子口感好豐富🤤呢個組合相當唔錯整體嚟講餐廳嘅質素都相當唔錯，而且店員嘅態度都非常之好!另外店員仲話呢度仲可以做包場，包場嘅話仲有9折添！

今次同朋友去觀塘，試試半自助晚餐，見佢哋都多推介既，有f試過話可以。佢哋自助沙律嘅種類非常多，有沙律菜，前菜，冷切肉盤，煙三文魚，芝士，青口，翡翠螺，白蝦等。主菜亦都好豐富，包括牛扒，羊架，牛肋骨，手工意粉，意大利飯多個選擇！是日餐湯是西蘭花忌廉湯🥣新鮮的西蘭花打成蓉，配上香濃的忌廉湯，味道濃郁而且有口感，滑滑啲。經典黑胡椒芝士手工意粉意粉可以揀雞肉/蝦/帶子（三選一），我今次揀左帶子，採用香煎的手法，外層焦香，食落鮮嫩可口，扁意粉因為手工製作，咬落新鮮又彈牙，上菜時侍應會加上即磨的芝士片，份量唔少，撈勻食好正。自家製蜜糖煙燻伊比利亞黑毛豚肉配牛油飯侍應上菜時，會呈現煙燻的效果，揭起蓋的時候會聞到煙燻的香氣，黑毛豚肉肥瘦均勻，口感好嫩滑，配上蜜糖香味，有啲似叉燒嘅感覺，配搭牛油飯好夾，呢道菜式真係好有驚喜。最後還配上一杯即磨咖啡☕️真係大滿足😌

今日試咗一個好正嘅半自助晚餐！💝豐富的主菜選擇黑湯匙豆腐配三文魚子盛盒賣相精緻二令我喜歡。滑嫩的豆腐與粒粒分明的三文魚子交織出細膩的層次感。💝帶子黑胡椒手工意粉手工製作的意粉彈牙，兩點是服務員即時撤出幼嫩濃郁的芝士而且份量十分多，帶子鮮甜大粒。💝自助餐區，琳瑯滿目從清新的紅菜頭、南瓜沙律、蘋果沙律，到富含蛋白質的吞拿魚長通粉、甜蝦、螺、青口、煙三文魚，再到烤三色椒、車厘茄水牛芝士，食材品質的嚴格把控與巧妙搭配。不論是輕盈清爽的沙律還是濃郁鮮美的海鮮，每一口都是味蕾的享受。💝甜點壓軸，濃郁醉人Brownie 雪糕經酒燒過後，散發出濃濃的酒香，濃厚的巧克力與雪糕的絲滑相互融合，正！

紅花蟹肉意大利飯每粒飯都包裹住濃郁蟹湯，非常Creamy！食落啖啖蟹肉，可加上蘑菇口感極之完美💥～ 鹹蛋卡邦尼QQ彈簧麵將傳統意粉玩出新高度🍝，鹹蛋黃醬掛滿每條彈牙麵條，非常驚喜，超級好食，邪惡度爆錶😈！ 蜜糖煙燻伊比利亞黑毛豚肉成塊粉嫩嫩🐷，蜜糖脆皮閃閃發亮，切開肉汁四溢，配搭吸滿煙燻香嘅牛油飯，食到舔舔脷👅～ 香煎馬友一夜干外皮煎得香脆如紙🐟，魚肉卻保持蒜瓣狀嫩滑，中東小米吸收晒魚油精華，口感似珍珠飯但更清爽～ 蕃茄忌廉汁海鮮意粉用新鮮蕃茄熬製嘅醬汁酸甜開胃🍅，忌廉令口感更順滑，配搭肥美帶子同青口，海鮮份量慷慨，帶子煎到外脆內嫩🔥，青口鮮甜冇沙，意粉al dente口感完美～ ！餐廳優惠！加$88任飲紅白酒超划算🍷House White果香明亮配海鮮一流

觀塘有半自助餐菜國菜餐廳，海鮮和沙律為自助區，加上餐湯和主菜，不怕食量細，吃不下自助餐所有菜式，確實又是一個不錯的選擇。餐廳就在觀塘商業大廈之內，有別於工廠區內，餐廳地方不算大，座位充足，環境舒適，以半自助型式，包場辧活動都不錯，餐廳還有9拆優惠。自助區有沙律，海鮮有翡翠螺、青口、白蝦，主菜有10款菜式選擇，跟餐湯和餐飲，收費 HKD328/人。甜品需另收費，這夜有不少食客慶生，配上甜品火焰焦糖燉蛋，用紙包著甜品，待點著火，燒了外圍包裝，看見焦糖燉蛋，又多份驚喜。自助區沙律款式都不少，最愛泰式牛肉，酸酸辣辣很開胃，還有凍肉和煙三文魚，配上新鮮沙律菜都不錯。海鮮當中翡翠螺、青口、白蝦，全部都很新鮮，翡翠螺還帶點海水鮮味，青口和蝦都好味。海鮮周打魚湯，先來一客餐湯，湯中還能喝出海鮮鮮味。黑湯匙豆腐配三文魚子酥皮盒，香脆酥皮盒配上麻辣味豆腐和鮮味滿滿三文魚子，風味十足。自家製蜜糖煙燻伊比利亞黑毛豚肉配牛油飯，是餐廳新出菜式。黑毛豬豚肉用了蜜糖煙燻，肉味變得更香，配上牛油飯而吃，豚肉油脂香把飯味變得多了風味。個個餐都有餐茶一杯，熱咖啡和凍檸檬茶，味道都不錯。

這可能不是您去過的最宏偉的地方，但它擁有您所需的一切 - 一個一尘不染的開放式廚房結合半自助餐廳，以其多樣性和烹飪技藝使客人眼花繚亂。目睹廚師在您面前炮製美味佳餚，當您等待您豐盛的一餐時... 在另一端，一個奢華的自助餐吸引著您，提供琳琅滿目的美食 - 從色彩繽紛的沙拉到多汁的海鮮美食，如肥美的大蝦和豐腴的淡菜，為用餐體驗增添健康的味道。我們點的菜包括......〘 鹹蛋卡邦尼QQ彈簧麵〙體驗這款奢華的鹹蛋卡邦尼QQ彈簧麵，這是一種融合了傳統與創新的佳餚，由巧手製作而成 - 這款卡邦尼QQ彈簧麵體現了工藝遺產。可選擇三種獨特口味 - 享受精心調製的鹹蛋口味、傳統的卡邦尼醬或選擇創新的抹茶口味。等待您的是完美的韌度，與蔬菜和蘑菇的混合完美融合。〘 自家製蜜糖煙燻伊比利亞黑毛豚肉配牛油飯 〙品味這道精緻的自家製蜜糖煙燻伊比利亞黑毛豚肉配牛油飯，這是一道引人入勝的烹飪杰作，撩動著您的味蕾。高級的伊比利亞黑毛豚肉，奢華地注入了精致的蜜糖香氣，覆蓋在完美的牛油飯上。盛放在玻璃罩內，這道菜以戲劇性的姿態吸引您，煙霧纏繞著肉，賦予其多層次的風味，真正無與倫比。緊記 — 現在包場有九折！把握機會和朋友