Pandan Queen Popcornholics

營業中

休息中

其實好耐之前已經知道有呢一間店想試，咁啱前幾日屋企人話好想食斑斕千層糕，我就醒起過幾日去觀塘，諗起呢間鋪即刻訂咗，都叫bookmark咗好耐，十分期待！不過喺網上訂購嘅時候，完成晒成個訂單都冇位俾人揀取貨日子，系統上呢一個問題令人有啲困惑，我係落咗單WhatsApp比付款證明嘅時候直接講想邊日拎。班蘭奶貝 $89@3超好食！係班蘭蛋糕夾椰子味cream，蛋糕超濕潤鬆軟同時好香班蘭味，椰子cream味都好突出，兩個味道都好出但又唔會搶，或者比對方蓋過，平衡得非常之好！必食！我媽媽平時乜都話唔食唔試，呢一個佢食咗半舊好正，然後仲問可唔可以食多一半，知幾好味啦😏 不過少貴，$30細細舊。班蘭千層糕 $89@9就好失望喇，因為係為左佢而來，但真係唔好食。聞落有少少班蘭味，食落無乜味，全家一致認同合埋眼食會係完全唔知食緊咩。我即買即食都唔煙韌，偏硬爽個種口感，返屋企叮完翻熱淋返少少，但都係絕對唔煙韌。都係貴，成$10一片，唔講味道黎講都較薄同細。店員都好有禮，確認訂單圼主動講搭𨋢條隊可能會好長，介紹有貨𨋢可以搭。取貨時都態度好好，介紹存放方式。會再幫襯買奶貝同蛋糕，但千層就希望會改善啦(或者係咁

原本想買俾媽咪當下午茶點心，點知我自己私心一口接一口，3件一次過KO晒🤭💚呢款來自Pandan Queen嘅東南亞甜品真係名不虛傳！👇🥥 斑蘭椰汁千層糕特色：•每層糕都煙韌彈牙，口感超滿足•帶有天然斑蘭香氣，淡淡植物清香唔造作•配合香濃椰汁，甜而不膩，甜度剛剛好💯•色澤分明又靚，打卡一流又唔會扮晒野👵👧 老少咸宜，啱哂送人或自己獎勵下甜甜的心情～食完真係會仲想問：「點解我而家先識得佢？」🥲

見網評話椰汁班蘭千層糕好食，經過入去望下，買左黎試，覺得一般，反而佢嘅拖肥糖好好食！買左三隻味一包試，每隻味道都好出色！介紹埋比朋友試都話好好食！👍🏻👍🏻👍🏻👍🏻👍🏻👍🏻

班蘭奶貝這個奶貝令我念念不忘，質地輕盈、濕潤和有獨特的香蘭味道，輕盈柔軟，入口即溶。與店長了解，他們用上新鮮班蘭汁制作，香氣非常迷人，讓整個蛋糕充滿了熱帶感，絕不添加任何香精，十分誘人。甜度適中，不會過於膩口，適合作為下午茶或聚會中的甜品，都是一個不錯的選擇。Pandan Queen Popcornholics (觀塘)觀塘開源道60號駱駝漆大廈第三座8樓J室賣相：★★★★★口感：★★★★☆環境 ：★★★★☆整體評分：★★★★★#班蘭奶貝#美食推薦 #美食日記 #唔食唔知腸胃好#foodiefatty #foodie #foodies #foodiehk #foodiehkig #foodiephotograph#939439_foodiehk

Super Chewy Kueh Lapis Pandan!@pandanqueen Pandan Queen📍8J Block 3 Camel Paint Building 60 Hoi Yuen Road Kwun Tong𝑻𝒐𝒅𝒂𝒚’𝒔 𝑷𝒊𝒄𝒌𝒔:🥥🌿 斑蘭椰汁千層糕 Kueh Lapis PandanPandan Queen 斑蘭椰汁千層糕：滿滿東南亞風味的甜品佳作！呢款斑蘭椰汁千層糕每一層都散發住誘人嘅斑蘭香味，煙韌有嚼勁嘅口感，令人一口接一口停唔低！🥥 香濃嘅椰汁味配合淡雅嘅斑蘭香，味道清新細膩，甜度啱啱好，唔會過於膩口，真係老少咸宜。✨呢款斑蘭椰汁千層糕真心推介！🤤甜品迷一定要試！🌿🥥✨

