影片
港鐵灣仔站 A3 出口, 步行約6分鐘; 灣仔舊街市內
繼續閱讀
電話號碼
65114051
開飯介紹
OVOCAFE是健康素食餐廳，菜式夠light夠健康。店內佈置得像花園一樣，落足心思。
繼續閱讀
附加資料
外賣自取9折
營業時間
今日營業
11:30 - 21:30
星期一至日
11:30 - 21:30
*最後落單時間:20:45
以上資料只供參考, 請與餐廳確認詳情
有關獎賞計劃
相關文章
🌳十年前讀書時期，熊妹經常係灣仔出入，已經留意到位於灣仔舊街巿主打素食的《OVO Cafe》。近排唔想食肉，就醒起呢間素食cafe，今日就拉埋樹熊來拜訪一下。📌素食餐廳以花草樹木🌲做裝飾，有好多一盆盆盆栽🪴同鮮花💐，用餐之餘都可以賞花，令人感覺舒適休閑。📌Dinner set 包餐湯，沙律，小食，主菜同飲品，有漢堡、意粉、湯麵、燉飯等等，價錢$178-$198，收加一，全套包咁多野食，晚餐黎講真心抵食。乾鍋菜花，$58一餐飯，一定要有菜纖維，乾鍋花菜平時係川菜食店就見得多，cafe都有，熊妹就必點喇。椰菜花炒得好乾身又爽口，一啲都唔老，灑上好多川辣粉，西式Cafe都食草四川麻辣嘅味道，真係好搞笑🤣鹽酥素雞脾+川辣杏鮑菇，$68用上腐皮包住嘅素雞，食落啲質感都幾似肉，唔係豆腐渣咁，杏鮑菇炸到內裏鎖住菇汁，大大嚿好滿足，仲有幾片蝦片做襯托，成盤拼盤份量都唔少。OVO沙嗲薄餅，$118薄餅係脆薄嘅脆片底，面頭嘅鋪滿芝士同埋素肉，用上帶甜的沙爹汁，最主要每一切件上面都放了一片青瓜，連埋一齊食就會比較清新解膩，呢個配搭做得唔錯。黑椒天貝漢堡（晚餐），$178素食的漢貝用上素食食材天貝，加上一大塊菠蘿同生菜，麵包係意大利軟包，成個漢堡軟綿綿，好唔係食肉，第一次食漢堡包唔感覺膩滯。是日餐湯餐湯係磨菇湯，打碎的粒粒磨菇夠足料，湯質濃稠。雜果沙律有沙律菜，火龍果，蕃茄仔芒果等等，撈埋和風沙律汁，前菜沙律嚟講份量都唔少。花枝魚餅小食選了花枝魚餅，跟餐小食都有3塊，點泰式辣醬，套餐連埋小食係抵食。荔枝梳打，跟餐半價，$20📌非常舒適休閒的素食餐廳，樓底夠高空間感十足，光鮮明亮嘅裝修設計，配合新鮮嘅花草樹木，成件事賞心悅目，《OVO Cafe》係非常好Hea嘅一間素食咖啡店。
繼續閱讀
時不時都會嚟呢間素食西餐廳，呢晚就帶朋友嚟試下，比佢體驗吓素食都可以係西式！佢都覺得真假（肉）難辨，話好食👍🏻樓底高，放滿優雅嘅園藝盆栽植物，好似喺一個田園用餐咁，好人感覺放鬆～Dinner set 有8款選擇， $200內包是日餐湯、鮮果沙律、一款小食及是日飲品（原價飲品半價） ：小食揀咗《花枝魚餅》同《鹽酥素雞髀》魚餅好彈牙，素雞髀用腐片用，我覺得好食過真嘅😆🌱🍔《 純素Impossible - Meat漢堡（五辛） 💲198 》 呢款個包同芝士都係素🧀 漢堡肉咬開粉嫩，有「肉汁」，好像真！ 🫖《 熱七色花茶 💲29 (正價$58） 》用上七種唔同嘅花茶泡浸，啱晒選擇困難症嘅我～茶味香濃～🌱🍛 《 日式咖哩吉列豬扒飯（辣）💲188 》「豬扒」香脆，「肉質」好稔，日式咖喱微辣香甜，混有薯仔肉、甘荀肉，撈埋煙煙韌韌嘅珍珠飯食好正～ 🍌《 香蕉奶昔 💲24 (正價$48） 》用鮮果打製，味道特別fresh~ 有加一
繼續閱讀
