影片
營業時間
今日營業
09:00 - 19:00
星期一至二
09:00 - 19:00
星期三
全日休息
星期四至日
09:00 - 19:00
以上資料只供參考, 請與餐廳確認詳情
平日堂食、外賣都有食呢間。多數都叫太陽蛋煙肉pancake, 有時會加牛油果、雞胸做配菜。其實叫過好多次，漏配菜試過幾次，所以今日打開個外賣都好怕又漏咗野。不負眾望，牛油果又係無出現。首先我唯有去外賣平台申請退款，上次平台客服教我要揀邊個主菜漏左配菜就揀果一個主菜做退款申請，無得就咁選擇退配菜嘅費用。做完呢個動作我就打去餐廳問，餐廳話留個電話俾佢，調查完會打俾我。一收左線隔左幾分鐘，餐廳拒絕我嘅退款。Ok. 明白嘅因為係漏配菜嘛。但係佢拒絕完係無打俾我嘅。於是我又主動打去了解，由同一女店員聽。又係輕輕交低句因只係漏配菜，退唔到錢。講完一大輪，我因為都唔想再叫呢間外賣（實在無心情再同佢地跟進，漏野次數太多，每次都係話下次再食嘅時候打俾佢佢會補返俾我），我選擇叫店員退個牛油果錢，店員話會再安排。等左好奈店家都無退，再打去了解，店員今次態度已經唔同晒，仲要用係正常人都感受到佢扮有禮貌但實際唔想同你講野嘅語氣回應。店員話今日內退o 唔ok，我再追問即係幾點佢先問7點前得唔得。點解漏左野好似我要求佢俾返我咁？結果15分鐘後退咗牛油果錢。好奇一問，撳退款拒絕掣可以咁快手，宜家呢個年頭用網上轉帳咗方便30秒可以處理到嘅野你又唔做。我都俾左我可接受嘅費用去享用貴餐廳嘅食物，假日都係想開心少少食個靚少少嘅早餐。為左漏野，我每次都要影食物相，影單據，又要打俾店家又同平台講，其實到呢刻都已經無晒mood，食物又凍埋。仲要個平台客服只會同你講非常抱歉，但幫唔到手解決問題淨係話會反映返。我作為俾左錢果個，係咪店家漏左野反而要我去suffer? 得到呢間餐廳咁趕客嘅處理態度同方案，真係多謝你趕走左我，雖然我知你唔志在我呢啲細單。而想外賣cafe食物睇食評嘅你，可以考慮其他餐廳了，因為佢個外賣盒會好似盲盒咁驚喜。
繼續閱讀
見到網上好評的豆腐芝士蛋糕，所以去試吓，果然出色，很軟滑，入口即融，值得試吓！因是午餐時間所以點了大蝦牛油果莎莎原味比高包配蕃薯條及慢煮雞胸炒蛋配黑松露醬酸種包配薯條，飲品是檸檬汽泡咖啡及奶油黑咖啡；大蝦爽口鮮甜、牛油果配上蕃茄醬很清新，雞胸炒蛋配的黑松露醬的酸種包也美味，麪包烘的少少脆，蕃薯條及薯條也香脆；檸檬氣泡咖啡味道適中，而奶油黑咖啡就酸了點，用的咖啡豆偏酸；但座位比較擠迫及不夠冷氣，有點悶熱！
繼續閱讀
見到咁多好評去試下，但體驗好差食物：黑松露意粉 咸到食唔到 上面個黑松露醬仲有少少酸 好奇怪 如果唔係加咗個炒蛋乜都冇得食坐位: 超逼，最大個問題係嘰員工唔識做，牆邊4張2人枱，分左2張2人位，中間4人位，我近窗個張，中間個4人位就入左6個人，6人入面2個小學生，張長凳原本坐4個宜家坐6個，勁唔舒服，完全唔明點解個侍應會咁樣安排，都唔阻止，完全enjoy 唔到個lunch，快快脆脆走人所以，服務: 差
繼續閱讀
Around 15 mins walk to the metro station. it’s a really small and crowded places, around 15 people sit closely in around 200 ft. area. Quite uncomfortable because of no privacy and not chill at all. No restrooms, no place to wash hands. The service is slow, only one guy cooking, so you need to wait a long time to get your food ready. The funny thing is that when the food comes, most of people finish drinks. And the food quality doesn’t worth waiting so long.
繼續閱讀
見網上好多人介紹，就試一試佢！周六1pm去到要等2張枱，好彩好快有人走。店內只有12個位，門外2枱位置，裝修有點殘，而家較迫。由於人手不多，order完需要等耐少少。食物選擇不多，但有質素。⎑慢煮雞胸自家製青醬意粉 $98有驚喜，性價比高⸜♡⸝ 青醬係新鮮打成，好fresh，唔會油淋淋，雞胸好嫩滑，唔怪之得差唔多每枱都order，必試ᵎᵎᵎ⎑All day breakfast $138 好豐富，有齊三文魚、腸仔、煙肉、蘑菇、蛋、蔬菜，酸種包外脆內軟。⎑豆腐芝士蛋糕 $49完全唔膩既芝士蛋糕，入口有濃濃豆腐味，好似無咁邪惡，可以食多幾啖𖦞⎑Lemonade $42⎑Matcha Tonic $50Vwalk 都開左分店，環境裝修比原店更舒適，建議大家想試可以去分店會更加享受。
繼續閱讀