我去左兩次，第一次做開野經過駱駝柒大廈，諗住去碰運氣。去到先發現椰汁糕一定要訂。好彩買到件裝班蘭蛋糕。之後，拎左卡片， WhatsApp 訂了椰汁糕和爆谷。預計會再去官塘開會，開完會就行過去。由apm 經鱷魚恤中心落開源道直行，大概 5～6分鐘。去到3期有兩部𨋢，兩次去到都係有好多人排部低層𨋢，好彩第一次時管理員叫我行入裡面搭高啲層數果部，無人排，但要等。班蘭椰汁千層糕 （5件裝）（$55）個包裝好靚，裡面每件再有膠紙包住，好方便直接用手食 。一打開個盒已經聞到椰汁味。個 texture 真係好柔軟。好重椰汁味，但唔係太甜。食落似綠茶味，有一種回甘。班蘭蛋糕單件裝 （$32）texture 好軟熟，有班蘭味，唔甜。咖啡焦糖爆谷（罐裝）（$89）正常發揮的 comfort food。我覺得椰汁糕必試，睇番佢社交平台 ，因為係人手工整，放耐左就唔好食，所以一定要訂。記得先 WhatsApp 店主預訂。

社交平台睇到foodie介紹，之前上過嚟一次，原來太多人買導致門店冇晒現貨！終於而家訂到盒九件裝嘅椰汁糕同奶貝。食過咁多間椰汁糕，呢度最好味最正宗，唔會太甜，煙靭有口感，層層分明明唔會黏埋一舊 ，唔怪得多人買到要預訂！另外試咗佢個奶貝都幾特別，中間嘅cream唔會好散口感幾特別，啱晒做下午茶配咖啡除此之外，門店亦都有試食，佢個合桃酥亦都係招牌，買嚟送禮或者口痕嘅時候食最啱！見佢嚟緊聖誕節都有節日限定嘅禮盒裝，一定會再幫襯！

早排收工去完觀塘駱駝漆大廈食野見到呢間新開甜品店有我鍾意食既班蘭蛋糕同千層糕😍身為班蘭控既我點可以唔試下！佢地主打天然班蘭戚風蛋糕、班蘭雲石戚風蛋糕、班蘭奶貝蛋糕、班蘭椰汁脆卷及班蘭椰汁千層糕。每日新鮮製造，無加添色素及香精👍🏻🌴🥥班蘭椰汁千層糕5件 椰香突出，口感煙韌又唔黏牙甜度仲岩岩好，連媽咪都覺得好味 🍰班蘭女王戚風蛋糕超輕盈口感！而且散發清新班蘭味，又香又Soft食完完全唔會覺得有罪惡感🤣班蘭控既朋友仔都快D去試下啦 📍Pandanqueen地址: 觀塘開源道60號駱駝漆大廈第三座8樓J室

唔係朋友請我食呢間shop出品斑蘭蛋糕，長居大西北既我基本上無可能知道佢地既存在食蛋糕有時唔係一日半日可以消化哂放係雪橿一日半日最常見蛋糕雪到硬實實，反而分三日食仍然依舊鬆軟，相信用既材料唔差佢地位處於駱鸵漆大厦look佢地社交平台經常三點末夠斑蘭糕，蛋糕都係秒速沽清斑蘭控之前仲收到老闆娘親自送中秋賀禮，估唔到d雪花酥入口即化，忍唔住買$250. 3盒自私食Btw老闆娘好靚女🤣🤣🤣喜歡試小店既網友不妨試下

由於我老公就黎生日, 所以就諗住放工去附近睇下有咩餅店賣蛋糕。就係無聊search之際, 竟然俾我係openrice見到呢間pandan Queen, 因為我老公好鍾意食班蘭蛋糕, 所以即刻WhatsApp店主班蘭蛋糕有冇現貨買, 好彩有貨, 放工即刻過去。店主真係好有heart, 佢放左唔同既產品俾客人試食, 所以我試食之後, 就買左一個班蘭蛋糕, 一盒班蘭椰汁糕同一盒班蘭奶貝蛋糕。首先分享下佢地既班蘭椰汁糕, 我唔係呢啲糕點既fans, 但呢個糕真係好好味, 唔係太甜同埋夠煙靭, 真係做到可以一層層分開黎食, 正!!呢個班蘭奶貝蛋糕, 真係超級好味!!!! 佢中間層cream勁creamy, 同埋夠厚....夾住佈滿椰絲既班蘭蛋糕, 口感一流。最後就係重點班蘭蛋糕,  其實我地都試過好幾間係香港出品既班蘭蛋糕, 真係暫時得佢呢間做到新加坡既口味, 蛋糕唔係太甜, 同埋好鬆軟....鬆軟真係蛋糕既靈魂!!!所以真係行過路過唔好錯過, 強烈推薦鍾意班蘭既朋友!! 支持小店

