影片
營業時間
今日營業
11:00 - 22:30
星期一至五
11:00 - 22:30
星期六至日
10:30 - 22:30
公眾假期
10:30 - 22:30
以上資料只供參考, 請與餐廳確認詳情
經過Owens見到佢出咗黑芝麻甜品，芝麻控嘅我即刻狗衝去食😚-佢個餐牌係咁嘅，叫一個主食會包埋沙律或者甜品以及飲品😚而且價錢相宜，如果想叫其他小食係有優惠價，同埋真係幾抵😂👏🏻🌟法式蟹肉龍蝦湯 $38呢個係額外升級嘅，要加+$38🧡如果飲返本身個餐湯係唔使加錢㗎🫶🏽濃郁嘅龍蝦香味撲鼻而來，湯底creamy得嚟又唔會膩，入面仲有蟹肉🥰🌟脆炸魷魚鬚 $38嚟到都幾大碟😍佢個炸粉係硬脆嗰一種，啲魷魚炸得金黃酥脆，咬落去「咔嚓」一聲，外脆內嫩，完全唔會韌，蘸少少沙律醬更加開胃🤤-🌟是日沙律沙律菜新鮮爽脆🌸口感豐富之餘又健康！ 🌟黃金蟹肉意大利飯 $128賣相幾靚，有成個蟹蓋仔喺入面，本身以為做裝飾，結果原來蟹蓋入面全部都係蟹肉，好驚喜🧡個醬汁調校得幾好😌飯粒煮得恰到好處，每一粒都掛滿金黃色嘅醬汁👏🏻飲品方面就叫咗檸檬茶，都幾大杯🌸🌟美國牛小排燒汁意大利飯 $132牛小排煎得外焦內嫩，大概五成熟，肉嫩有牛味，好食😋搞到下次想試吓牛扒！至於個飯咗好多菇菇，飯粒都係煮得恰到好處🥰飲品方面叫咗熱檸檬水🙌🏻🌟薯條三兄弟 $38絕對係誠意之作！推介俾薯條控😳薯條本身炸得香脆，但最正係嗰四款醬——黑松露沙律醬香氣撲鼻、明太子醬鹹香、芥末醬甜中帶啲刺激、茄汁經典穩陣，每一款都各有特色，而且份量真係超多，基本上淨係食薯條都食飽😲😵🌟黑芝麻提拉米蘇 $48之前食過開心果味已經覺得好出色😋呢個甜品面頭仲撒咗啲芝麻粉，黑芝麻味濃郁得嚟又唔會過甜，最正係底下麻糬白玉，QQ彈彈好好食😝-整體嚟講，同上一次一樣咁出色，同區嚟講價錢都算好抵食，推介🔥
繼續閱讀
相約到將軍澳中心友人吃飯，想找座位寬敞的西餐，於是來試試，溫馨裝修感覺舒適，雙人餐或晚餐的價錢都合理貼地水牛城雞翼 +$38水牛城的酸辣醬汁均勻地覆蓋整隻炸雞翼，雞肉嫩滑，每一口都惹味蒜蓉/芝士焗生蠔 +$68可選雙拼味道，蒜蓉味微辣，芝士味濃郁，我比較喜歡蒜蓉味，更能帶出生蠔的鮮味美國牛小排燒汁意大利飯 $132薄切牛小排口感軟嫩，牛肉味香濃，意大利飯軟硬適中美國安格斯肉眼牛扒 $228身為牛魔王，兩款主菜都點了牛肉，肉眼扒厚身帶嚼勁，肉味更香濃，配菜是炸薯仔粒和西蘭花，推介伯爵茶麻糬提拉米蘇 +$48牛角窩夫配雙色雙球雪糕 +$38提拉米蘇入口幼滑，伯爵茶味香濃，麻糬軟糯；牛角窩夫一上桌便聞到撲鼻的牛油香氣，兩款甜品都很出色沙律和薯仔煙肉忌廉湯晚餐包前菜，沙律菜新鮮，忌廉湯口感濃稠，味道香濃，兩道前菜打開味蕾檸檬柚子蜂蜜美式咖啡晚餐包多款冷熱飲都不用另外加錢，性價比高
繼續閱讀
