Palco Ristorante (已搬遷)

住喺附近，唔上openrice真係唔知青年廣場原來係有野食~一早book左位，7點黎到~我地一行8人~所以就嗌哂5款既set dinner不過份量就真係比較小，但味道係唔錯既 特別係個豬手同扒，鮑魚仔既意粉，都好食，細細仔鮑魚仔意大利飯個味又唔會太濃，正！！叫左個香辣蒜蓉蜆肉意粉，好香口，不過就唔辣，都有好多蜆肉  但係好細碟另外再叫左個Mushroon United，啱啱好一人一件，呢個都係staff推介既 其實本人平時係唔會太刻意叫茹類既野食，但係呢個好香口，正！！整體係唔錯，特別日子都會考慮黎呢度 P.S.服務態度好好，呢樣真係要讚，特別係高級d既staff :)…查看更多

復活節假期最後一日，竟然會去到柴灣郊遊，無幾可去到東區。未齊人先與友人去了青年廣場的Palco醫肚, 聽聞是金牌經理人Paco開的。因為on the way才book檯，只安排到偏門口的檯。位置還可，只是冷氣略為不夠。坐底後店員好快斟水及遞上Menu及餐包。Set Lunch 都有好幾個選擇，都包含了餐包，湯，沙律，主菜，咖啡或茶。餐包外脆內軟，略為乾身及淡口，加上牛油比較好。是日餐湯是忌廉雜菜湯，將忌廉及雜菜打到蓉，滑身得黎又有少少蓉的咬口，味道很不錯。飲湯時想落少少PEPPER, 但檯面上的PEPPER好似出不到想去隔離未有人的檯拿, 店員9秒9就意識到即刻拎過來, 勁! 沙律可以選蜜糖芥末子醬或油醋汁，我跟友人覺選一款汁。可是菜有少少苦澀味，兩個汁配都麻麻地。。。我點的主菜是香煎美國安格斯西冷牛扒伴芝士焗薯配黑椒汁 HK$132 (SET), 要求了7成熟, 中間的OK, 只是邊位有少少overcook, 都幾大塊, 牛肉算嫩, 切開仍然是紅紅的, 配上黑椒汁不錯~店員好主動問是否需要mustard, 可是偏酸...反而芝士焗薯有驚喜! 初初以為是一個切開的焗薯上面有半溶芝士, 原來是千層芝士焗薯, 一層芝士一層薯片, 又幾好, 不會整個焗薯般heavy!友人的主菜是辣肉腸鮮蝦蕃茄乾意大利飯 HK$85 (SET), 落單時店員會細心查問意大利飯的硬度要求呢! 上檯時好香, 蝦亦很大隻很爽口, 我試了幾舊菇, 同飯一樣好入味呢! 很不錯~反而咖啡檸茶只屬普通之作, 同樣不夠濃...好'清'!…查看更多

有幾次經過柴灣地鐵站，都看到青年廣場，但就未曾踏足，是晚鬆弛說來這裡吃飯，沒想到原來有家評價不俗的餐廳。我們七點多入座時只有大概四成滿，但半個鐘後就坐滿了，要不是鬆弛事先訂了位，可能吃不到，。 晚市套餐有五款選擇，也可以散點，套餐包括沙律、餐湯、主菜、甜品與餐飲，價錢介乎二百至三百之間，有意粉、意大利飯，也有肉類。我的首選當然是意粉，而鬆弛就在魚和豬手之間選了豬手，因為浸煮豬手這個煮法聽起來挺特別。周打蜆湯。湯不會太杰身，都挺足料，有薯仔粒、蜆肉等等，如果忌廉再濃一點和熱一點就更好。伴湯的麵包有麵包脆片和軟身麵包，麵包脆片偏硬了點，反而比較喜歡另一款外脆內軟的麵包，與橄欖油和黑醋更對味。巴馬火腿沙律。沙律醬汁可以自選黑醋汁或蜜糖芥末汁，我們都要了蜜糖芥末汁，沙律菜夠清爽，雖然巴馬火腿只是薄薄一片只也算有鹹香，整體不錯。鮑魚意粉。比較少吃到鮑魚與意粉這個配搭，三隻鮑魚仔炆煮得很入味又夠腍身，意粉比一般坊間的煮得硬身一點，更有咬口，雖則覺得鮑魚與意粉並沒完全融合在一起，但以味道來說的確是不錯。豬手。以浸煮的方法把豬手浸熟，豬手肉質軟腍，鹹度適中，配上特製的酸菜，也挺好吃的，另外伴碟的黑松露薯蓉也很幼滑富薯味。甜品是朱古力慕絲蛋糕，朱古力味很濃郁，不會太甜，一件的份量吃著吃著也不少，所以雖好吃但也實在吃不下了。餐飲要了檸檬茶方便消滯，可是我那杯熱檸檬茶實有夠很澀，結果喝了一口就放棄了。吃甜品時遇上友人，真沒想到會在這裡見面，因為他們都住得比較遠，竟也特意來這裡吃晚餐，原來是其他朋友介紹而來的。門口看到很多黃栢高及明星們與廚師的合照，心想這裡應該是頗有人氣的，下次再來的話還是要先訂位吧。…查看更多

其實我同屋企人都食左好多次食物水準一直都保持到特別係肉眼扒同埋個舊千層薯蓉龍魚只係間唔中有腥味湯亦都係次次唔同 一飲就知就真材實料但綜合食左咁多次 我對於服務方面真係好有意見希望老闆可以注意一下客人一坐低就放麪包落泥似乎有欠禮貌 重點係我同屋企人都鍾意同湯一齊食個包 有好幾次叫佢拎番走個餐包 陣間同湯一齊泥既時候 侍應都黑哂面咁對住我地（有個中等高度瘦削黑黑地既男侍應同埋一個棕色頭髮戴眼鏡既女仔）落湯又好大力咁放落張枱 一間高級餐廳即使有幾好既食物 服務水平同侍應既態度可以去到比茶餐廳咁差既水平 希望palco真係可以留意下…查看更多

上星期六起身唔知食乜好，之前去青年廣場食板長壽司經過Ｐａｌｃｏ，見佢個午餐餐牌ｄ菜式唔錯，又唔貴，就打去試下有無位，好彩仲有檯就去試下。午餐ｓｅｔ包括是日餐湯，沙律，主材同飲品，由＄８５　－＄１３５　＋１０％，加＄１０仲有甜品添。　老公點左Risotto ＄８５, 我就點左牛扒＄１３５，加埋甜品加一都係＄２６４，超值，一定會再去呀。…查看更多