香港少見班蘭甜品專門店，門店位於觀塘駱駝漆大廈，全部甜品每日新鮮製造，包裝精美，送禮或自用都一流，班蘭控朝聖店!! 🌴- 班蘭椰汁千層糕5件 HK$55 🌴🥥天然香氣超清新!!手工千層糕一層一層蒸製，班蘭香氣天然又清新，與清香椰汁層互相輝映，味道微甜剛樂，口感香滑又軟糯，值得慢慢細味品嚐!!- 班蘭奶貝蛋糕3件 HK$85 🌴🥥🍰超輕盈口感!!班蘭蛋糕本體雲朵般輕盈，散發清新班蘭香氣，配上清甜椰子奶油夾心，輕柔可愛。表面大量椰絲椰香突出同時添加口感層次，非常滿足!!

經過駱駝漆俾佢嘅人潮吸引咗入嚟試咗店主推介嘅斑斕奶貝同椰汁糕超有驚喜！椰汁糕好煙靭同埋甜度啱啱好斑斕奶貝真係大推椰奶香好出 同埋蛋糕超濕潤非常好食！係有食完唔夠喉嘅感覺

母親節咁特別的日子, 當然要嚴選一間品質優越的蛋糕店 , 為至愛及辛苦的母親慶祝一下！❤️❤️❤️ 今年我選了在官塘駱駝漆三期新開的店鋪, 他們主打斑蘭食品！主廚人係新加坡人, 所以斑蘭食物超級正宗！每日人手整做, 蛋糕既新鮮又唔甜, 淨係睇個樣已經非常吸引, 而且價錢合理, 6磅蛋糕只是$498, 抵呀！下次父親節一定又係你Popcornholics🤩🤩🤩🤩

這間在官塘駱駝漆三期新開的正宗新加坡食品小店, 由2020網店做起, 主打斑斕蛋糕, 斑爛椰汁糕, 仲有不同酥類產品, 如合桃酥, 腰果酥, 月形酥等等！每逢節日提供不同精美禮盒包裝！最近推出新産品斑斕奶貝蛋糕, 一盒三件, 堅新鮮堅斑爛味,又不是太甜！ 大人細路都鐘意, 而且價錢合理, 保証食過之後一定時常掛住它！久不久忍唔住又跑去官塘幫襯！斑斕控的我, 暫時仲未搵到一間好味過佢的店！真係大大力推介🤩🤩🤩🤩🤩🤩

母親大人生日不能Hea辨，今年希望買到特色的生日蛋糕。集團經營的大同小異，不是母親大人杯茶。早前到駱駝漆8樓買撻，看見對面新開一間裝潢高級的餅舖，於是入內看看。主打班蘭蛋糕及爆谷，店員落力推介。試了黑朱古力爆谷，爆谷佈滿濃郁朱古力並帶點點鹽味，口感鬆脆可口。味蕾已經完全沒有反抗能力，銀包乖乖地投了一票。返到屋企瀏覽該店的網站，原來有訂製蛋糕。眼球已經被淺紫色的香芋忌廉蛋糕吸引著，加上芋頭中的抗性澱粉十分有益，有助控制血糖和體重。感覺這個蛋糕比較健康，所以立即訂購了。終於等到母親大人的大日子來臨，大家熱切的眼神期待食蛋糕。淺紫色的外表是吸引及高貴的，香芋蓉頂層放有幾顆骰子形香芋粒，內層3層紫色海綿蛋糕，每層相間忌廉香芋蓉。忌廉香芋蓉很輕身，不油膩沒有飽滯的感覺。海綿蛋糕濕潤不乾身蛋味濃，配合香濃芋泥餡料同食，只屬微甜級別，同時帶出不同層次味道及口感。屋企人一致激讚﹗最後仲免費贈送生日插牌和蠟燭，好貼心。