今日我哋去咗將軍澳中心Owen’s 食午餐，呢度嘅午餐性價比好高，價錢非常平民，但係有高質西餐嘅質素我哋叫咗紐西蘭頂級肉眼牛扒同埋香烤雞扒全日早餐紐西蘭頂級肉眼牛扒可以配飯或意粉或薯菜，而且可以自行選擇牛扒熟度，我哋選擇咗五成，廚師控制熟度得宜，跟餐仲有餐湯或者沙律香烤雞扒全日早餐🍳勁大份勁抵食，有好大塊酸種麵包喺面頭，而且雞扒非常嫩滑，仲有法蘭克福腸、烤啡菇、烤蕃茄、黑松露炒蛋同埋哈密瓜、沙律🥗！更餐仲有湯同埋飲品🍸！呢個餐湯係南瓜湯，南瓜湯好Creamy好濃郁！飲品我哋叫咗芒果奶昔同埋鮮蘋果汁而且仲有多款蛋糕雪糕、小食可以以優惠價加配蜜糖雞翼四隻$38牛角窩夫配雙色雙球雪糕（ 細朱雲) $38法式焦糖燉蛋$38就係加配嘅🌟🌟🌟🌟🌟🫶🏻勁抵🚩🚩🚩😆最後我哋仲叫咗一個日本櫻花蝦千島夏威夷薄餅（七吋）都只係$62呢一餐食咗咁多嘢都係$500，超級抵食，非常推介將軍澳之友嚟試下~佢哋平日午市人流都好多！就證明性價比真係好高
繼續閱讀
將軍澳 Popcorn 可能聽得多，其實未有Popcorn之前，大家都係去將軍澳中心搵食。呢度有大量餐廳，加上不少商店，無論行街定搵食都一樣得。其中一間走簡約cafe路線，環境幾舒服，鹹甜食物都多選擇，望住甜品櫃既甜品係幾吸引。柑橘伯爵茶蛋糕賣相討好，伴碟花心思，適合外協打咭。入口有驚喜，幾香伯爵茶味，整體出品不比餅店遜色。朱古力心太軟配雪糕外層脆，流心澎湃，七彩脆脆夠搶眼，口感豐富，配埋雪糕，感覺更完整。香蕉朱古力奶昔奶昔幼滑濃厚，朱古力味中間會滲出淡淡蕉香。日本63度溫泉蛋卡邦尼闊條麵卡邦尼醬汁加溫泉蛋夠晒霸道，闊條麵正好”食”盡醬汁，一路食闊條麵都會感受到豐富既味道。美國安格斯肉眼牛扒牛扒都幾大件，建議五成熟，感覺剛好，底下有飽肚薯菜。薯條三兄弟薯條一開三變三兄弟，香脆可口，配以四款不同醬汁。芝士 / 蒜蓉焗扇貝有啲估唔到有得食焗扇貝，無論芝士定蒜蓉都落足料，扇貝亦大隻厚肉。
繼續閱讀
將軍澳真係越來越多野食，呢一間我覺得食物同服務都幾值得推介喔～今次試咗佢嘅 2人餐$484.0✅蒜蓉/芝士焗生蠔(4隻)我揀咗 2芝士2蒜蓉，生蠔好大隻即叫即焗熱辣辣🤩蒜蓉好香口，芝士又有拉絲，兩款都推薦✅西班牙海鮮飯海鮮飯好入味，飯質地軟硬適中，有青口，蝦同魷魚，幾好味架✅香煎比目魚柳扒賣相好靚，魚扒好厚身冇骨，而且會將魚皮煎到好脆，正呀✅水牛城雞翼(4隻) $38.0真心係香港食到算比較正宗嘅水牛城雞翼，酸同辣有balance到，汁唔會好稀，顏色都係呢隻色，雞翼好香口，大推👍🏻✅意式白酒煮蜆 $38.0蜆好鮮甜無沙，白酒汁超好味好濃郁，如果有意粉配埋一流😍✅牛角窩夫配雪糕(2份）跟餐配甜品，每人一份整得好靚，窩夫好香脆，配上雲尼拿雪糕，唔錯喔✅黑芝麻提拉米蘇 @$48.0大家一定一定要叫呢個黑芝麻提拉米蘇，賣相好靚打卡一流🥰黑芝麻好香口，Tiramisu 唔會搶過黑芝麻味道，唔會好甜，大推！✅(凍)檸檬水+(凍)檸檬柚子蜂蜜順帶一提店員服務好有禮貌，收碗碟超快，差唔多每一兩道菜會換碟同加水，值得一讚👍🏻#將軍澳 #將軍澳美食 #香港cafe #拍拖餐廳 #打卡餐廳 #tko #hkfood #將軍澳西餐 #將軍澳中心 #parkcentral #parkcentralfood
繼續閱讀