近排食得太多肉，想食番清淡啲，於是就同朋友去揾下素食餐廳。之後，發現依間裝修佈置好似植物園既素食cafe，覺得都幾特別就去試下！凍薄荷朱古力豆奶入口順滑，薄荷味好清新，感覺清爽唔肥膩，朱古力味亦好濃郁，鐘意薄荷朱古力既朋友仔可以試下。凍西柚汁西柚汁好清爽好適合夏天飲用，味道唔會太甜略帶微酸，十分解渴開胃。鮮果沙律沙律有火龍果、芒果同菠蘿等新鮮水果，望落色彩繽紛，食落又新鮮又香甜，十分清新。沙律菜亦好新鮮！鹽酥素雞脾外表整得好似雞脾形狀，賣相幾得意。金黃酥脆既外皮包裹著腐皮做既素雞，食落幾有口感幾好味。紫薯甘栗餅金黃色既餅皮超級酥脆，內餡好綿密，食得出甘栗香甜味。口感香脆可口，唔會油膩！竹炭 Impossible Meat 漢堡漢堡包面好鬆脆，竹炭獨特既黑色令漢堡包好打卡，以漢堡扒係用Impossible Meat 做，即係素食漢堡扒，超級厚切又juicy!一啲都唔會輸比用真肉做既漢堡扒！麵線蝦腐乳扁意粉意粉幾彈牙，蝦都係素食尼，食落幾爽口，味道幾似春卷。腐乳味既意粉都係第一次食，感覺幾特別好fusion，醬汁都好濃厚有微微鹹香，意粉都好掛醬汁，食落唔會太鹹。朱古力香蕉西多士配雪糕球賣相擺盤幾靚又吸引！雖然幾邪惡，但又幾好食！西多士外脆內軟，中間仲有層朱古力醬！朱古力與香蕉同香蕉超夾，雪糕冷凍感覺，夾埋西多一齊食，一凍一熱增加左口感層次。
繼續閱讀
又揾素食餐廳lu😚一入去見到環境真係好靚，裝修充滿花花草草🪴同自然光，樓底高，幾光猛。日式咖喱吉列豬扒飯（辣）配熱桂圓紅棗茶 $188佢地嘅伴素晚餐set包左一湯一沙律一小食一主食同飲品。六邊型嘅小碗好精緻👏餐湯足料，但比較清淡；沙律好足料！有芒果西瓜火龍果etc, 水果好清甜，揀得好好真係驚喜！🫰小食揀左鹽酥素雞髀，咁當然唔係真雞髀啦🤣，係用腐皮捲埋一齊，味道真係鹽酥味，好味！主食素豬扒幾大塊，炸得金黃酥脆，有真豬扒嘅口感同味道👍🏻配上微辣嘅日式咖喱，濃郁又唔會太重。熱桂圓紅棗茶暖笠笠，甜度適中又養生😙青醬芝士菠菜意大利雲吞配凍西柚汁 $188餐湯同沙律係一樣，小食揀咗花枝魚餅，魚餅有嚼勁，花枝粒增加層次👍🏻👍🏻 主食菠菜同芝士餡料好creamy🤩青醬香氣濃郁，入口滿滿青草味同奶香唔膩，食落完全唔似素食！凍西柚汁清新酸甜，冰涼好refresh。朱古力心太軟配雲呢拿雪糕球 $70朱古力心太軟熱辣辣，切開有濃郁朱古力漿流出，甜度啱啱好，配上雲呢拿雪糕球，冷熱交錯好有層次☺️ 記得心太軟係蛋奶素（menu有列明）結論（幾個幫襯嘅重點）🫰日式咖喱「豬扒」同青醬雲吞超有驚喜，素食都咁好味！ 🫰環境好靚，上碟快又精緻好味度：8.6/10
繼續閱讀
🌿鬧市中的綠洲：OVO素食餐廳🌿好友帶我嚟到OVO素食餐廳，呢度嘅裝修真係好靚！滿滿嘅園藝盆栽植物，簡直似係置身綠田園中，喺呢度用餐，真係好舒服。好似鬧市中的世外桃源👍🏻👍🏻！樓底高、冷氣十足，再加埋花草裝飾，環境真係優美到不得了食物質素上，真係有驚喜！OVO Cafe係香港少有嘅「綠色素食咖啡廳」，以簡約自然風格為主☘️，結合環保理念同健康飲食，提供多款純素（vegan）同蛋奶素食選擇。室內裝潢用木系同植物，加埋鮮花💐點綴，營造出清新舒適嘅用餐氛圍，對於追求健康生活或者鐘意打卡📸嘅文青一族嚟講，真係非常合適。同朋友去咗食Lunch，人流幾多，記得Book位先去！我試咗Impossible肉醬扁意粉🍝Impossible肉無論外觀定味道都同真肉冇分別🧡，就連我呢個鍾意食肉嘅人都覺得呢個意粉幾唔錯！！💠花枝魚餅配泰式辣醬，食落口感同味道都同平時食開嘅花枝魚餅無分別🥰，一樣香口、有咬口，好味道啊～💠熱桂圓紅棗茶跟餐有得，岩曬我呢啲養生人士🥰😂，係茶包款嘅桂圓紅棗茶，味道OK💕正正常常總結，OVO Cafe真係唔錯，約朋友一齊去試下啦～
繼續閱讀
您可能會有興趣的...