Paper & Coffee

喺中大行萬倫學生中心2樓入邊嘅paper and coffee Cafe已經想試好耐！以大學嘅Cafe嚟講水準非常高！日式餐有唔同嘅選擇，我今日就揀咗野菜加雞扒！我朋友就揀咗野菜飯加法式牛肉！野菜係好多唔同嘅雜菜新鮮高質素，但個人口味覺得太清淡，加咗一啲鹽之後就即刻變得好好味！其他餸包括豆腐，煎雞扒都值得推薦，今日未試傳說中嘅炸雞，下次可以試！法式牛肉都有驚喜，而且份量所有份量都好多，十分抵食！最出色嘅應該係咖啡啦，估唔到一杯加$25鮮奶咖啡本身嘅咖啡豆好香！但係傳說中嘅甜品Tiramisu我就覺得失準啦，之前見到人哋嘅相片係非常之大件，點知原來係比較細件，而且冇咖啡酒味！呢個可以唔使試！總括嚟講都係一間好有水準嘅Cafe ！…查看更多

講喺中大好食嘅嘢, 依間一定上榜！內部餐廳嘅裝修係日式嘅, 文青風, 感覺十分舒適！ 佢好抵食呀所以都唔少人去！如果午餐時間去嘅話就好多人要排隊！但我都覺得值得！即刻睇相！又大碗又抵食, CP值爆燈🥹…查看更多

喺中大入面 lunch time都好多人幫襯咁啱可以坐到榻榻米位 好chill😎自助形式 飲品另外加錢旬之野菜飯Set ($28)按唔同餸再加唔同價錢 最多揀3個餸炸雞 ($14) + 揚出豆腐 ($19)勁大嚿炸雞 配蜜糖芥末醬 正～豆腐都有炸過 配個甜芡都唔錯配埋唔同嘅野菜 成個感覺即刻健康左🤣第二個叫左壽喜燒牛肉 ($23) + 炸蝦 ($19)壽喜燒牛肉就冇咩特別 食囉好似sukiya 咁炸蝦有三條 配沙律醬 炸得好脆 好食👍🏼…查看更多

當年小編都係parttime學生🥹🥹🥹🥹根本冇機會食到佢既lunch🥹所以通常都係食dinner為主！不過夜晚就比較少要等位既情況～～～～但係要話樣可惜既野比大家知！晚餐係冇午餐既咖哩同咖啡供應架🥲🥲🥲🥲🥲🍛 滑蛋雞肉親子丼 $42睇相就知其實晚餐都非常吸引☺️跟餐有埋沙律同餐湯送，都係幾大碗下🤓滑蛋雞肉親子丼超級好入口，連埋珍珠飯，正呀😚😚😚呢個其實都好值得試啊🥲🥹…查看更多

日式風味裝修有榻榻米，有供叉電插頭。最出名就係野菜飯，同埋炸雞。炸雞可以揀唔同嘅醬汁，最好食就係柚子沙律，再加一粒溫泉蛋。酸酸嘅柚子汁，配搭脆口嘅炸雞，肥而不膩。再加上一杯摩卡咖啡，十分香濃。…查看更多